منتدي عالمك - يوم الشهيد المصري

https://www.iltelaiodipenelope.it/ma...th_2104nu5.gif https://www.iltelaiodipenelope.it/ma...th_2104nu5.gif https://www.iltelaiodipenelope.it/ma...th_2104nu5.gif https://www.iltelaiodipenelope.it/ma...th_2104nu5.gif
https://up.3almc.com/uploads/3almc.n...4598483311.jpg
كان الفريق المرحوم عبد المنعم رياض بيشرف بنفسه على الخطة المصرية لتدمير خط بارليف،
خلال حرب الاستنزاف..

و اتحدد يوم السبت 8 مارس 1969، اللي انطلقت فيه النيران المصرية بطول الجبهة، عشان تكبد العدو خسائر فادحة.. في أعنف اشتباك شهدته الجبهة، قبل الإنتصار التام في 1973.

و بالفعل بتتدمر مواقع للعدو بطول الخط.. و بتسقط عدة نقاط مدفعية إسرائيلية..

و في اليوم التالي، 9 مارس 1969، بيزور الفريق عبد المنعم الجبهة عشان يتابع الاشتباكات عن قرب.. و بيوصل لأكثر النقاط تقدماً علي الجانب المصري.. و كان بعيد عن مرمى النيران الإسرائيلية بحوالي 250 متر فحسب..

لكن الإسرائيليين كانوا جمعوا شتات نفسهم.. و بدأوا يفتحوا نيرانهم بالمقابل..
و بتتفتح أبواب الجحيم على الموقع رقم 6، اللي بيتواجد فيه الفريق عبد المنعم..
ما بيفكرش في الإنسحاب و لا التراجع.. بيمسك سلاح زي باقي الجنود و بيقود معركة وسط رجاله لمدة ساعتين تقريبا.. لحد ما بيتقصف الموقع بالمدفعية الإسرائيلية.. و بتسيل دماؤه الطاهرة على رمال سيناء..

بيتوفى متأثرا بجراحه.. بعد أكثر من 30 سنة قضاها في الخدمة بالقوات المسلحة المصرية..
استشهاد الفريق عبد المنعم كان مفجع لمصر و الوطن العربي بأكمله.. رثاه الملايين و خلده المرحوم أحمد فؤاد نجم في قصيدة باسمه قال فيها:

زعق الوابور ع السفر
انا قلت كان بدري
نعق الغراب ع الشجر
خطف الفراق بدري
جدع
ماشفناش جدع
فات فى البلد زيه
عيط عليه القمر
والنجمه فى البدري
يا نني عين البلد
يا ابن البلد يا عزيز
بكيت عيون الولد
والبنت والعواجيز
يا قلب مصر النقي
وقلب مصر بياض
عزيز علينا اللقا
بعد الفراق يا رياض
يا عتره الحراس
يا بو الادين تنباس
ياريتنى كنت معاك
وشربت نفس الكاس
و من يومها أصبح يوم 9 مارس هو "يوم الشهيد المصري"..
و بتحتفل به مصر كمل سنة.. بإنها بتكرم فيه كل الشهداء..
#يوم_الشهيد
#عظّم_شهيدك

https://www.iltelaiodipenelope.it/ma...th_2104nu5.gif https://www.iltelaiodipenelope.it/ma...th_2104nu5.gif https://www.iltelaiodipenelope.it/ma...th_2104nu5.gif