- مطبخ عالمك
- ازياء موضة واناقة
- الرشاقة والرجيم
- صور
- رعاية الام والطفل
- الأعمال والاشغال اليدوية
للنساء فقط
قصص - حكايات - روايات
صورة اجمل امراة في العالم بدون مكياج ,قصص محزنه,اغرب القصص قصص الصحابة,قصه رعب,الفندق المسكون قصه رعب طويله,روايات للاطفال,قصص دينية,القصص والروايات ,حكايات قصص وروايات,مكتبة القصص,قصص و روايات حب,قصة رائعة عن الصداقة ابكت كل من قرأها, قصص حقيقيه,قصص الانبياء,قصص وروايات كامله,اجمل القصص اروع القصص,القصص العربية,قصص اطفال,قصص طويله,قصص مخيفه,قصص الوفاء,قصص وروايات غرام,قصص عجيبه,قصص وروايات واقعيه, مواقع قصص ورويات,روايات وقصص رومانسية,منتديات قصص,قصص مضحكة ,روايات وقصص عالمية,قصص وروايات قصيره .
نسخ رابط الموضوع
https://vb.3almc.com/showthread.php?t=7370
#25
~{ مديرة بنك المعرفة والثقافة }~
رد: رواية بلهجة ليبية بعنوان " مشاعر مطرطشة " للكاتب ديندار الوحيشي
#مشاعر_مطرطشة
بداية الموسم الثاني
الحلقة 25
في الماضي ,,
قبل ثلاث اشهور
مازن : اهوو اهووو اهوو يا احمد
احمد وفارس طلعوو اسلاحهم وضربوو
طاح قدام الكافيه مقتووووول
واهربوو بالسيارة
احمد ومازن وفارس : خذينا بثارك يا اسلام
فارس : جيفنا الكلب
احمد : راح فيها الجيفا
فارس : الحمد الله ,, توّا هكي انقوولوو
تريح في قبرك يا اسلام
>>
مشوو شوور كافية نيروو في الحدائق وكأنهم لا اقتلو حد لا شي
وفرحانين
خذوو مكياطة وقعدو يهدرزووو
ويخططوو كيف يقعمزوو أيمن ويقتلووو
وهما يهدرزوو واحد جنبهم قاعد فاتح عالفيس
الغريب : ياهوو تعالوو حطين خبر عاجل
مقتل تاجر المخدرات أيمن ,, مش هذا اللي هرب
احمد : سمعتوو ولا تهيالي
فارس : نعليا لو يطلع الخبر صح
مازن : ترا جرّب رن عالرقم اللي امبدري قالك علي موقع اللي جيفناها امبدري
احمد : اكيدة هذي حليمة
رنيت بس مقفل
فارس : لو كان صح تو ينتشر الخبر بسرعة
,,,,
في الوقت الحاضر
الساعة 7:45 صباحا ..
مازن : هيّا نرجى فيكن اطلعن ابسرعة
فاطمة ونرمين طلعن وركبن مع مازن
عندهن اليوم اول يووم في الامتحانات فاينل
مازن : ان شاء الله غير قارْيات اكووويس بس
فاطمة : اكيدة اكيدة
نرمين اتهدرز واتس مع فارس
" انحبك يا احلى فرووسي دعواتك انحل في الامتحانات
فارس : حتى انا انحبك وموفقة ,, حنجيك غادي مع الساعة 10
نرمين : تم نرجى فيك
فاطمة : يدويلك مازن قالك قارية
نرمين : اها قارية
فاطمة : لا قارية صح امس كلّه تقرا في الليل
ودزت لنرمين مسج عالواتس في نفس الوقت
" تقرا في الحب والغرام مع خطيبها فارس
ردت عليها نرمين عالواتس
" ههههههههههههههههههههه "
,,,,
في الماضي .. قبل شهرين
ام مازن : كلمتني ام فارس وقالت جيين بكرة
يبوو يخطبوو ويدفعوو فيك
نرمين : بجد
فاطمة : لولوولولولي أخيرا هكي تضمني انَّ حصل خلاص
ماعنده وين يهرب منّك
اقل شي معش تحكي فون دكنووني من ورا ماما ومازن
نرمين : اس ياسامطة راه مافيكش جو بكل
حنين طلعت من الدار
حنين : شن في كنك اتزغرتي فاطمة
فاطمة : حبيب الالب بكرة جي يبي يخطب
حنين : حي حي لولوولولي مبروك عليك
وحضنتها حنين ,,,
ونرمين قعدت فرحانة
......
في الوقت الحاضر
مازن حطّهن عند الجامعة
مازن : الساعة كم انجيكم اليووم
نرمين : تعال 12
مازن : تم تم
,,,,,,
سهام : طالع اتهبل ياحبيبي
احمد : هههههه وقت عالعمل خليني نمشي
سهام : موفق ياحبيبي ,, راك تنسى وانت جي
احمد : عارف عارف جيب امعاك بوطاس وصابون وخضرة
واندومي لروان
سهام : لالا انسيت حاجة
احمد : شن
سهام : شيشة الزيت
احمد : عطّك زيت عالصبح
حضنها احمد عطاها بوسه علي خدّها ومشى مقّرة الجديد ومنصبه الجديد ,,
,,,,
في الماضي ,, قبل ثلاث اشهور
احمد : انا نبي انقدم استقالتي ونقعد شرطي عادي
وزارة الداخلية : لو قدمت استقالتك حيقولوو معناها في مشكلة في الشرطة
أحمد : لا حنقوول اني غيرت مجال عملي بس
وزارة الداخلية : تم خلاص وقّع عالورقة هذي
احمد وهو امروح للحوش رنّ عليه امتاع وزارة الداخلية
احمد : نعم
وزارة الدّاخلية : كيف ماقتلك ارفضوو استقالتك بس تقدر اتغير مكانك
احمد : مثلا وين
وزاة الداخلية : شن رايك في مكافحة المخدرات
أحمد : شن معنى انا بالذات
وزارة الداخلية : انت مانبُّش نستغنوو عنّك من افضل الأشخاص عندهم غيريّة عالوطن
احمد : تمام اموافق
وزارة الداخلية : حتمووولك اوراقك وتمشي من بكرة مقرّك الجديد وحتقعد رئيس مكافحة المخدرات في بنغازي
,,,,,
في الوقت الحاضر
أحمد وهو ماشي للمقر امتاعه
سمع نقّاله يرن
أحمد : صباح الخير
مازن : صباح النور يأحمد عندي لك ضحية اليووم
أحمد : تم تم نرجى فيك في المكتب
,,,,,
فارس قاعد في السوبر ماركت اللي ردّو فتحو من جديد هو ومازن
اعرفوو انّ ايمن مات والحرب انتهت اللي بيناتهم
يبرم فيه ويشووف في البضاعة
فارس طلّع نقّاله رن علي مروان
مروان : صباح الخير
فارس : راك تنسى الساعة 10 تعال تمسك مكاني اشوية
عندي موضوع نبي ننهيه
مروان : تم تم جايك
" علاقة فارس ومروان تطورت وقعدوو أصحاب
وقعد يخدم مع مازن وفارس في السوبر ماركت ...
....
الساعة 9:30 صباحا
كانت لامار في القاعة وكان باين انّها حامل
قبلووها في كلية التربية وقعدت تقرا في رياض أطفال
الدكتور : لو في حد مش فاهم حاجة يقولي
لامار رفّعت يدّها
الدكتور : تفضلي
الطلبة والطالبات كلهم يبحتوو فيها
كانت من النوعية اللي مهتمة بنفسها وانيقة بكل
لامار : انا فاتني واجد وجيت في نص السمستر
لو قريت الشيت عادي انصّفي
الدكتور : اها مايطلعش من الشيت
لامار : بارك الله فيك يادكتور
,,,,,
طلعن من الامتحان
نرمين : شن حليتي
فاطمة : يعني
نرمين : حتى انا يعني
فاطمة : هههههههههههه
نرمين : شوفي من هذكي اللي جايك من غادي
فاطمة : حي حي حي لؤي تو انجيك
نرمين : خلاص شِفْتي لِكْبيدة حتسيّبيني
’’’
في الماضي .. قبل شهر
قاعدة حنين وفاطمة امكسدات في الصالة
كانت نرمين في دارها تحكي مع خطيبها فارس
وام مازن في المطبخ
حنين :سألتني عليك سهام من قبل وانسيت انقووولك
فاطمة : لالا لالا راك اتقوليها
حنين : اها عريس
فاطمة بصوت عالي : يانعليا وخلاص
حنين : هههههههههههه
فاطمة : اموافقة بدوون مانشووفه
حتى لو شين عادي الجمال جمال الروح
حتى لو دبّة عادي اكيدة دمّة خيف
حتى لو ماعندش عمل حكومي عادي
حتى لو ماعندش شقة انعيش اجار
انحب المرمدة انا
حنين : هههههههه اشوية خليني نحكي بس
جت نرمين تجري للصالة
نرمين :شن فيه صوت فاطمة عالي
صبّت فاطمة شور نرمين
فاطمة : كبّري, حصلّت عريس
نرمين : الله اكبر هههههههههههه
فاطمة : ياولعت ياحي عليها
نرمين : ياولعة ويش اطفّيها
فاطمة : زغرتي يا إنشراح
حنين : ههههههههههههه بطني من الضحك يافاطمة
فاطمة : اشوية بس توو انجيب الدربووكة
حنين : وحق ربي هبله باهي ههههههههههه
فاطمة : هاكي دربكي يانرمين
فاطمة : سلم مازن الي ربانا يجروا كيف الجيش اورانا
حنين : حي حي حي اتصفق حنين وتضحك
ونرمين ادّربك
نرمين : فاطمة فطوووم في البحر اتعووم
فاطمة : قصدك في الحب اتعووووم
حنين : راك تغرقي هههههههه
فاطمة : شن قال التووونسي
حنين : شن قال
فاطمة : هرمنااااااااااا من أجل هذي اللحظة التاريخية
حنين : ههههههههههههههه
نرمين : ههههههههههههههه
جت ام مازن اتصفق امعاهن واتشارك فيهن اهبالهن وتضحك
ام مازن : شن في جوّكن رايق قعد
فاطمة : شن فيه ياماما
حصلّت عريس حصلت عريس
ام مازن : ههههههه طيح سعدك بطلي اهبالي
فاطمة : تي فرحانة فرحانة فرحاااااااااااااااااااانة
فاطمة : لوولولولوولولي
حنين : ههههههههههههه
نرمين : ههههههههههههه
فاطمة : مازن مايدور في مال ,, ايدور في ناس العقال
ايديكن صفّقن هيّا
ام مازن : عطك الخير يافاطمة
علي خشّت مازن للحووش
مازن : شن هذا شن الاهبال هذا
كنكن انتن هكي
خافن من ردّة فعله
حنين : لا بس انبصرووو
مازن : شن هالصوت طالع لعند برّة
حنين : لا بس احتمال فاطمة جايينها خطّاب
مازن : معقوولة
بحّت في نرمين وقاللها دربكي يا هبلة
مارن : هيا كملّي يافاطمة لازم نفرحووولك
فاطمة : نعليا منّ خويا الحنون
حنين : حي شوفو العاقل فيش ادير قاعد
مازن : حتتجوز حتتجوز ونفتكو منها
حنين : ههههههههههههههه
,,,,,
في الوقت الحاضر
لؤي :شن جو امتحانك حلّيتي
فاطمة : اها حليّت تمام الحمد الله
لؤي : هيا تعالي انتمشوو اشوية
فاطمة : هيا
لؤي : شن قلنا نحنا عالمكيب مش قلنا فكينا منّا
فاطمة : حرام عليك ,, اشوية بكل دايرة كنك انت
لؤي : مزال تقدري اتخففي اكثر من هكي
فاطمة : من قال يا افطومة اطيحي في واحد يغار عليك
لؤي : هيا هيا انتمشوو بس ,, تو تحكي معش تسكتي بكل
,,,,
نرمين امقعمزة وترجى في تليفون من فارس
وعدها الساعة 10 ايجيها
,,,,,
وهيا طالعة لامار من المحاضرة
جا شورها الدكتووور
لامار : اهلين دكتور
دكتور : تعالي للمكتب نبيك بما انّك جايا في نص السمستر
مشت وراء لامار
,,,,,,
نرمين سرحانة وامقعمزة
حسّت واحد غمضلها اعيوونها
نرمين : جيت ياروحي
فارس : اكيدة نفس ماتوقعتك في نفس المكان قاعدة
نرمين : كنّك طوّلت
فارس : كنت نرجى في مروان يمسك مكاني
نرمين : رايفت عليك
فارس : انحبك يا عيوني
توا خطّمت من تلايا فاطمة
مع خطيبها لؤي
نرمين : اها عارفة
فارس : ربي يكون في عونه انسان امتاع دراسة وهادي
طاح في وحدة هبلة
نرمين : هههههههه مش غير صدقت
وقعدو يهدرزو مع بعضهم نرمين وفارس
,,,
فاطمة : كنك ديما ساكت
لؤي : ههههههههه وانتي كنك ديما تحكي
فاطمة : عشان انت فارس احلامي
لؤي : قصدك طايح سعدي
فاطمة : طايح سعدك باه زعليت هيّ
لؤي : ههههههههههههه
فاطمة : تي كنك تضحك
لؤي : تي مش ماشي امعاك بكل الدلع
فاطمة : عطّك حبّة وخلاص
,,,,,
لامار : نعم يادكتور
دكتور : هاكي رقمي لو احتجتي أي حاجة رني عليا حنساعدك
لامار : لا مش داعي الرقم لو نبي حاجة تو نطلبها منك في المحاضرة
دكتور : براحتك
والدكتور كان يبحّت فيها بطريقة مش تمام
,,,,,
لؤي : امس هدرزت مع العقرب
فاطمة : عليش
لؤي : قتله انا مرات مزلت امطول اشوية
وقاعد نبني فوق هلي والجو هذا
قالي علي راحتك عادي
فاطمة : لا عادي اهم شي لبستني دبلة قاعد ع قلبك ههههه
لؤي : مجنوووونة كلّا انتي
,,,,,,,
نرمين : امتي تاخذني نبي انعيش امعاك
فارس : مزال لكن هانت اصبري
نرمين : نقدر انعيش مع امّك عادي
مانبي شي لافرح لاشي وحكيت مع ماما ومازن وقالو عادي
فارس : شن قلنا نحنا قلنا نصبرووو
نرمين بزعل : باه
,,,,,,
لؤي : تذكري يوم المقابلة الشرعية
فاطمة : ههههههههههههههههه مستحيل ننسى
لؤي : نبي نحكيلك علي وجهة نظري ونظامي في الزواج
فاطمة : انا قلت حاضر وانت مزال كيف نطقت اول حرف
لؤي : يومها عرفتك هبلة
فاطمة : خلاص العقرب قريب ايجي خلينا نمشي توا
لؤي : انتاقبلو عالواتس
,,,,,
الساعة 2:00 ظهرا
ام مازن : وين حنين
مازن : مزالت قالبة وجها مش عارف كنها ماتبش تاكل لا شي
نرمين : بالك امزعلها
مازن : لا بالعكس انعامل فيها احسن معاملة
فاطمة : غريبة لها فترة هكي من بعد الخطوبة امتاعي
وهي رايحة متغيرة بكل تصرفاتها مش طبيعيات
مازن : انفكر حنعرضها علي شيخ يقرا عليها
ام مازن : شوف اللي تلقى انت اكويس ديره
,,,,
" لها فترة حنين ادير في حركات غريبة وماتكلش واجد وماترقدش مع مازن ,, ترقد بعيدة منّا ومرة مرة اتعيط في وجه لكن مزال صابر عليها ومتحملّها "
بعد كمّل مازن الغداء مع هله
خش علي حنين في الدار
مازن : اهلين ,, كنّك مابيتش اتجي للغداء
حنين : ماتلمسنش تلمسني إنرجّع منّك فووتني
وعلي أساس نتغدى امعاكم ليا فترة ناكل ابروحي في الدار
مازن : كنك شن صايرلك
حنين : امشي غادي ما اتجشش تلايا قتلك
مازن : لا حول ولا قوة الا بالله
حنين : سمعتك امبدري لما قلت الامك
نبي انشيلها لشيخ يقرا عليها
مازن استك كان الباب امسكر
مازن : راك تطلعي ملموسة ولا عندك جن وانا مانندرش ولا عندك مرض نفسي
حنين : لا جن لا شي بس لما انشووفك انحس في روحي نبّي انرجع
,,,,
قبل 10 دقائق
جت حنين تبي تطلع للمبطخ وادير حاجة اتغدّى بيها
وهي طالعة عند الباب سمعت امّ مازن ومازن وخواته يحكو عليها
ردّت ومابتش تطلع
قعدت كارسة ورا الباب وتصنّت فيهم
,,,
في الوقت الحاضر
مازن : مزلت صابر ومانبش نحكي لأحمد عليك
حنين : احكيله مش هامني بجديات
,,,,
نجاح تحكي بالفووون
نجاح : مزلت انحبك ونبيك وحندير أي حاجة عشانك
رمضان : حتّى انا ,, مع انّك خوك من قبل قريب قتلني
نجاح : خلاص يابيبي توا اللي صار صار انسى
رمضان : حاضر
نجاح : سكر سكرالخط ,, الباب انفتح شكله مروان جا
.....
الساعة 5:00 عصرا
قاعد الافندي احمد مع جماعة مكافحة المخدرات
يرجوو في سيارة كبيرة امتاع نقل بضائع
اتخطم عند سمافرو المساكن
وفعلا خطّمت سيارة فيها فازووات امخلل اكبار
الافندي الأحمد : وقفوو السيارة هذي اشوية
صاحب السيارة : راهي كلها فازوات امخلل
الافندي : متاكد
صاحب السيارة : اها
الافندي احمد فتح فازووو الأول كبّة امخلل بس
فتح الثاني امخلل بس
الثالث امخلل
الافندي : أحمد كيف صار
ترا عطوني واحد من الفازووات اللي لاورة
مدّوله واحد
كب الفازوو طاحت اشكارة امسكرّة فيها ترامدول وأنواع اخرة من الاحبوب جوّا الفازوو
الافندي : تبي تضحك عليّا
صاحب السيارة : والله ماني عارف من وين جت هذي
الافندي أحمد : امسكو واحجزو السيارة
,,,
اليوم عند الصباح الباكر ,,
بعد مازن وصّل خواته للجامعة في الصبح
اتصل بالأفندي أحمد
مازن : صباح النور يأحمد عندي لك ضحية اليووم
أحمد : تم تم نرجى فيك في المكتب
,,
مازن وصل للمكتب امتاع الافندي أحمد
احمد : قتلي عندك ضحية ,, شن اللي عندك اليوم
مازن : في سيارة دايرة روحه امتاع فازوات امخلل
وهما يبوو يهربو فيهن احبوووب
احمد : احبوب في لمخلل جوّا
مازن : اها يسكرن بشكارة مافش حاجة اتخشلهن ,,مش حيفسدن
احمد : متاكد
مازن : اها خليك عند سمافرو المساكن بس
حتخطم من غادي
احمد : تم يامازن
في الوقت الحاضر
الافندي : تبي تضحك عليّا
صاحب السيارة : والله ماني عارف من وين جت هذي
الافندي أحمد : امسكو واحجزو السيارة
,,,,, ,,,,,
معاوية : امسكوووو ابضاعة اخرة اللي يبو يهرّبوها الجماعة
انت ورانا ورانا يا الافندي أحمد
في جاسوس بيناتنا لازم نعرفوووو
معاوية يعتبر تاجر مخدرات جديد عالسّاحة الليبية وعضو في واحد من الأحزاب الليبية لكن يخدم عالمخفي في تجارة المخدرات
,,,
في الماضي قبل ثلاث اشهور
واحد من جماعة معاوية : يالزعيم هذا تليفون اللي كان عند الممرضة
اللي اقتلت ايمن بالسم
معاوية : فتشو جميع أسماء اللي متصله بيهن
مرات تلقو شخص معروف علينا
واحد من جماعة معاوية : شن انقولك كلهم شخصيات عادية الا رقم واحد
طلع للافندي أحمد
معاوية : تمام نبيك اتجيبلي جميع معلومات عليه وعلي هله ووين يسكن
واحد من جماعة معاوية : أي حاجة جديدة حنعطوك علم
معاوية : تمام شوف حالك توا
...
في الوقت الحاضر
معاوية : هذي مش اول مرة الافندي أحمد يمسك بضاعتنا
معقولة مخترقنا لهدرجة
بس لو كان مخترقني معناها عارفني
انا عضو في حزب سياسي
بس كيف ماشهدرش بيّا
بس البضاعة الجديدة هذي مش ليا اللي مسكها اليوم
معقولة مخترقنا كلّنا
موضوع في انّ لازم انتحقق منّا ابسرعة
,,,,,
,,,,
مازن جا يبّي يطلع في العشية
ماشي شور سوبر ماركت
لقى حنين لابسة عبايتها
مازن : وين
حنين بعصبية : شيلني الحوش هلي نبي انغير جوّي
مش طايقة حوشكم بكل
مازن : باهي وطّي صوتك وفكيني من الجو امتاعك هذا
مش داعي اتسمعي هلي راه مزلت نحترم فيك
...
مازن سمع باب الدار يدق
طلعت امّه ,,
ام مازن : بنت خالتي عندها لمّة ماشيا انا والبنات
اتشيلنا باهي
مازن : هيا اطلعن جي وراكن
طلعت امّه وخواته شور السيّارة
مازن مسك حنين من يدّها وقعد يفنّص فيها
حنين : كنك
مازن : عارفة اديري أي لقطة مش تمام الهلي في السيارة
راهو انوريك وجي الثّاني وقضّتك
لكّي فترة اتعاملي فيا معاملة بايخة في الدار
ومزلت محترمك وصابر عليك
حتّى هلي ماعندهمش علم بالجو اللي اديري في ليا
عارفينك قالبة وجك بس علي أساس جوك متعكر
حنين : حوّل يدّك وخطاني
مازن : هيا الحقيني
طلع مازن شور السيّارة لقى امه وخواته يرجن فيه في السيارة
مازن ركب متعصب في السيارة
فاطمة : كنك مازن شن صار كنك راقيلك
مازن : مش شوررك انتي الاخرة .
بعد اشوية طلعت حنين
رِكِبت في السيارة بدون حتى ما اتقول خير لا شي
ومشى بالسيارة مازن
,,,,,
نجاح : اقنعت ماما ومروان علي معهد التوفيق عشان نقدر انشوفك عادي
رمضان : نعليا منك وخلاص
نجاح : لو مروان عنده علم انّك تقرا هنا يقتلني
رمضان : غير هيّا تعالي
وشالها في مكان مش باين عالطلبة والطالبات
وقعد يبووس فيها
" معهد التوفيق معهد لتعليم اللغة الإنجليزية في منطقة الحدائق "
,,,,,,,,
مروان امكسد مع فارس قدّام سوبر ماركت
فارس : شن مافش طير هكي ولا هكي
مروان : ههههههههه قابّة
فارس : خش لقرووبات الفيس امتاعات الخطوبة ونظرات شرعية
مروان : ههههه سامطة ,,
وين مازن معش يقعد واجد في السوبر ماركت
فارس : اها مشغول ,, عابي علينا نمسكولة شغله
" بوووووووم "
فارس : سمعت الصووت اللي توّا
مروان وهو مفجووع : بحّت بحّت يافارس وراك
فارس : حي علي امّه البوووم طالع من حوش مازن و في نار طالعة
ابسرعة ابسرعة هيّا انطفوووها
فارس مشى شور حووش مازن يجري
ومروان طلّع نقّاله يبّي يكلّم المطافي
,,,,,,,
مازن شال ام وخواته لمشوارهم
وبعدها وصل لحوش اهل حنين في الليثي
نزلت حنين
مازن : امتى انجيك
حنين : امتى مانبّي انروح حنرن عليك
مازن : استغفر الله العظيم وخلاص
وضرب دومان السيّارة بوووني
مازن : الصبّر يارب
,,,,,
فارس وهو متعصب : فيش ادير انت تعال طفّي امعايا
مروان : انرن عالمطافي وسع بالك
فارس : أي مطافي ياراجل
المطافي علي مَاجُو
يقعد الحووش محروووق
رن علي مازن بس ابسرعة هيا
يتبع ,,,,
بداية الموسم الثاني
الحلقة 25
في الماضي ,,
قبل ثلاث اشهور
مازن : اهوو اهووو اهوو يا احمد
احمد وفارس طلعوو اسلاحهم وضربوو
طاح قدام الكافيه مقتووووول
واهربوو بالسيارة
احمد ومازن وفارس : خذينا بثارك يا اسلام
فارس : جيفنا الكلب
احمد : راح فيها الجيفا
فارس : الحمد الله ,, توّا هكي انقوولوو
تريح في قبرك يا اسلام
>>
مشوو شوور كافية نيروو في الحدائق وكأنهم لا اقتلو حد لا شي
وفرحانين
خذوو مكياطة وقعدو يهدرزووو
ويخططوو كيف يقعمزوو أيمن ويقتلووو
وهما يهدرزوو واحد جنبهم قاعد فاتح عالفيس
الغريب : ياهوو تعالوو حطين خبر عاجل
مقتل تاجر المخدرات أيمن ,, مش هذا اللي هرب
احمد : سمعتوو ولا تهيالي
فارس : نعليا لو يطلع الخبر صح
مازن : ترا جرّب رن عالرقم اللي امبدري قالك علي موقع اللي جيفناها امبدري
احمد : اكيدة هذي حليمة
رنيت بس مقفل
فارس : لو كان صح تو ينتشر الخبر بسرعة
,,,,
في الوقت الحاضر
الساعة 7:45 صباحا ..
مازن : هيّا نرجى فيكن اطلعن ابسرعة
فاطمة ونرمين طلعن وركبن مع مازن
عندهن اليوم اول يووم في الامتحانات فاينل
مازن : ان شاء الله غير قارْيات اكووويس بس
فاطمة : اكيدة اكيدة
نرمين اتهدرز واتس مع فارس
" انحبك يا احلى فرووسي دعواتك انحل في الامتحانات
فارس : حتى انا انحبك وموفقة ,, حنجيك غادي مع الساعة 10
نرمين : تم نرجى فيك
فاطمة : يدويلك مازن قالك قارية
نرمين : اها قارية
فاطمة : لا قارية صح امس كلّه تقرا في الليل
ودزت لنرمين مسج عالواتس في نفس الوقت
" تقرا في الحب والغرام مع خطيبها فارس
ردت عليها نرمين عالواتس
" ههههههههههههههههههههه "
,,,,
في الماضي .. قبل شهرين
ام مازن : كلمتني ام فارس وقالت جيين بكرة
يبوو يخطبوو ويدفعوو فيك
نرمين : بجد
فاطمة : لولوولولولي أخيرا هكي تضمني انَّ حصل خلاص
ماعنده وين يهرب منّك
اقل شي معش تحكي فون دكنووني من ورا ماما ومازن
نرمين : اس ياسامطة راه مافيكش جو بكل
حنين طلعت من الدار
حنين : شن في كنك اتزغرتي فاطمة
فاطمة : حبيب الالب بكرة جي يبي يخطب
حنين : حي حي لولوولولي مبروك عليك
وحضنتها حنين ,,,
ونرمين قعدت فرحانة
......
