منتدي عالمك - تكات الملوخية المجمدة.نصيحه للملوخيه المفرزنه

https://www.iltelaiodipenelope.it/ma...itty/th_17.gif https://www.iltelaiodipenelope.it/ma...itty/th_17.gif https://www.iltelaiodipenelope.it/ma...itty/th_17.gif
عارفين طبعا تجاربنا كلنا فى تفريز الملوخيه
وجربت كل الطرق وبااااااارضه ماعجبتنيش غير طريقتى
اللى هيه نغسل الملوخيه ونخرطها بالمخررررررررررطه ونحطها فى الشوربه وتغلى غلوه واحده ونسيبها تبرد ونحطها فى الفريزر
لان لما بنعملها فى الكبه او الخلاط بتبقى وحشه وبتطلع رغاوى كتير وبتمط زياده عن اللزوم
لكن انا لقيت الحل
انا كنت عملت احدى التجارب بتاعتى انى اغسلها واشيلها ورق سليم من غير اى حاجه ويوم ما طلعتها
كسرتها بايدى وهيه فى الكيس بسهوله طبعا وحطيتها فى الكبه او فى شفشق الخلاط مع شوية شوربه صغيرين علشان تلف ببس وطبعا طلعت رغوى كتييير طبعا ماكلناهاش
لكن بعد الغدا بفتره لقيتها زى الفل ومن غير رغاوى ولونها اخضر جميل طبعا فرحت وعملتها ملوخيه عادى جدا
وهيه دى النصيحه ماتقلقوش من الرغاوى والمط سيبوها نص ساعه بس وهاتلاقوها بقيت جميله
حتى بقيت اجيب الملوخيه المفرزنه الجاهزه واضربها فى الكبه او الخلاط لانها بتبقى خشنه جدا جدا واعملها بنفس الطريقه
بس ده فى وقت الزنقه بس لما يكون ماعنديش ملوخيه انا اللى مفرزاها
https://www.iltelaiodipenelope.it/ma...itty/th_17.gif https://www.iltelaiodipenelope.it/ma...itty/th_17.gif