خبز الزبادي المنفوخ،طريقة عمل طريقة عمل خبز الزبادي،خبز الزبادي الطري
حبايبى الحلوين اخباركم ايه يا رب تكونوا بخير جيبالكم بقى وصفة عيش تجنن https://up.3almc.com/uploads/3almik....0998921275.jpg ما شاء الله اللهم بارك شايفين الجمال شايفين هش و يجنن ازاى و لا اللون بقى https://up.3almc.com/uploads/3almik....0998892194.jpg أظن الصور بتتكلم لوحدها و قولوا باى باى لافران بجد عجينه روعه هش و ناعم و يتأكل حاف من حلاوته مقادير سهله جدا و بسيطه و نتيجه مضمونه بإذن الله ان شاء الله تجربوه و يعجبكم و ماتنسونيش فى دعوه حلوه خبز الزبادى الرهيييييب على طريقتى المقادير : المقدار داه بيعمل كميه كويسه و طبعا تقدروا تضاعفوا الكميه براحتكم نصف كيلو دقيق بيتزا و مخبوزات او جميع الاغراض يعنى حوالى من ظ£ و ظ،/ظ¢ إلى ظ¤ كوب دقيق م ك خميرة فورية م ص سكر علبه زبادى كبيره وزن الواحده حوالى ظ،ظ¦ظ* جرام يعنى حوالى ثلاث اربع كوب ملح كوب و ربع ماء دافئ أو لبن اللى هو الحليب دافئ أو خليط من الاتنين و داه اللى انا عملته للعجن اكتر أو اقل حسب العجينة ما تلم معانا خليط دهان الوجه : صفار بيضه و شويه لبن و رشة قهوه سريعة الذوبان أو كام نقطه خل للوجه : سمسم و حبة البركة الطريقة : هنجيب بوله و نحط فيها شويه من اللبن و المياه الدافيين و الخميره و السكر و نقلبهم كويس و نغطيهم و نسيبهم ربع ساعه يتفاعلوا مع بعض و بعدين هنضيفلهم الزبادى و نقلب و بعدين هنضيف الدقيق اللى عليه الملح بالتدريج بالتبادل مع اللبن و المياه الدافيين لغايت العجينه ما تلم معانا و تبقى ناعمه و ملساء و لازم نعجنها كويس مش اقل من ظ§ دقايق و بنغطيها و بنسيبها تخمر لغايت ما يتضاعف حجمها و بعدين بناخدها و بنقسمها لكور حسب حجم الرغيف اللى احنا عايزينه و بنغطي الكور و نسيبهم يرتاحوا حوالى ربع ساعه و بعدين بناخد كل كوره و نفردها بشكل دائرى و بنخلص الكميه كلها و بنسيبهم يرتاحوا مره كمان قبل الخبز حوالى نصف ساعه و بنغطيهم علشان وشهم ماينشفش و بعدين بندهنهم بخليط الدهن بالراحه علشان ما نوقعش التخمير و نرش عالوش سمسم و حبه البركه و ندخلهم فرن سخن على الرف اللى فى النص و ممكن عالصاجه برضو عادى بس ناخد بالنا علشان مايتلسعش مننا على درجه حرارة 200 لغايت ما يستوا و ينتفخوا و ياخدوا لون حلو و لو عايزين العيش طرى اول ما يطلع من الفرن بنديله كام بخه مياه و نغطيه بفوطه نظيفة و لو عايزينه مقرمش يبقى مش هنغطيه و بعد ما يبرد بنحتفظ بيه فى أكياس بلاستيك محكمه الغلق و بالهنا و الشفا https://up.3almc.com/uploads/3almik....0998787821.jpg https://up.3almc.com/uploads/3almik....0998792682.jpg https://up.3almc.com/uploads/3almik....0998879753.jpg https://up.3almc.com/uploads/3almik....0998892194.jpg https://up.3almc.com/uploads/3almik....0998921275.jpg https://up.3almc.com/uploads/3almik....0998941246.jpg |
الساعة الآن 07:22 PM. |
Powered by vBulletin Version 3.8.8 Alpha 1
Copyright ©2000 - 2024, Jelsoft Enterprises Ltd
Trans
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.