في الوقت الحاضر
مازن حطّهن عند الجامعة
مازن : الساعة كم انجيكم اليووم
نرمين : تعال 12
مازن : تم تم
,,,,,,
سهام : طالع اتهبل ياحبيبي
احمد : هههههه وقت عالعمل خليني نمشي
سهام : موفق ياحبيبي ,, راك تنسى وانت جي
احمد : عارف عارف جيب امعاك بوطاس وصابون وخضرة
واندومي لروان
سهام : لالا انسيت حاجة
احمد : شن
سهام : شيشة الزيت
احمد : عطّك زيت عالصبح
حضنها احمد عطاها بوسه علي خدّها ومشى مقّرة الجديد ومنصبه الجديد ,,
,,,,
في الماضي ,, قبل ثلاث اشهور
احمد : انا نبي انقدم استقالتي ونقعد شرطي عادي
وزارة الداخلية : لو قدمت استقالتك حيقولوو معناها في مشكلة في الشرطة
أحمد : لا حنقوول اني غيرت مجال عملي بس
وزارة الداخلية : تم خلاص وقّع عالورقة هذي
احمد وهو امروح للحوش رنّ عليه امتاع وزارة الداخلية
احمد : نعم
وزارة الدّاخلية : كيف ماقتلك ارفضوو استقالتك بس تقدر اتغير مكانك
احمد : مثلا وين
وزاة الداخلية : شن رايك في مكافحة المخدرات
أحمد : شن معنى انا بالذات
وزارة الداخلية : انت مانبُّش نستغنوو عنّك من افضل الأشخاص عندهم غيريّة عالوطن
احمد : تمام اموافق
وزارة الداخلية : حتمووولك اوراقك وتمشي من بكرة مقرّك الجديد وحتقعد رئيس مكافحة المخدرات في بنغازي
,,,,,
في الوقت الحاضر
أحمد وهو ماشي للمقر امتاعه
سمع نقّاله يرن
أحمد : صباح الخير
مازن : صباح النور يأحمد عندي لك ضحية اليووم
أحمد : تم تم نرجى فيك في المكتب
,,,,,
فارس قاعد في السوبر ماركت اللي ردّو فتحو من جديد هو ومازن
اعرفوو انّ ايمن مات والحرب انتهت اللي بيناتهم
يبرم فيه ويشووف في البضاعة
فارس طلّع نقّاله رن علي مروان
مروان : صباح الخير
فارس : راك تنسى الساعة 10 تعال تمسك مكاني اشوية
عندي موضوع نبي ننهيه
مروان : تم تم جايك
" علاقة فارس ومروان تطورت وقعدوو أصحاب
وقعد يخدم مع مازن وفارس في السوبر ماركت ...
....
الساعة 9:30 صباحا
كانت لامار في القاعة وكان باين انّها حامل
قبلووها في كلية التربية وقعدت تقرا في رياض أطفال
الدكتور : لو في حد مش فاهم حاجة يقولي
لامار رفّعت يدّها
الدكتور : تفضلي
الطلبة والطالبات كلهم يبحتوو فيها
كانت من النوعية اللي مهتمة بنفسها وانيقة بكل
لامار : انا فاتني واجد وجيت في نص السمستر
لو قريت الشيت عادي انصّفي
الدكتور : اها مايطلعش من الشيت
لامار : بارك الله فيك يادكتور
,,,,,
طلعن من الامتحان
نرمين : شن حليتي
فاطمة : يعني
نرمين : حتى انا يعني
فاطمة : هههههههههههه
نرمين : شوفي من هذكي اللي جايك من غادي
فاطمة : حي حي حي لؤي تو انجيك
نرمين : خلاص شِفْتي لِكْبيدة حتسيّبيني
’’’
في الماضي .. قبل شهر
قاعدة حنين وفاطمة امكسدات في الصالة
كانت نرمين في دارها تحكي مع خطيبها فارس
وام مازن في المطبخ
حنين :سألتني عليك سهام من قبل وانسيت انقووولك
فاطمة : لالا لالا راك اتقوليها
حنين : اها عريس
فاطمة بصوت عالي : يانعليا وخلاص
حنين : هههههههههههه
فاطمة : اموافقة بدوون مانشووفه
حتى لو شين عادي الجمال جمال الروح
حتى لو دبّة عادي اكيدة دمّة خيف
حتى لو ماعندش عمل حكومي عادي
حتى لو ماعندش شقة انعيش اجار
انحب المرمدة انا
حنين : هههههههه اشوية خليني نحكي بس
جت نرمين تجري للصالة
نرمين :شن فيه صوت فاطمة عالي
صبّت فاطمة شور نرمين
فاطمة : كبّري, حصلّت عريس
نرمين : الله اكبر هههههههههههه
فاطمة : ياولعت ياحي عليها
نرمين : ياولعة ويش اطفّيها
فاطمة : زغرتي يا إنشراح
حنين : ههههههههههههه بطني من الضحك يافاطمة
فاطمة : اشوية بس توو انجيب الدربووكة
حنين : وحق ربي هبله باهي ههههههههههه
فاطمة : هاكي دربكي يانرمين
فاطمة : سلم مازن الي ربانا يجروا كيف الجيش اورانا
حنين : حي حي حي اتصفق حنين وتضحك
ونرمين ادّربك
نرمين : فاطمة فطوووم في البحر اتعووم
فاطمة : قصدك في الحب اتعووووم
حنين : راك تغرقي هههههههه
فاطمة : شن قال التووونسي
حنين : شن قال
فاطمة : هرمنااااااااااا من أجل هذي اللحظة التاريخية
حنين : ههههههههههههههه
نرمين : ههههههههههههههه
جت ام مازن اتصفق امعاهن واتشارك فيهن اهبالهن وتضحك
ام مازن : شن في جوّكن رايق قعد
فاطمة : شن فيه ياماما
حصلّت عريس حصلت عريس
ام مازن : ههههههه طيح سعدك بطلي اهبالي
فاطمة : تي فرحانة فرحانة فرحاااااااااااااااااااانة
فاطمة : لوولولولوولولي
حنين : ههههههههههههه
نرمين : ههههههههههههه
فاطمة : مازن مايدور في مال ,, ايدور في ناس العقال
ايديكن صفّقن هيّا
ام مازن : عطك الخير يافاطمة
علي خشّت مازن للحووش
مازن : شن هذا شن الاهبال هذا
كنكن انتن هكي
خافن من ردّة فعله
حنين : لا بس انبصرووو
مازن : شن هالصوت طالع لعند برّة
حنين : لا بس احتمال فاطمة جايينها خطّاب
مازن : معقوولة
بحّت في نرمين وقاللها دربكي يا هبلة
مارن : هيا كملّي يافاطمة لازم نفرحووولك
فاطمة : نعليا منّ خويا الحنون
حنين : حي شوفو العاقل فيش ادير قاعد
مازن : حتتجوز حتتجوز ونفتكو منها
حنين : ههههههههههههههه
,,,,,
في الوقت الحاضر
لؤي :شن جو امتحانك حلّيتي
فاطمة : اها حليّت تمام الحمد الله
لؤي : هيا تعالي انتمشوو اشوية
فاطمة : هيا
لؤي : شن قلنا نحنا عالمكيب مش قلنا فكينا منّا
فاطمة : حرام عليك ,, اشوية بكل دايرة كنك انت
لؤي : مزال تقدري اتخففي اكثر من هكي
فاطمة : من قال يا افطومة اطيحي في واحد يغار عليك
لؤي : هيا هيا انتمشوو بس ,, تو تحكي معش تسكتي بكل
,,,,
نرمين امقعمزة وترجى في تليفون من فارس
وعدها الساعة 10 ايجيها
,,,,,
وهيا طالعة لامار من المحاضرة
جا شورها الدكتووور
لامار : اهلين دكتور
دكتور : تعالي للمكتب نبيك بما انّك جايا في نص السمستر
مشت وراء لامار
,,,,,,
نرمين سرحانة وامقعمزة
حسّت واحد غمضلها اعيوونها
نرمين : جيت ياروحي
فارس : اكيدة نفس ماتوقعتك في نفس المكان قاعدة
نرمين : كنّك طوّلت
فارس : كنت نرجى في مروان يمسك مكاني
نرمين : رايفت عليك
فارس : انحبك يا عيوني
توا خطّمت من تلايا فاطمة
مع خطيبها لؤي
نرمين : اها عارفة
فارس : ربي يكون في عونه انسان امتاع دراسة وهادي
طاح في وحدة هبلة
نرمين : هههههههه مش غير صدقت
وقعدو يهدرزو مع بعضهم نرمين وفارس
,,,
فاطمة : كنك ديما ساكت
لؤي : ههههههههه وانتي كنك ديما تحكي
فاطمة : عشان انت فارس احلامي
لؤي : قصدك طايح سعدي
فاطمة : طايح سعدك باه زعليت هيّ
لؤي : ههههههههههههه
فاطمة : تي كنك تضحك
لؤي : تي مش ماشي امعاك بكل الدلع
فاطمة : عطّك حبّة وخلاص
,,,,,
لامار : نعم يادكتور
دكتور : هاكي رقمي لو احتجتي أي حاجة رني عليا حنساعدك
لامار : لا مش داعي الرقم لو نبي حاجة تو نطلبها منك في المحاضرة
دكتور : براحتك
والدكتور كان يبحّت فيها بطريقة مش تمام
,,,,,
لؤي : امس هدرزت مع العقرب
فاطمة : عليش
لؤي : قتله انا مرات مزلت امطول اشوية
وقاعد نبني فوق هلي والجو هذا
قالي علي راحتك عادي
فاطمة : لا عادي اهم شي لبستني دبلة قاعد ع قلبك ههههه
لؤي : مجنوووونة كلّا انتي
,,,,,,,
نرمين : امتي تاخذني نبي انعيش امعاك
فارس : مزال لكن هانت اصبري
نرمين : نقدر انعيش مع امّك عادي
مانبي شي لافرح لاشي وحكيت مع ماما ومازن وقالو عادي
فارس : شن قلنا نحنا قلنا نصبرووو
نرمين بزعل : باه
,,,,,,
لؤي : تذكري يوم المقابلة الشرعية
فاطمة : ههههههههههههههههه مستحيل ننسى
لؤي : نبي نحكيلك علي وجهة نظري ونظامي في الزواج
فاطمة : انا قلت حاضر وانت مزال كيف نطقت اول حرف
لؤي : يومها عرفتك هبلة
فاطمة : خلاص العقرب قريب ايجي خلينا نمشي توا
لؤي : انتاقبلو عالواتس
,,,,,
الساعة 2:00 ظهرا
ام مازن : وين حنين
مازن : مزالت قالبة وجها مش عارف كنها ماتبش تاكل لا شي
نرمين : بالك امزعلها
مازن : لا بالعكس انعامل فيها احسن معاملة
فاطمة : غريبة لها فترة هكي من بعد الخطوبة امتاعي
وهي رايحة متغيرة بكل تصرفاتها مش طبيعيات
مازن : انفكر حنعرضها علي شيخ يقرا عليها
ام مازن : شوف اللي تلقى انت اكويس ديره
,,,,
" لها فترة حنين ادير في حركات غريبة وماتكلش واجد وماترقدش مع مازن ,, ترقد بعيدة منّا ومرة مرة اتعيط في وجه لكن مزال صابر عليها ومتحملّها "
بعد كمّل مازن الغداء مع هله
خش علي حنين في الدار
مازن : اهلين ,, كنّك مابيتش اتجي للغداء
حنين : ماتلمسنش تلمسني إنرجّع منّك فووتني
وعلي أساس نتغدى امعاكم ليا فترة ناكل ابروحي في الدار
مازن : كنك شن صايرلك
حنين : امشي غادي ما اتجشش تلايا قتلك
مازن : لا حول ولا قوة الا بالله
حنين : سمعتك امبدري لما قلت الامك
نبي انشيلها لشيخ يقرا عليها
مازن استك كان الباب امسكر
مازن : راك تطلعي ملموسة ولا عندك جن وانا مانندرش ولا عندك مرض نفسي
حنين : لا جن لا شي بس لما انشووفك انحس في روحي نبّي انرجع
,,,,
قبل 10 دقائق
جت حنين تبي تطلع للمبطخ وادير حاجة اتغدّى بيها
وهي طالعة عند الباب سمعت امّ مازن ومازن وخواته يحكو عليها
ردّت ومابتش تطلع
قعدت كارسة ورا الباب وتصنّت فيهم
,,,
في الوقت الحاضر
مازن : مزلت صابر ومانبش نحكي لأحمد عليك
حنين : احكيله مش هامني بجديات
,,,,
نجاح تحكي بالفووون
نجاح : مزلت انحبك ونبيك وحندير أي حاجة عشانك
رمضان : حتّى انا ,, مع انّك خوك من قبل قريب قتلني
نجاح : خلاص يابيبي توا اللي صار صار انسى
رمضان : حاضر
نجاح : سكر سكرالخط ,, الباب انفتح شكله مروان جا
.....
الساعة 5:00 عصرا
قاعد الافندي احمد مع جماعة مكافحة المخدرات
يرجوو في سيارة كبيرة امتاع نقل بضائع
اتخطم عند سمافرو المساكن
وفعلا خطّمت سيارة فيها فازووات امخلل اكبار
الافندي الأحمد : وقفوو السيارة هذي اشوية
صاحب السيارة : راهي كلها فازوات امخلل
الافندي : متاكد
صاحب السيارة : اها
الافندي احمد فتح فازووو الأول كبّة امخلل بس
فتح الثاني امخلل بس
الثالث امخلل
الافندي : أحمد كيف صار
ترا عطوني واحد من الفازووات اللي لاورة
مدّوله واحد
كب الفازوو طاحت اشكارة امسكرّة فيها ترامدول وأنواع اخرة من الاحبوب جوّا الفازوو
الافندي : تبي تضحك عليّا
صاحب السيارة : والله ماني عارف من وين جت هذي
الافندي أحمد : امسكو واحجزو السيارة
,,,
اليوم عند الصباح الباكر ,,
بعد مازن وصّل خواته للجامعة في الصبح
اتصل بالأفندي أحمد
مازن : صباح النور يأحمد عندي لك ضحية اليووم
أحمد : تم تم نرجى فيك في المكتب
,,
مازن وصل للمكتب امتاع الافندي أحمد
احمد : قتلي عندك ضحية ,, شن اللي عندك اليوم
مازن : في سيارة دايرة روحه امتاع فازوات امخلل
وهما يبوو يهربو فيهن احبوووب
احمد : احبوب في لمخلل جوّا
مازن : اها يسكرن بشكارة مافش حاجة اتخشلهن ,,مش حيفسدن
احمد : متاكد
مازن : اها خليك عند سمافرو المساكن بس
حتخطم من غادي
احمد : تم يامازن
في الوقت الحاضر
الافندي : تبي تضحك عليّا
صاحب السيارة : والله ماني عارف من وين جت هذي
الافندي أحمد : امسكو واحجزو السيارة
,,,,, ,,,,,
معاوية : امسكوووو ابضاعة اخرة اللي يبو يهرّبوها الجماعة
انت ورانا ورانا يا الافندي أحمد
في جاسوس بيناتنا لازم نعرفوووو
معاوية يعتبر تاجر مخدرات جديد عالسّاحة الليبية وعضو في واحد من الأحزاب الليبية لكن يخدم عالمخفي في تجارة المخدرات
,,,
في الماضي قبل ثلاث اشهور
واحد من جماعة معاوية : يالزعيم هذا تليفون اللي كان عند الممرضة
اللي اقتلت ايمن بالسم
معاوية : فتشو جميع أسماء اللي متصله بيهن
مرات تلقو شخص معروف علينا
واحد من جماعة معاوية : شن انقولك كلهم شخصيات عادية الا رقم واحد
طلع للافندي أحمد
معاوية : تمام نبيك اتجيبلي جميع معلومات عليه وعلي هله ووين يسكن
واحد من جماعة معاوية : أي حاجة جديدة حنعطوك علم
معاوية : تمام شوف حالك توا
...
في الوقت الحاضر
معاوية : هذي مش اول مرة الافندي أحمد يمسك بضاعتنا
معقولة مخترقنا لهدرجة
بس لو كان مخترقني معناها عارفني
انا عضو في حزب سياسي
بس كيف ماشهدرش بيّا
بس البضاعة الجديدة هذي مش ليا اللي مسكها اليوم
معقولة مخترقنا كلّنا
موضوع في انّ لازم انتحقق منّا ابسرعة
,,,,,
,,,,
مازن جا يبّي يطلع في العشية
ماشي شور سوبر ماركت
لقى حنين لابسة عبايتها
مازن : وين
حنين بعصبية : شيلني الحوش هلي نبي انغير جوّي
مش طايقة حوشكم بكل
مازن : باهي وطّي صوتك وفكيني من الجو امتاعك هذا
مش داعي اتسمعي هلي راه مزلت نحترم فيك
...
مازن سمع باب الدار يدق
طلعت امّه ,,
ام مازن : بنت خالتي عندها لمّة ماشيا انا والبنات
اتشيلنا باهي
مازن : هيا اطلعن جي وراكن
طلعت امّه وخواته شور السيّارة
مازن مسك حنين من يدّها وقعد يفنّص فيها
حنين : كنك
مازن : عارفة اديري أي لقطة مش تمام الهلي في السيارة
راهو انوريك وجي الثّاني وقضّتك
لكّي فترة اتعاملي فيا معاملة بايخة في الدار
ومزلت محترمك وصابر عليك
حتّى هلي ماعندهمش علم بالجو اللي اديري في ليا
عارفينك قالبة وجك بس علي أساس جوك متعكر
حنين : حوّل يدّك وخطاني
مازن : هيا الحقيني
طلع مازن شور السيّارة لقى امه وخواته يرجن فيه في السيارة
مازن ركب متعصب في السيارة
فاطمة : كنك مازن شن صار كنك راقيلك
مازن : مش شوررك انتي الاخرة .
بعد اشوية طلعت حنين
رِكِبت في السيارة بدون حتى ما اتقول خير لا شي
ومشى بالسيارة مازن
,,,,,
نجاح : اقنعت ماما ومروان علي معهد التوفيق عشان نقدر انشوفك عادي
رمضان : نعليا منك وخلاص
نجاح : لو مروان عنده علم انّك تقرا هنا يقتلني
رمضان : غير هيّا تعالي
وشالها في مكان مش باين عالطلبة والطالبات
وقعد يبووس فيها
" معهد التوفيق معهد لتعليم اللغة الإنجليزية في منطقة الحدائق "
,,,,,,,,
مروان امكسد مع فارس قدّام سوبر ماركت
فارس : شن مافش طير هكي ولا هكي
مروان : ههههههههه قابّة
فارس : خش لقرووبات الفيس امتاعات الخطوبة ونظرات شرعية
مروان : ههههه سامطة ,,
وين مازن معش يقعد واجد في السوبر ماركت
فارس : اها مشغول ,, عابي علينا نمسكولة شغله
" بوووووووم "
فارس : سمعت الصووت اللي توّا
مروان وهو مفجووع : بحّت بحّت يافارس وراك
فارس : حي علي امّه البوووم طالع من حوش مازن و في نار طالعة
ابسرعة ابسرعة هيّا انطفوووها
فارس مشى شور حووش مازن يجري
ومروان طلّع نقّاله يبّي يكلّم المطافي
,,,,,,,
مازن شال ام وخواته لمشوارهم
وبعدها وصل لحوش اهل حنين في الليثي
نزلت حنين
مازن : امتى انجيك
حنين : امتى مانبّي انروح حنرن عليك
مازن : استغفر الله العظيم وخلاص
وضرب دومان السيّارة بوووني
مازن : الصبّر يارب
,,,,,
فارس وهو متعصب : فيش ادير انت تعال طفّي امعايا
مروان : انرن عالمطافي وسع بالك
فارس : أي مطافي ياراجل
المطافي علي مَاجُو
يقعد الحووش محروووق
رن علي مازن بس ابسرعة هيا
يتبع ,,,,
من مواضيع : وردة
#26
~{ مديرة بنك المعرفة والثقافة }~
رد: رواية بلهجة ليبية بعنوان " مشاعر مطرطشة " للكاتب ديندار الوحيشي
#مشاعر_مطرطشة
الموسم الثاني
الحلقة 26
فارس وهو متعصب : فيش ادير انت تعال طفّي امعايا
مروان : انرن عالمطافي وسع بالك
فارس : أي مطافي ياراجل
المطافي علي مَاجُو
يقعد الحووش محروووق
رن علي مازن بس ابسرعة هيا
,,,,
أم مازن وخواته قاعدات يهدرزن
في اللمة وماعندهنش علم بشي
لين جاهن تليفون من جارتهن
انّ حوشهن والعة فيه النار
ام مازن : حي علينا وحي كلّمن مازن ابسرعة
فاطمة طلّعت نقالها تبي اترن علي مازن
ونرمين طلّعت نقالها تبي اترن علي فارس
,,,,,
مازن كان ماشي للسوبر ماركت
نقّاله رن
مازن : اهلا مروان
مروان : تعال بسرعة حوشكم والعة في النار تعال
مازن : فيش تحكي انت
مروان : والله كيف مانحكيلك
مازن : هيّا جايكم جايكم
مازن قعد يجري شوور الحووش
,,,,,,
لامار : وينك لكي فترة معش جيتينا زيارة
حنين : قاعدة في الحوش كساد وخلاص ,,
لكن انحس في روحي مخنوقة الأيام هذينا
لامار : كنك ان شاء الله خير
حنين : رايحة مش طايقة مازن ولا أهلة
وانحس فيه
كأن شخص غريب
لامار : بسم الله الكريم شن صارلك
حنين : ان شاء الله خير وخلاص ,, بس ماشاء الله بطنك رايحة زارقة
لامار : خلاص هانت هانت وايجي افتوووحة للدنيا
,,,,,,
معاوية جا واحد من جماعته المخلصين
معاوية :شن اسمك انت
واحد من جماعة معاوية : اسمي معاذ
معاوية : حتقعد انت اذراعي اليمين ووكيل اعمالي
سواء في الساحة السياسية او في المخدارت
معاذ : ليا الفخر انّي نخدمك يالزعيم
معاوية : ها جبتلي معلومات علي الافندي أحمد
معاذ : هذينا الصور امتاعات اهلة
معاوية : وين وريّهن ليّا الصور
,,,,
فارس ومروان والجيران يطفوو في النار قاعدين
علي جيّة مازن
مازن : شن صار كيف ولعت النار
فارس :سمعنا بوووم وبعدها ولعة النار
كانت النار واكلة المطبخ كلّه وخاشّة علي دار مازن
مازن : صعب هكي انطفووها حتاكل الحووش كلّه
مروان : المطافي جيّين في الطريق
,,,,,,,
حنين : اهلين ماما
ام حنين : كنها بنتي زعلانة وجوّها متعكر
حنين : مضايقة شوية بس
ام حنين : مافش حاجة اسماها مضايقة اشوية
اكيدة في حد امزعلك
حنين : فرحانة انّك قعدتي تحكي امعانا عادي نفس قبل
وصحّيتي
ام حنين : الحمد الله ربّي ماينسش عبده
,,,,,
معاذ : هذي صورة مراته وبنته وهذينا خوات وحدة راجلها مات منتحر في طرابلس والاخرة راجلها اسمه العقرب كان تاجر مخدرات وحاليا مختفي عن الشاشة وفاتح سوبر ماركت جنب الحوش
معاوية : العقرب ؟؟؟؟؟؟
معاذ : نعم هو نفسه امتاع الوحيشي اللي كان امتعب الحكومة
معاوية : العقرب والافندي أحمد يعني انسَبات
معلوومة اتهمني واجد هذي
,,,,,,
وصلت المطافي
مازن ومروان وفارس
خشوو مع بعضهم
للحووش وقعدو ايطفوو فيها كلها
النار كانت شبة كلت المطبخ واشوية من دار مازن
كان تليفوناتهم يرنن
فارس ومازن ومروان
نرمين اترن عليه فارس
وفاطمة اترن عليه مازن
نجاح اترن علي مروان عشان يروّح بيها من المعهد
,,,,,,
ام حنين : مشغولة عليه حنين واجد
بات حنين : حتّى انا نفسك
ام حنين : زعمك صارلها اللي بالي بالك
بات حنين : اس اس راك تحكيلها حاجة
مرات عندها مشكلة بس مع مازن هذا ليش صارلها هكي
حنين : جيتكم
ام حنين : بسم الله فجعتينا
حنين : كنت مع لامار في الصالة سمعتكم اتهدرزوو جيت
بات حنين : اهلين احلى حنووووو
حنين : هيا عدّي ماما تريحي تو انا انجيبلكم القهوة في الصالة
سمعت حنين نقالها يرن
شافت الرقم طلعت فاطمة اترن
مابتش اترد عليها
,,,,,,,
أم مازن : معقولة مافش حد فيهم يبي يرد عليكن
فاطمة : حتى حنين نبي انرن عليها انقوللها ما اتردش
نرمين : يارب يارب يارب طمنّا
,,,,,,
الساعة 8:00 مساءا
المطافي طفووها النار ومشوو
وقعد فارس ومازن ومروان امقعمزين قدام الحووش
وكان وجهم اسود من رماد النار
مازن : لا حول ولاقوة الا بالله
كيف صار بس كيف ولعت النار
فارس :نفس ماقتلك نحنا سمعنا بووم قوية بعدها ولعت النار
مروان : صح المطبخ كان مضرر بكل
شكله هو اللي سمعنا منّا البوووم
مازن : امي وفاطمة من امبدري يرنووو
طمنووهم عالحوش وقوللهم ساهلة
مروان وفارس : حاضر
مازن خش للحوش مسك نقّاله وولع الظي امتاعه
وقعد يبرم في المطبخ ويشوووف
مازن : لا حول ولا قوة الا بالله
المطبخ راح فيها كلّه
قدر الله وماشاء فعل
بعدها خش للدار امتاعه كانت النار واكلة بعض من الدار
قعد يبّرم ويفتش
لقى صوورة امصورها
هو وحنين أيام الفرح
وكان امعلقها في الدار
لقاها طايحة لووطة
طبّس مسك الصورة
لقى الصورة نصها محرووق
هوو كان محرووق في الصورة
وقاعدة حنين بس
مادققش واجد
وقعد يفتّش وببرم في الدار
,,,,,,
فاطمة : طمنونا فارس ومروان ياماما
جت ساهلة وكلهم تمام
قالو في حاجة تفجرت في المطبخ شكله
ام مازن : المهم همّا تمام واكويسين
,,,,,
سهام : شن جو الشغل اليوم
احمد : الحمد الله أمور كالعادة تمام
سهام : جميع الصفحات امنزلين صورتك
احسن شخص يحبط في عمليات ترهيب المخدرات
أحمد : الحمد الله ربّي وفقنا
.......
