منتدي عالمك - مكرونة ال١٠ دقايق ( المكرونة الجوسي )

مكرونة ال١٠ دقايق ( المكرونة الجوسي )

الأكلة الأحب إلى قلبي
باعتباري كائن مكروني
https://up.kntosa.com/uploads/kntosa...2642115651.jpg
اليكم المقادير و الطريقة ( التفاصيل تحت كل صورة )....

هنجيب بصلاية (صفراء) كبيرة أو رأس ثوم كامل ..
أو ميكس بين الاتنين حسب الرغبة .. وفلفلاية الوان أو رومي
أو كلاهما حسب الرغبة.. و جزراية حسب الرغبة...
نقطعهم قطع صغيرة (وليس مفرومة) ونحطهم في الحلة زي الصورة...
ملحوظة: التقطيع صغير وليس مفروم عشان تبقى تيستي وطعمها محسوس
https://up.kntosa.com/uploads/kntosa...2623345381.jpg
هنضيف ٧٠٠-٨٠٠ جرام مكرونة حلق كبير
(عشان المكونات تخترق الحلق وتغوص جواها )
أو كيس ونص .. ونحطهم في الحلة مع اضافة كوب زيت او المقدار حسب الرغبة...
النار مش هتشتغل خالص الا في المرحلة اللي اتكلمت عليها
https://up.kntosa.com/uploads/kntosa...2627045651.jpg
هنضيف عصير الطماطم بعد عصره (الكمية حسب الرغبة)
هنا انا عصرت ٥ حبات طماطم من الحجم الوسط...
https://up.kntosa.com/uploads/kntosa...2631960741.jpg
التواااااابل بقى....
طبعا كل واحد يزوق الوجبة بالتوابل حسب الرغبة
انا شخصيا حطيت الاتي : ( ملح وفلفل اسود و بهارات "ال٧بهارات"
+ صوص صويا + نعناع ناشف مطحون + مكعب ماجي خضار + ٣ معالق كبيرة صلصة )
.... وبعدها يتم تقليب العظمة دي
https://up.kntosa.com/uploads/kntosa...2633712111.jpg
... ثم نضيف مياه لحد ما نغطي جميع المحتويات بمقدار عقلتين اصبع للانسان البالغ ..
ويتم التقليب.. ثم نفتح النار..
النار يا سادة في البداية على عين واسعة ونار عالية والحلة مكشوفة ...
ننتظر حتى تغلي المياه وتبقلل
https://up.kntosa.com/uploads/kntosa...2636647181.jpg
بعد المياه ما تغلي ... ننقل الحلة إلى العين الأصغر ونغطي الحلة ونهدي النار على الاخر ...
ثم ننتظر ربع ساعة .. نفتح ونقلب من تحت لفوق عشان التلزيق...
ثم نغطي الحلة ونتركها ١٥ دقيقة أخرى....
https://up.kntosa.com/uploads/kntosa...2638378671.jpg
عند اكتمال ٣٠ دقيقة بالتمام والكمال.. نفتح الغطاء ونقلب تاني
وهنا انت اللي هتقرر خلاص ولا محتاجة ٥ دقايق كمان..
هتحس بالجوسي وانت بتقلب.. ونطفي النار..
وتغرف أخلى طبق مكرونة جوسي في العالم
يممممممميييييييي
وبألف هنا وشفا عليكم
متنسوناش من الدعوات
طاب مساؤكم
https://up.kntosa.com/uploads/kntosa...2647967981.jpg

دي صورة المنتج اللي عاوزين نوصله ان شاء الله
https://up.kntosa.com/uploads/kntosa...2642115651.jpg