منتدي عالمك - رساله هامة الى كل ام,رسالة مهمة للأمهات

https://www.iltelaiodipenelope.it/ma...tty/jv0s2v.gif https://www.iltelaiodipenelope.it/ma...tty/jv0s2v.gif https://www.iltelaiodipenelope.it/ma...tty/jv0s2v.gif https://www.iltelaiodipenelope.it/ma...tty/jv0s2v.gif
رسالتي للأمهات :
وده اهم رسالة عايزه اقوها بالله عليكم خلي بنتك هي هي اختك وصحبتك كمان .
متعمليش فارق طبقي بينك وبين بنتك .
خليكي بالطفك ومحبتك ومودتك اقرب الناس لبنتك .
خليكي انتي الانسانة الي بنتك يوم ما تكون مضيقة او زعلانة القلب
الي يطبطب عليها ويوجها وينصحها .
خديها معاكي مشاويرك لو عايزه تشتري هدوم خديها معاكي واطلبي رايها .
العبوا مع بعض خليها معاكي في المطبخ تساعدك وخليكي دائما مبتسمة في وشها

حتقولوا ليه بتقولي كده عشان للاسف الامهات النهارده بقى في فجوة بينها وبين بنتها
فبقت بنتها تروح تحكي اسرارها لصحبتها او لصاحبها .
الي الله اعلم هما دمغهم وتفكيرهم صح ول لا لا سيما انهم كأصحاب
في نفس المرحلة العمرية فبتالي خبراتهم في الحياة بسيطة
ليه كاتبه الموضوع ده كمية البنات الي الي للاسف الشاب الالي
مش لاقية مسمى ليه غير ذئب بيفضل يغوي البنت ده ويبين
ليها انه طيب ويقولها كلام انتي زي اختي
( خصوصا لما البنت بتلاقي البيت بقى ممل وامها مش مهتمية بيها وابوها طول الوقت بره )
البنت للاسف بقلبها الطيب بتصدق الشاب ويبدا وحدة وحدة
يجرجرها للفاحشة والعياذ بالله
( في صحيح شباب كويس ومتربي لكن دائما ناخد قول سيدنا محمد
ما جتمع رجل وامراءة الا كان الشيطان ثالثهما )
خصوصا مجتمع الكلية يامهات
بقى كمية الفتن فيه كبيرة .
ارجوكم مش معنى كلامي تمنعي بنتك انها تكمل تعليمها لا
ربيها انها تحافظ على نفسها وتعف نفسها عن الحرام
مينفعش يوصل الهزار ( وده موقف كنت شايفاه بنفسي ) ولد اخد شنطة
زميلته وفتحها عايز يشوف فيها ايه .
الغريب رد فعل البنت الغلابانه سبته يشوف شنطتها .
البنت كانت محجبة وشكلها من اصل طيب بس لا حول لها ولا قوة

وفي بنت مرة قالتلي زميلها بيبوسها . وبيمسك ايديها .
لاحول ولا قوة الا بالله . فسالتها عن باباها امها قالت مطلقين وامها
مش مهتمية بيها سيباها لا بتسأل اخبار الكليه ايه ولا اي اهتمام .
شوفتوا الكوراث بتبدا من ايه . من الاسرة
وفي الشباب الي بيتجاوز كل الحدود الادب وكلنا بنشوف كده للاسف
في الطريق في المواصلات بيحط ايده على كتفها وفي الي بيحضنها .
لو شاف من البنت رد فعل غاضب عمره ما حيعمل كده .
عشان كده ربي بنتك انها تكون صارمة وتعرف توقف اي شخص يتجاوز حدوده معها .
ربيها انها تعف نفسها عن الحرام وتلبس لابس محتشم مايبينش جسمها عشان متبقاش
في فرصة للي ما يسواش يقرب لها . وانه ربنا شيفنا ومطلع على اعمالنا
نفتكر كويس قول رسول الله
( تركت فيكم ما ان تمسكتم به لن تضلوا بعدي ابدا كتاب الله وسنتي
التربية ثم التربية ثم التربية .
قربي لبنتك ومتخليش مهما كان شئ يخليكي كأم تخاصمي بنتك
او تقولي ليها كلام زي مش طيقاكي غوري البنت حتكره تتكلم معاكي
وحتكون النهاية تقع في حب شخص عايز يشبع نزواته وخلاص لاقدر الله
( البنت محتاجة منك كأم وكاخت كبرى ومن ابوها خمس مجاملات يوميا )
في مرحلة الخطوبة اياكي تسمحي لبنتك تروح بره مع خطيبها لاي سبب
كان لوحدهم لازم تكوني معاها كعيلة لكن غير مسموح لللبنت تخرج
مع خطيبها لوحدهم . لازم الاسرتين او احد من الاسرتين يكونوا معاهم
يأمهات انتبهوا :
بناتكم امانه في رقابكم - بناتكم امانة في رقابكم - بناتكم امانة في رقابكم .....
فحافظوا عليهم بتربيتهم تربية صالحة ــ وصونوهم بالتيسير في الزواج ــ وكونوا لبناتكم قدوة حسنة
https://www.iltelaiodipenelope.it/ma...tty/jv0s2v.gif https://www.iltelaiodipenelope.it/ma...tty/jv0s2v.gif https://www.iltelaiodipenelope.it/ma...tty/jv0s2v.gif