منتدي عالمك - احلى طريقة لعمل الرقاق الطرى باللحمةالمفرومة.صينية رقاق بطريقه سهله.طريقة عمل الرقاق الطرى الفلاحى

https://www.iltelaiodipenelope.it/ma...kitty/th_2.gif https://www.iltelaiodipenelope.it/ma...kitty/th_2.gif https://www.iltelaiodipenelope.it/ma...kitty/th_2.gif
صينية رقاق بطريقه سهله وطعم احلى ومن غير تعب ولا بهدله
ازيكوا يابنات يارب تكونوا بخير
احنا عندنا بنحب الرقاق جدا بس انا باحس انه بياخد غلبه وبيكركب الدنيا
جت فى دماغى فكره حيث اننا بنحبه طرى اوى من جوه ومقرمش من بره وجربتها ونجحت جدا
وبقت هيه طريقتى السهله اللى باعملها على طول وان شاء الله تجربوها وتعجبكوا
طبعا احنا كنا متعودين اننا نبل الرقاق فى الشوربه او بالمعلقه ويطرطشنا او يتهرى فى ايدينا
انا بقى عملت ايه
طبعا المكونات العاديه
رقاق + شوربه +سمن او زبده +لحمه عصاج
https://up.3almc.com/uploads/3almc.n...2985933691.jpg
طبعا الشوربه مغليه وسخنه او اعملوا زيي وطول مانتوا شغالين
بيها سيبوها على نار واطيه علاخر
وهاندهن الصينيه سمنه او زبده
https://up.3almc.com/uploads/3almc.n...2886115941.jpg
وهانجيب اول رقاقه من غير مانبلها (رقاق ناشف بيقرمش عادى جدا )
ونحطها فى الصينيه
https://up.3almc.com/uploads/3almc.n...2985936452.jpg
والميزه هنا انك بتحطى الرقاقه وتكسري منها الزياده بسهوله
وتحطيها معاها بحيث انك تكملى الدايره
والرقاق ده خفيف جدا جدا لدرجة انى ماكنتش عارفه امسكه بيتكسر
فى ايدى بس عادى جدا كنت باحطه ببساطه
بعد ماتحطى الرقاقه ترشى عليها كبشة شوربه
طبعا الكبشه ماتكونش كبيره اوى وتكون مناسبه لحجم وسمك الرقاقه
انا هنا استخدمت كبشه مقاسها صغير علشان الرقاق خفيييف اوى
https://up.3almc.com/uploads/3almc.n...2886120252.jpg
وبعدين تحطى فوقيها رقاقه تانيه وبرضه كبشة شوربه
وماتقوليش اقلب الرقاقه وارش شوربه تانى لالالالا هيه من ناحيه واحده
لان كل واحده هاتتبل من الناحيه التانيه من اللى تحتيها
وهكذا
بس بعد كل 3 رقاقات نرش معلقة سمنه
https://up.3almc.com/uploads/3almc.n...2886122773.jpg
ونكرر العمليه لغاية مانوصل لنص عدد الرقاق اللى عندنا نحط اللحمه العصاج
https://up.3almc.com/uploads/3almc.n...2886125264.jpg
وبعدين نكمل باقى الرقاق لغاية مانخلص كل الكميه
https://up.3almc.com/uploads/3almc.n...2886128095.jpg
ودى اخر واحده بعد ماحطينا عليها الشوربه وطبعا نرش عالوش معلقة سمنه اوزبده
https://up.3almc.com/uploads/3almc.n...8861451311.jpg
وبعدين ندخلها الفرن على حراره عاليه
واهيه بعد ماتخرج شكلها يخض لانها بتعلى اوى
https://up.3almc.com/uploads/3almc.n...0288613076.jpg
لكن بعد ماتبرد بتهبط عادى ماتقلقوش
https://up.3almc.com/uploads/3almc.n...8861614612.jpg
وهنا قلبتها ...
انا باحب اعملها فى صينيه تيفال علشان اقلبها وتبقى مسطحه وشكلها حلو
https://up.3almc.com/uploads/3almc.n...2886133827.jpg
وهنا بعد ماقطعتها
https://up.3almc.com/uploads/3almc.n...0288613738.jpg
ودى حته طريه وجميله لاول بنوته هاتشوف الموضوع
https://up.3almc.com/uploads/3almc.n...0288613999.jpg
فى حركه بقى انا باحب اعملها جدا
بعد الغدا لما يتبقى رقاق باحب احط حتة سمنه صغيره فى الطاسه واحط
حتة الرقاق واغطيها واهدى النار
وبعد شويه اقلبها عالناحيه التانيه
https://up.3almc.com/uploads/3almc.n...8861428510.jpg
علشان تبقى مقرمشه اوى من بره وبتفضل طريه جدا من جوه
ووالله ساعات من قبل الغدا باعملها كده لانى بحبها جدا مقرمشه من بره وطريه من جوه
ان شاء الله لو جربتوها هاتعجبكوا
https://www.iltelaiodipenelope.it/ma...kitty/th_2.gif https://www.iltelaiodipenelope.it/ma...kitty/th_2.gif