معاوية قاعد يتعشى في مطعم
يتعشى وزعلان ويحكي مع روحه
افلووس ودرت
احسن السيارات وركبت
فيلات ودرت
لكن الحاجة الوحيدة اللي صعب نشريها بالمال
هي اهلي امي باتي خوتي
رايفت عليكم كلكم
,,,
في الماضي
بات معاوية : هيا نمشووو هيا اركبوو
ام معاوية : هيا طالعين انلموو في حوايجنا
كانووو ماشيين للبحر
اركبو بات معاوية وامه وخوووته
طلع معاوية اخر واحد وكان اصغر واحد فيهم
طلع يجري وماسك الكورة في يدّة
معاوية : وين انقعزم انا يابابا امعبية السيارة
افتحوو الشنطة امتاع السيارة
وقاله باته خليه لاورة وخلاص
معاوية : حي حي تو انكمل الاكل اللي قاعد لاورة
ركب من لاورة وسكّر باته عليه
ماسك الكوورة ويحكي مع خوته من وراء الكرسي
يضحك ويضحك
اخت معاوية : ياماما راة معاوية فتح البشكوووط
ام معاوية : راه انجيك بطّل خيرلك
باته معاوية قعد يضحك
مافطنش
خش فيهم بطّاح " سيارة كبيرة "
السيارة انقلبت مرتين
بات معاوية راسه حصل في دومان السيارة وطربقت رقبته
ام معاوية راسها خبط في قزاز السيارة وراسها انفتح
خوت امعاوية قعدوو حاصلين
معاوية يبكي يشووف فيهم مش قادر يتحرك
حصلّ ضرب علي راسه لكن كثرة الحوايج الللي في شنطة
جاته ساهلة الضربة
معاوية يعيط : بابا بابا ماما ماما
كانت النار كيف بدت تولع في السيّارة
ولعت النار امّه وباته
معاوية : بابا ماما بابا ماما
وصلت النار عند خوووته
خوووت معاوية قعدووو يعيطووووو
معاوية اغمى عليه من الدخان
ناض لقى روحه قاعد في غرفة العمليات
مش فاهم شي
من هذوما وين قاعد انا
فيش اندير هنا
وين بابا وين ماما
وين خووتي
هذا مش البحر
فيش اندير هنا
هذيما من
في الوقت الحاضر
معاوية قعدت الدمعة نازلة من عينه
شريط حياتة مش قادر ينسى
كل يوم يذكر فيه
كل مايقول حننسى وانعيش حياتي
يذكّر ويقعد يبكي
حوّل الكاشيك ووقف عن الاكل
,,,,,,
مازن : خلاص يافارس خلّي هلي يباتوو عند امّك اليوم
قوبعة : حاضر تو نطلع توا ناخذهم وانشيلهم لحوشنا
مازن : وين مروان
قوبعة : قالي طوّلت علي اختي ماشي يروّح بيها من المعهد
طلع قوبعة بالسيارة
وقعد مازن قدام الحوووش زعلان وراسه في الأرض
بعدها بحّت فوق في السماء
مازن : اللي ايجي من ربّي كلّا خير
لكن نلقاها منك ياحنين ولا من الاهمووم
طلّع نقاله عشان يرن علي حنين
ويحكيلها شن صاير
,,,,
يتعشوو حنين وهلها مع بعضهم
لامار : نقالك يرن راه من امبدري
حنين تسمعش فيها وكأنها في عالم اخر
تاكل امعاهم لكن عقلها وروحها في عالم آخر
لامار : نحكي انا
حنين : سرحت بس نعم
لامار : نقالك يرن
صبّت حنين كان نقالها في الشحن
شافت الرقم طلع مازن
حنين : الوو
مازن : اليوم خليك عند هلك باهي باتي عندهم
حنين : عليش ان شاء الله
مازن : الحوش ولعت فيه النار
حنين : لالا معقولة امتى صار الكلام هذا
مازن : لمّا شلتك امبدري
حنين : انا انقول فاطمة كانت اترن عليا واجد
باهي الحوش اضرر واجد
مازن : المطبخ ودارنا بس
حنين : المهم طمني عليك
مازن : تمام
,,,
ام مازن : وين شايلنا يافارس
فارس : اليوم حنشيلكم عند الوالدة اتباتوو عندها
فاطمة : حوشنا كنّا
فارس : مافش شي الحووش ,, الظرر بسيط بس
ام مازن : كنّا مازن انرن عليه ما يردش
فارس: راقيله ومستغرب نفس اللي مصدووم
لكن اموره طيبة توا نبي انحطكم عند امي وماشيله
نزلت ام مازن وفاطمة
جت نرمين تبي تنزلي مسك يدّها
نرمين : نعم
عطاها بووسه علي خدّها
فارس : ديري بالك ع روحك اعيووني
نرمين : حاضر ,, معش تشغلني عليك ورد علي نقالك
فارس ابتسم وهي ابستمت ونزلت من السيارة
,,,,,,
بات حنين : كلّمي خوك احمد واحكيله علي حوش مازن
حنين : اكيدة عندة علم
لامار :بالله عليكم هذا شكل وحده حوشهم والعة في النار
حنين : كنك انتي الاخرة شن تبي اندير نندم ونقعد انعيط ولا شي
نصيب الله غالب ربي كاتبله الحوش ينحرق
لامار : باهي اوكي اوكي وطّي صوتك
بات حنين : تي احترمووونا قاعد امعاكم
اتعلن في صوتكم قدّامي
حنين : اقعدوو فيها
وصبّت من الصالة ومشت للدار الاخرة
,,,
وفاء : عدّي دير حمام وغير دبشك واحكيلي شن صار بالتفصيل
مروان : حاضر
نجاح خشت للدار اتغير دبشها
,,,,,,,
بعد منتصف الليل
فارس : شن ماتبش ترقد ولا شن
مازن : قاعد انفكر وانخمم بس
فارس : فيش اتفكر
مازن : زعمك مقصود البووووم اليوم ولا جا عفوي
مرات واحد من أعداء اللي زمان يبي يأخذ بثاره
فارس : تقريبا حاليا الكارطة هادية
انت شاك في واحد
مازن : لا مافش حد في بالي
فارس : لو شاك في واحد
مش حنخسر في الّا طلقة وحدة في راسه
مازن : القصة مش قصة قتل
جت علي هذي ساهلة
فارس : باهي شن
مازن : راسي يبي ينفجر غير اهدا اشوية
فارس : باه
مازن : المهم بكرة من الصبح لازم نشقو بالحووش
وفي العشية جيب الزاوقيين
حال الغاية يوم او يومين تقعد كل حاجة كيف ماهيّا
مانبش انشحور هلي
فارس : تم ,,
مازن : حنكلم مروان ينهي امعاك
والخزنة عارف مكانها انت في سوبر ماركت وين
خووذ المبلغ اللي تبيه لو اضطر الامر انّك اتفضي الخزنة
نبي دبش المطبخ كلّا جديد وغرفة نووم جديدة
أي حاجة فسدت جيب بدالها حاجة جديدة
عابي عليك
فارس : كووون هاني
,,,,,,,
مروان ماشي للحمام نص الليل يسمع في صوت
آهااااات من دار نجاح
نجاح : اه اه اه اه خلاص يابيبي
فتح الباب مروان
كانت نجاح لابسة روب
وتحكي اتصال فيديو
نجاح : من مروان
رمضان : سكّر النت لما سمع اسم مروان
مروان : ماشعفتش ,, انتي وحدة مش تمام
,, فاسدة اكبر عاهرة
انتي حرام تقعدي اختي
خش عليها قعد يضرب فيها اكفووف علي وجها
نجاح : ياماما تعالي تعالي
مروان : ماما صار
هذا نقّالك وكّسرّنا امّه
وهذا لاب توبّك صح
وكسّرّنا امّه حتى هو
نجاح وهي تبكي : اه اه اه اه ياماما
مروان : يافاسدة,, الناس في نص الليل يقيمو في الليل
وانتي تعرضيلي في جسمك للناس
هذا الواي ماكس صح
وكسّرنا امّه
نجاح : ياماما تعالي ابسرعة ياماما
اه اه اه اه اه اه ياماما
مروان : اه صار
شفتي الفرق لمّا اتقولي اه من اللذة والنشوة
ولمّا اتقولي اه من الضرب يافاسدة
جت وفاء تجري شافت بنتها خشمها دم
ويضرب فيها
وفاء : فيش ادير انت ياحالة معقولة ادير هكّي في اختك
مروان : تعرفي انتي الاخرة سكّري فمّك
بلاش منّا ارضا الوالدين اللي يخلّي اختي تطلع اكبر فاسدة
وفاء : احترم نفسك شن هالكلام
طلّع امّه من الدار وسّكر الدار علي روحه
نجاح : خلاص يامروان والله معش نقدر
مروان : مروان معش اتقولي اسمي علي فمّك
عقاب عاهرة ما اتشرفنش
نجاح تبكي وقعد يضرب فيها بالسير امتاعه
نجاح : اه اه اه اه ياماما حلّي الباب
وفاء تبكي وراء الباب
وفاء : خلاص عشان خاطري وقّف ضرب حلاص
نجاح : اه ياماما اه ياماما
,,,,,,,
فاطمة : زعلانة منّك
لؤي : عليش كنك
فاطمة : ماتندري عليا بكل اليوم ومانكش عارف شن صايرلي
لؤي : ان شاء الله خير كنّك
فاطمة : اليوم حووشنا انحرق
لؤي : والله ماعندي علم
فاطمة : لو كان رنيت راه قتلك
اليوم مارنيتش عليا
جيت توا نبي نرقد قلت خليني نتصل بيه انا وخلاص
نطلع احسن منّا
لؤي : والله عمل واخذ واقتي
فاطمة : حافضتها الأسطوانة هذي
لؤي : كنك متعصبة
فاطمة : لا جو تمام
وقعدوو يهدرزوو الليل كلّه
,,,,,
حنين مش جايها نوووم
ماسكّه ورقة ورسمت عقرب
قعدت عينها ادمّع
وكأنها حنين قعد شخصين في شخص واحد
اول مانزلت الدمعة من عينها
شرّطت الورقة
وقعدت تبكي الليل كلّه
,,,,,,
نرمين ماقدرتش اترن علي فارس
عشان عارفتا بايت مع مازن
,,,,,,,,
ثاني يوم الصباح الباكر
ام فارس ادير في فطور
خشت عليها نرمين
نرمين : صباح الخير عمتي تو انساعدك
وقعدت ادير امعاها في المطبخ
ام فارس : رن عليا فارس تبو تمشو للجامعة ولالا
مازن قالّه عندهن امتحانات فاينل
نرمين : لا مادة اليوم سحبينها
كان هذا راه مامشينش اللمة امس وقرينا في الحووش
,,,,,
مروان طلع من الصبح ومابش حتى يفطر
مشى شور حوش مازن
,,,
أحمد ناض الصبح لقى رنات من لامار
لكن نقاله كان في الشحن وعالصامت
لقى حتى مسج
" راهو حوش مازن ولعت فيه النار وحنين بايته عندنا "
أحمد فطر مع سهام وحكالها علي موضوع حوش مازن
,,,,,,
العقرب : هيا هيا انت وياه لازم انكملو هالحوسة ابسرعة
فارس : الزواقين جايين بعديين
العقرب : تمام هيا تعال انطلعو باقي الدبش
مروان : صباح الخير
العقرب : صباح الورد انست يامروان نهارك سعيد
مروان : هيا هيا نتوكلوو على الله
فارس : بحّت من اللي جا من غادي
العقرب : اووووو لؤي حتى هو فازع
لؤي : نهاركم سعيد والحمد الله علي سلامتكم
العقرب : الله يسلمك جيت في وقتك
فارس : هيا هيا
قعدوو يطلعو في الدبش المحروق وبدو ينظفووو
جا جار العقرب
جار العقرب : اوووو عقربنا الحمد الله علي سلامتكم
خش قعد يساعد فيهم
جا الجار الاخر وهكذا
قعدو الجيران كلهم مع العقرب
اللي ينظف اللي يطلع في دبش
اللي يرتب
العقرب بحّت في فارس ومروان ولؤي وجيران
ويشووف فيهم كيف فازعيّله ومتعاونين مع بعضهم
العقرب : الحمد الله على يارب
وخش قعد يساعد فيهم
,,,,,,
وفاء : شن اتحسي روحك توا
نجاح : جسمي ياماما كلّا امعلم من السير امتاعه
وفاء : تحملي خلاص ان شاء الله معش يضربك
نجاح : مزلطة منّك ياماما مش عارفة
نشكيلك من خويا
ولا انبرر موقفي عالحركة اللي درتها امس
وفاء : قعدت تمسح علي شعرها
توو انهدرزو مرّة ثانية
صبّت ام وفاء وقعد اضم في الدار اللي خلاها مروان في حالة
,,,,,,
ام مازن وبناتها يفطرن مع ام فارس
ويهدرزووو
فاطمة سمعت نقالها يرن
فاطمة : حنين وينك امس انرن عليك
حنين : كنت مريضة اشوية ومضايقة
فاطمة : اكيدة عندك علم
حنين : اها فجعني مازن ان شاء الله خير
فاطمة : ان شاء الله
حنين : سلميلي علي عمتي واختك نرمين
فاطمة : حاضر
حنين : انا قعدت بايته في حوش هلي ,, مازن قالي خليك غادي
فاطمة : قصدك مازن رن عليك انتي ؟؟؟؟؟
حنين : اها رن,, عليش كنّك
فاطمة : نحنا من امس انرنو عليه مابش يفتح علينا بكل
ام مازن : الوو باهي اللي سمعت صوتك طمنّي عليك يامازن
حنين : بالك مشغول بس
فاطمة : اهوو توّا كلّم ماما ويتصل بيها خليني نطمن عليه حتى انا
حنين : خوذي راحتك
ام مازن : شغلتنا عليك كنك مابيتش اترد علي تليفونك امس
مازن : خالطة عليا اشوية ,, اهم حاجة امووركم طيبة
قاعدين انا والشباب انديرو في برمة عالحوووش
ام مازن :الحمد الله ,, هاك يبّنك البنات
مازن : هاتي
,,,,,,
الساعة 11:00 صباحا
طلعت لامار من المحاضرة جاها نفس الدكتور
الدكتور : اهلين لامار
لامار : اهلين دكتور
الدكتور : تقدري ما اتجشش في محاضراتي عادي مرات في ضرر لكّي
لامار : لاعادي امتى ما انحس روحي تعبانة مش حنجي
الدكتور : خذيت رقمك الدراسي اعتبري روحك امصفيتيها المادة حتى لو ماجيتش
لامار : بارك الله فيك يادكتور
وقعدت امكسدة في في الحديقة علي ماتبدا المحاضرة الثانية
لامار تحكي مع روحها
" شن قصّته هذا كل اشوية زارقلي "
,,,,
الافندي احمد : الحمد الله علي سلامتك
فارس : الله يسلمك الافندي احمد ابروحه جاي يساعد فينا
الافندي أحمد : وين العقرب
فارس : تلقى جوّا خش ينظف مع الجماعة
,,,
ام حنين : نسألك حنين
حنين : نعم ماما
ام حنين : الأيام هذينا في حاجة صايرة امعاك
حنين : كيف مثلا
ام حنين : يعني ماصرلكش حاجات غريبة
حنين : والله شن انقولك
ممكن لعند توا حاجتين
ام حنين : شن هنّا
حنين : اول حاجة لما ام مازن قعدت تحكي عليا وتسال في مازن عليا وقت الغداء
كنت امقعمزة في داري حاجة قالت لي صبّي امشي للمطبخ تغدي
بالصدفة سمعت
ام حنين : باهي
حنين : نفس اللقطة امس لما كنتي تحكي عليا انتي وبابا
سمعت كل كلمة قلتوووها
انتم دسيّن عليا حاجة
ام حنين : لالالا مش داسيين عليك شي
لا حاجات عاديات هذينا
حتى انا مرات انخش بالصدفة علي باتك يحكو عليا هو احمد
ولّا انخس علي لامار تحكي عليّا عند باتك
حنين : ممكن ,, بس كنّك قعدتي اتلكلي وخايفة من طريقة كلامك
ام حنين وهي خايفة : لا مش خايفة تهيالك
,,,,,
مازن وهو قاعد في الحووش سمع صوت الافندي احمد
مازن : مرحب مرحب
الافندي احمد : الحمد الله علي سلامتك يالغالي
مازن : الله يسلمك ,, الحمد الله على كل
الافندي احمد : المهم مافش حد اضرر كلّا يتعوض
مازن : ايو الله ماقلت الا الصادقة
تعال انوريك الأماكن اللي اضررن
,,,,,
بالأمس عند الساعة 5:00 عصرا
حنين شافت مازن يبّي يطلع لبست عبايتها
مازن : وين
حنين بعصبية : شيلني الحوش هلي نبي انغير جوّي
مش طايقة حوشكم بكل
مازن : باهي وطّي صوتك وفكيني من الجو امتاعك هذا
مش داعي اتسمعي هلي راه مزلت نحترم فيك
بعدها حنين سمعت الباب يدق امتاع الدار
طلعت ام مازن وتبي تمشي الحوش بنت خالتها اللمة
قالت حنين في بالها هذي فرصتي
ومازن عاتب حنين وقاللها راك تقلبي وجك علي هلي في السيارة
وبعدها طلع شور السيارة وقاللها الحقيني
طلعوو كلهم للسيارة
مشت حنين شور المطبخ شور الغاز
ولّعت الروس الأربعة وخلّت الغازي يسّرب
ووفتحت الكوووشة ولّعت غازة
وسكّرت رواشن المطبخ كلهن
وخذت شمعة ولاعة
مشت للصالة قدام باب المطبخ ولّعت الشمعة وحطتها قدام باب المبطخ
بعدها رِكِبت في السيارة
بدون حتى ما اتقول خير لا شي
ومشى بالسيارة مازن
الغاز بدا يسرّب بشواش بشواش
كانوو وقتها فارس ومروان امكسدين قدام سوبر ماركت
المطبخ قعد مضغوووط بالغاز بمجرد ماطلع من باب المطبخ
صار " بوووووووم "
فارس : سمعت الصووت اللي توّا
مروان وهو مفجووع : بحّت بحّت يافارس وراك
فارس : حي علي امّه البوووم طالع من حوش مازن و في نار طالعة
ابسرعة ابسرعة هيّا انطفوووها
,,,
في الوقت الحاضر
الافندي احمد : عرفت من شن النار
مازن : لامازال
الافندي : اكيدة لها سبب مافش نار تولع ابروحها
مازن : اكيدة
,,,,,,
حنين كانت في الصالة كانت امّها في المطبخ
حنين اذكرت كلام امّها واعيونها قعدن حمر
وحسّت بضيق في قلبها
حنين : شن كانت تقصد لمّا قالت البابا زعمك صارلها اللي بالي بالك
وليش لما شافووني انفجعوو وغيروو كلامهم
حنين مشت للمطبخ وكانت امّه امقعمزة عالكرسي
ومعطيتها في ظهرها
سمعتها امّها لما خشّت
ام حنين : تعالي قرّضي امعايا الخضرة
حنين وهي مبتسمة : حاضر ياماما
خذت الموس من الدرج
وكان الدرج وراه امّها
مشت شوور امّها من وراها
ومسكت موس لحم مش موس خضرة
كان ضل حنين عاكس عالطاولة
فطنت ام حنين
بحتت لاورة
شافت حنين ماسكة موس لحم
ام حنين جت عينها في عين حنين
وزمطت ريقها وثلجت وخافت
يتبع ,,
الموسم الثاني
الحلقة 26
فارس وهو متعصب : فيش ادير انت تعال طفّي امعايا
مروان : انرن عالمطافي وسع بالك
فارس : أي مطافي ياراجل
المطافي علي مَاجُو
يقعد الحووش محروووق
رن علي مازن بس ابسرعة هيا
,,,,
أم مازن وخواته قاعدات يهدرزن
في اللمة وماعندهنش علم بشي
لين جاهن تليفون من جارتهن
انّ حوشهن والعة فيه النار
ام مازن : حي علينا وحي كلّمن مازن ابسرعة
فاطمة طلّعت نقالها تبي اترن علي مازن
ونرمين طلّعت نقالها تبي اترن علي فارس
,,,,,
مازن كان ماشي للسوبر ماركت
نقّاله رن
مازن : اهلا مروان
مروان : تعال بسرعة حوشكم والعة في النار تعال
مازن : فيش تحكي انت
مروان : والله كيف مانحكيلك
مازن : هيّا جايكم جايكم
مازن قعد يجري شوور الحووش
,,,,,,
لامار : وينك لكي فترة معش جيتينا زيارة
حنين : قاعدة في الحوش كساد وخلاص ,,
لكن انحس في روحي مخنوقة الأيام هذينا
لامار : كنك ان شاء الله خير
حنين : رايحة مش طايقة مازن ولا أهلة
وانحس فيه
كأن شخص غريب
لامار : بسم الله الكريم شن صارلك
حنين : ان شاء الله خير وخلاص ,, بس ماشاء الله بطنك رايحة زارقة
لامار : خلاص هانت هانت وايجي افتوووحة للدنيا
,,,,,,
معاوية جا واحد من جماعته المخلصين
معاوية :شن اسمك انت
واحد من جماعة معاوية : اسمي معاذ
معاوية : حتقعد انت اذراعي اليمين ووكيل اعمالي
سواء في الساحة السياسية او في المخدارت
معاذ : ليا الفخر انّي نخدمك يالزعيم
معاوية : ها جبتلي معلومات علي الافندي أحمد
معاذ : هذينا الصور امتاعات اهلة
معاوية : وين وريّهن ليّا الصور
,,,,
فارس ومروان والجيران يطفوو في النار قاعدين
علي جيّة مازن
مازن : شن صار كيف ولعت النار
فارس :سمعنا بوووم وبعدها ولعة النار
كانت النار واكلة المطبخ كلّه وخاشّة علي دار مازن
مازن : صعب هكي انطفووها حتاكل الحووش كلّه
مروان : المطافي جيّين في الطريق
,,,,,,,
حنين : اهلين ماما
ام حنين : كنها بنتي زعلانة وجوّها متعكر
حنين : مضايقة شوية بس
ام حنين : مافش حاجة اسماها مضايقة اشوية
اكيدة في حد امزعلك
حنين : فرحانة انّك قعدتي تحكي امعانا عادي نفس قبل
وصحّيتي
ام حنين : الحمد الله ربّي ماينسش عبده
,,,,,
معاذ : هذي صورة مراته وبنته وهذينا خوات وحدة راجلها مات منتحر في طرابلس والاخرة راجلها اسمه العقرب كان تاجر مخدرات وحاليا مختفي عن الشاشة وفاتح سوبر ماركت جنب الحوش
معاوية : العقرب ؟؟؟؟؟؟
معاذ : نعم هو نفسه امتاع الوحيشي اللي كان امتعب الحكومة
معاوية : العقرب والافندي أحمد يعني انسَبات
معلوومة اتهمني واجد هذي
,,,,,,
وصلت المطافي
مازن ومروان وفارس
خشوو مع بعضهم
للحووش وقعدو ايطفوو فيها كلها
النار كانت شبة كلت المطبخ واشوية من دار مازن
كان تليفوناتهم يرنن
فارس ومازن ومروان
نرمين اترن عليه فارس
وفاطمة اترن عليه مازن
نجاح اترن علي مروان عشان يروّح بيها من المعهد
,,,,,,
ام حنين : مشغولة عليه حنين واجد
بات حنين : حتّى انا نفسك
ام حنين : زعمك صارلها اللي بالي بالك
بات حنين : اس اس راك تحكيلها حاجة
مرات عندها مشكلة بس مع مازن هذا ليش صارلها هكي
حنين : جيتكم
ام حنين : بسم الله فجعتينا
حنين : كنت مع لامار في الصالة سمعتكم اتهدرزوو جيت
بات حنين : اهلين احلى حنووووو
حنين : هيا عدّي ماما تريحي تو انا انجيبلكم القهوة في الصالة
سمعت حنين نقالها يرن
شافت الرقم طلعت فاطمة اترن
مابتش اترد عليها
,,,,,,,
أم مازن : معقولة مافش حد فيهم يبي يرد عليكن
فاطمة : حتى حنين نبي انرن عليها انقوللها ما اتردش
نرمين : يارب يارب يارب طمنّا
,,,,,,
الساعة 8:00 مساءا
المطافي طفووها النار ومشوو
وقعد فارس ومازن ومروان امقعمزين قدام الحووش
وكان وجهم اسود من رماد النار
مازن : لا حول ولاقوة الا بالله
كيف صار بس كيف ولعت النار
فارس :نفس ماقتلك نحنا سمعنا بووم قوية بعدها ولعت النار
مروان : صح المطبخ كان مضرر بكل
شكله هو اللي سمعنا منّا البوووم
مازن : امي وفاطمة من امبدري يرنووو
طمنووهم عالحوش وقوللهم ساهلة
مروان وفارس : حاضر
مازن خش للحوش مسك نقّاله وولع الظي امتاعه
وقعد يبرم في المطبخ ويشوووف
مازن : لا حول ولا قوة الا بالله
المطبخ راح فيها كلّه
قدر الله وماشاء فعل
بعدها خش للدار امتاعه كانت النار واكلة بعض من الدار
قعد يبّرم ويفتش
لقى صوورة امصورها
هو وحنين أيام الفرح
وكان امعلقها في الدار
لقاها طايحة لووطة
طبّس مسك الصورة
لقى الصورة نصها محرووق
هوو كان محرووق في الصورة
وقاعدة حنين بس
مادققش واجد
وقعد يفتّش وببرم في الدار
,,,,,,
فاطمة : طمنونا فارس ومروان ياماما
جت ساهلة وكلهم تمام
قالو في حاجة تفجرت في المطبخ شكله
ام مازن : المهم همّا تمام واكويسين
,,,,,
سهام : شن جو الشغل اليوم
احمد : الحمد الله أمور كالعادة تمام
سهام : جميع الصفحات امنزلين صورتك
احسن شخص يحبط في عمليات ترهيب المخدرات
أحمد : الحمد الله ربّي وفقنا
.......
