صينية القرنبيط باللحمة المفرومة و البشاميل
صينية القرنبيط باللحمة المفرومة و البشاميل https://up.kntosa.com/uploads/kntosa...4761362617.jpg نهاركم زي العسل. اكلة سهلة و سريعة و مافيش اطعم منها. يلا نخش في الموضوع. المكونات بصلة متوسطة تتقطع حلقات و ملعقة سمنة و تتشوح لغاية ما تدبل و ننزل عليها باللحمة المفرومة و نقلب دقيقة لغاية بس ما اللحمة تغير لونها و بعدين ننزل بقطع القرنبيط المتقطعة قطع صغيرة و نقلب كويس و علي نار متوسطة نغطي الطاسة أو الحلة اللي بنعمل فيها العصاج مع القرنبيط و نسيبهم يستووا مع بعض لمدة ١٠ دقايق لغاية ما القرنبيط يطري شوية. نشيل القرنبيط و اللحمة و نفردهم في الصينية اللي هتدخل الفرن. في نفس الطاسة اللي عملنا فيها القرنبيط بالعصاج نحط ملعقة كبيرة سمنة مع ملعقتين كبار دقيق و نحمره شوية لغاية ما ياخد لون و بعدين ننزل علي الدقيق بلبن حليب أو كريمة لباني حسب المتوافر و نستمر في التقليب لغاية ما نحصل علي قوام بشاميل. نشيل البشاميل من علي النار و نسيبه ٥ دقايق يبرد و بعدين نقلب معاه بيضة. و انا كمان حاطط معاه فلفل أخضر بس ده اوبشن من اساسي للي حابب. نغطي الصينية بالبشاميل و ندخلها الفرن لغاية ما تاخد اللون الرائع ده. برضه اللي حابب يضيف موتزاريللا زي ما انا عملت هتعجبكم جدا ان شاء الله. بس الموتزاريللا بتتضاف قبل اكتمال السوا ب ٥ دقايق فقط علشان ما تتحرقش. ايه رأيكم في السهولة و الجمال ده. يلا جربوها بقي مالكوش حجة. و طبعا كالعادة اتفضلوا بسم الله. اشوفكم الموضوع الجاي ان شاء الله علي خير. قرنبيط بالبشاميل بدون لحم https://up.kntosa.com/uploads/kntosa...4761354091.jpg https://up.kntosa.com/uploads/kntosa...4761356422.jpg قرنبيط بالبشاميل صيامى https://up.kntosa.com/uploads/kntosa...4761357633.jpg طريقة القرنبيط بالبشاميل على قد الايد https://up.kntosa.com/uploads/kntosa...2476135884.jpg قرنبيط باللحمة المفرومة والصلصة https://up.kntosa.com/uploads/kntosa...4761360265.jpg قرنبيط بالبشاميل دايت https://up.kntosa.com/uploads/kntosa...4761361436.jpg قرنبيط بالفرن https://up.kntosa.com/uploads/kntosa...4761362617.jpg طريقة عمل القرنبيط باللحمة المفرومة فاطمة ابو حاتي https://up.kntosa.com/uploads/kntosa...4761364949.jpg https://up.kntosa.com/uploads/kntosa...7613662610.jpg https://up.kntosa.com/uploads/kntosa...7613678211.jpg |
الساعة الآن 08:15 AM. |
Powered by vBulletin Version 3.8.8 Alpha 1
Copyright ©2000 - 2024, Jelsoft Enterprises Ltd
Trans
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.