منتدي عالمك - طريقة حفظ البقدونس والكزبرة والشبت فى الفريزر.حفظ الخضروات الورقية في الثلاجة2018.كيف اخزن الخضرة

https://up.3almec.com/uploads/3almec...5294926311.png
طريقة حفظ الخضرة لمده شهر وبتفضل خضرة زى ماهى
بصوا ياحبايب قلبى
طبعا فى رمضان لازم من الخضره
نحتاجها فى رشه كده على الوش بعد ما الاكل يستوى
انا طبعا بجيب حاجتى بالشهر ومن ضمنهم الخضرة
كلها سواء خضرة محشى جرجير كرفس كرات خس اى حاجة من دول
بحفظهم وبيقعدوا عندى شهر كامل وبيفضلوا والله خضر زى ماهما مافيهومش ورقة مصفرة
ولا بايظة وهتشوفوا بالصور اولا بقطع الخضرة عادى زى مانحب نستخدمها بس من غير مانغسلها
لو عاوزة تغسيلها الاول يبقى تسيبيها لحد ماتنشف خالص مايمونش فيها نقطة ماء
انا عن نفسى بقطعها من غير ماغسلها وبغسل الحبة اللى هستخدمهم وقتها بس
بيعنى بطلعهم من العلبة وانقعهم فى شوية ماء وخل لحد مااشوف هشتغل بيهم فى اى اكله
بعد ماقطعهم اجيب علبة تكون بتتقفل كويس واحط فى القاع بتاعها منديل مطبخ
واحط الخضرة او الخس واغطيه كويس قوى بمنديل تانى واقفل العلبة وسيبه بالتلاجة
وكل ماعاوز افتح العلبة واخد اللى عاوزاه واقفلها تانى
تعالو شوف عرفت طريقه جميله لحفظ الخضره اطول فتره ممكنه
بس لو المنديل اتبل من ايدك غيرى المنديل على طول هسيبكم مع الصور
https://up.3almec.com/uploads/3almec...8179593721.jpg
https://up.3almec.com/uploads/3almec...8179597762.jpg
https://up.3almec.com/uploads/3almec...8179601213.jpg
https://up.3almec.com/uploads/3almec...4881796034.jpg
الهدية بئى هى ايه
بما اننا بنات جدعه ومابنحبش نرمى اى حاجة فاللى جابت خضرة واصفرت ودبلت عندها تعمل ايه ترميها حرررررررررررررام ده غيرنا مش لاقى اللقمة
بصى ياستى هتجيبى طبق غويط وتحطى الخضرة الدبلانة بتاعتك وعليه معلقة كبيرة سكر ماتستغربوش ايوه سكر انا ماكتبتش غلط وماء
وسيبهم ساعتين او اكتر وارجعى شوفى المعجزة يابنتى انا على طول بعمل كده
لو جبت خضرة ونسيتها فى التلاجة والله الورقة بترجع خضرة تانى كانى لسه مشترياها
يالا جربوه وماتنسوش تدعولى
والا انتم عارفيم هعمل فيكم ايه مش لازم كل مرة اههددكم
https://up.3almec.com/uploads/3almec...5294944112.png