معاوية قاعد يتعشى في مطعم
يتعشى وزعلان ويحكي مع روحه
افلووس ودرت
احسن السيارات وركبت
فيلات ودرت
لكن الحاجة الوحيدة اللي صعب نشريها بالمال
هي اهلي امي باتي خوتي
رايفت عليكم كلكم
,,,
في الماضي
بات معاوية : هيا نمشووو هيا اركبوو
ام معاوية : هيا طالعين انلموو في حوايجنا
كانووو ماشيين للبحر
اركبو بات معاوية وامه وخوووته
طلع معاوية اخر واحد وكان اصغر واحد فيهم
طلع يجري وماسك الكورة في يدّة
معاوية : وين انقعزم انا يابابا امعبية السيارة
افتحوو الشنطة امتاع السيارة
وقاله باته خليه لاورة وخلاص
معاوية : حي حي تو انكمل الاكل اللي قاعد لاورة
ركب من لاورة وسكّر باته عليه
ماسك الكوورة ويحكي مع خوته من وراء الكرسي
يضحك ويضحك
اخت معاوية : ياماما راة معاوية فتح البشكوووط
ام معاوية : راه انجيك بطّل خيرلك
باته معاوية قعد يضحك
مافطنش
خش فيهم بطّاح " سيارة كبيرة "
السيارة انقلبت مرتين
بات معاوية راسه حصل في دومان السيارة وطربقت رقبته
ام معاوية راسها خبط في قزاز السيارة وراسها انفتح
خوت امعاوية قعدوو حاصلين
معاوية يبكي يشووف فيهم مش قادر يتحرك
حصلّ ضرب علي راسه لكن كثرة الحوايج الللي في شنطة
جاته ساهلة الضربة
معاوية يعيط : بابا بابا ماما ماما
كانت النار كيف بدت تولع في السيّارة
ولعت النار امّه وباته
معاوية : بابا ماما بابا ماما
وصلت النار عند خوووته
خوووت معاوية قعدووو يعيطووووو
معاوية اغمى عليه من الدخان
ناض لقى روحه قاعد في غرفة العمليات
مش فاهم شي
من هذوما وين قاعد انا
فيش اندير هنا
وين بابا وين ماما
وين خووتي
هذا مش البحر
فيش اندير هنا
هذيما من
في الوقت الحاضر
معاوية قعدت الدمعة نازلة من عينه
شريط حياتة مش قادر ينسى
كل يوم يذكر فيه
كل مايقول حننسى وانعيش حياتي
يذكّر ويقعد يبكي
حوّل الكاشيك ووقف عن الاكل
,,,,,,
مازن : خلاص يافارس خلّي هلي يباتوو عند امّك اليوم
قوبعة : حاضر تو نطلع توا ناخذهم وانشيلهم لحوشنا
مازن : وين مروان
قوبعة : قالي طوّلت علي اختي ماشي يروّح بيها من المعهد
طلع قوبعة بالسيارة
وقعد مازن قدام الحوووش زعلان وراسه في الأرض
بعدها بحّت فوق في السماء
مازن : اللي ايجي من ربّي كلّا خير
لكن نلقاها منك ياحنين ولا من الاهمووم
طلّع نقاله عشان يرن علي حنين
ويحكيلها شن صاير
,,,,
يتعشوو حنين وهلها مع بعضهم
لامار : نقالك يرن راه من امبدري
حنين تسمعش فيها وكأنها في عالم اخر
تاكل امعاهم لكن عقلها وروحها في عالم آخر
لامار : نحكي انا
حنين : سرحت بس نعم
لامار : نقالك يرن
صبّت حنين كان نقالها في الشحن
شافت الرقم طلع مازن
حنين : الوو
مازن : اليوم خليك عند هلك باهي باتي عندهم
حنين : عليش ان شاء الله
مازن : الحوش ولعت فيه النار
حنين : لالا معقولة امتى صار الكلام هذا
مازن : لمّا شلتك امبدري
حنين : انا انقول فاطمة كانت اترن عليا واجد
باهي الحوش اضرر واجد
مازن : المطبخ ودارنا بس
حنين : المهم طمني عليك
مازن : تمام
,,,
ام مازن : وين شايلنا يافارس
فارس : اليوم حنشيلكم عند الوالدة اتباتوو عندها
فاطمة : حوشنا كنّا
فارس : مافش شي الحووش ,, الظرر بسيط بس
ام مازن : كنّا مازن انرن عليه ما يردش
فارس: راقيله ومستغرب نفس اللي مصدووم
لكن اموره طيبة توا نبي انحطكم عند امي وماشيله
نزلت ام مازن وفاطمة
جت نرمين تبي تنزلي مسك يدّها
نرمين : نعم
عطاها بووسه علي خدّها
فارس : ديري بالك ع روحك اعيووني
نرمين : حاضر ,, معش تشغلني عليك ورد علي نقالك
فارس ابتسم وهي ابستمت ونزلت من السيارة
,,,,,,
بات حنين : كلّمي خوك احمد واحكيله علي حوش مازن
حنين : اكيدة عندة علم
لامار :بالله عليكم هذا شكل وحده حوشهم والعة في النار
حنين : كنك انتي الاخرة شن تبي اندير نندم ونقعد انعيط ولا شي
نصيب الله غالب ربي كاتبله الحوش ينحرق
لامار : باهي اوكي اوكي وطّي صوتك
بات حنين : تي احترمووونا قاعد امعاكم
اتعلن في صوتكم قدّامي
حنين : اقعدوو فيها
وصبّت من الصالة ومشت للدار الاخرة
,,,
وفاء : عدّي دير حمام وغير دبشك واحكيلي شن صار بالتفصيل
مروان : حاضر
نجاح خشت للدار اتغير دبشها
,,,,,,,
بعد منتصف الليل
فارس : شن ماتبش ترقد ولا شن
مازن : قاعد انفكر وانخمم بس
فارس : فيش اتفكر
مازن : زعمك مقصود البووووم اليوم ولا جا عفوي
مرات واحد من أعداء اللي زمان يبي يأخذ بثاره
فارس : تقريبا حاليا الكارطة هادية
انت شاك في واحد
مازن : لا مافش حد في بالي
فارس : لو شاك في واحد
مش حنخسر في الّا طلقة وحدة في راسه
مازن : القصة مش قصة قتل
جت علي هذي ساهلة
فارس : باهي شن
مازن : راسي يبي ينفجر غير اهدا اشوية
فارس : باه
مازن : المهم بكرة من الصبح لازم نشقو بالحووش
وفي العشية جيب الزاوقيين
حال الغاية يوم او يومين تقعد كل حاجة كيف ماهيّا
مانبش انشحور هلي
فارس : تم ,,
مازن : حنكلم مروان ينهي امعاك
والخزنة عارف مكانها انت في سوبر ماركت وين
خووذ المبلغ اللي تبيه لو اضطر الامر انّك اتفضي الخزنة
نبي دبش المطبخ كلّا جديد وغرفة نووم جديدة
أي حاجة فسدت جيب بدالها حاجة جديدة
عابي عليك
فارس : كووون هاني
,,,,,,,
مروان ماشي للحمام نص الليل يسمع في صوت
آهااااات من دار نجاح
نجاح : اه اه اه اه خلاص يابيبي
فتح الباب مروان
كانت نجاح لابسة روب
وتحكي اتصال فيديو
نجاح : من مروان
رمضان : سكّر النت لما سمع اسم مروان
مروان : ماشعفتش ,, انتي وحدة مش تمام
,, فاسدة اكبر عاهرة
انتي حرام تقعدي اختي
خش عليها قعد يضرب فيها اكفووف علي وجها
نجاح : ياماما تعالي تعالي
مروان : ماما صار
هذا نقّالك وكّسرّنا امّه
وهذا لاب توبّك صح
وكسّرّنا امّه حتى هو
نجاح وهي تبكي : اه اه اه اه ياماما
مروان : يافاسدة,, الناس في نص الليل يقيمو في الليل
وانتي تعرضيلي في جسمك للناس
هذا الواي ماكس صح
وكسّرنا امّه
نجاح : ياماما تعالي ابسرعة ياماما
اه اه اه اه اه اه ياماما
مروان : اه صار
شفتي الفرق لمّا اتقولي اه من اللذة والنشوة
ولمّا اتقولي اه من الضرب يافاسدة
جت وفاء تجري شافت بنتها خشمها دم
ويضرب فيها
وفاء : فيش ادير انت ياحالة معقولة ادير هكّي في اختك
مروان : تعرفي انتي الاخرة سكّري فمّك
بلاش منّا ارضا الوالدين اللي يخلّي اختي تطلع اكبر فاسدة
وفاء : احترم نفسك شن هالكلام
طلّع امّه من الدار وسّكر الدار علي روحه
نجاح : خلاص يامروان والله معش نقدر
مروان : مروان معش اتقولي اسمي علي فمّك
عقاب عاهرة ما اتشرفنش
نجاح تبكي وقعد يضرب فيها بالسير امتاعه
نجاح : اه اه اه اه ياماما حلّي الباب
وفاء تبكي وراء الباب
وفاء : خلاص عشان خاطري وقّف ضرب حلاص
نجاح : اه ياماما اه ياماما
,,,,,,,
فاطمة : زعلانة منّك
لؤي : عليش كنك
فاطمة : ماتندري عليا بكل اليوم ومانكش عارف شن صايرلي
لؤي : ان شاء الله خير كنّك
فاطمة : اليوم حووشنا انحرق
لؤي : والله ماعندي علم
فاطمة : لو كان رنيت راه قتلك
اليوم مارنيتش عليا
جيت توا نبي نرقد قلت خليني نتصل بيه انا وخلاص
نطلع احسن منّا
لؤي : والله عمل واخذ واقتي
فاطمة : حافضتها الأسطوانة هذي
لؤي : كنك متعصبة
فاطمة : لا جو تمام
وقعدوو يهدرزوو الليل كلّه
,,,,,
حنين مش جايها نوووم
ماسكّه ورقة ورسمت عقرب
قعدت عينها ادمّع
وكأنها حنين قعد شخصين في شخص واحد
اول مانزلت الدمعة من عينها
شرّطت الورقة
وقعدت تبكي الليل كلّه
,,,,,,
نرمين ماقدرتش اترن علي فارس
عشان عارفتا بايت مع مازن
,,,,,,,,
ثاني يوم الصباح الباكر
ام فارس ادير في فطور
خشت عليها نرمين
نرمين : صباح الخير عمتي تو انساعدك
وقعدت ادير امعاها في المطبخ
ام فارس : رن عليا فارس تبو تمشو للجامعة ولالا
مازن قالّه عندهن امتحانات فاينل
نرمين : لا مادة اليوم سحبينها
كان هذا راه مامشينش اللمة امس وقرينا في الحووش
,,,,,
مروان طلع من الصبح ومابش حتى يفطر
مشى شور حوش مازن
,,,
أحمد ناض الصبح لقى رنات من لامار
لكن نقاله كان في الشحن وعالصامت
لقى حتى مسج
" راهو حوش مازن ولعت فيه النار وحنين بايته عندنا "
أحمد فطر مع سهام وحكالها علي موضوع حوش مازن
,,,,,,
العقرب : هيا هيا انت وياه لازم انكملو هالحوسة ابسرعة
فارس : الزواقين جايين بعديين
العقرب : تمام هيا تعال انطلعو باقي الدبش
مروان : صباح الخير
العقرب : صباح الورد انست يامروان نهارك سعيد
مروان : هيا هيا نتوكلوو على الله
فارس : بحّت من اللي جا من غادي
العقرب : اووووو لؤي حتى هو فازع
لؤي : نهاركم سعيد والحمد الله علي سلامتكم
العقرب : الله يسلمك جيت في وقتك
فارس : هيا هيا
قعدوو يطلعو في الدبش المحروق وبدو ينظفووو
جا جار العقرب
جار العقرب : اوووو عقربنا الحمد الله علي سلامتكم
خش قعد يساعد فيهم
جا الجار الاخر وهكذا
قعدو الجيران كلهم مع العقرب
اللي ينظف اللي يطلع في دبش
اللي يرتب
العقرب بحّت في فارس ومروان ولؤي وجيران
ويشووف فيهم كيف فازعيّله ومتعاونين مع بعضهم
العقرب : الحمد الله على يارب
وخش قعد يساعد فيهم
,,,,,,
وفاء : شن اتحسي روحك توا
نجاح : جسمي ياماما كلّا امعلم من السير امتاعه
وفاء : تحملي خلاص ان شاء الله معش يضربك
نجاح : مزلطة منّك ياماما مش عارفة
نشكيلك من خويا
ولا انبرر موقفي عالحركة اللي درتها امس
وفاء : قعدت تمسح علي شعرها
توو انهدرزو مرّة ثانية
صبّت ام وفاء وقعد اضم في الدار اللي خلاها مروان في حالة
,,,,,,
ام مازن وبناتها يفطرن مع ام فارس
ويهدرزووو
فاطمة سمعت نقالها يرن
فاطمة : حنين وينك امس انرن عليك
حنين : كنت مريضة اشوية ومضايقة
فاطمة : اكيدة عندك علم
حنين : اها فجعني مازن ان شاء الله خير
فاطمة : ان شاء الله
حنين : سلميلي علي عمتي واختك نرمين
فاطمة : حاضر
حنين : انا قعدت بايته في حوش هلي ,, مازن قالي خليك غادي
فاطمة : قصدك مازن رن عليك انتي ؟؟؟؟؟
حنين : اها رن,, عليش كنّك
فاطمة : نحنا من امس انرنو عليه مابش يفتح علينا بكل
ام مازن : الوو باهي اللي سمعت صوتك طمنّي عليك يامازن
حنين : بالك مشغول بس
فاطمة : اهوو توّا كلّم ماما ويتصل بيها خليني نطمن عليه حتى انا
حنين : خوذي راحتك
ام مازن : شغلتنا عليك كنك مابيتش اترد علي تليفونك امس
مازن : خالطة عليا اشوية ,, اهم حاجة امووركم طيبة
قاعدين انا والشباب انديرو في برمة عالحوووش
ام مازن :الحمد الله ,, هاك يبّنك البنات
مازن : هاتي
,,,,,,
الساعة 11:00 صباحا
طلعت لامار من المحاضرة جاها نفس الدكتور
الدكتور : اهلين لامار
لامار : اهلين دكتور
الدكتور : تقدري ما اتجشش في محاضراتي عادي مرات في ضرر لكّي
لامار : لاعادي امتى ما انحس روحي تعبانة مش حنجي
الدكتور : خذيت رقمك الدراسي اعتبري روحك امصفيتيها المادة حتى لو ماجيتش
لامار : بارك الله فيك يادكتور
وقعدت امكسدة في في الحديقة علي ماتبدا المحاضرة الثانية
لامار تحكي مع روحها
" شن قصّته هذا كل اشوية زارقلي "
,,,,
الافندي احمد : الحمد الله علي سلامتك
فارس : الله يسلمك الافندي احمد ابروحه جاي يساعد فينا
الافندي أحمد : وين العقرب
فارس : تلقى جوّا خش ينظف مع الجماعة
,,,
ام حنين : نسألك حنين
حنين : نعم ماما
ام حنين : الأيام هذينا في حاجة صايرة امعاك
حنين : كيف مثلا
ام حنين : يعني ماصرلكش حاجات غريبة
حنين : والله شن انقولك
ممكن لعند توا حاجتين
ام حنين : شن هنّا
حنين : اول حاجة لما ام مازن قعدت تحكي عليا وتسال في مازن عليا وقت الغداء
كنت امقعمزة في داري حاجة قالت لي صبّي امشي للمطبخ تغدي
بالصدفة سمعت
ام حنين : باهي
حنين : نفس اللقطة امس لما كنتي تحكي عليا انتي وبابا
سمعت كل كلمة قلتوووها
انتم دسيّن عليا حاجة
ام حنين : لالالا مش داسيين عليك شي
لا حاجات عاديات هذينا
حتى انا مرات انخش بالصدفة علي باتك يحكو عليا هو احمد
ولّا انخس علي لامار تحكي عليّا عند باتك
حنين : ممكن ,, بس كنّك قعدتي اتلكلي وخايفة من طريقة كلامك
ام حنين وهي خايفة : لا مش خايفة تهيالك
,,,,,
مازن وهو قاعد في الحووش سمع صوت الافندي احمد
مازن : مرحب مرحب
الافندي احمد : الحمد الله علي سلامتك يالغالي
مازن : الله يسلمك ,, الحمد الله على كل
الافندي احمد : المهم مافش حد اضرر كلّا يتعوض
مازن : ايو الله ماقلت الا الصادقة
تعال انوريك الأماكن اللي اضررن
,,,,,
بالأمس عند الساعة 5:00 عصرا
حنين شافت مازن يبّي يطلع لبست عبايتها
مازن : وين
حنين بعصبية : شيلني الحوش هلي نبي انغير جوّي
مش طايقة حوشكم بكل
مازن : باهي وطّي صوتك وفكيني من الجو امتاعك هذا
مش داعي اتسمعي هلي راه مزلت نحترم فيك
بعدها حنين سمعت الباب يدق امتاع الدار
طلعت ام مازن وتبي تمشي الحوش بنت خالتها اللمة
قالت حنين في بالها هذي فرصتي
ومازن عاتب حنين وقاللها راك تقلبي وجك علي هلي في السيارة
وبعدها طلع شور السيارة وقاللها الحقيني
طلعوو كلهم للسيارة
مشت حنين شور المطبخ شور الغاز
ولّعت الروس الأربعة وخلّت الغازي يسّرب
ووفتحت الكوووشة ولّعت غازة
وسكّرت رواشن المطبخ كلهن
وخذت شمعة ولاعة
مشت للصالة قدام باب المطبخ ولّعت الشمعة وحطتها قدام باب المبطخ
بعدها رِكِبت في السيارة
بدون حتى ما اتقول خير لا شي
ومشى بالسيارة مازن
الغاز بدا يسرّب بشواش بشواش
كانوو وقتها فارس ومروان امكسدين قدام سوبر ماركت
المطبخ قعد مضغوووط بالغاز بمجرد ماطلع من باب المطبخ
صار " بوووووووم "
فارس : سمعت الصووت اللي توّا
مروان وهو مفجووع : بحّت بحّت يافارس وراك
فارس : حي علي امّه البوووم طالع من حوش مازن و في نار طالعة
ابسرعة ابسرعة هيّا انطفوووها
,,,
في الوقت الحاضر
الافندي احمد : عرفت من شن النار
مازن : لامازال
الافندي : اكيدة لها سبب مافش نار تولع ابروحها
مازن : اكيدة
,,,,,,
حنين كانت في الصالة كانت امّها في المطبخ
حنين اذكرت كلام امّها واعيونها قعدن حمر
وحسّت بضيق في قلبها
حنين : شن كانت تقصد لمّا قالت البابا زعمك صارلها اللي بالي بالك
وليش لما شافووني انفجعوو وغيروو كلامهم
حنين مشت للمطبخ وكانت امّه امقعمزة عالكرسي
ومعطيتها في ظهرها
سمعتها امّها لما خشّت
ام حنين : تعالي قرّضي امعايا الخضرة
حنين وهي مبتسمة : حاضر ياماما
خذت الموس من الدرج
وكان الدرج وراه امّها
مشت شوور امّها من وراها
ومسكت موس لحم مش موس خضرة
كان ضل حنين عاكس عالطاولة
فطنت ام حنين
بحتت لاورة
شافت حنين ماسكة موس لحم
ام حنين جت عينها في عين حنين
وزمطت ريقها وثلجت وخافت
يتبع ,,
من مواضيع : وردة
- بالصور.. أجمل تسريحات الشعر للمدرسة,تسريحة شعر بسيطة مرفوعة،تسريحات للشعر الطويل,أجمل تسريحات الشعر
- فنادق أميركية تكافح التحرش الجنسي بحيلة جديدة
- ترامب خلال لقائه السيسي: ندعم جهود مصر في مكافحة الإرهاب
- مصر.. أمن سيناء والحدود محور اجتماع قادة القوات المسلحة
- اجمل الصور لشروق الشمس. اجمل منظر غروب الشمس.اجمل شروق للشمس في العالم.منظر الشروق
#27
~{ مديرة بنك المعرفة والثقافة }~
رد: رواية بلهجة ليبية بعنوان " مشاعر مطرطشة " للكاتب ديندار الوحيشي
#مشاعر_مطرطشة
الموسم الثاني
الحلقة 27
في الماضي وقبل عدّة سنوات وقبل ان تولد حنين
كان بات حنين في عز المراهقة
امكبد علي بنت تخدم كوافيرة
حبّها واجد
لمّا جا يبي يخطبها ويزوجها
اهله هو رفضوو البنت .. قالوله
هذي بنت مش تمام
معروف تاريخه
هو سكّر راسه كان يحبّها موووت وامكبد عليها
قعد معش يشووف فيها الا هيا
قعد شبه قريب يعبدها
كان باين قدام الناس انّ هو يحبّها
لكن في الحقيقة هي كانت دايرتله عمل وسحر
قعد معش يشووف في حد غيرها
لما اهله ارفضوو الفكرة
زوّجها غضبن عن هله
وقعد ساكن في اجار كان مجرد موضف وقتها
بعده سنتين يرجى في مولود
لكن مافش امل
وكانت اسماها نوال
كانت امراة مستلطة
يحكيلها يقووللها هيا انديرو تحليل
نبو انعاينوو عليش مافش بيبي لعند توا
هي كانت اتسكر في راسها وماتبش تمشي
بعد مشاكل ونقاش رضت ومشت للمستشفى
قالوللهم الدكتور مافش أي حاجة عادي
انتم الاثنين اموووركم طيبة وسليمة
بات حنين استغرب
وروّح مع نوال للشقة
في يوم من الأيام روّح بدري
للشقة كانت نوال في الكوافيرة
خش للدار قاعد ايدور في حاجة رايحة منّا
بالصدفة لقى في الدولاب
احبوب منع الحمل
بات حنين : يعني بِعت هلي عشانها
وهذا كلّه تبي تحرمني من اول بيبي في حياتي
ضرب المرايا امتاع الدولاب بووووني
قعدت يدّة دم
وطبّس وقعد يبكي
شن درت بس انا مع هلي
وين كان عقلي بس
وكأن اصحصح وضبابة حوّلت من اعيونه
وقعد يشووف في الحقائق
,,
روّحت نوال شافت راجلها
يرجى فيها
نوال : اهلين حبيبي كنها يدّك دم
بات حنين : الحبوب هذينا فيش اديرن في الدار
نوال : اسكتت توا كيف شفتهن انا
بات حنين قعد يضرب فيها ويضرب فيها
بات حنين : نبيك تحكيلي كل حاجة
من وين طلعتيلي انتي
ومن وين جيتيني
كنت عايش حياتي عادية
لين جيتي انتي خرّبتي حياتي كلّها
نوال قعد تبكي
نوال : الله غالب حبيتك عشقتك انت كنت فايتني
مش امعبرني قلت حندير المستحيل عشان ناخذ
لو اضطريت نسحرك عشان ناخذك حبيتك
بات حنين : حبتيني ليش تاخذي في احبوب منع الحمل
نوال : انا ملمووسة وفيها جن
عارف شن معناها فيّا جن
مانبش البيبي ينضر افهم
افهم والله نقدر انجيبلك بيبي
بس مانبش انجيبه
انخاف يطلع نفسي انا وتطلع فيها جن ولا ملموسة
بات حنين طلع من الشقة وفاتها
ومشى شور هله عشان يعتذر ويبي السماح منهم
,,,,,
بعد فترة من مشكلته مع نوال
أهل بات حنين سامحوو
وازوج بنت قريبته
وقعد ساكن في حوش اهله
مابش يطلّق نوال وخلّاها معزوقة في شقتها ابروحها
هي قعدت تدفع في الاجار ابرووحها
تمشي للكوافيرة وتصرف علي روحها
وزعلان عشان
حسبتها غلط
,,,,
بعد أيام سمعت انّا نوال
ان راجلها زاد عليه ولد وبعد سنة زادت عليه بنت
اللي هما أحمد ولامار
زاد غضبها وزاد اهبالها
احقدت علي مراتة الثانية
نوال غيرت معاملتها علي أساس تغيرت للاحسن
وقعدت طيبة وقالت لي راجلها
راني تغيرت خلاص وقعدت احسن من قبل
ومعش نبي اندير حركات اهبال
بات حنين قعد مرة مرة يمشيلها يبات عندها في الشقة
ويجامع فيها
وقعد عادي يصرف عليها
وام احمد ولامار كان عندها علم بكل حاجة
,,,,
بعدها حملت نوال
وجابووو بنت سمووها حنين
بات حنين إشْرا حوش جديد
وقال خلاص مدام تغيرت نوال وزاد عليها بيبي
خلينا انعيشو في حوش واحد
احسن من المرمدة كل مرة في مكان
لما جت حنين
كان وقتها احمد ولامار
ممكن اكبر من حنين بثلاث سنوات
ماطشووق مع بعضن شهر فقط
نوال ومرات راجلها الثانية
وبدت الحرب بين نوال ومراته الثانية
مشّاها بات حنين يحل في مشاكلهن وخلاص
لين وصل لقناعة
خلاص مل من اهبالها ونفسيتها
خذا منها حنين وطلّقها
وكانت هي وحيدة
لان هلها متبريين منها
وماعندهش حد في هالدنيا
لما لزّها كانت دايرة احسابتها
وكانت واخذة من شعر مراته الثانية
مشت لسحّار قالت له نبيك اديرلي عمل فيها
وتاخذ السعر اللي تبيه
وفعلا درلها السحر
انشلت مراته الثانية
في البداية كانو يحسابوها جلطة
لكن هو كان سحر
بات حنين عرفها من نوال
قعد يبحث عليها معش حصلّها
,,,,
مشى بيها لجميع الشيوخ مافش امل
حالتها نفس ماهيا ام حنين
,,,
في يوم من الأيام
جت نوال لعندهم في الحوش
بات احمد اول مرة يضعف
شن درتي في مراتي
عليش هذا كله شن انتي
شيطانة ولا شن
معش عرفتك شن تبي
امتى اتخليني انا وعائلتي ابروحي
لقاها اتبحت في حنين
وكانت مزالت تقرا في ثالثة ابتدائي
نوال : نبي حنين
بات حنين : شن تبي فيها عليش تبي اتخربي
تبيني انكلملك الشرطة
تبيني انبلغ فيك ولا شن
شن تحسابي روحك
نوال : انت اللي خليتني هكي
انت اللي فضلت زوجتك عليّا
حتى بعد جبتلك بنووته
قعدت اتفضل فيها عليا
بات حنين : نعطيك المبلغ اللي تبيه
بس ابتعدي عليا وعلي بنتي حنين
نوال : اوكي حنبتعد
لكن مش حنفك العمل امتاع مراتك
حنخليها تتعب لين اتمووووت
بات حنين : باه عادي المهم معش نبي انشوفك بكل هنا
وطلعت نوال واختفت عليهم
وانقطعن اخبارها
<<
بات حنين خاف علي حنين
انّها بعد تكبر تطلع نفس امّها
من طفولتها حطّها في المسجد
وحاول يخليها متلزمة من طفولتها
ويحفضها كتاب الله
ادير في المستحيل عشان ماتطلعش نفس أمها
وخلّاها تكبر في المساجد مع البنات
حتى لما اهربت من الحوش زمان
كان بات حنين ديما تخطر في باله نوال
كل لقطة اديرها حنين فيها جرأة
يقوول طالعها الامّها
ولعند توا مافش حد عنده العلم بشي الا الافندي احمد
لما كبر حكاله باته القصة
ومع الوقت ام حنين تعالجت وانفك السحر امتاعها
,,,,,
في الوقت الحاضر
ام حنين : تعالي قرّضي امعايا الخضرة
حنين وهي مبتسمة : حاضر ياماما
خذت الموس من الدرج
وكان الدرج وراه امّها
مشت شوور امّها من وراها
ومسكت موس لحم مش موس خضرة
كان ضل حنين عاكس عالطاولة
فطنت ام حنين
بحتت لاورة
شافت حنين ماسكة موس لحم
ام حنين جت عينها في عين حنين
وزمطت ريقها وثلجت وخافت
حنين : شوفي العقل ياماما
بدل ما انجيب موس خضرة جبت موس لحم
وعدت للدرج غيّرت المووس
ام حنين في بالها
" نظراتك ياحنين قعدت نفس نوال
اسغفر الله من كل ذنب عظيم "
حنين : بعد خطرها ياماما
ام حنين : نعم حنووو
حنين : كل سنة وانتي طيبة اليوم عيد الام
الله غالب عارفة وضعي كان هذا جبتلك هدية
ام حنين : انتي احلى هدية عندي
,,,,,
قاعدين مزال عقرب وفارس ومروان وباقي الجيران ينظفوو في الحووش
العقرب : مش تمشي يافارس انت ومروان
اتجيب اللي قتلك عليهن
الحاجات اللي ناقصات للمبطخ
فارس : تم تم
الافندي احمد : نبيك علي انفراد يالعقرب
مازن : نعم
.....
