منتدي عالمك - طريقه عمل الزيتون المخلل يا جمالو بتاع زمان على اصوله

الزيتون المخلل وجمالو
هو اليومين دول كتير في السواق وسعرة كويس انا جبت 2ك ونصف زيتون عزيزي
الفرق بين العزيزي والتفاحي ان العزيز بيعيش طول السنه مش بيجروله حاجه ماعلينا مع الزيتون جبت نصف
ك جزر نصف ك شطة نصف ك ليمون نصف ك فلفل احمر بخمسة ج حبة البركة
وزيهم عصفر وكيس ونصف ملح وشوية فصوص توم مقشرة وسليم
نقول الطريقة
شرحت الزيتون ونقعتة في الميه لمده ثلاث او اربع ايام واغير علي الميه مرتين مرة الصبح ومرة بليل
وبعد كده بشرت الجزر وضربت الفلفل الأحمر في الخلاط بشوية ميه وخلطت الجزر والعصفور
وحبة البركة والملح كلة علي بعض وبعدين ضفتهم علي الزيتون والفلفل وحطتهم في البرطمان
وعملت نصف الليمون في الخلاط ضربتة وحطيتة علي الزيتون وكنت غاليه ميه وسبتها تبرد
وزودتها علي الزيتون ومعلقة سكر علشان الحفظ بتاع الزيتون وكمان مادة الحفظ اعصر ليمون
علي الوش واحط القشر علي الوش وكام فص ليمون وبكده يقعد معاكي من السنه للسنه
من غير مايجرلو حاجه واخر حاجه حبة زيت علي الوش علشان مش يعمل عفونه وكيس
اغطي بيه البرطمان واقفلة كويس ومش افتح علية الا بعد ٣او ٤ اسابيع وياااارب
الطريقة تعجبكم دعوة حلوة بقا علشان محتاجها اوووي بحبكم في الله
هنا والزيتون منقوع في المية كنت بغير عليه الصبح والمسا
https://up.kntosa.com/uploads/kntosa...1397818671.jpg
هنا بعد ماخلاص جاهز للتخليل
https://up.kntosa.com/uploads/kntosa...1400159131.jpg
وهنا الشطة الحارة اللي هحطها مع الزيتون هي والليمون
https://up.kntosa.com/uploads/kntosa...1403099881.jpg
وهنا خلطت عليه خلطة الحشو بتاعت الزيتون
https://up.kntosa.com/uploads/kntosa...1404854811.jpg
وده حبة البركة والعصفور
https://up.kntosa.com/uploads/kntosa...1408217431.jpg
وده الجزر المبشور
https://up.kntosa.com/uploads/kntosa...1140988121.jpg
وهنا كل الخلطة مع بعض الملح والشطة الحمرة المضروبة في الخلاط والجزر المبشور
وحبة البراكة والعصفور وحطيتهم علي الجزر
https://up.kntosa.com/uploads/kntosa...1411650291.jpg

https://up.kntosa.com/uploads/kntosa...1414230091.jpg

https://up.kntosa.com/uploads/kntosa...1414247492.jpg