منتدي عالمك - طريقة صبغ الشعر باللون البني بطريقة احترافيه,وصفة لصبغ الشعر باللون البني الذهبي وجميع درجاته

https://up.3almik.com/uploads/3almik...1596890379.png
احترفي واصبغي شعرك كل درجات البني وحصرى
حبيباتي ازيكم
بناء على طلب الاسئله على الصبغه قررت اعمل موضوع كافي وافي ..
عشان تبقي بنوته شطوره ومحترفه فالصبغات

اللون البني له ميزه خطيره انه بيليق على كلل الوان البشره
بس البني البندقي الفاتح هو اللي بيحتاج بشره محمره عشان ميبهتهاش لانه قريب من النحاسي
هو الدرجه اللي قبل النحاسي علطول

وكبدايه اكتر سؤال بيتقال ايه افضل نوع صبغه؟؟؟؟ هعيد تالت
هصنفهم من الافضل للاسوأ من حيث الضرر
تشي بنزل صبغات خالي من الامونيا
والافضل خالي من الامونيا
غارنيه 22 الونها كتتتتتتتتير ودي ميزتها ومش بتنشف الشعر والغرنيه ناترل منها افضل
باليت 28 وفيه باليت معاها كيس ماسك ممتاز لان العاديه بتنشف
وانتي ونصيبك لان الالوان اللي هنا غير اللي هنا
كوليستون بتدي اللون بضمير شويه
بيرسونل ايجو كلهم زي بعض من وجهة نظري بينشفوا الشعر
وانتي اختاري اللي يناسب ظروفك.. وعلى حسب المتوفر بالاسواق

معلومه مهمه ..
الصبغه الخالي من الامونيا فتشي بتدي اللون ببطء
كذلك اللوريال وكل مكان النوع ارخص واكثر ضرر كل مكان النتيجه واسرع واقرب للمطلوب
لو شعرك مش تالف وبتساقط خليكي فالوسط غرنيه وكولستون وبلاش باليت الاغلب
رايهم انها لونها بينزل اسرع وبتنشف لو مش معاها الماسك

افضل اكسجين وبودره
الخاليين من الامونيا موجودين فتشي البنات بيبعوهم فقسم المول بس الكميات كبيره
او الامريكي موجودين عند سمير وليم فروكسي محطة سرايا القبه
او الايطالي وده الشائع من ماركه بيرسونل وايجو
او المصري

خطوة تفتيح الشعر خصوصا اللي عايزه اشقر فاتح او غامق...
الشعر وهو بيفتح بياخد مراحل ودي مراحله
اسود> بني غامق (شكولاته)>بني متوسط > بني البندقي (بني فاتح) > نحاسي غامق> نحاسي متوسط > نحاسي فاتح> دهبي غامق > دهبي فاتح> اشقر غامق>اشقر بيج > اشقر فاتح> تلجي >ابيض ربنا يكفينا شره

هوضح شكل الشعر بالصور لما بيتفتح ودي خطوه مههههمه للشعور العربيه الغالب
متكون الشعر من درجات اللون الاحمر والنحاسي وهوضح فالجي اكتر
ولازم تتعلميها عشان تصبغي اللون اللي يعجبك

طيب شعرك غامق اسود مثلا او اسود باهت واغلبنا ده لون شعرهم يبقى ....
دي مراحل والدرجات اللي هيمر بيها لو هتصبغي بني فاتح

هيبدا يفتح للون ده البني الغامق او بني شكولاته
https://up.3almik.com/uploads/3almik...3943451291.jpg
بعدها اللون البني البني المتوسط البني العادي
https://up.3almik.com/uploads/3almik...9466786321.jpg
البني البندقي او البني الفاتح
https://up.3almik.com/uploads/3almik...9478299941.jpg

وخلي بالك وانتي بتصبغي ليفتح ويخلص درجات البنيات
ويدخل عالنحاسيات يعني دي افتح درجات البني
https://up.3almik.com/uploads/3almik...9494603991.jpg
طيب ولو هتفتحي شعرك اكتر هيدي لون ايه .؟؟
هيدخل فدرجات النحاسي اللي اغلبنا بيترعب منها http://files.fatakat.com/smilies2012...luelesssad.gif
عالرغم من ان ناس بيحبوها ويقولوا عايزين لون شعر هويامhttp://files.fatakat.com/smilies2012...lheartkiss.gif
لانه بيليق عالبيض المحمرين زي هويام
وخلي بالك وانتي بتصبغي ليفتح ويخلص درجات البنيات ويدخل عالنحاسيات
ودي درجاته
بني نحاسي
https://up.3almik.com/uploads/3almik...9518049051.jpg
https://up.3almik.com/uploads/3almik...9523588861.jpg
لو هتفتحي اكتر هتعدي مراحل النحاسي بدرجاته ويبدا فالدهبيات
ولو افتح اكتر بيبدا فالاشقرات والوان الخصل والتلجي ودول هعملهم موضوع لوحده
بس وروني التقييمات والردود اللي تفتح النفس
هتقوليلي عايزه اللون البني الصافي ده
https://up.3almik.com/uploads/3almik...9540907931.jpg
https://up.3almik.com/uploads/3almik...9544011881.jpg
هقولك معلش ياقمر ده مش لينا ده للشقر اللي غمقوا شعرهم للبني فطبيعتهم
معندهمش درجات الاحمر والاورنج زي العرب