نجاح : مفروض جايبلك هدية في عيد الام
وانا قاعدة حاليا مضروبة عندك
مزلطة منّك ياماما
وقعدت تبكي
وفاء : خلاص ماتبكش يا اعيووني
انا امسامحتك
نجاح : بس صعب يسامحني مروان
وفاء : لا مروان حنون وطيب وحقاته يضايق
لكن حيسامحك خليها عليا بس وحتشووفي
نجاح : احضنت امّها وقعدت تبكي
,,,,,
نرمين : دزيتي لمازن رسالة اللي قتلك عليها ولالا
فاطمة : اها دزيتله
نرمين : تمام
ام مازن : رسالة شن
نرمين : نبيه ايجيبلي حاجة نقصتني
’’’’’’’
معاذ : يالزعيم قعدنا امراقبين حوش احمد وحوش اهله
معاوية : تمام المهم نبيكم تعرفوو وين يقعدو اهله
حنخلووها اخر ورقة نلعبوو عليها مش توا
معاذ : حاضر
معاوية : ماجبتلش معلومات جديدة عالعقرب
معاذ : امس حوشهم والعة في النار
لكن مزال مش معروف من شن
معاوية : نبيك تعرفلي هل العقرب مزال قاعد عالساحة ولالا
ممكن قاعد عالساحة بس عالمخفي
لازم ادير تليفوناتك
معاذ : حاضر
,,,,,
العقرب : نعم يا احمد
الافندي أحمد : مافش حاجة جديدة
العقرب :لا اكيدة فيه بس ننهي موضوع الحوش
وحنشووف وانرن عليك لاي جديد
في الماضي
امكسدين العقرب والافندي احمد في شقة احمد
العقرب : جيتك ,, قتلي نبيك ضروري
الافندي احمد : نبي نطلب منّك طلب
ونقعدو متعاونيين مع بعضنا
العقرب : ادلل في أي حاجة
الافندي أحمد : انا حطووني مدير مكافحة المخدرات
العقرب : عندي علم حكتلي حنين كل حاجة
الافندي أحمد : نبيك تخترق جميع العصابات اللي في بنغازي
وتقعد تعرف أي حاجة أي بضاعة تبي تطلع
بحيث محد يفطلك
العقرب : تبيني انخون ارفقاتي صعبة بكل احمد
الافندي احمد : مش اتخون هذا واجب وطني
العقرب : طلّع الموضوع من راسك
الافندي أحمد : هذا آخر كلامك انت
العقرب : تطلب مني في حاجة صعب
اغلب تجار كانوو اصحابي زمان
صح انا فتت حاليا او امريح الكارطة
لكن مش انا اللي انخوونهم
الافندي أحمد : انا قتلت اللي قتل اسلام
وخشيت امعاك في مواضيع مش شوري
العقرب : خليني انفكر وانقووولك
الافندي أحمد : راني عابي عليك
العقرب : ان شاء الله خير
,,,
,,,,
في الوقت الحاضر
الساعة 2:00 ظهرا
حنين وامها وباتها واختها لامار يتغدووو
لامار : ماكلمتش مازن
حنين : لالالا لو في حاجة حنرن عليّا
لامار : غريبة حنين هي اللي ترجى في مازن يرن
بات حنين : فكينا مش داعي اتنابشيها
ام حنين : غداء اليوم طيبّاته حنين
بات حنين : فتلاكة بنتي عرفها
,,,,,
وفاء ترجى في مروان عالغداء
خش عليها باسطي ومشرووب
مروان : كل سنة وانتي طيبة يا امي
وفاء : وانت طيب ياحبيبي
وحضناته امّه
بحّتت فيه نجاح
فنّص فيها مروان
وفاء : هيا هيا اشوية انحطلك الغداء يامروان
,,,,,
ام فارس : باب الحووش يدق
تبي تطلع ام فارس
طلعت نرمين
فتحت الباب
طلع العقرب : وجايب باسطي وموالح وهدية الامه
نرمين : نجّك ليا عرفتك حتشوف الرسالة مش حتقصر
ام مازن : شن هذا يا نرمين
نرمين : كل سنة وانتي طيبة يا امي و وكل سنة وانتي ياطبية ياعمتي
ام فارس : وانتي طيبة يا عسل
فاطمة : كل سنة وانتي طيبة ياماما
خش مازن وفارس للمربووعة
وخشت عليه امّه وسلم عليها
وهدرز امعاها اشوية
,,,,
كانت في سيارة جنب شقة أحمد اتراقب فيها
وسيارة جنب حوش هل احمد اتراقب فيهم
,,,,,
في الماضي
الافندي أحمد : تقابلنا في نفس الكافية اللي اول مرة شفتك فيه
مازن : ههههههه أيام الله لايردّن
الافندي أحمد : شن غيّرت رايك
العقرب : لا مش غيرت راي لكن كل شي مقابل
لان الجماعة اللي نبي نعبى عليهم
مش حيخدمووني بلاش
الافندي أحمد : كل حاجة نمسكها اعتبر عندك فيها نصيب
العقرب : هكّي متفقين معناها
وسلّمووو علي بعضهم
العقرب كل عصابة مسلحة كل مليشية كل تاجر مخدرات
خلّى فيهم جاسوس يجيبله في الاخبار اول بأول
وهوو اللي ساعد الافندي احمد في اكثر من عملية
لكن بالخفايا ,,
,,,,,
لامار امكسدة عالتلفزيون في القايلة
وبات وام حنين يحكوو مع بضعهم
وحنين قاعدة في الدار سرحانة
بات حنين : زعمك جا الووقت انصارحووها
ام حنين : بس مش عارفة كيف حتقبل الموضوع
بات حنين : لازم تعرف كل حاجة عالعموم
حنين سرحت واذكرت لما كانت ادير في مشاكل مع مازن
وتنتهي بالضحك واللعب والود
في الماضي
حنين : زعلانة منّك مانش واكلة ولّا حاجة
مازن : ابراحتك تو ناكل ابرووحي
حنين : احسن أصلا انت مش امدورني بكل
مازن : ديما ضلميتيني الله يساحمك
بعد كمّل مازن الغداء
صبّت حنين شور المطبخ
كانت في المطبخ فاطمة
حنين قعدت اتهدرز مع فاطمة وتاكل في المطبخ
فاطمة : ههههه كنك ماكلتش مع مازن ولا شن
حنين : اس اس راه يسمعك دايرة روحي زعلانة ومنّة مانبش ناكل
فاطمة : قاعد وراك أصلا ههههههه
حنين بحّت وراها
حطّت يدّها وراها
وكان فمّها امعبي اكل
بحّت فيها مازن وابتسم
مازن : مش ع أساس زعلانة ومابتش تاكلي
قرّب منها مازن ومسحلّها فمّه بيدّه
علي طلعة فاطمة من المطبخ
مازن همس في وذن حنين
كمّلي غداك وتعالي في الدار ياروحي
ومازن طلع وهو يضحك علي حركات حنين
في الوقت الحاضر
حنين سرحانة ومبتسمة وتذكر في حاجات اسماح صارن امعاها مع مازن
حطّت اسمه عالنقال تبّي اترن عليه
لقت رووحها طالعة من قائمة الأسماء وردّت سرحانة
بسمة علي فمّها معاها دمعة من عينها
,,,,,
فارس : ماتوقعتش لؤي ايجي بكل الحق
مازن : اها بالجودة بي ,, اصلي الشاب هذا
وهوو يهدرز سمع نقّاله يرن
واحد من جواسيس مازن
جاسوس : اهلين يالعقرب عندي موضوع ضروري
العقرب : احكي توّا عادي
جاسوس : لالا لازم انشووفك
العقرب : خلاص تعالي عند الكافيه عارفة انت اللي انكسد فيه
جاسوس : وكلّم امعاك الافندي احمد
موضوع يخصحكم انتم الاثنين
العقرب :شغلتني شن فيه
جاسوس :قتلك عالنقال مانقدرش نحكي
العقرب : خلاص الساعة 5:00
فارس : شن فيه يالعقرب
العقرب : مش امرايف علي جوّنا أيام زمان
فارس : اوووو ايديّة ياكلن فيّا
العقرب : شكلها في غناوة جديدة
فارس : اقرووبّنا كلّه قاعد ,, بس يرجوو فيك
العقرب : تم تم ,, كنّك حسيتك فرحت
فارس : مش غير فرحان
جو العقالة مش ليّا بكل ومش شوري
العقرب : شوف مروان ولؤي
فارس : عليش انشووفهن القرووب واتي قاعد
العقرب : مروان احسن من يسووق في السيارات في بنغازي
فارس : باهي مروان اووكي لكن لؤي شن يبي ايدرلك هادي في حاله
العقرب : لؤي احسن هكر فيك يابنغازي ماتعرفش انت اكويس
,,,,,
الساعة 5:00 عصرا
معاذ خش للوحيشي وكان مع معاوية
معاذ : هذا حوش العقرب اللي الناس قاعدة اتنظف فيه
وهذا السوبر ماركت امتاعه
صعب اتخش أي سيارة عسكرية لعند هنا من قبل
لكن توا امهدي الكارطة امتاعه
معاوية : تمام تمام ,, هيا اطلع منها
,,,,,
الافندي أحمد : شغلتني شن في يامازن
مازن : اشوية في واجد جي وعنده معلومات مهمة اتخصني واتخصك
الافندي أحمد : انا وانت ؟؟؟؟
مازن : اهوو جا
جاسوس : اهلين العقرب اهلين افندي
مازن : اهلين شن فيه
جاسوس : في تاجر حشيش واصل بكل
وراس كبير اسمه معاوية
الافندي : باهي
جاسوس : هو تقريبا عضو في واحد من الأحزاب المهم هو عنده حاجة في الدولة
مازن : اطلع ع راس حاجتك شن
جاسوس : حاط العين عليك انت والافندي احمد
عشان اكثر من مرة الافندي احمد
تمسك في البضاعة اللي ماشيا لجماعتهم
الافندي احمد بحّت في مازن وضحك
ومازن ضحك حتّى هو
مازن : اسمك تقريبا إسماعيل صح
جاسوس : ان شاء الله
مازن : المهم افطن الروحك انت مرات يقعد زارق عليك
الافندي أحمد : صح دير بالك ع روحك
هذيما مايرحمووش بكل
مازن : معناها قصدك البووم اللي صار في الحوش منّا هو
إسماعيل : لا ما انظنش ,, كان هذا وصلتني الدوّة
انا اقرب واحد لذراعة اليمين معاذ
مايدّس عليا في شي
ممكن عرف حواشينكم انتم الاثنين وعرف اهلكم
الافندي أحمد : المهم دير بالك ع روحك واي جديد كلّم مازن
إسماعيل : حاضر
صبّى إسماعيل وماشي
مازن : تعال هنا وين ماشي
إسماعيل : نعم
مازن : هاك باياتك وعطى افلووس
ومشى إسماعيل
الافندي أحمد : بكرة انا حناخذ علي تقرير كامل ونعرف شن زبدّته اللي اسمه معاوية
ومازن : وانا نبّي نبدا انلم في فريق خاص بيّا وبيك
الافندي احمد : كيف فريق جديد
مازن : يعني نبي اندير غرفة عمليات خاصة بيّا انا
الافندي احمد : ماتقولهش قصدك تبي تنزل تسعات من جديد
مازن : الموضوع في اهل ما اهل خلاص
الافندي أحمد : ايصير خير
,,,,,,
بعد مرور ثلاث أيام
الحوش صيّنو من جديد
وخذو غرفة نوم جديد
ودبش مطبخ جديد ومشت كأنها حادث عادي
حنين قعدت اتحاول اتحكم في تصرفاته
وردّت اتصلي وتقرا في القرأن
لانّها كانت مقصرة في الصلاة والقرآن
بدت اتجيها حالتها امتاع امهّا
وتسيطر علي روحها
لانّها مزالت مش عارفة شن صارلها
قعدت كل ماتذكر الأيام الحلوة بينها وبين مازن
تقعد حالتها أحسن
,,,,
مروان مزال مايحكش مع نجاح وفايتها بكل
حتّى للجامعة معش خلاها تمشي
فارس فرحان وقريب اطير من الفرحة
قعد يوّتي في الدبش امتاعه القديم
ورد يلبس في الصعقاوي
والبلجيكي كان تحته وديما اطياح قدام سوبر ماركت
والافندي أحمد خذا الزبدة الكاملة علي معاوية
وعرف كل حاجة عليه
الساعة 11:00 صباحا
حنين : شن هذا اللي وراه ضهرك
مازن : شن اكيدة اسلاح
حنين :شن قلنا نحنا
مازن : لا متخافش جو تمام مادوري شي
حنين : وين طالع توا
مازن : ومن امتى العقرب يسألو فيه وين طالع
حنين : العقرب صار ,, باهي اسفة انشغلت عليك بس
طلع العقرب من الدار كانت امّه في الصالة
عقرب :صباح الخير
ام مازن : صباح الورد اعيوني
وطلع ركب سيّارته وماشي لمزرعة في بوعطني
لؤي خذا اللاب توب امتاعه والواي مكس ومشى شور بوعطني
مروان تكّه علي فراس بالسيّارة ومشو شور بوعطني
الافندي احمد طلع من المكتب امتاعه ومش شور بوعطني
,,,,
معاوية قاعد في مقر الحزب مع باقي الأعضاء
كيف كل صبح يمشي شور مقر الحزب
يشوف اخر مستجدات الدولة
سمع نقّاله يرن
شاف الرقم معاذ
معاوية : نعم ,, عارفني قاعد في العمل توا
معاذ : الذراع اليمين امتاع العقرب
قعد يلبس في عسكري وامخلّي تحت اسلاح
معاوية : شن
معاذ : جماعة العقرب بدوو يرّدوو للوحيشي
معاوية : فيش تحكي انت ياراجل ,, ما فات الجو هذا
معاذ : شفتهم انا بالسيارات ودايريين دواريات في منطقة الوحيشي
معاوية بصوت واطي : اوووف شكله الجاسوس اللي حاطينّه حكالهم علينا
معاذ : كنك تحكي بصوت واطي
معاوية : تي قاعد في مقر الحزب افهم
معاذ : انسيت انقولك حاجة اخرة
معاوية : شن
معاذ : في سيارتيين امدرسات عند شقة الافندي احمد
لابسين مدني بس واضح تحتهم اسلاح
معاوية بصوت واطي : معش اتراقبووهم مانبش انجيب الروحي ادواوي
مانبش نحرق كرتي في الحزب
معاذ : تمام
معاوية بصوت واطي : لازم انطلعوو الجاسوس ضرووري لازم
معاذ : حاضر يالزعيم
سكّر الخط معاوية ودار تليفونات للقروب امتاعه
يتبع ,,,
الموسم الثاني
الحلقة 27
في الماضي وقبل عدّة سنوات وقبل ان تولد حنين
كان بات حنين في عز المراهقة
امكبد علي بنت تخدم كوافيرة
حبّها واجد
لمّا جا يبي يخطبها ويزوجها
اهله هو رفضوو البنت .. قالوله
هذي بنت مش تمام
معروف تاريخه
هو سكّر راسه كان يحبّها موووت وامكبد عليها
قعد معش يشووف فيها الا هيا
قعد شبه قريب يعبدها
كان باين قدام الناس انّ هو يحبّها
لكن في الحقيقة هي كانت دايرتله عمل وسحر
قعد معش يشووف في حد غيرها
لما اهله ارفضوو الفكرة
زوّجها غضبن عن هله
وقعد ساكن في اجار كان مجرد موضف وقتها
بعده سنتين يرجى في مولود
لكن مافش امل
وكانت اسماها نوال
كانت امراة مستلطة
يحكيلها يقووللها هيا انديرو تحليل
نبو انعاينوو عليش مافش بيبي لعند توا
هي كانت اتسكر في راسها وماتبش تمشي
بعد مشاكل ونقاش رضت ومشت للمستشفى
قالوللهم الدكتور مافش أي حاجة عادي
انتم الاثنين اموووركم طيبة وسليمة
بات حنين استغرب
وروّح مع نوال للشقة
في يوم من الأيام روّح بدري
للشقة كانت نوال في الكوافيرة
خش للدار قاعد ايدور في حاجة رايحة منّا
بالصدفة لقى في الدولاب
احبوب منع الحمل
بات حنين : يعني بِعت هلي عشانها
وهذا كلّه تبي تحرمني من اول بيبي في حياتي
ضرب المرايا امتاع الدولاب بووووني
قعدت يدّة دم
وطبّس وقعد يبكي
شن درت بس انا مع هلي
وين كان عقلي بس
وكأن اصحصح وضبابة حوّلت من اعيونه
وقعد يشووف في الحقائق
,,
روّحت نوال شافت راجلها
يرجى فيها
نوال : اهلين حبيبي كنها يدّك دم
بات حنين : الحبوب هذينا فيش اديرن في الدار
نوال : اسكتت توا كيف شفتهن انا
بات حنين قعد يضرب فيها ويضرب فيها
بات حنين : نبيك تحكيلي كل حاجة
من وين طلعتيلي انتي
ومن وين جيتيني
كنت عايش حياتي عادية
لين جيتي انتي خرّبتي حياتي كلّها
نوال قعد تبكي
نوال : الله غالب حبيتك عشقتك انت كنت فايتني
مش امعبرني قلت حندير المستحيل عشان ناخذ
لو اضطريت نسحرك عشان ناخذك حبيتك
بات حنين : حبتيني ليش تاخذي في احبوب منع الحمل
نوال : انا ملمووسة وفيها جن
عارف شن معناها فيّا جن
مانبش البيبي ينضر افهم
افهم والله نقدر انجيبلك بيبي
بس مانبش انجيبه
انخاف يطلع نفسي انا وتطلع فيها جن ولا ملموسة
بات حنين طلع من الشقة وفاتها
ومشى شور هله عشان يعتذر ويبي السماح منهم
,,,,,
بعد فترة من مشكلته مع نوال
أهل بات حنين سامحوو
وازوج بنت قريبته
وقعد ساكن في حوش اهله
مابش يطلّق نوال وخلّاها معزوقة في شقتها ابروحها
هي قعدت تدفع في الاجار ابرووحها
تمشي للكوافيرة وتصرف علي روحها
وزعلان عشان
حسبتها غلط
,,,,
بعد أيام سمعت انّا نوال
ان راجلها زاد عليه ولد وبعد سنة زادت عليه بنت
اللي هما أحمد ولامار
زاد غضبها وزاد اهبالها
احقدت علي مراتة الثانية
نوال غيرت معاملتها علي أساس تغيرت للاحسن
وقعدت طيبة وقالت لي راجلها
راني تغيرت خلاص وقعدت احسن من قبل
ومعش نبي اندير حركات اهبال
بات حنين قعد مرة مرة يمشيلها يبات عندها في الشقة
ويجامع فيها
وقعد عادي يصرف عليها
وام احمد ولامار كان عندها علم بكل حاجة
,,,,
بعدها حملت نوال
وجابووو بنت سمووها حنين
بات حنين إشْرا حوش جديد
وقال خلاص مدام تغيرت نوال وزاد عليها بيبي
خلينا انعيشو في حوش واحد
احسن من المرمدة كل مرة في مكان
لما جت حنين
كان وقتها احمد ولامار
ممكن اكبر من حنين بثلاث سنوات
ماطشووق مع بعضن شهر فقط
نوال ومرات راجلها الثانية
وبدت الحرب بين نوال ومراته الثانية
مشّاها بات حنين يحل في مشاكلهن وخلاص
لين وصل لقناعة
خلاص مل من اهبالها ونفسيتها
خذا منها حنين وطلّقها
وكانت هي وحيدة
لان هلها متبريين منها
وماعندهش حد في هالدنيا
لما لزّها كانت دايرة احسابتها
وكانت واخذة من شعر مراته الثانية
مشت لسحّار قالت له نبيك اديرلي عمل فيها
وتاخذ السعر اللي تبيه
وفعلا درلها السحر
انشلت مراته الثانية
في البداية كانو يحسابوها جلطة
لكن هو كان سحر
بات حنين عرفها من نوال
قعد يبحث عليها معش حصلّها
,,,,
مشى بيها لجميع الشيوخ مافش امل
حالتها نفس ماهيا ام حنين
,,,
في يوم من الأيام
جت نوال لعندهم في الحوش
بات احمد اول مرة يضعف
شن درتي في مراتي
عليش هذا كله شن انتي
شيطانة ولا شن
معش عرفتك شن تبي
امتى اتخليني انا وعائلتي ابروحي
لقاها اتبحت في حنين
وكانت مزالت تقرا في ثالثة ابتدائي
نوال : نبي حنين
بات حنين : شن تبي فيها عليش تبي اتخربي
تبيني انكلملك الشرطة
تبيني انبلغ فيك ولا شن
شن تحسابي روحك
نوال : انت اللي خليتني هكي
انت اللي فضلت زوجتك عليّا
حتى بعد جبتلك بنووته
قعدت اتفضل فيها عليا
بات حنين : نعطيك المبلغ اللي تبيه
بس ابتعدي عليا وعلي بنتي حنين
نوال : اوكي حنبتعد
لكن مش حنفك العمل امتاع مراتك
حنخليها تتعب لين اتمووووت
بات حنين : باه عادي المهم معش نبي انشوفك بكل هنا
وطلعت نوال واختفت عليهم
وانقطعن اخبارها
<<
بات حنين خاف علي حنين
انّها بعد تكبر تطلع نفس امّها
من طفولتها حطّها في المسجد
وحاول يخليها متلزمة من طفولتها
ويحفضها كتاب الله
ادير في المستحيل عشان ماتطلعش نفس أمها
وخلّاها تكبر في المساجد مع البنات
حتى لما اهربت من الحوش زمان
كان بات حنين ديما تخطر في باله نوال
كل لقطة اديرها حنين فيها جرأة
يقوول طالعها الامّها
ولعند توا مافش حد عنده العلم بشي الا الافندي احمد
لما كبر حكاله باته القصة
ومع الوقت ام حنين تعالجت وانفك السحر امتاعها
,,,,,
في الوقت الحاضر
ام حنين : تعالي قرّضي امعايا الخضرة
حنين وهي مبتسمة : حاضر ياماما
خذت الموس من الدرج
وكان الدرج وراه امّها
مشت شوور امّها من وراها
ومسكت موس لحم مش موس خضرة
كان ضل حنين عاكس عالطاولة
فطنت ام حنين
بحتت لاورة
شافت حنين ماسكة موس لحم
ام حنين جت عينها في عين حنين
وزمطت ريقها وثلجت وخافت
حنين : شوفي العقل ياماما
بدل ما انجيب موس خضرة جبت موس لحم
وعدت للدرج غيّرت المووس
ام حنين في بالها
" نظراتك ياحنين قعدت نفس نوال
اسغفر الله من كل ذنب عظيم "
حنين : بعد خطرها ياماما
ام حنين : نعم حنووو
حنين : كل سنة وانتي طيبة اليوم عيد الام
الله غالب عارفة وضعي كان هذا جبتلك هدية
ام حنين : انتي احلى هدية عندي
,,,,,
قاعدين مزال عقرب وفارس ومروان وباقي الجيران ينظفوو في الحووش
العقرب : مش تمشي يافارس انت ومروان
اتجيب اللي قتلك عليهن
الحاجات اللي ناقصات للمبطخ
فارس : تم تم
الافندي احمد : نبيك علي انفراد يالعقرب
مازن : نعم
.....
