منتدي عالمك - كيف ارضي زوجي الغاضب,الرجل العصبي الحنون,كيفية التعامل مع الزوج العصبي,

https://up.3almik.com/uploads/3almik...6522150745.png

كيفية التعامل مع الزوج العصبي والمزاجي
https://up.3almik.com/uploads/3almik...0161453561.jpg

تعالوا نتكلم مع بعض ازاى اتعامل مع جوزى لو هو عصبى كده ونرفوز

زى جوزى كده بس للامانه هو ليه اوقات معينه كده

انا ببقى عارفها وبعرف ساعتها اتصرف معاه

المهم ندخل فى الموضوع

تعملى ايه ؟؟؟؟؟؟؟؟ لو جوزك جه مثلا من برا متنرفز ومش طايق كلمه من حد
وعمال يزعق على الفاضى والمليان وبيتلكك على اى حاجه ...

اقولك انا بقى تعملى ايه لو هو داخل يزعق سبيه ومترديش عليه خالص ويفضل انك توهميه انك بتعملى حاجه وامشى من قدامه احسن وسبيه لحد ما يهدا خالص وبعدين روحى لحد عنده واحضنيه وقوليلوا مالك يا حبيبىhttps://vb.3dlat.com/images/smilies/new2013/27.gif
طبعا بطريقه رومانسيه كده وناعمه .

ساعتها والله هاينسى اى حاجه ولا كأن اى حاجه حصلت
وممكن كمان ميكنش فاكر اى كلمه من اللى قالها نهائى .

بلاش بقى تقفى ادامه وتسمعيه الكلام اللى اصلا يحرق دم الواحد الرايق
يعنى مثلا بلاش تقوليله ايه هو فى ايه انت داخل تخانق دبان وشك
حرام عليك ما انا كمان طلعان عينى طول النهار زى زيك عارفه ساعتها ايه اللى
هايحصل ؟؟؟؟؟؟؟؟؟؟
الموضوع هايكبر وهاتفضلوا كده ادام بعد ناقر ونقير والصوت يعلى وتبقى حكايه
يعنى موضوع ممكن يخلص فى ثوانى انتى بتكبريه وتخليه يخلص فى ايام طيب ليه كده
يعنى ؟؟؟؟؟؟؟؟؟؟

الست الشاطرهhttps://vb.3dlat.com/images/smilies/new2013/13.gif

هى اللى تعرف ازاى تتعامل مع جوزها بحب وبذكاء وتخلى الحاجه الكبيره تخلص فى ثوانى

طيب لو جوزى عصبى وصوتوا عالى وبيزعق كده على طول بردوا انتى بلاش تقفى ادامه
وبلاش تعلى صوتك ادامه وكلميه بهدوء وبحب ومره على مره هاتلاقيه والله اتكسف
من معاملته ليكى وبقى يعاملك احسن من انتى بتعمليه

عارفه الحاجه اللى انتى عايزه تتعاملى بيها اعمليه انتى الاول هاتلاقيه
هو تلقائى اتعود وبقى يعملها هو كمان والله

انا مش بقول كلام نظرى انا متجوزه بقالى
سنه و4 شهور وجوزى ساعات كده يصحى من النوم او يجى من برا الاقيه

يزعق وخلاص على ايه مش عارفه ؟؟؟؟؟؟

بسيبه خالص لحد ما يهدا ولا بقله انت بتقول ايه وساعات اروح واحضنه واطبطب عليه
واقوله مالك
وساعات هو فى ساعتها يجى ويصالحنى ويقولى اسف مادام

مش هاقف ادامه الموضوع والله بيعدى

عايزه بقى دعوه حلوه منكم كده
ولو عجبكم متنسوش التقيم بقى وعايزه رايكم كمان فى الموضوع
https://vb.3dlat.com/smilies/6/9-61.gif
https://up.3almik.com/uploads/3almik...3652215136.png