طيب خطوات خلط الصبغه والمقادير
لو فرضنا ان شعرك قصير عالكتف وغامق وقررتي تصبغيه اي درجة بني
تبقى دي المقادير
انبوب صبغه اشقر
((ويفضل اشقر رمادي.. عشان بيطفي النحاسيات شويه بيقرب البني من البني الصافي))
+++ 100 ملل بلسم اكسجين 40% ((مفيش يبقى 30% بس زودي البودره شويه
+++ كيس بودره تشقير زرقازي بلوند لانها للوجه فحنينة
عالشعر بتتباع من الصيدليه 10 ملل يملو تقريبا معلقة شاي
(( ويفضل بودره زيتوني مكتوب علي العلبه جرين عشان تطفي النحاسي))

*ولو شعرك اطول كمان قبل نص الظهر تزودي كمان نص الكميه
يعني الانبوب يبقى انبوب ونص وهكذا
*لو شعرك معدي نص الظهر او قبل النص بس تقيل
يبقى ضعفي الكميه يعني الانبوب يبقوا اتنين وهكذا

**وطبعا هتمري بالمراحل اللي شوفتوا صورها عند الدرجه
اللي عجباكي اغسلي شعرك بميه كتيييير وبعدها بلسم او حمام كريم

طيب لو شعرك بني متوسط وهتصبغيه بني فاتح ....
او هتختاري درجتين ولا تلاته افتح من لون شعرك
يبقى الغي البودره (( يبقى صبغه اشقر واكسجين 40% ملقتهوش
يبقى هتستبدليه باكسجين 30% وربع معلقة بودرة تشقير))
لو هتصبغي شعرك بني شكولاته وانتي شعرك اسود
يبقى صبغه بني او بني متوسط او بني فاتح+++ والاكسجين
اللي معاها وياريت تضيفي كمان 50 مللي اكسجين لان
اللي بيجي مع الصبغه 50 ملل قليلن فنوصلهم ل100 ملل
الاكسجين اللي هو مظهر اللون.. لو هتفتحي لون شعرك لازم 40 %
لان اللي بيجي مع الصبغه ضعيف
ومعلومه ثابته .. كتري من الاكسجين مش هيضرك لان البعض عنده اعتقاد انه مضرررررر
بس لو قللتي حتت هتشرب وحتت لا وشعرك هيلطش ويبقع وبررررض
ه متكتريش اوي لدرجة انك تقللي مفعول الصبغه

**طريقة التوزيع ثابته**.... لو بتصبغي شعرك الغامق للون افتح
هتوزعي على شعرك وتسيبي 3سم من الجدور توزعي على باقي الشعر
وتخلصي وتسيبي شعرك اول ميلقط لون افتح من لون شعرك بدرجتين مثلا
تعيدي التوزيع على 3سم اللي سبناهم لييييييييييه عشان الجدور بتلقط بسرعه اللون
بسبب سرعة تدفق الدم بفروة الراس فالجدور تفتح اسرع من الشعر فبناخرها شويه

معلومه ثابته.. شعرك وهو مبلول او عليه الصبغه لسه هيبقى اغمق لما ينشف
بعد الصبغ هتلاقيه افتح درجتين

افضل حل للشعر المجهد وخصوصا المصبوغ انك تتجنبي الشامبو لانه بينشف اكتر
اغسلي بميه بس وحمام كريم او بلسم ولو شعرك مش نظيف ومضطره
يبقى خففيه بميه ويفضل تستخدمس شامبو طبي
وو
تعملي ماسكات وحمام زيت بالفوطه السخنه
الماسك المفضل عندي من حيث النتائج الراااااااائعه
(((((((((الزبادي بدون قشطه +++ صفار بيض+++ عسسسسسل اسسسسود+++
زيت زيتون+++فيتامينات)))))))))
وياريت قبل الاسئله تقولليلي درجة لون شعرك ايه
وتجيبيلي صورة للون اللي عيزاه واخر مره صبغتي امته؟؟

وارجوكي تحطي سؤالك هنا عشان الكل يستفاد الا لو كانت حالة طوارئ http://files.fatakat.com/smilies2012...y-shouting.gif
واتمنى محدش يطلع من غير دعوه حلوه وتدعولي
ربنا يحقق اللي فبالي وتقييييييييم عشان مزعلش على المجهود
https://up.3almik.com/uploads/3almik...5968909710.png