نجاح : مفروض جايبلك هدية في عيد الام
وانا قاعدة حاليا مضروبة عندك
مزلطة منّك ياماما
وقعدت تبكي
وفاء : خلاص ماتبكش يا اعيووني
انا امسامحتك
نجاح : بس صعب يسامحني مروان
وفاء : لا مروان حنون وطيب وحقاته يضايق
لكن حيسامحك خليها عليا بس وحتشووفي
نجاح : احضنت امّها وقعدت تبكي
,,,,,
نرمين : دزيتي لمازن رسالة اللي قتلك عليها ولالا
فاطمة : اها دزيتله
نرمين : تمام
ام مازن : رسالة شن
نرمين : نبيه ايجيبلي حاجة نقصتني
’’’’’’’
معاذ : يالزعيم قعدنا امراقبين حوش احمد وحوش اهله
معاوية : تمام المهم نبيكم تعرفوو وين يقعدو اهله
حنخلووها اخر ورقة نلعبوو عليها مش توا
معاذ : حاضر
معاوية : ماجبتلش معلومات جديدة عالعقرب
معاذ : امس حوشهم والعة في النار
لكن مزال مش معروف من شن
معاوية : نبيك تعرفلي هل العقرب مزال قاعد عالساحة ولالا
ممكن قاعد عالساحة بس عالمخفي
لازم ادير تليفوناتك
معاذ : حاضر
,,,,,
العقرب : نعم يا احمد
الافندي أحمد : مافش حاجة جديدة
العقرب :لا اكيدة فيه بس ننهي موضوع الحوش
وحنشووف وانرن عليك لاي جديد
في الماضي
امكسدين العقرب والافندي احمد في شقة احمد
العقرب : جيتك ,, قتلي نبيك ضروري
الافندي احمد : نبي نطلب منّك طلب
ونقعدو متعاونيين مع بعضنا
العقرب : ادلل في أي حاجة
الافندي أحمد : انا حطووني مدير مكافحة المخدرات
العقرب : عندي علم حكتلي حنين كل حاجة
الافندي أحمد : نبيك تخترق جميع العصابات اللي في بنغازي
وتقعد تعرف أي حاجة أي بضاعة تبي تطلع
بحيث محد يفطلك
العقرب : تبيني انخون ارفقاتي صعبة بكل احمد
الافندي احمد : مش اتخون هذا واجب وطني
العقرب : طلّع الموضوع من راسك
الافندي أحمد : هذا آخر كلامك انت
العقرب : تطلب مني في حاجة صعب
اغلب تجار كانوو اصحابي زمان
صح انا فتت حاليا او امريح الكارطة
لكن مش انا اللي انخوونهم
الافندي أحمد : انا قتلت اللي قتل اسلام
وخشيت امعاك في مواضيع مش شوري
العقرب : خليني انفكر وانقووولك
الافندي أحمد : راني عابي عليك
العقرب : ان شاء الله خير
,,,
,,,,
في الوقت الحاضر
الساعة 2:00 ظهرا
حنين وامها وباتها واختها لامار يتغدووو
لامار : ماكلمتش مازن
حنين : لالالا لو في حاجة حنرن عليّا
لامار : غريبة حنين هي اللي ترجى في مازن يرن
بات حنين : فكينا مش داعي اتنابشيها
ام حنين : غداء اليوم طيبّاته حنين
بات حنين : فتلاكة بنتي عرفها
,,,,,
وفاء ترجى في مروان عالغداء
خش عليها باسطي ومشرووب
مروان : كل سنة وانتي طيبة يا امي
وفاء : وانت طيب ياحبيبي
وحضناته امّه
بحّتت فيه نجاح
فنّص فيها مروان
وفاء : هيا هيا اشوية انحطلك الغداء يامروان
,,,,,
ام فارس : باب الحووش يدق
تبي تطلع ام فارس
طلعت نرمين
فتحت الباب
طلع العقرب : وجايب باسطي وموالح وهدية الامه
نرمين : نجّك ليا عرفتك حتشوف الرسالة مش حتقصر
ام مازن : شن هذا يا نرمين
نرمين : كل سنة وانتي طيبة يا امي و وكل سنة وانتي ياطبية ياعمتي
ام فارس : وانتي طيبة يا عسل
فاطمة : كل سنة وانتي طيبة ياماما
خش مازن وفارس للمربووعة
وخشت عليه امّه وسلم عليها
وهدرز امعاها اشوية
,,,,
كانت في سيارة جنب شقة أحمد اتراقب فيها
وسيارة جنب حوش هل احمد اتراقب فيهم
,,,,,
في الماضي
الافندي أحمد : تقابلنا في نفس الكافية اللي اول مرة شفتك فيه
مازن : ههههههه أيام الله لايردّن
الافندي أحمد : شن غيّرت رايك
العقرب : لا مش غيرت راي لكن كل شي مقابل
لان الجماعة اللي نبي نعبى عليهم
مش حيخدمووني بلاش
الافندي أحمد : كل حاجة نمسكها اعتبر عندك فيها نصيب
العقرب : هكّي متفقين معناها
وسلّمووو علي بعضهم
العقرب كل عصابة مسلحة كل مليشية كل تاجر مخدرات
خلّى فيهم جاسوس يجيبله في الاخبار اول بأول
وهوو اللي ساعد الافندي احمد في اكثر من عملية
لكن بالخفايا ,,
,,,,,
لامار امكسدة عالتلفزيون في القايلة
وبات وام حنين يحكوو مع بضعهم
وحنين قاعدة في الدار سرحانة
بات حنين : زعمك جا الووقت انصارحووها
ام حنين : بس مش عارفة كيف حتقبل الموضوع
بات حنين : لازم تعرف كل حاجة عالعموم
حنين سرحت واذكرت لما كانت ادير في مشاكل مع مازن
وتنتهي بالضحك واللعب والود
في الماضي
حنين : زعلانة منّك مانش واكلة ولّا حاجة
مازن : ابراحتك تو ناكل ابرووحي
حنين : احسن أصلا انت مش امدورني بكل
مازن : ديما ضلميتيني الله يساحمك
بعد كمّل مازن الغداء
صبّت حنين شور المطبخ
كانت في المطبخ فاطمة
حنين قعدت اتهدرز مع فاطمة وتاكل في المطبخ
فاطمة : ههههه كنك ماكلتش مع مازن ولا شن
حنين : اس اس راه يسمعك دايرة روحي زعلانة ومنّة مانبش ناكل
فاطمة : قاعد وراك أصلا ههههههه
حنين بحّت وراها
حطّت يدّها وراها
وكان فمّها امعبي اكل
بحّت فيها مازن وابتسم
مازن : مش ع أساس زعلانة ومابتش تاكلي
قرّب منها مازن ومسحلّها فمّه بيدّه
علي طلعة فاطمة من المطبخ
مازن همس في وذن حنين
كمّلي غداك وتعالي في الدار ياروحي
ومازن طلع وهو يضحك علي حركات حنين
في الوقت الحاضر
حنين سرحانة ومبتسمة وتذكر في حاجات اسماح صارن امعاها مع مازن
حطّت اسمه عالنقال تبّي اترن عليه
لقت رووحها طالعة من قائمة الأسماء وردّت سرحانة
بسمة علي فمّها معاها دمعة من عينها
,,,,,
فارس : ماتوقعتش لؤي ايجي بكل الحق
مازن : اها بالجودة بي ,, اصلي الشاب هذا
وهوو يهدرز سمع نقّاله يرن
واحد من جواسيس مازن
جاسوس : اهلين يالعقرب عندي موضوع ضروري
العقرب : احكي توّا عادي
جاسوس : لالا لازم انشووفك
العقرب : خلاص تعالي عند الكافيه عارفة انت اللي انكسد فيه
جاسوس : وكلّم امعاك الافندي احمد
موضوع يخصحكم انتم الاثنين
العقرب :شغلتني شن فيه
جاسوس :قتلك عالنقال مانقدرش نحكي
العقرب : خلاص الساعة 5:00
فارس : شن فيه يالعقرب
العقرب : مش امرايف علي جوّنا أيام زمان
فارس : اوووو ايديّة ياكلن فيّا
العقرب : شكلها في غناوة جديدة
فارس : اقرووبّنا كلّه قاعد ,, بس يرجوو فيك
العقرب : تم تم ,, كنّك حسيتك فرحت
فارس : مش غير فرحان
جو العقالة مش ليّا بكل ومش شوري
العقرب : شوف مروان ولؤي
فارس : عليش انشووفهن القرووب واتي قاعد
العقرب : مروان احسن من يسووق في السيارات في بنغازي
فارس : باهي مروان اووكي لكن لؤي شن يبي ايدرلك هادي في حاله
العقرب : لؤي احسن هكر فيك يابنغازي ماتعرفش انت اكويس
,,,,,
الساعة 5:00 عصرا
معاذ خش للوحيشي وكان مع معاوية
معاذ : هذا حوش العقرب اللي الناس قاعدة اتنظف فيه
وهذا السوبر ماركت امتاعه
صعب اتخش أي سيارة عسكرية لعند هنا من قبل
لكن توا امهدي الكارطة امتاعه
معاوية : تمام تمام ,, هيا اطلع منها
,,,,,
الافندي أحمد : شغلتني شن في يامازن
مازن : اشوية في واجد جي وعنده معلومات مهمة اتخصني واتخصك
الافندي أحمد : انا وانت ؟؟؟؟
مازن : اهوو جا
جاسوس : اهلين العقرب اهلين افندي
مازن : اهلين شن فيه
جاسوس : في تاجر حشيش واصل بكل
وراس كبير اسمه معاوية
الافندي : باهي
جاسوس : هو تقريبا عضو في واحد من الأحزاب المهم هو عنده حاجة في الدولة
مازن : اطلع ع راس حاجتك شن
جاسوس : حاط العين عليك انت والافندي احمد
عشان اكثر من مرة الافندي احمد
تمسك في البضاعة اللي ماشيا لجماعتهم
الافندي احمد بحّت في مازن وضحك
ومازن ضحك حتّى هو
مازن : اسمك تقريبا إسماعيل صح
جاسوس : ان شاء الله
مازن : المهم افطن الروحك انت مرات يقعد زارق عليك
الافندي أحمد : صح دير بالك ع روحك
هذيما مايرحمووش بكل
مازن : معناها قصدك البووم اللي صار في الحوش منّا هو
إسماعيل : لا ما انظنش ,, كان هذا وصلتني الدوّة
انا اقرب واحد لذراعة اليمين معاذ
مايدّس عليا في شي
ممكن عرف حواشينكم انتم الاثنين وعرف اهلكم
الافندي أحمد : المهم دير بالك ع روحك واي جديد كلّم مازن
إسماعيل : حاضر
صبّى إسماعيل وماشي
مازن : تعال هنا وين ماشي
إسماعيل : نعم
مازن : هاك باياتك وعطى افلووس
ومشى إسماعيل
الافندي أحمد : بكرة انا حناخذ علي تقرير كامل ونعرف شن زبدّته اللي اسمه معاوية
ومازن : وانا نبّي نبدا انلم في فريق خاص بيّا وبيك
الافندي احمد : كيف فريق جديد
مازن : يعني نبي اندير غرفة عمليات خاصة بيّا انا
الافندي احمد : ماتقولهش قصدك تبي تنزل تسعات من جديد
مازن : الموضوع في اهل ما اهل خلاص
الافندي أحمد : ايصير خير
,,,,,,
بعد مرور ثلاث أيام
الحوش صيّنو من جديد
وخذو غرفة نوم جديد
ودبش مطبخ جديد ومشت كأنها حادث عادي
حنين قعدت اتحاول اتحكم في تصرفاته
وردّت اتصلي وتقرا في القرأن
لانّها كانت مقصرة في الصلاة والقرآن
بدت اتجيها حالتها امتاع امهّا
وتسيطر علي روحها
لانّها مزالت مش عارفة شن صارلها
قعدت كل ماتذكر الأيام الحلوة بينها وبين مازن
تقعد حالتها أحسن
,,,,
مروان مزال مايحكش مع نجاح وفايتها بكل
حتّى للجامعة معش خلاها تمشي
فارس فرحان وقريب اطير من الفرحة
قعد يوّتي في الدبش امتاعه القديم
ورد يلبس في الصعقاوي
والبلجيكي كان تحته وديما اطياح قدام سوبر ماركت
والافندي أحمد خذا الزبدة الكاملة علي معاوية
وعرف كل حاجة عليه
الساعة 11:00 صباحا
حنين : شن هذا اللي وراه ضهرك
مازن : شن اكيدة اسلاح
حنين :شن قلنا نحنا
مازن : لا متخافش جو تمام مادوري شي
حنين : وين طالع توا
مازن : ومن امتى العقرب يسألو فيه وين طالع
حنين : العقرب صار ,, باهي اسفة انشغلت عليك بس
طلع العقرب من الدار كانت امّه في الصالة
عقرب :صباح الخير
ام مازن : صباح الورد اعيوني
وطلع ركب سيّارته وماشي لمزرعة في بوعطني
لؤي خذا اللاب توب امتاعه والواي مكس ومشى شور بوعطني
مروان تكّه علي فراس بالسيّارة ومشو شور بوعطني
الافندي احمد طلع من المكتب امتاعه ومش شور بوعطني
,,,,
معاوية قاعد في مقر الحزب مع باقي الأعضاء
كيف كل صبح يمشي شور مقر الحزب
يشوف اخر مستجدات الدولة
سمع نقّاله يرن
شاف الرقم معاذ
معاوية : نعم ,, عارفني قاعد في العمل توا
معاذ : الذراع اليمين امتاع العقرب
قعد يلبس في عسكري وامخلّي تحت اسلاح
معاوية : شن
معاذ : جماعة العقرب بدوو يرّدوو للوحيشي
معاوية : فيش تحكي انت ياراجل ,, ما فات الجو هذا
معاذ : شفتهم انا بالسيارات ودايريين دواريات في منطقة الوحيشي
معاوية بصوت واطي : اوووف شكله الجاسوس اللي حاطينّه حكالهم علينا
معاذ : كنك تحكي بصوت واطي
معاوية : تي قاعد في مقر الحزب افهم
معاذ : انسيت انقولك حاجة اخرة
معاوية : شن
معاذ : في سيارتيين امدرسات عند شقة الافندي احمد
لابسين مدني بس واضح تحتهم اسلاح
معاوية بصوت واطي : معش اتراقبووهم مانبش انجيب الروحي ادواوي
مانبش نحرق كرتي في الحزب
معاذ : تمام
معاوية بصوت واطي : لازم انطلعوو الجاسوس ضرووري لازم
معاذ : حاضر يالزعيم
سكّر الخط معاوية ودار تليفونات للقروب امتاعه
يتبع ,,,
من مواضيع : وردة
#28
~{ مديرة بنك المعرفة والثقافة }~
رد: رواية بلهجة ليبية بعنوان " مشاعر مطرطشة " للكاتب ديندار الوحيشي
#مشاعر_مطرطشة
الموسم الثاني
الحلقة 28
معاوية بصوت واطي : لازم انطلَعوو الجاسوس ضرووري
معاذ : حاضر يالزعيم
سكّر الخط معاوية ودار تليفونات للقروب امتاعه
,,,,,,
كان العقرب يرجى في جماعته في مزرعة في بوعطني
جا احمد ومروان وفارس ولؤي
ولؤي كان خايف اشوية لان جو جديد عليه
,,,,,
في الماضي ,,, قبل يوم
لؤي : قتلي نبيك ضروي ,,
العقرب : نبي نطلب منك طلب
بس مش عارف هل عندك شجاعة اديره ولا لا
لؤي : ادلل يالغالي
العقرب : تقريبا انت هكر صح تخترق في الصفحات وهكذا
يعني عندك خبرة عالتكنلوجيا
لؤي : عندي اها
العقرب : لو عطيتك اسم شخص معين
هل تقدر اتجيبلي بيناته بالكامل
لؤي : اكيدة
العقرب : حتّي لو كان في الحكووومة
لؤي : حتّى القيادة العامّة ابرووحه
العقرب : اوووو متقاوي انت
لؤي : عبارة عن هواية من صغري عندي
هوس بقتنية المعلومات
العقرب : تمام مرات نبيك اتخش امعايا
في القرووب امتاعي شن رايك
لؤي : قروب شن
العقرب : انت عبارة عن نعطيك اسم معين
لؤي : انا انشوفلك حسابات عالسوشل ميديا
ونخترقهن وانشوفلك المسجات اللي يجّنة عالخاص
سواء اذا كان فيس او تويتر او جميل
العقرب : تعجبني فيك تفهم عالطاير
لؤي : بس هو عمل خير ولا شر
يعني في ضرر للناس ولا فائدة
العقرب : بكرة حنفهم كل حاجة
....
في الوقت الحاضر
العقرب : انستو ونورتوو المكان السرّي امتاعنا
احمد : النور نورك
فارس : نورك سابق
العقرب : بدون مقدمات ولا كثرة كلام
نحنا حاليا حنشكلو فريق
لكن الفريق هذا كل حد عنده
حاجة هو مبدع فيها
لؤي شوره الهكر والاختراق
مروان شورة قيادة السيارة للمهمات الصعبة
فارس حيقعد راكب مع مروان ويبدا يغتال
لؤي :يغتال ؟؟؟؟؟؟؟
مروان : يغتال شن ,, فيش تحكي انت
لؤي ومروان صبّو من مكانهم
لؤي : وين ماشي انت يالعقرب مش هكي اتفاقنا
مروان : لا ما انسووق بقاتل انا
فارس ومازن واحمد ابتسموو
العقرب : خلوني انكمل كلامي بس
وبعدها اللي يبي يمشي يمشي
مستحيل انخلي شخص امعانا
غصبن عنّا
مروان : باه كمّل
لؤّي : سمّعنا كلامك
احمد : توا بالعقل يامروان و يالؤي
توا انا نبي نرضى بالاغتيالات
يعني نقعد مدير مكافحة المخدرات
ونقعد نغتال
مروان : شن درّانا هو اللي قال هكي
فارس يضحك
فارس :مزالوو اجدد هذووما صعب يتاقلموو امعانا
العقرب : نحنا مش حنرفعو اسلاحنا
الا مع تجار المخدرات والقتلة
وأصحاب المليشيات في بنغازي
ومش حنظرّو الا اللي يبّي يضرّنا
يعني اللي يفتح خط نار علينا
انحكّووووه
نحنا نقعدوو رافعيين راية البيضاء
لكن بعد الخطر ايجي علينا
نرفعوو راية الحمرة
وقتها حيقعد الدم للركب
لؤي : تمام
مروان : فهمنا هكي
احمد : من توا يا مروان يا لؤي لو مش حابيين
اتخشو امعانا عادي
تقدرو تنسحبوو
لؤي : لا مدام انا شوري هكر بس واختراقات
ومش حنمسك اسلاح
عادي امعاكم
العقرب طلّع مسدس وحطّى قدام لؤي
العقرب : ومن قالك مش حتشيل اسلاح
مدام حتخش امعانا لازم يقعد تحتك اسلاح
انت توا معرض للخطر
لؤي : بس مانعرفش نستعمله
العقرب بحّت في فارس
العقرب : قاعد من يعلمّك متخافش
فارس : تم ياعقربنا كوون هاني
العقرب : وانت شن قلت يامروان
مروان : امعاكم قلبا وقالبا
احمد : على بركة الله
,,,,,
حنين اضم في الحوش
شافت نرمين في المطبخ
حنين : جيت انساعدك
نرمين : غير خليك في الصالة قبل امحوّسة
حنين : كنك مزلتي اتعاملي فيّا هكي
ماقتلك اسفة كنت قالبة وجي عليكن
غير مش عارفة شن صايرلي بس
نرمين : مش ابجوك ياحنين مرة تضحكي مرة تقلبي وجك
ترا اقلبي وجك من تلايا
حنين : كنك تحكي امعايا هكي ,, انا نحكي معاك باحترام
نرمين قرّبت من وجه جنين
نرمين : حلّي من وجهي قلتها لكي وحنقولها اخرة
نحنا مش ا ب ج و ك افهمي
حنين : لاحول ولا قوة الا بالله العتب عليا
جيت نبي نحكي امعاك
وهي طالعة من المبطخ قابلة فاطمة عند الباب
فاطمة : خزّي عليك اشكال
كان نحسبوك هكّي من الأول
راه ماخلّينش مازن ياخذك
حنين : حتّى انتي يا افطوومة ,, تمام
وطلعت حنين شور دارها
وكانت امّهم امصبّيه
في الصالة ومش عاجبها
الجو اللي صاير بين حنين وبناتها
" حنين الفترة اللي كانت قالبه وجها علي مازن
كانت قالبه وجها حتى علي خواته وامّه
وما اتشوفش فيهم بكل "
توا نرمين وفاطمة حطّن حنين في راسهن
حتّى هنّا غيّرن معاملتهن امعاها
امهن بس مزالت اتعامل في حنين معاملة اكويسة
,,,,,
بات حنين : الحمد الله حنين قعدت اكويسة الأيام هذينا
ام حنين : اها فرحانة انا قريب انطير
بات حنين : المهم تبي مكان هادي
لكن خايف من حاجة وحدة
ام حنين : شن
بات حنين : لو حاولوو هل مازن يضايقووها
او يعاملوها معاملة مش اكويسة
هّما الخاسرين
ام حنين : عارف هذكي اليوو في المطبخ
لما مسكت الموس وكانت ورايا
تخيّلتها وكأنها نوال
لكن متخافش هل مازن محترميين
وراقيين ويعاملوو في حنين
احسن معاملة وكأنها بنتهم
بات حنين : الحمد الله ربي يدووم المحبّة
,,,,,,,,
لامار ترجى في الكلّية باتها ايجيها
طوّل عليها
جووو شباب ينابشو فيها
لامار : عليك قصة توا الأطفال هذيما مش وقتهم بكل
واحد من الشباب المعاكسين : نعليا وخلاص حامل وتبي تقرا
اول مرة انشوف قمر حامل بقمر
لامار صبّت قعدت تمشي شور الحديقة واتسّرع في خطوتها
هما قعدوو يسرّعوو في خطواتهم
لقت واحد امصبي قدّامها
لامار : كنكم شن تبّو مني تحشموو علي وجووكم
المعاكس : نبووك انت ياسمح
لامار شافت من بعيد اثنين جيّيين شوورها
وكان شكلهم واضح جيين يبوو يشروو مشكلة
’’’’
في الماضي
الافندي أحمد : يالعقرب نبّي منك شباب يراقبوو هلي لاي طارئ
عارف انت اكثر حاجة يلعبوو عليها هذووما
الاهل ياخذووهم رهائن
العقرب : تم حندزلك شباب ,, لكن اهم شي يبوو باياتهم " الفلووس "
الافندي احمد : أكيدة كل شي بالمقابل يالغالي
وقتها الافندي أحمد حط وحدين يراقبو شقته ويراقبو اهله اول بأول
وين مايطلعوو من الحووش
,,,,
في الوقت الحاضر
لامار : كنكم شن تبّو مني تحشموو علي وجووكم
المعاكس : نبووك انت ياسمح
جو اثنين شباب شور الافندي احمد
يراقبوو في لامار ويحموو فيها
" تفضلووو شن تبوو منها "
المعاكس : وانتم شن دخلكم اطلعوو منها
جماعة الافندي احمد ورّوه اسلاحهم اللي كان تحتهم
المعاكس : اوكي اوكي جو تمام
وفاتوو لامار وخلووها اتكمل طريقها
والاثنين اللي حطهم الافندي أحمد تراجعو وين ماكانوو
لامار : من هذيما زعمك ,,
باهي اكويس حطين امن في كلية التربية
يحمووو في الطالبات
,,,,,
أحمد : هذي صورته اللي اسمه معاوية
اهله ماتووو كلهم في حادث زمان
جميع ملفاته سليمه
مافش أي دليل انّ يتاجر في المخدرات
وعضو في حزب سياسي
واحتمال امرشح روحه للحكومة الأيام القادمة
بحيث يقعد يعلب علي صوت الشباب والجو هذا
العقرب : عطيني حساباته علي مواقع التواصل الاجتماعي كلّهن
أحمد : كل حاجة قاعدة هنا في الظرف هذا
العقرب عزق الظرف شور لؤي
العقرب : دير جوّك ونرجوو منّك في الجديد
لؤي : حاضر
فارس : وانا شن وضعي مافش حد امدورني
لؤي : ههههههههههه
مروان : ههههههههههههه
أحمد : هههههههههههههههه
العقرب : انت ابرووحك ياطيري
أحمد : خلاص نبي نمشي للمقر امتاعي
العقرب : المهم الكلام هذا حيقعد سر بيني وبينكم
فاهمين قصدي يا لؤي وفارس
مانبش العلم يوصل الهلي
خليهم يعرفو انّ ردينا للساحة
لكن مانبهمش يعرفو انّ درنا اجتماع مع بعضنا
لؤي : حاضر
فارس : تم
العقرب : خلاص بينتانا الوووو
مروان وهو طالع تعال مع فارس
العقرب : نبيك اشوية خليك يامروان
فارس : نرجى فيك في السيارة يامروان
,,,,,,,
معاذ : وينك كنّك طوّلت
إسماعيل : تي عارف انت القوة العاملة امنزلين 20 الف اسم
باحثيين عن العمل وطلع اسمي امعاهم
وكنت نجري علي باقي اوراقي
معاذ : حتى انا طلع ,, قصدي رسمي الكلام
ولا يجرو بينا
إسماعيل : انت شن خاسر قدم كيف هالناس وخلاص
معاذ : تمام حنمشي اليوم للمدرسة اللي نازل فيها اسمي
إسماعيل : كنك معش قعدت اتجي اتكسد عالصبح
اغلب وقت عشية بس
معاذ : انت عارف قاعد مع معاوية الأيام هذينا
إسماعيل : شن جو الشغل امعاه
معاذ : مش امقصر امعايا بكل ,,
راك انت الوحيد اللي عارف ان هو تاجر مخدرات
راك رفيقي وصاحبي راك تطلع منّك
اتودر روحك بعدها
إسماعيل : لاعرفني مش شوري بكل الدواوي انا
معاذ : وانت شن جو الجماعة اللي قاعد امعاهم
إسماعيل : حاليا اللي نخدم عندهم يتاجرو في السلاح
لكن امكسدة الحكاية عندهم
معاذ : شن رايك اتجي تخدم امعايا
إسماعيل : ياسلام ياريت اقل شي نقعد مع رفيقي
معاذ : تم حنشوفلك أي حاجة امعايا
مرات تقعد اتجيب في بضاعة مخدرات
من طبرق لبنغازي
لكن متخافش مافش حد ايجي شورك لما تقعد معروف شور معاوية
إسماعيل : دير جوّك عادي
,,,,
مروان : نعم يالعقرب
العقرب : امك رنّت عليا وحكتلي كل حاجة
وعرفتني اقريّب منك واجد
مروان : باهي
العقرب :خف علي اختك وعاملها معاملة اكويسة
عارفها غلطانه لكن الله غالب عقل بنت
مرات هو ضحك عليها او برمها
مرات ماسك علي حاجة
مرات مادارت هكي الا مجبورة
بدل ماتضرب واتكسر
هدرز امعاها اسمع منها
شووف شن اللي خلاها ادير هكي
مروان : بس يالعقرب هذي مش اول مرة
العقرب : اسمع مهما صار هذي اختك
اكيدة زعلانة عشان خانت الثقة اللي انت كنت حاطها فيها
راهي متسحقتلك
الجو هذا انت هكي حتخليها اتخش علي أجواء اخرة
مروان : حاضر
العقرب : امك قالت لي انك كسّرت نقالها وللاب توب امتاعها
مروان : اها كنت متعصب
العقرب : جبتلك شيك مصدق خووذه واشريلها أي نقال
وكأن هدية سماح منك
مروان : بس
العقرب : مافش بس ,, انت خووها وهي مستحقتلك
العقرب حط يدّه علي شعر مروان
العقرب : انت قدّها يالغالي سامحها خلاص
علي خشّت فارس عليهم
شاف العقرب وهو حاط يدّه علي راس مروان
فارس : اوي راهوو نفهمكم غلط
العقرب : هههههههههههههه
مروان : ههههههه حيوان كلّا انت
فارس : هيّا نمشوو مستعجل
,,,,,,
الساعة 2:00 ظهرا
سهام : مش املاحظ انّك قعدت معش تقعد في الحوش
احمد : ياعليك قصة كلا انتي
ماعندك الا هالكلمة
مليت منها ونحنا انديرو منها في المشاكل
نبي حاجة جديدة
سهام : هههههههه كنك
احمد : نفس الموضوع كل فترة اتعاودي فيه
سهام : يعني عشان انحبك بس
احمد : وانا انمووت فيك ,, وين روان
سهام : قاعدة في الدار اتفرج علي براعم
احمد حضن سهام
سهام : محلاه حضنك دافي بكل
احمد وهو حضنها اذكّر موقف بينتاهم
احمد : اعيوني
سهام : نعم
أحمد : تذكري يوم المنديل
سهام : ههههههه خلاص مانبش نذكر ضلمتك وخلاص
في الماضي
ناض بدري احمد وكان ماشي للعمل
وهو طالع من الدار
شاف الروج امتاع سهام
قاعد عالمكتبة
خذا الروج وكتب علي المرايا امتاع الدولاب
انحبك
شافها حس خطّة شين
قال فكنّي جت بايخها
خذا منديل ومسح الروج اللي عالزيانة وطلع
والمنديل في جيبه
في العشية احمد قاعد عالتلفزيون يتفرج
كانت سهام اتلم في الدار واتبي اتحول الدبش في الحمام
عشان تغسلة ثاني يوم كالعادة
خذت سروال احمد متعودة اتفتشة مرات تلقى فيهن افلوس تاخذهن
حطت يدّها لقت منديل
جت تبي تعزقة
لقت في لون حمر
فتحت المنديل
روج
سهام بصوت عالي : اتخوووون فيا باهي باهي
توا شيلني الحوش هلي
انا اللي فاضية اللي انلم في دبشك حرام فيك القدر
احمد معش فهم شي جا يجري للدار
احمد : كنك شن فيه
سهام : توا شيلني الحوش هلي مادخنش بيك توا توا
احمد : هذي كنها شن صارلها
سهام : اتخوون فيا اتخووون باهي
احمد : امتى خنتك كنك انتي
سهام : المنديل هذا شن ادير في جيبك
احمد قعد يضحك
احمد : ههههههههههههه
سهام : تضحك تضحك باهي باه
احمد : توا هذي كيف تبي تقنعها
سهام : ها شن تبي تكذب عليا قوولي
أصلا انتم هكي الرجالة
لما تزرق عليك وليتك
تبدو اتالفو في قصص من راسكم
احمد : حط يدّه علي فمها
شن انتي زامطة راديوو
لوك لوك لوك لوك لوك لوك
اسكتي اشوية ,, تو انفهمك كل حاجة
في الحاضر
احمد : ضلمتيني بس ,,
اتقوول راديو تفجر علي وجي
سهام : ههههههههههه عطك الخير
وقعد حضنها احمد
,,,,,
مازن : هيا تعالي تغدي ياحنين
حنين : لا ماعندش نية عدّي
مازن : كنّا وجك زعلان شن في
مازن تغيرن ملامح وجه
حنين : مافش شي
مازن : قتلك شن فيه احكيلي
حنين : مافش حاجة حبيبي بجديات نحكي
وكانت دمعتها علي عينها
طلع مازن للصالة
مازن : كنها يا امي حنين شن صار
صارت حاجة وانا مش قاعد
نرمين : كنها الدلوعة ماتبش اتغدى امعانا
مازن طبّس علي نرمين وقعد يفنص فيها
مازن : حكيت مع امي مش امعاك
معناها مش شورك الكلام
ام مازن : صار امعاها سوء تفاهم هيا والبنات
امبدري في المطبخ
لكن جو تمام توا تقريبا
مازن : سوء تفاهم كيف
حنين معروف عنها لا امتاع مشاكل لاشي
تقلب في وجها لكن ماعمرهش قالت كلمة مش تمام
الحد فيكن
فاطمة : شوفو يفضّل فيها علينا
مازن : فاطمة خلينا حبايب شن الجو هذا اللي اديرن فيه
لو حنين غلطت في وحدة فيكن تعاللي بس حناخذ حقكن
طلعت حنين من الدار
حنين : خلاص يامازن انا الغلطانة
لاني كنت قالبة وجي عاليهن من قبل
هنّا توا يرّدن فيها ليا
سالتك بالله مانبيكش ادير مشكلة مع هلك عشاني
وخشّت حنين للدار
مازن : توا كملتن الامتحانات تبّن اتحطن في راسك حنين ولا شن
نرمين : لا والله بس مافش موضوع هي دايرة موضوع
فاطمة : لا انحطوها لا اتحطنا أصلا انت درت موضوع
مازن : توا انا طلعت الغلطان ,, تمام
حنكبّر عقلي وانفوووت كأن صاير سوء تفاهم
لكن ياريت اتفكوونا مش ناقصني
راهوو الي فيا امكفيني
نرمين وفاطمة : حاضر
نرمين فاطمة قعدن يتغدن مع امهن
وخش مازن للدار
لقاء حنين تبكي
مازن : كنها ابلة العربي تبكي
حنين : وهي تبكي ضحكت
مازن : خلاص ياروحي عشان خاطرك مابيتش اندير مشكلة
حنين حطت راسها علي صدر مازن وقعدت تبكي
وصوت ابكاها طالع لعند برة الدار
نرمين : دمووع التماسيح
ام مازن : فكينا خلاص
نرمين : حاضر
,,,,,
معاوية قاعد في شقته ويفكر ويحكي مع روحة
معاوية : لو نعرف من الجاسوس اللي مخترق
جميع تجار الحشيش بس
نضمن هكي نلعب علي راحتي
مش وقت نحرق كرتي
نبي انرشح روحي للحكومة
انقّاني مستحق لزميلي " الباشق "
الباشق مسجون في الكويفية
,,,,,
"قاتل مأجور يخدم لدى رجال الاعمال
مابووش يحكمو عليه بالاعدام لانّ
عارف اسرار رجال الدولة في ليبيا
وكل مرة يعتفرلهم بشخص معين"
طلّع نقاله معاوية واتصل بمعاذ
معاذ : نعم يالزعيم
معاوية : الباشق عرفته
معاذ وهو خايف : البااااشق ؟؟؟؟؟
معاوية : كنك خفت
معاذ : لا شي بس هذا محبوس في الكويفية وعنده قضايا واجد
معاوية : حاول كيف توصل فيه في الحبس
وقووله قالك معاوية
وتّي روحك
حنهربك من الحبس
معاذ : عليش كنك
معاوية : انا مانبش انخش في أي طبيخة مانبش حد يمسك عليا حاجة
نبي حد يمشّي امووري
معاذ : خلاص حنديرله زيارة في الحبس
معاوية : عرفت الجاسوس ولامزال
معاذ : لا مزال ,,
معاوية : اهم شي انت ماتحكش الحد صح ولا لا
في اسرارنا
معاذ : اكيدة يالزعيم
معاوية : تمام
,,,,,,
نجاح كانت في دراها
خش عليها مروان
مشت تجري شوره
نجاح : سامحني معش انديرها اخر مرّة نوعدك
مروان مسح علي راسها
مروان : خلاص امسامحك وحصل خير
وطلّع نقال من وراء
مروان : هاكي
كانت وفاء قاعدة عند الباب وفرحت
وقالت في بالها
" بارك الله فيك يالعقرب
علي مادرنا فيكم زمان
لكن مزلت طيّب امعانا "
نجاح بحتت في امّها وفرحت
أمها ابستسمتلها من بعيد
لكن دمووع امّها واضحات
وهوو طالع مروان خطّم من تلا امّه
عطاها بوسه علي جبتها
مروان : ربّي يطولنا في عمرك
......
