ميني دونتس ( عملته بجهاز الدونتس) خفيف وهش جدا
https://up.3almc.com/uploads/3almik....4202570751.jpg ميني دونتس ( عملته بجهاز الدونتس) خفيف وهش جدا مقادير دونات هشة ومنتفخة بالفرن : 2 كوب دقيق 2 بيضه معلقه صغيره فانليا 1/4 كوب سكر 3/4 كوب زيت كوب لبن وميا ( نص كوب ميا ونص كوب لبن ) معلقه كبيره بكينج بودر معلقه كبيره نشا رشه ملح طريقة عمل الدونات بسهولة : هنجيب الخلاط نحط فيه البيض والسكر والفانليا نضربهم كويس لحد مالونهم يبقي فاتح وبعدين والخلاط شغال ننزل من الغطا من فوق سربوب زيت لحد ما يختلط وننزل السوائل ( اللبن والميا) برضه بالتدريج .. هنخلط المواد الجافه مع بعض ( الدقيق والبكينج بودر ومعلقه النشا ورشه الملح) وننزل الدقيق بالمعلقه ف الخلاط برضه وهو شغال لحد ما القوام يتقل ويبقي اخف سنه من قوام الكيكه طريقه التسويه الدونات زي المطاعم : هنشغل جهاز الدونتس لحد ما يسخن واللمبه الخضرا تفصل نعرف انه سخن هننزل بالمعلقه في عيون القالب بتاعت الدونتس لحد ما نخلصهم ونقفل عليه بعد نص دقيقه هنلاقيه اتنفخ لما اطرافه تحمر ساعتها نقلبه ب الخله بتاعت الشيش طاووق هيتقلب ومنغطيش تاني عشان الجزء اللي هيبقي فوق هيكون بقي دهبي خلاص نص دقيقه كمان وهيكون الجزء اللي تحت احمر تزيين الدونتس الاصلية : براحتكم ممكن يتاكل عادي لوحده خفيف جدا واحسن من المقلي وممكن نحطه ف لانش بوكس الولاد ك سناك في النص لو تزيين شكولاته نسيح شكولاته خام مع معلقه زيت ع بخار ماء وممكن شكولاته بيضا مع معلقه زيت او لوتس مع معلقه زيت( لمده 30 ثانيه ف الميكرويف) *الزيت بيدي لمعه حلوه للشكولاته وهوضحلكم ف الصور ازاي نزينه ونسيبه ف التلاجه ربع ساعه الشكولاته تمسك عليه وبالف هنا نشوف بقا الخطوات صنع الدونات حطيت البيض والسكر والفانليا ونخلطهم كويس لحد مالونهم يبقي فاتح https://up.3almc.com/uploads/3almik....4140573751.jpg يبقي كده https://up.3almc.com/uploads/3almik....4148623731.jpg ننزل بالزيت بالتدريج https://up.3almc.com/uploads/3almik....4151483091.jpg ننزل بالسوايل بالتدريج https://up.3almc.com/uploads/3almik....4155129571.jpg خليط المواد الجافة ننزل بمعلقه معلقه عشان ممكن مناخدش الكميه كلها بتختلف من نوع للتاني https://up.3almc.com/uploads/3almik....2415831611.jpg القوام يبقي كده https://up.3almc.com/uploads/3almik....2416152081.jpg نكون مسخنين الجهاز لحد مايسخن واللمبه الخضرا تفصل ننزل بالمعلقه كده ومنزودش عشان ميفورش برا الجهاز ويغرق الدنيا والشكل يبوظ https://up.3almc.com/uploads/3almik....4164694311.jpg هنقلبه بخله https://up.3almc.com/uploads/3almik....4168341081.jpg اتقلب عادي https://up.3almc.com/uploads/3almik....4170926341.jpg ع الناحيه التانيه قلبناها ومنغطيش تاني عشان يفضل ضهره مقرمش ميغمقش عن كده https://up.3almc.com/uploads/3almik....4174365821.jpg شكله من جوا مقرمشه من برا وهش من جوا https://up.3almc.com/uploads/3almik....4177171541.jpg نحط خله ف النص عشان نعرف نمسكه بيها https://up.3almc.com/uploads/3almik....2418019811.jpg غطينا وشه https://up.3almc.com/uploads/3almik....4182762411.jpg شكل تاني للتزيين والجزء الابيض نحط اي نوع تاني لوتس او شكولاته بيضا براحتكم https://up.3almc.com/uploads/3almik....4185910981.jpg نغطيها كلها https://up.3almc.com/uploads/3almik....4189258661.jpg نحطهم ع ورق زبده وندخله التلاجه يمسك شويه https://up.3almc.com/uploads/3almik....4191854421.jpg زووم بقي ع الحلاوه https://up.3almc.com/uploads/3almik....4195453091.jpg شويه الوان وسبرينكلز ملونه https://up.3almc.com/uploads/3almik....4199532661.jpg عظمه https://up.3almc.com/uploads/3almik....4202570751.jpg https://up.3almc.com/uploads/3almik....4206848891.jpg |
رد: ميني دونتس ( عملته بجهاز الدونتس) خفيف وهش جدا
شكرا لكم شكرا لكم
|
الساعة الآن 11:15 PM. |
Powered by vBulletin Version 3.8.8 Alpha 1
Copyright ©2000 - 2024, Jelsoft Enterprises Ltd
Trans
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.