منتدي عالمك - خطة شعبان,كيف نستقبل شعبان,شهر شعبان والعبادات فيه

https://up.3almc.com/uploads/3almc.n...4561138564.png

"خطة شعبان"

الإنسان بطبيعته لا يستطيع تغيير عاداته أو نظام يومه إلا فى 30:21يوم .

-ومعظمنا يجئ رمضان وهو عاوز يؤدى كل العبادات فيه فيمشى أول أسبوع تمام بعدها يكسل أو ينتكس ومش بيعمل أى حاجه
فهنبدأ من دلوقتى عشان رمضان يجى نكون مستعدين له

شعبان شهر السقى وقد قيل "فمن زرع الحبوب وما سقاها ..تأوه نادماً يوم الحصاد"

وعن أسامة بن زيد رضي الله عنهما قال: قلت: يا رسولَ الله، لم أرَك تصوم شهرًا مِن الشهور ما تصومُ مِن شعبان؟! قال: «ذلك شهرٌ يغفُل الناس عنه بين رجَب ورمضان، وهو شهرٌ تُرفَع فيه الأعمالُ إلى ربِّ العالمين، فأحبُّ أن يُرفَع عمِلي وأنا صائِم» (مسند أحمد وسُنن النسائي، وحسنه الألباني)

خد بالك أعمال السنة الهجرية كلها فانهيها حلو وابدأ السنة الجديدة بما يرضى ربك

اعمل جدول محاسبة بالأعمال دى مش هتلاقيها كتير خالص وحطه قدام سريرك أو مكتبك بحيث تشوفه دايماً فنبدأ باسم الله :

١-النية ، أصلح نيتك فى أى عمل و أبدأ الشهر بنية سليمة لله

٢- الصلوات المكتوبة -الفروض- لازم تكون على وقتها خصوصاً الفجر -مفيش فجر مفيش أجر-

٣-سنن الصلوات تقرب إلى الله بالنوافل - اثنين قبل الفجر وأربعة قبل الظهر واثنين بعده واثنين بعد المغرب واثنين بعد العشاء -
ومش تكسل فى سنن الظهر

٤-صلاة الضحى صلاة الأوابين صدقة عن مفاصل جسمك كله

٥-قيام الليل شرف المؤمن ركعتين فما أكثر ومننساش نختم اليوم بالوتر

٦-جلسة الشروق وما أدراك ما فضلها .من بعد الفجر أقعد أقرأ قرآن وقول الأذكار لحد شروق الشمس وليك أجر حجة وعمرة تامة ولو مرة واحدة فى الأسبوع

٧- ورد القرآن اليومى نحاول نخليه جزئين عشان نختم مرتين ومش هتقدر على قد استطاعتك وده ورد للحسنات مع لزوم الترتيل

٨-ورد قرآن تدبر ولو آية وفهم معناها مع العمل بيها

٩- الصيام : تقدر تصومه كله يبقى عظيم مش هتقدر يبقى يوم ويوم مش هتقدر يبقى اثنين وخميس و3أيام القمرية .. لا تحمل نفسك فوق طاقتها

١٠-أذكار الصباح والمساء والذكر المطلق طوال اليوم ..وقت ماتفتكر قول

١١- الصدقة ولو جنية فى اليوم -وأعطى منفقا خلفا -

١٢- بر الوالدين والإحسان إليهما اتمنالهم الرضا يرضوا

١٣- إدخال السرور على قلب مسلم من أحب الأعمال إلى الله

مهم جداً :
١٤- أصلح قلبك و داوى نفسك من أمراض القلوب

١٥- أعد لقلبك روحه الإيمانية وده بكتاب بسيط جداً "رد إلى روحى "

١٦- حدد سقيا قلبك يا قرآن يا أغانى يا أفلام يا دروس دينية الاتنين مع بعض دونت ميكس

١٧-اقفل التلفزيون خالص وابعد عنه وامسح الأغانى من موبايلك لله

١٨- أمسك عليك لسانك من شتيمه وغيبة ونميمة وكذب اعمل نفسك صامت

١٩- خد فرصة تتوب من ذنب بتعمله باستمرار واقطعه -بنطلون أغانى أفلام غيبة ونميمة ..إلخ-

٢٠-اعرف ربك بأسمائه الحسنى و الأحاديث القدسية وبالقرآن

٢١- الدعاء والتماس أوقات الإجابة والدعاء للمسلمين

٢٢-سلسلة رمضان قرب يلا نقرب هتفيدك جداً

٢٣- اللينكات فى الكومنتات

٢٤- والدال على الخير كفاعله وإن لم تنشره مش هتأخذ أجر

وهذا ودى مهام لازم تكون يوميه فى حياة المسلم وأنت حابب تزود زود

وزى ما قولت مش هيأثروا على دراستك ومن جعل رضا الله أول شئ ترتبت له باقى الأشياء

ولا تنسونى والمسلمين من دعائكم

-طبتم ياسكان الجنة
منقول

https://up.3almc.com/uploads/3almc.n...4561140316.png