لؤي فتح اللاب توب امتاعه
وفتح البرامج كلهن
وبدا يخترق في الحسابات امتاعات معاوية
ويجمّع في المعلومات اول بأول
,,,,
مازن : شن رايك نطلعو اليوم انغيرو جوّنا
حنين : وين نمشو
حنين قاعدة في حضن مازن
ومازن يهدرز امعاها ويلعب علي شعرها
مازن : المول الحديقة لاي مكان
حنين : ابستمت
مازن : كنك تضحكي
حنين : تذكر أخر فالطة درتها امعاك لمّا
مشينا لمرمرة موووول
مازن : هههههههههههه
في الماضي
كان مازن وحنين يستوقوو في مرمرة موول
مازن وحنين طالعين بالشكاير
وكانت زحمة عند الباب
تفرقوووو
مازن كان ماشي للسيارة علي أساس
جنبة حنين
بحّت يمين يسارة مالقش حنين
حنين : وين عدّيت يامازن
قعدت ادور في السيارة
حنين : اهو هو قاعد في السيارة غادي
حلّا ركب للسيارة مازن
فتحت الباب وقعمزت
وكانت لابس خمار وعبايتها الفضفاضة طبعا
شخص غريب : تفضلي ياختي
حنين : سراق سراق
الغريب : تي غير وسعي بالك يا ختي
حنين : يبي يخطفني يامازن يامازن
قعدت اتعيط بصوت عالي
مازن سمع صووتها
طلّح اسلاحه من رواه ضهرة وقعد يجري ويدور فيها
نزلت حنين من السيارة
الغريب : شن يبي يخطف انتي اللي ركبتي للسيارة
مازن شافها من بعيد يجري
مازن : كنك ياحنين تبكي
مازن فنّص في الراجل الغريب
الراجل الغريب شاف في يدة مسدس
خاااااااااااااااف
الراجل الغريب : راك فاهم غلط
المدام ركبت بالغلط بالسيارة بس
مازن : شن شن
الراجل الغريب : وهي قعدت اتعيط
,,,,,,,,
في الحاضر
مازن : مستحيل ننسا اليوم هذكي
الراجل من الخوف تبول في سرواله لما شاف المسدس
حنين : ههههههههههههههههه
ومازن وهو يهدرز مع حنين
سمع نقالة يرن طلع الجاسوس
مازن : تو انجيك اشوية
حنين : ما اطولش نرجى فيك
طلع مازن من الدار
مازن : نعم يا إسماعيل
إسماعيل : بالنسبة انت واحمد راهو الللي اسمه معاوية معش يدور فيكم نفس قبل
مازن : اكيدة عرف انّ نحنا حطينا في راسنا
خايف هوو من الشهدرة بيه وخايف علي مصلحته
إسماعيل : ممكن
مازن : مدام عرف معناها عرف انّ في جاسوس
افطن يا إسماعيل الروحك
إسماعيل : حاضر وعندي خبر اخرة
للافندي احمد
مازن : شن
إسماعيل : بكرة في سيارة علي أساس امتاع بلدية وامعبية شكاير اكناسة
هي تبي اتخش المزرعة معينة عشان اتنزل المخدرات اللي في سيارة البلدية علي أساس اكناسة
مازن : وين ماشية بالزبط
إسماعيل : حتخطم من تلا سمافرو جي في سي امتاع شارع 20 في الصبح بدري
,,,,,,
أحمد يلعب مع روان عالسرير
وكانت جنبهم سهام
سهام : انت لما اتشووف روان تنساني
احمد : رديي عليها ياروان
روان : ديما ضالمة بابا انتي
احمد : ههههههههههه
أحمد سمع نقالها يرن
من اللي ران في عز القايلة
احمد : ان شاء الله خير يامازن
مازن : بكرة في بضاعة الصبح بدري حتطلع
احمد : هذينا الاخبار اللي يفرحن
,,,,
لؤي وهو امكسد عاللاب تو
يجمّع في البيانات
سمع صوت مسج واتس
فتحه لقى من فاطمة
خذا النقال وقعد يهدرز مع فاطمة
,,,,,
نرمين ادردش مع فارس واتس
فارس : طبعا كملتي امتحاناتك توا صعب حناخذو راحتنا نفس قبل
نرمين : عادي حنمشووها دردشة وخلاص
فارس : نجك
نرمين : انت فكّر في الموضوع بس اللي قتلك عليه
فارس :عارفة جوابي ,, مانش مزوج حاليا
لين انكمل مواضيعي جو نسكن مع امّك فكيني
نرمين : باهي اوكي براحتك
فارس :نفس الموضوع اتعاودي فيه ليا في كل دردشة في كل نقاش
خلاص قتلك مش سكنان هو
نرمين : باهي قلنا اوكي براحتك
ثاني يوم في الصباح الباكر
فارس يدّرب في مروان ولؤي علي حمل السلاح
وكيفية الضرب بيه
وكيف اتنظفة وكيف اذخرة
وكل شي خاص بالسلاح
,,,,
الافندي احمد وجماعته كانوو يرجوو في السيارة امتاع البلدية اتخطم
,,,,
الساعة 10:00
معاوية : اووووووف شن هذا
معاذ : استغربت حتى انا كيف مسكها
معاوية : هذي ابروحها انا ماعندش بيها علم بكل السيارة هذي
معاذ : مش تعرف انّ مش مخترقنا نحنا بس
معاوية : ماهو هذي الحاجة اللي مزالت امدوختني
معاذ : العقرب درت تحقيقات طلع فات الوجيج امتاع زمان
لكن اغلبهم مزالو أصحابه التجار
معاوية : مانبّش انتهور لازم انسلم الأمور للباشق
ونشقى بالحزب اللي قاعد عضو فيه
اليوم تمشي للباشق زيارة للسجن
واحكيله واعرض عليه
قوله قالك معاوية
حتاخذ المبلغ اللي تبيه
معاذ : بس صعب يهرب من الكويفية
معاوية : انا حندبر راسي مش شورك انت
,,,,,,
روان ماما تعالي بابا عالتفلزيوون
حنين اتفرج علي قناة ليبيا الحدث اتشوف في خوها
لامار وامها يتفرجو علي احمد
معاوية راقيله ومتمزط ويتفرج عالتلفزيون
العقرب قاعد في سوبر ماركت ويفترج عالتلفزيون ومبتسم
مراسل ليبيا الحدث : هذي ممكن سابع عملية يقوم الافندي احمد باحباطها
الافندي أحمد : الحق نشكر الاستخبارات والامن الداخلي اللي يعطو فيّا
المعلومات اول بأول وانحب انقوول لكل تاجر مخدرات في بنغازي
حتّى لو كنت تخدم والتّاجر عالمخفي ومش معروف سيّوورك حتنكشف قدّام الليبين ,,
يتبع ,,,,
الموسم الثاني
الحلقة 28
معاوية بصوت واطي : لازم انطلَعوو الجاسوس ضرووري
معاذ : حاضر يالزعيم
سكّر الخط معاوية ودار تليفونات للقروب امتاعه
,,,,,,
كان العقرب يرجى في جماعته في مزرعة في بوعطني
جا احمد ومروان وفارس ولؤي
ولؤي كان خايف اشوية لان جو جديد عليه
,,,,,
في الماضي ,,, قبل يوم
لؤي : قتلي نبيك ضروي ,,
العقرب : نبي نطلب منك طلب
بس مش عارف هل عندك شجاعة اديره ولا لا
لؤي : ادلل يالغالي
العقرب : تقريبا انت هكر صح تخترق في الصفحات وهكذا
يعني عندك خبرة عالتكنلوجيا
لؤي : عندي اها
العقرب : لو عطيتك اسم شخص معين
هل تقدر اتجيبلي بيناته بالكامل
لؤي : اكيدة
العقرب : حتّي لو كان في الحكووومة
لؤي : حتّى القيادة العامّة ابرووحه
العقرب : اوووو متقاوي انت
لؤي : عبارة عن هواية من صغري عندي
هوس بقتنية المعلومات
العقرب : تمام مرات نبيك اتخش امعايا
في القرووب امتاعي شن رايك
لؤي : قروب شن
العقرب : انت عبارة عن نعطيك اسم معين
لؤي : انا انشوفلك حسابات عالسوشل ميديا
ونخترقهن وانشوفلك المسجات اللي يجّنة عالخاص
سواء اذا كان فيس او تويتر او جميل
العقرب : تعجبني فيك تفهم عالطاير
لؤي : بس هو عمل خير ولا شر
يعني في ضرر للناس ولا فائدة
العقرب : بكرة حنفهم كل حاجة
....
في الوقت الحاضر
العقرب : انستو ونورتوو المكان السرّي امتاعنا
احمد : النور نورك
فارس : نورك سابق
العقرب : بدون مقدمات ولا كثرة كلام
نحنا حاليا حنشكلو فريق
لكن الفريق هذا كل حد عنده
حاجة هو مبدع فيها
لؤي شوره الهكر والاختراق
مروان شورة قيادة السيارة للمهمات الصعبة
فارس حيقعد راكب مع مروان ويبدا يغتال
لؤي :يغتال ؟؟؟؟؟؟؟
مروان : يغتال شن ,, فيش تحكي انت
لؤي ومروان صبّو من مكانهم
لؤي : وين ماشي انت يالعقرب مش هكي اتفاقنا
مروان : لا ما انسووق بقاتل انا
فارس ومازن واحمد ابتسموو
العقرب : خلوني انكمل كلامي بس
وبعدها اللي يبي يمشي يمشي
مستحيل انخلي شخص امعانا
غصبن عنّا
مروان : باه كمّل
لؤّي : سمّعنا كلامك
احمد : توا بالعقل يامروان و يالؤي
توا انا نبي نرضى بالاغتيالات
يعني نقعد مدير مكافحة المخدرات
ونقعد نغتال
مروان : شن درّانا هو اللي قال هكي
فارس يضحك
فارس :مزالوو اجدد هذووما صعب يتاقلموو امعانا
العقرب : نحنا مش حنرفعو اسلاحنا
الا مع تجار المخدرات والقتلة
وأصحاب المليشيات في بنغازي
ومش حنظرّو الا اللي يبّي يضرّنا
يعني اللي يفتح خط نار علينا
انحكّووووه
نحنا نقعدوو رافعيين راية البيضاء
لكن بعد الخطر ايجي علينا
نرفعوو راية الحمرة
وقتها حيقعد الدم للركب
لؤي : تمام
مروان : فهمنا هكي
احمد : من توا يا مروان يا لؤي لو مش حابيين
اتخشو امعانا عادي
تقدرو تنسحبوو
لؤي : لا مدام انا شوري هكر بس واختراقات
ومش حنمسك اسلاح
عادي امعاكم
العقرب طلّع مسدس وحطّى قدام لؤي
العقرب : ومن قالك مش حتشيل اسلاح
مدام حتخش امعانا لازم يقعد تحتك اسلاح
انت توا معرض للخطر
لؤي : بس مانعرفش نستعمله
العقرب بحّت في فارس
العقرب : قاعد من يعلمّك متخافش
فارس : تم ياعقربنا كوون هاني
العقرب : وانت شن قلت يامروان
مروان : امعاكم قلبا وقالبا
احمد : على بركة الله
,,,,,
حنين اضم في الحوش
شافت نرمين في المطبخ
حنين : جيت انساعدك
نرمين : غير خليك في الصالة قبل امحوّسة
حنين : كنك مزلتي اتعاملي فيّا هكي
ماقتلك اسفة كنت قالبة وجي عليكن
غير مش عارفة شن صايرلي بس
نرمين : مش ابجوك ياحنين مرة تضحكي مرة تقلبي وجك
ترا اقلبي وجك من تلايا
حنين : كنك تحكي امعايا هكي ,, انا نحكي معاك باحترام
نرمين قرّبت من وجه جنين
نرمين : حلّي من وجهي قلتها لكي وحنقولها اخرة
نحنا مش ا ب ج و ك افهمي
حنين : لاحول ولا قوة الا بالله العتب عليا
جيت نبي نحكي امعاك
وهي طالعة من المبطخ قابلة فاطمة عند الباب
فاطمة : خزّي عليك اشكال
كان نحسبوك هكّي من الأول
راه ماخلّينش مازن ياخذك
حنين : حتّى انتي يا افطوومة ,, تمام
وطلعت حنين شور دارها
وكانت امّهم امصبّيه
في الصالة ومش عاجبها
الجو اللي صاير بين حنين وبناتها
" حنين الفترة اللي كانت قالبه وجها علي مازن
كانت قالبه وجها حتى علي خواته وامّه
وما اتشوفش فيهم بكل "
توا نرمين وفاطمة حطّن حنين في راسهن
حتّى هنّا غيّرن معاملتهن امعاها
امهن بس مزالت اتعامل في حنين معاملة اكويسة
,,,,,
بات حنين : الحمد الله حنين قعدت اكويسة الأيام هذينا
ام حنين : اها فرحانة انا قريب انطير
بات حنين : المهم تبي مكان هادي
لكن خايف من حاجة وحدة
ام حنين : شن
بات حنين : لو حاولوو هل مازن يضايقووها
او يعاملوها معاملة مش اكويسة
هّما الخاسرين
ام حنين : عارف هذكي اليوو في المطبخ
لما مسكت الموس وكانت ورايا
تخيّلتها وكأنها نوال
لكن متخافش هل مازن محترميين
وراقيين ويعاملوو في حنين
احسن معاملة وكأنها بنتهم
بات حنين : الحمد الله ربي يدووم المحبّة
,,,,,,,,
لامار ترجى في الكلّية باتها ايجيها
طوّل عليها
جووو شباب ينابشو فيها
لامار : عليك قصة توا الأطفال هذيما مش وقتهم بكل
واحد من الشباب المعاكسين : نعليا وخلاص حامل وتبي تقرا
اول مرة انشوف قمر حامل بقمر
لامار صبّت قعدت تمشي شور الحديقة واتسّرع في خطوتها
هما قعدوو يسرّعوو في خطواتهم
لقت واحد امصبي قدّامها
لامار : كنكم شن تبّو مني تحشموو علي وجووكم
المعاكس : نبووك انت ياسمح
لامار شافت من بعيد اثنين جيّيين شوورها
وكان شكلهم واضح جيين يبوو يشروو مشكلة
’’’’
في الماضي
الافندي أحمد : يالعقرب نبّي منك شباب يراقبوو هلي لاي طارئ
عارف انت اكثر حاجة يلعبوو عليها هذووما
الاهل ياخذووهم رهائن
العقرب : تم حندزلك شباب ,, لكن اهم شي يبوو باياتهم " الفلووس "
الافندي احمد : أكيدة كل شي بالمقابل يالغالي
وقتها الافندي أحمد حط وحدين يراقبو شقته ويراقبو اهله اول بأول
وين مايطلعوو من الحووش
,,,,
في الوقت الحاضر
لامار : كنكم شن تبّو مني تحشموو علي وجووكم
المعاكس : نبووك انت ياسمح
جو اثنين شباب شور الافندي احمد
يراقبوو في لامار ويحموو فيها
" تفضلووو شن تبوو منها "
المعاكس : وانتم شن دخلكم اطلعوو منها
جماعة الافندي احمد ورّوه اسلاحهم اللي كان تحتهم
المعاكس : اوكي اوكي جو تمام
وفاتوو لامار وخلووها اتكمل طريقها
والاثنين اللي حطهم الافندي أحمد تراجعو وين ماكانوو
لامار : من هذيما زعمك ,,
باهي اكويس حطين امن في كلية التربية
يحمووو في الطالبات
,,,,,
أحمد : هذي صورته اللي اسمه معاوية
اهله ماتووو كلهم في حادث زمان
جميع ملفاته سليمه
مافش أي دليل انّ يتاجر في المخدرات
وعضو في حزب سياسي
واحتمال امرشح روحه للحكومة الأيام القادمة
بحيث يقعد يعلب علي صوت الشباب والجو هذا
العقرب : عطيني حساباته علي مواقع التواصل الاجتماعي كلّهن
أحمد : كل حاجة قاعدة هنا في الظرف هذا
العقرب عزق الظرف شور لؤي
العقرب : دير جوّك ونرجوو منّك في الجديد
لؤي : حاضر
فارس : وانا شن وضعي مافش حد امدورني
لؤي : ههههههههههه
مروان : ههههههههههههه
أحمد : هههههههههههههههه
العقرب : انت ابرووحك ياطيري
أحمد : خلاص نبي نمشي للمقر امتاعي
العقرب : المهم الكلام هذا حيقعد سر بيني وبينكم
فاهمين قصدي يا لؤي وفارس
مانبش العلم يوصل الهلي
خليهم يعرفو انّ ردينا للساحة
لكن مانبهمش يعرفو انّ درنا اجتماع مع بعضنا
لؤي : حاضر
فارس : تم
العقرب : خلاص بينتانا الوووو
مروان وهو طالع تعال مع فارس
العقرب : نبيك اشوية خليك يامروان
فارس : نرجى فيك في السيارة يامروان
,,,,,,,
معاذ : وينك كنّك طوّلت
إسماعيل : تي عارف انت القوة العاملة امنزلين 20 الف اسم
باحثيين عن العمل وطلع اسمي امعاهم
وكنت نجري علي باقي اوراقي
معاذ : حتى انا طلع ,, قصدي رسمي الكلام
ولا يجرو بينا
إسماعيل : انت شن خاسر قدم كيف هالناس وخلاص
معاذ : تمام حنمشي اليوم للمدرسة اللي نازل فيها اسمي
إسماعيل : كنك معش قعدت اتجي اتكسد عالصبح
اغلب وقت عشية بس
معاذ : انت عارف قاعد مع معاوية الأيام هذينا
إسماعيل : شن جو الشغل امعاه
معاذ : مش امقصر امعايا بكل ,,
راك انت الوحيد اللي عارف ان هو تاجر مخدرات
راك رفيقي وصاحبي راك تطلع منّك
اتودر روحك بعدها
إسماعيل : لاعرفني مش شوري بكل الدواوي انا
معاذ : وانت شن جو الجماعة اللي قاعد امعاهم
إسماعيل : حاليا اللي نخدم عندهم يتاجرو في السلاح
لكن امكسدة الحكاية عندهم
معاذ : شن رايك اتجي تخدم امعايا
إسماعيل : ياسلام ياريت اقل شي نقعد مع رفيقي
معاذ : تم حنشوفلك أي حاجة امعايا
مرات تقعد اتجيب في بضاعة مخدرات
من طبرق لبنغازي
لكن متخافش مافش حد ايجي شورك لما تقعد معروف شور معاوية
إسماعيل : دير جوّك عادي
,,,,
مروان : نعم يالعقرب
العقرب : امك رنّت عليا وحكتلي كل حاجة
وعرفتني اقريّب منك واجد
مروان : باهي
العقرب :خف علي اختك وعاملها معاملة اكويسة
عارفها غلطانه لكن الله غالب عقل بنت
مرات هو ضحك عليها او برمها
مرات ماسك علي حاجة
مرات مادارت هكي الا مجبورة
بدل ماتضرب واتكسر
هدرز امعاها اسمع منها
شووف شن اللي خلاها ادير هكي
مروان : بس يالعقرب هذي مش اول مرة
العقرب : اسمع مهما صار هذي اختك
اكيدة زعلانة عشان خانت الثقة اللي انت كنت حاطها فيها
راهي متسحقتلك
الجو هذا انت هكي حتخليها اتخش علي أجواء اخرة
مروان : حاضر
العقرب : امك قالت لي انك كسّرت نقالها وللاب توب امتاعها
مروان : اها كنت متعصب
العقرب : جبتلك شيك مصدق خووذه واشريلها أي نقال
وكأن هدية سماح منك
مروان : بس
العقرب : مافش بس ,, انت خووها وهي مستحقتلك
العقرب حط يدّه علي شعر مروان
العقرب : انت قدّها يالغالي سامحها خلاص
علي خشّت فارس عليهم
شاف العقرب وهو حاط يدّه علي راس مروان
فارس : اوي راهوو نفهمكم غلط
العقرب : هههههههههههههه
مروان : ههههههه حيوان كلّا انت
فارس : هيّا نمشوو مستعجل
,,,,,,
الساعة 2:00 ظهرا
سهام : مش املاحظ انّك قعدت معش تقعد في الحوش
احمد : ياعليك قصة كلا انتي
ماعندك الا هالكلمة
مليت منها ونحنا انديرو منها في المشاكل
نبي حاجة جديدة
سهام : هههههههه كنك
احمد : نفس الموضوع كل فترة اتعاودي فيه
سهام : يعني عشان انحبك بس
احمد : وانا انمووت فيك ,, وين روان
سهام : قاعدة في الدار اتفرج علي براعم
احمد حضن سهام
سهام : محلاه حضنك دافي بكل
احمد وهو حضنها اذكّر موقف بينتاهم
احمد : اعيوني
سهام : نعم
أحمد : تذكري يوم المنديل
سهام : ههههههه خلاص مانبش نذكر ضلمتك وخلاص
في الماضي
ناض بدري احمد وكان ماشي للعمل
وهو طالع من الدار
شاف الروج امتاع سهام
قاعد عالمكتبة
خذا الروج وكتب علي المرايا امتاع الدولاب
انحبك
شافها حس خطّة شين
قال فكنّي جت بايخها
خذا منديل ومسح الروج اللي عالزيانة وطلع
والمنديل في جيبه
في العشية احمد قاعد عالتلفزيون يتفرج
كانت سهام اتلم في الدار واتبي اتحول الدبش في الحمام
عشان تغسلة ثاني يوم كالعادة
خذت سروال احمد متعودة اتفتشة مرات تلقى فيهن افلوس تاخذهن
حطت يدّها لقت منديل
جت تبي تعزقة
لقت في لون حمر
فتحت المنديل
روج
سهام بصوت عالي : اتخوووون فيا باهي باهي
توا شيلني الحوش هلي
انا اللي فاضية اللي انلم في دبشك حرام فيك القدر
احمد معش فهم شي جا يجري للدار
احمد : كنك شن فيه
سهام : توا شيلني الحوش هلي مادخنش بيك توا توا
احمد : هذي كنها شن صارلها
سهام : اتخوون فيا اتخووون باهي
احمد : امتى خنتك كنك انتي
سهام : المنديل هذا شن ادير في جيبك
احمد قعد يضحك
احمد : ههههههههههههه
سهام : تضحك تضحك باهي باه
احمد : توا هذي كيف تبي تقنعها
سهام : ها شن تبي تكذب عليا قوولي
أصلا انتم هكي الرجالة
لما تزرق عليك وليتك
تبدو اتالفو في قصص من راسكم
احمد : حط يدّه علي فمها
شن انتي زامطة راديوو
لوك لوك لوك لوك لوك لوك
اسكتي اشوية ,, تو انفهمك كل حاجة
في الحاضر
احمد : ضلمتيني بس ,,
اتقوول راديو تفجر علي وجي
سهام : ههههههههههه عطك الخير
وقعد حضنها احمد
,,,,,
مازن : هيا تعالي تغدي ياحنين
حنين : لا ماعندش نية عدّي
مازن : كنّا وجك زعلان شن في
مازن تغيرن ملامح وجه
حنين : مافش شي
مازن : قتلك شن فيه احكيلي
حنين : مافش حاجة حبيبي بجديات نحكي
وكانت دمعتها علي عينها
طلع مازن للصالة
مازن : كنها يا امي حنين شن صار
صارت حاجة وانا مش قاعد
نرمين : كنها الدلوعة ماتبش اتغدى امعانا
مازن طبّس علي نرمين وقعد يفنص فيها
مازن : حكيت مع امي مش امعاك
معناها مش شورك الكلام
ام مازن : صار امعاها سوء تفاهم هيا والبنات
امبدري في المطبخ
لكن جو تمام توا تقريبا
مازن : سوء تفاهم كيف
حنين معروف عنها لا امتاع مشاكل لاشي
تقلب في وجها لكن ماعمرهش قالت كلمة مش تمام
الحد فيكن
فاطمة : شوفو يفضّل فيها علينا
مازن : فاطمة خلينا حبايب شن الجو هذا اللي اديرن فيه
لو حنين غلطت في وحدة فيكن تعاللي بس حناخذ حقكن
طلعت حنين من الدار
حنين : خلاص يامازن انا الغلطانة
لاني كنت قالبة وجي عاليهن من قبل
هنّا توا يرّدن فيها ليا
سالتك بالله مانبيكش ادير مشكلة مع هلك عشاني
وخشّت حنين للدار
مازن : توا كملتن الامتحانات تبّن اتحطن في راسك حنين ولا شن
نرمين : لا والله بس مافش موضوع هي دايرة موضوع
فاطمة : لا انحطوها لا اتحطنا أصلا انت درت موضوع
مازن : توا انا طلعت الغلطان ,, تمام
حنكبّر عقلي وانفوووت كأن صاير سوء تفاهم
لكن ياريت اتفكوونا مش ناقصني
راهوو الي فيا امكفيني
نرمين وفاطمة : حاضر
نرمين فاطمة قعدن يتغدن مع امهن
وخش مازن للدار
لقاء حنين تبكي
مازن : كنها ابلة العربي تبكي
حنين : وهي تبكي ضحكت
مازن : خلاص ياروحي عشان خاطرك مابيتش اندير مشكلة
حنين حطت راسها علي صدر مازن وقعدت تبكي
وصوت ابكاها طالع لعند برة الدار
نرمين : دمووع التماسيح
ام مازن : فكينا خلاص
نرمين : حاضر
,,,,,
معاوية قاعد في شقته ويفكر ويحكي مع روحة
معاوية : لو نعرف من الجاسوس اللي مخترق
جميع تجار الحشيش بس
نضمن هكي نلعب علي راحتي
مش وقت نحرق كرتي
نبي انرشح روحي للحكومة
انقّاني مستحق لزميلي " الباشق "
الباشق مسجون في الكويفية
,,,,,
"قاتل مأجور يخدم لدى رجال الاعمال
مابووش يحكمو عليه بالاعدام لانّ
عارف اسرار رجال الدولة في ليبيا
وكل مرة يعتفرلهم بشخص معين"
طلّع نقاله معاوية واتصل بمعاذ
معاذ : نعم يالزعيم
معاوية : الباشق عرفته
معاذ وهو خايف : البااااشق ؟؟؟؟؟
معاوية : كنك خفت
معاذ : لا شي بس هذا محبوس في الكويفية وعنده قضايا واجد
معاوية : حاول كيف توصل فيه في الحبس
وقووله قالك معاوية
وتّي روحك
حنهربك من الحبس
معاذ : عليش كنك
معاوية : انا مانبش انخش في أي طبيخة مانبش حد يمسك عليا حاجة
نبي حد يمشّي امووري
معاذ : خلاص حنديرله زيارة في الحبس
معاوية : عرفت الجاسوس ولامزال
معاذ : لا مزال ,,
معاوية : اهم شي انت ماتحكش الحد صح ولا لا
في اسرارنا
معاذ : اكيدة يالزعيم
معاوية : تمام
,,,,,,
نجاح كانت في دراها
خش عليها مروان
مشت تجري شوره
نجاح : سامحني معش انديرها اخر مرّة نوعدك
مروان مسح علي راسها
مروان : خلاص امسامحك وحصل خير
وطلّع نقال من وراء
مروان : هاكي
كانت وفاء قاعدة عند الباب وفرحت
وقالت في بالها
" بارك الله فيك يالعقرب
علي مادرنا فيكم زمان
لكن مزلت طيّب امعانا "
نجاح بحتت في امّها وفرحت
أمها ابستسمتلها من بعيد
لكن دمووع امّها واضحات
وهوو طالع مروان خطّم من تلا امّه
عطاها بوسه علي جبتها
مروان : ربّي يطولنا في عمرك
......
لؤي فتح اللاب توب امتاعه
وفتح البرامج كلهن
وبدا يخترق في الحسابات امتاعات معاوية
ويجمّع في المعلومات اول بأول
,,,,
مازن : شن رايك نطلعو اليوم انغيرو جوّنا
حنين : وين نمشو
حنين قاعدة في حضن مازن
ومازن يهدرز امعاها ويلعب علي شعرها
مازن : المول الحديقة لاي مكان
حنين : ابستمت
مازن : كنك تضحكي
حنين : تذكر أخر فالطة درتها امعاك لمّا
مشينا لمرمرة موووول
مازن : هههههههههههه
في الماضي
كان مازن وحنين يستوقوو في مرمرة موول
مازن وحنين طالعين بالشكاير
وكانت زحمة عند الباب
تفرقوووو
مازن كان ماشي للسيارة علي أساس
جنبة حنين
بحّت يمين يسارة مالقش حنين
حنين : وين عدّيت يامازن
قعدت ادور في السيارة
حنين : اهو هو قاعد في السيارة غادي
حلّا ركب للسيارة مازن
فتحت الباب وقعمزت
وكانت لابس خمار وعبايتها الفضفاضة طبعا
شخص غريب : تفضلي ياختي
حنين : سراق سراق
الغريب : تي غير وسعي بالك يا ختي
حنين : يبي يخطفني يامازن يامازن
قعدت اتعيط بصوت عالي
مازن سمع صووتها
طلّح اسلاحه من رواه ضهرة وقعد يجري ويدور فيها
نزلت حنين من السيارة
الغريب : شن يبي يخطف انتي اللي ركبتي للسيارة
مازن شافها من بعيد يجري
مازن : كنك ياحنين تبكي
مازن فنّص في الراجل الغريب
الراجل الغريب شاف في يدة مسدس
خاااااااااااااااف
الراجل الغريب : راك فاهم غلط
المدام ركبت بالغلط بالسيارة بس
مازن : شن شن
الراجل الغريب : وهي قعدت اتعيط
,,,,,,,,
في الحاضر
مازن : مستحيل ننسا اليوم هذكي
الراجل من الخوف تبول في سرواله لما شاف المسدس
حنين : ههههههههههههههههه
ومازن وهو يهدرز مع حنين
سمع نقالة يرن طلع الجاسوس
مازن : تو انجيك اشوية
حنين : ما اطولش نرجى فيك
طلع مازن من الدار
مازن : نعم يا إسماعيل
إسماعيل : بالنسبة انت واحمد راهو الللي اسمه معاوية معش يدور فيكم نفس قبل
مازن : اكيدة عرف انّ نحنا حطينا في راسنا
خايف هوو من الشهدرة بيه وخايف علي مصلحته
إسماعيل : ممكن
مازن : مدام عرف معناها عرف انّ في جاسوس
افطن يا إسماعيل الروحك
إسماعيل : حاضر وعندي خبر اخرة
للافندي احمد
مازن : شن
إسماعيل : بكرة في سيارة علي أساس امتاع بلدية وامعبية شكاير اكناسة
هي تبي اتخش المزرعة معينة عشان اتنزل المخدرات اللي في سيارة البلدية علي أساس اكناسة
مازن : وين ماشية بالزبط
إسماعيل : حتخطم من تلا سمافرو جي في سي امتاع شارع 20 في الصبح بدري
,,,,,,
أحمد يلعب مع روان عالسرير
وكانت جنبهم سهام
سهام : انت لما اتشووف روان تنساني
احمد : رديي عليها ياروان
روان : ديما ضالمة بابا انتي
احمد : ههههههههههه
أحمد سمع نقالها يرن
من اللي ران في عز القايلة
احمد : ان شاء الله خير يامازن
مازن : بكرة في بضاعة الصبح بدري حتطلع
احمد : هذينا الاخبار اللي يفرحن
,,,,
لؤي وهو امكسد عاللاب تو
يجمّع في البيانات
سمع صوت مسج واتس
فتحه لقى من فاطمة
خذا النقال وقعد يهدرز مع فاطمة
,,,,,
نرمين ادردش مع فارس واتس
فارس : طبعا كملتي امتحاناتك توا صعب حناخذو راحتنا نفس قبل
نرمين : عادي حنمشووها دردشة وخلاص
فارس : نجك
نرمين : انت فكّر في الموضوع بس اللي قتلك عليه
فارس :عارفة جوابي ,, مانش مزوج حاليا
لين انكمل مواضيعي جو نسكن مع امّك فكيني
نرمين : باهي اوكي براحتك
فارس :نفس الموضوع اتعاودي فيه ليا في كل دردشة في كل نقاش
خلاص قتلك مش سكنان هو
نرمين : باهي قلنا اوكي براحتك
ثاني يوم في الصباح الباكر
فارس يدّرب في مروان ولؤي علي حمل السلاح
وكيفية الضرب بيه
وكيف اتنظفة وكيف اذخرة
وكل شي خاص بالسلاح
,,,,
الافندي احمد وجماعته كانوو يرجوو في السيارة امتاع البلدية اتخطم
,,,,
الساعة 10:00
معاوية : اووووووف شن هذا
معاذ : استغربت حتى انا كيف مسكها
معاوية : هذي ابروحها انا ماعندش بيها علم بكل السيارة هذي
معاذ : مش تعرف انّ مش مخترقنا نحنا بس
معاوية : ماهو هذي الحاجة اللي مزالت امدوختني
معاذ : العقرب درت تحقيقات طلع فات الوجيج امتاع زمان
لكن اغلبهم مزالو أصحابه التجار
معاوية : مانبّش انتهور لازم انسلم الأمور للباشق
ونشقى بالحزب اللي قاعد عضو فيه
اليوم تمشي للباشق زيارة للسجن
واحكيله واعرض عليه
قوله قالك معاوية
حتاخذ المبلغ اللي تبيه
معاذ : بس صعب يهرب من الكويفية
معاوية : انا حندبر راسي مش شورك انت
,,,,,,
روان ماما تعالي بابا عالتفلزيوون
حنين اتفرج علي قناة ليبيا الحدث اتشوف في خوها
لامار وامها يتفرجو علي احمد
معاوية راقيله ومتمزط ويتفرج عالتلفزيون
العقرب قاعد في سوبر ماركت ويفترج عالتلفزيون ومبتسم
مراسل ليبيا الحدث : هذي ممكن سابع عملية يقوم الافندي احمد باحباطها
الافندي أحمد : الحق نشكر الاستخبارات والامن الداخلي اللي يعطو فيّا
المعلومات اول بأول وانحب انقوول لكل تاجر مخدرات في بنغازي
حتّى لو كنت تخدم والتّاجر عالمخفي ومش معروف سيّوورك حتنكشف قدّام الليبين ,,
يتبع ,,,,
من مواضيع : وردة
- صحيفة أميركية: الأزمة الاقتصادية تعصف بمشاريع أردوغان
- بعد تعثر الريال.. 5 أسباب تقرب برشلونة من الثلاثية التاريخية 2019
- طريقة عمل نجمة بسيطة بالكروشيه,عمل نجمه باللؤلؤ بالكروشيه,شرح غرزة اللؤلؤة للشالات بالصور
- ليفربول يغرد منفردا.. وصلاح يبتسم أخيرا
- سخرة وتحرش.. ظروف عمل "بشعة" للاجئين السوريين في تركيا
#29
~{ مديرة بنك المعرفة والثقافة }~
رد: رواية بلهجة ليبية بعنوان " مشاعر مطرطشة " للكاتب ديندار الوحيشي
#مشاعر_مطرطشة
الموسم الثاني
الحلقة 29
مراسل ليبيا الحدث : هذي ممكن سابع عملية يقوم الافندي احمد باحباطها
الافندي أحمد : الحق نشكر الاستخبارات والامن الداخلي اللي يعطو فيّا
المعلومات اول بأول وانحب انقوول لكل تاجر مخدرات في بنغازي
حتّى لو كنت تخدم والتّاجر عالمخفي ومش معروف سيّوورك حتنكشف قدّام الليبين ,,
,,,,,
العقرب وهو يضحك : صار الاستخبارات والامن الداخلي
مانك عادي ياشريك الدرب
,,,,,
الساعة 2:00 ظهرا
سهام : اتهبل اليوم عالتلفزيوون ياحبيبي
احمد : نجك لّيا وخلاص يا احلى انثى في حياتي
سهام : صح اليوم العشية ماشي انت ولامار
احمد : اها ماتقدرش اتسوق سيارة باتي عشان الحمل امتاعها
قالت لي في محل في شارع دبي
عنده ملابس خصّات بالحوامل
وباتي مش فاضيلها شكله
روان : باهي بابا شيلني امعاك
احمد : انشيلك يا احلى ريرو
سهام : خلاص تو نطلع امعاك حتّى انا
نشري كم حاجة نقصتني
احمد : باهي بالمرة انغيرو جوّنا
,,,,,
فارس : انستونا في حووشنا
لؤي : مش عارف ماشيين ندربو عالسلاح
والا انهرولووو وانديرو في رياضة
فارس : هكي زمان علمني العقرب
لما خذاني وخلّاني امعاه
اهم شي اللياقة البدنية
مروان : شن الغداءيالياقة بدنية راك اتقولي مكرونة
لؤي : مش عارف هو امس و اول امس كان مكرونة
لؤي : هههههههههههه
مروان : بس وين لؤي طلعت بلبووول
فارس : مش ماشي امعاه اسلاح ,, كيووت
لؤي :كيووت بس هكرز خليها تحرقك
فارس : بس ماشاء الله عليكم
اول يوم في تحسن عندكم مستقبل
مروان : غير خطانا لا مستقبل لاشي
لؤي : الباب يدق امتاع المربوعة
فارس :اكيدة الغداء
مروان : ياراب مش مكروووونة
لؤي : يااااااااااااارب
,,,,,,
حنين : عليش قعدت اتغدا امعايا في الدار
معش اتغدى مع هلك
مازن : لانك قعدتي معش اتغدي امعاهم
نبي نتغدى امعاك
حنين : بس هكي خواتك حيقوولن
انّي غيرتكن عليهن
مازن : خلّك منهن تغدي بس
حنين : ربّي مايحرمنش منّك
,,,,,,,
نرمين : شفتي السوسة كيف خلّت مازن معش يتغدى امعانا
فاطمة : خليها تربح عليش تحرقي انتي
نرمين : اللي قهرتني انخدعنا فيها بس
اول أيام كانت طيووبة بكل
ملائكة توا تغيرت خلاص
ام مازن : مرات البنت مريضة شن دراكي انتي
خلاص شن قال مازن
نبوو نحكو في نفس الموضوع نحنا
فكينا عاد يانرمين خلينا ناكلووو
نرمين : حاضر
...
بات حنين : كنها لامار ماتبش اتغدى
ام حنين : لا تغدت من امبدري
انت طولت تغدت
عالبيبي ماشيا
بنظام معين أصلا هيا
بات حنين : تمام
ام حنين : نسألك
بات حنين : نعم
ام حنين : كيف انت ازوجت نوال
وكنت عارفها انها مش تمام
بات حنين : في البداية كانت حنووونة وطيوووبة
بعدها فجأة بعد ازوجتها تغيرت
هبلتني بكل
اللي اكتشفتها بعدها انّها اتعامل بالسحر
وتمشي للمشعوذيين
ام حنين : باهي ,, وهي شن ملموسة صح
بات حنين : هي اتقول انا ملمووسة وفيا جن
لكن لما علجتها عند دكاترة نفسيين
قالوو عندها المرض الانفصام
لكن عالخفيف
هيا تحساب روحها مسحوورة
ومرات انقول في بالي
بالك مسحوورة صح
الحق بعد ما ازوجتها بانن عليّا حاجات واجد
كانن مختفييات عليّا
,,,,,,,
وفاء : باهي اللي ضحكتي يا اعيوني
نجاح : نجك ليّا ياماما
وين مروان طوّل مروّحش للغداء
وفاء : كلّمني امبدري قالي متغدي مع فارس
نجاح : اها تمام
وفاء : اهم حاجة انتي اطلعي من النكد والحزن اللي فيه
نبي نطلع انا وياك بعدين للمحلات اللي اقريبات
انغيروو جونا اشوية
نبيك تطلعي من النكد اللي عاشيتيه
نجاح : حاضر ياماما
,,,,,,
الساعة 5:00 عصرا
قاعد العقرب مع فارس في السوبر ماركت
العقرب : شن صار في جديدكم اليووم
فارس : اليوم حكيتهم عالصبح
وضغطت عليهم
نفس ماكنت اديرلي زمان
تقدر تطمن عليهم
ممكن يومين او ثلاثة
يقعدووو واتيين
لؤي ومروان
العقرب : باهي تمام
,,,,,
كانت ام مازن في دارها اتخيط في الفراشات
ولابسة نظاراتها الطبية
وحاطّة السماعات وامولّعة الراديوو
طلعت حنين من الدار ماشية شور الحمام
شافت قدّامها نرمين
صبّت نرمين قدّامها
وقعدت ادف فيها
نرمين : عجبك توّا الجو اللي ادير فيه
تبي تقلبي خونا علينا
حنين : يانرمين حولّي مش وقتك شن قالك مازن
نرمين : توا مازن مش قاعد خلينا انحلو الموضوع بيناتنا
شن دخّل مازن
وضربتها نرمين علي كتفها
حنين : يانرمين خطيني افضل
نرمين : شن تبي ادير الدلووعة
حنين تعصبت ومسكتها من شعرها
حنين : الدلوعة حتشعفك عاليووم اللي رفّعتي يدّك عليها
وقعدت اتكر فيها من شعرها
نرمين :ياماما ياماما يافاطمة يافاطمة يافاطمة
أمها كانت حاطّة السماعات
لكن فاطمة طلعت من الدار
نرمين شافت وجه حنين خافت واجد
نرمين : خلاص ياحنين انبصر انا
اه اه اه اه اه اه اه شعري
دووونك ليّا يافاطمة
ومشّت بيّها شور المطبخ
واتكر فيها من شعرها
ونرمين اتعيط من الألم
فاطمة : بطلي يامجنووونة شن اديري انتي
فاطمة مشت شور حنين تبي اتفك نرمين منها
حنين دفّتها طاحت انخبط راسها عالدولاب
طاحن السواني
كلهن ودارن صووت عالي
لكن امهن مزالت عايشة الجو مع السماعات
وماعندهش علم من شي
نرمين تبكي تبكي تبكي
نرمين : ياماما ياماما
مشت بيها حنين شوور الادراج
وطلّعت الموووس
حنين واعيوونها حمر : مرة ثانية اتحاولي تلمسيني بس
نذبحك ونشرب دمّك فاهمة ولّا لا
نرمين : باه باه باه
طلّقتها حنين طاحت نرمين ومشت تجري شور امّها
,,,,,
احمد كان شايل سهام ولامار وروان يدبشّووو
لامار : ترا شووف هذا يا احمد مرات عنده ملابس حوامل
احمد : خلينا نمشو محلات معينة خصات بالجو هذا
ليش تبي تبرمي وخلاص
لامار : فكني منهن ابضاعهتم كيف وجهم مش سمحة بكل وشينة
غير هيّا شوف المحل هذا بس
خش لامار وسهام وران شور المحل
صاحب المحل : تفضل شن انساعدكم
أحمد : عندك ملابس حوامل
صاحب : امتاعات صبايا
احمد : لا امتاعاتي انا وياك
لامار : هههههههههههه
سهام : ههههههههههههه
أحمد : عنجد امتاعات صبايا
هيّا هيا اطلعن
لامار وسهام معش امسكن ارواحهن من الضحك
,,,,,,
معاذ كان في الحبس
في البداية ارفضوو قالوله تعال بكرة
معش في زيارة مساجين
الزيارة في الصبح فقط
دار تليفوناته وافقوو انّ يشووفه
قعد يرجى فيه لين اطلّعو
.....
نرمين هي تبكي : هبلة ياماما هذي هبلة
مجنووونة هذي ملموسة
مش طبيعة البنت هذي
علي خشّت فاطمة
فاطمة : اه راسي شن هالمتوحشة هذي
ام مازن : كنكن شن صار فيكن كنها هكي حالتكن
نرمين : مسكت عليا موووس
فاطمة : وانا دفتني عالدولاب
ام مازن : علي من تحكن
نرمين وفاطمة : حنين
ام مازن صبّت ومشت شور حنين
حنين كانت واقتها في الحمام
واتبحت في وجها في المراية
شن درت انا توا
كنّي وين عقلي
وقعدت تغسل في وجها بالميّة
طلعت من الحمام لقت ام مازن
ترجى فيها في الصالة
......
جا الباشق للمكان للي قاعد فيه معاذ
الباشق : نعم ,, اول مرة انشوفك
معاذ : انا دزني لك معاوية
الباشق :اها عرفته خدمت امعاه فترة
معاذ : خلاص يبّي يهربك من السجن وتمسك شغله
الباشق : يعني انا مش واحل في الهربة من السجن نقدر نطلع
لكن مرات التكسيدة في الحبس احسن من برّة
وانا هنا قاعد معزز مكرم غير شن تبي يالباشق
معاذ : قالك حتاخذ المبلغ اللي تبيه وتمسك اعماله كلهن
الباشق : الافلووس شابع منهن انا
معاذ : بس ماعمركش جربت تقعد تاجر مخدرات وادير سوق ابرووحك
الباشق : مانبش افلووس نبي المربح بيني وبينه بالنص
لكن قووله لو ضحك عليّا وفاتني
حنجيّفىة وقتي
معاذ : لا معاوية لما يقول كلمة يقعد قدّها
الباشق : انت عارف انّ اخر واحد قتلته
عشان ضحك عليّا
معاذ : المهم انت اموافق
الباشق : خلاص وروونا شطارتكم كيف اطلعووني من الحبس
معاذ : تم
معاذ سلّم يدّه يبي يسلم علي الباشق
الباشق فاته ومابش يسلم عليه
,,,,,
حنين لما طلعت من الحمام
مشت شور دارها وخلاص ساكته
ام مازن بحّتت فيها
ومابتش ادير أي ردة
فعل قالت نرجى مازن افضل
هوو ادرى بمراته
,,,,,
الساعة 8:00 مساءا
سهام : عليك جو سمح اليووووم
أحمد : اهم شي غيرتي جوك انتي
سهام : اكيدة ياعمري ,,
أحمد : نبي فنجان قهوة
سهام : فووتها مش اكويسة في هالليل
احمد : انا نبيها خاطري فيها توا وفيك
سهام : انحبك يا احلى حب في حياتي
,,,,,
مازن خلّى فارس في سوبر ماركت
ورّوح للحوووش
شاف امّه ترجى فيه في الصالة
وكانت امّه متعصبة وراقيلها
,,,,
لؤي بدا يخترق في حسابات معاوية
اللي عاالسوشل ميديا
ويفتش فيهن بالتفصيل
,,,,,,,
ام حنين : ترا وريني لاموورتي
لامار : احمد اليوم هبلته من المحل المحل
كان مش مع سهام راهُ رد بيّا من الأول
أم حنين : حلوات بكل
لامار : نجّك لّيا ياماما
,,,,,,
معاوية : تمام خلاص حبدى في التنسيق كيف انهربوو
وحنقوولك كيف يهرب
لازم يهرب في هاليووومين هذينا
معاذ : حاضر يالزعيم
معاوية : انا حنختفي عالشاشة حتقعد انت وهو
ماسكين الخدمة بدالي وتعطوني
المعلومات أول بأول
المهم عندي مانبّش حد يزرق عليّا
,,,,,,
مازن :صار رفّعت موس علي نرمين
ودفّت فاطمة عالدولاب
ام مازن : مابيتش اندير أي حاجة
لين اتجي ,, ونحكيلك كل حاجة
مازن : بس شن اللي خلّا حنين ادير هكّي
اكيدة في سبب
مش معقولة حنين دارت هكي
ام مازن بصوت عالي : تعالي يانرمين
كانت حنين خايفة من ردة فعل مازن
وترعش
" ياربي حي عليا معقولة رفّعت مووس
علي نرمين وهذكّي اليووم
فجّرت الحوووش
يارب شن صارلي بس "
اتعاتب في روحها وخايفة
,,,,
كان امروح لشقته معاوية
شاف بنت تشحت عند السمافروو
درّس عليها
الشحاته : عندك أي حاجة ليا راني راقدة ريح
ومسكينه وماعندش حد في هالدنيا
" كانت بنت في عز شبابها "
معاوية : اركبي امعايا شن رايك
الشحاته قعدت خايفة
معاوية : هيا اركبي قبل ماتقعد الإشارة خضرة
ركبت الشحاته مع معاوية
وكانت خايفة
معاوية : متخافش انا كيف خوك الكبير
الشحاته : بارك الله فيك
,,,,,,
مازن بعد ماسمع من نرمين شن صار
خش علي حنين
وكان امعصّب ويفنّص
حنين : خليني نحكيلك كل حاجة بس وافهمني
مازن : سكّر الباب وراه
قرّب منها
حنين ماتت من الرعب
وصل فيها مازن
حط عينه في عينها
وكانن اعيووونه حمر بكككل
حنين وهي تبكي : خليني نحكيلك بس
وبعدها اللي تبي اديرها ديرها
شاف يدّها نزلت علي وجها
حنين : لا يامازن
لاقاته يمسح في دموووعه
حنين قعدت اتنهد وتبكي
مسكها من راسها وحضنها عند صدرة
وقعدت تبكي تبكي وتبكي
وقعد يمسح علي راسها
مازن : انتي متوترة اشوية واعصابك رايحات بكل
شن رايك بكرة نمشوو للدكتووور
مرات يعطي مهدئات ولّا حاجة
حنين مزالت اتنهد وتبكي
تبي تحكي مش عارفة
مازن : حكتلي امي وحكلّي نرمين وفاطمة
وانا عندي فيك ثقة وعارفك
ممكن صح انتي درتي هكي
ورفعتي موس في وجه نرمين
لكن متأكد لكل فعل رد فعل
وانتي مادرتش هكي الا كانت ردّة فعلك
حنين مزالت تبكي وتنهد
وهوو يخبط في راسها علي صدرها
مازن : خلاص بطّلي ابكا
مش مرات العقرب اللي تبكي
طلعت حنين تجري من الدار
مازن تعالي هنا وين ماشيا
طلع وراها
مشت تجري شور نرمين
نرمين كانت في الصالة هيا وامها وفاطمة
يبو يشووفن مازن شن حيدير في حنين
حنين فطنت انّهم كانوو وراء الباب يسمعو في كل حاجة
قعدن امصبيات يشووفن فيه بعضهن
عدتلها حنين وحضنت نرمين
نرمين امصبيه ومستغربه
واتبحت في فاطمة وامّها
نرمين قعدت تمسح علي راسها
واطبطب عليها
مازن بحّت في فاطمة
وحرّك راسه شور حنين
مشت فاطمة اتهدي في حنين
مازن قعمز في الصالة
تعالن انتي الثلاثة هنا
جت حنين جنبه وقعدت امقابله نرمين وفاطمة
مازن : حنين عرفت روحها غلطانة
وتبي الأسف منكن
هي بس اعصابها متوترات اشوية
امسامحاتها ولا لا
نرمين : اكيدة سامحناها
فاطمة : اكيدة
قعد يمسح علي راس نرمين وفاطمة بإيديه
وبعدها صبّى خش مع حنين للدار
,,,,
نجاح دارت اعدادات النت من جديد
امتاع شفرة المدار
ونزلت الفيس امتاعها
بمجرد مافتحت الفيس
لقت مسجات واجد من رمضان
" وينك "
" ردي عليا نبّيك "
" الوووووو "
" انرن عليك مقفل "
" راك تنسي انتي بدوني ماتسوي شي "
نجاح : ياربي كيف نقدر نطلع من كابوس رمضان
انصارح امي بكل حاجة ونحكيلها
في الماضي
نجاح خوها حطّها في الجامعة في الصبح بدري
مروان : امتى انجيك اليوووم
نجاح : تعالي الساعة اثنين ,,
بعد نبي انكمل نبي انراجع مع صحباتي
في المكتبه تمام
طلع مروان من هنا
اشوية هكي جا رمضان بالسيارة
ركبت معاه
نجاح : شن حتى اليوم نبوو ندهورو مع بعض
رمضان : لا المرة هذي ماشيين للشاليهات
امتاع قاريوس اقريبيات من الجامعة
نجاح : فكنا مرات انطول حبيبي
رمضان عطاها بوووسها
رمضان : متخافش عالسريع
نجاح : باه
....
في الوقت الحاضر
نجاح قعدت تبكي لما شافت مسجات رمضان
وقالت لازم اندير حل لرووحي
مش حنقعد طول عمري هكي
.....
الشحاتة خشّت للشقة امتاع معاوية
وكانت مستغربة ومتفاجئة
شقة هاي كلاس
كلّه حاجة متوفرة عنده
شقة ملووووك
كل حاجة فيها حديثة
فتح الثلاجة معاوية
وطلّع باكوو عصير
وصبّلها كباية
معاوية : هاكي تفضلي
الشحاته كانت متحشمة بكل
معاوية حوّل الحجاب امتاعها
شعرها كله طلع
وكان طووويل
معاوية : ما اديرش روحك برّانيّة
الشقة شقتك خووذي راحتك
وخش معاوية للدار يغير في ملابسه
معاوية : الثلاجة قدامك وهذا التلفزيووون
ديري جوّك انتي اليووم ضيفتي
,,,,,
لؤي كان مخترق احسابات معاوية
عالفيس وعالتويتر وعالانستقرام
ومزال يفتش ويبحث
شووف في الأصدقاء المتابعيين المسجات وهكذا
,,,,,,,
فارس يهدرز واتس مع نرمين
نرمين : بكرة طالعة انا وفاطمة
فارس : وين ماشيا
نرمين : ماشيا شور محلات شارع 20 نبي نشري كم حاجة
فارس : باهي تمام
نرمين : نبي انشووفك تقدر اتجي
فارس : انصورلك صورة ليا وشوفيني عادي
نرمين : مانقدر انرن عليك فيديو وانشوفك
لكن نبيها فيس تو فيس
فارس : لا مانقدرش عندي عمل بكرة
مروان مشغول بكرة
كان هذا خليت مروان يمسك مكاني في السوبرماركت
وجيتك
نرمين : براحتك
,,,,,,
نجاح مزالت حاطّة علي محادثة رمضان
وتبكي وخايفة
ومش قادرة اديرله حظر
في الماضي
نجاح : محلا الشّالِيه يهبل ياحبيبي
رمضان : انتي اللي اتهبلي
نجاح : اشوية ونطلعوو باهي
رمضان : مزال بدري مزلنا الصبح
يعني مزال واجد علي جيّة خووك للجامعة
نجاح : لا بس لازم نطلعووو
رمضان : كنك خايفة منّي
حبيبك انا
وقرب منها رمضان
وقعد يبووس فيها
ويحضن فيها
نجاح تعبت وتبدالت امعا البووس
ارتخت وضعفت
قعد يسلحلها في دبشها
هي اتقوول كانت محروومة
وانووثتها تفجرت من اللذة والشهوة
همّا الاثنين كانوووو في آخر اللذة ونشوتهم
في الحاضر
رمضان شاف الرسائل اللي دزهن
تم الرؤية وطلعن عليهن علامة الصح
رمضان : أخيرا اللي فتحتي ,, رايفت عليك
نجاح : اها بس نقالي انكسر
رمضان : اموووووووووواه انحبك انا
نجاح : رمضان انت صح حتاخذني ولّا تلعب بيّا
رمضان : لا والله حناخذك كنك هبله وعدتك انا
نجاح سكّرت النقال وقعدت تبكي
نجاح : يارب ساعدني شن اندير بس
,,,,,,
معاوية : كنك امعصية ارخي روحك
الشحاته : حاضر
معاوية : شن اسمك
الشحاته : اسمي مايّا
معاوية : عاشت الاسامي ,, ليبية انتي
مايا : ليبية اكيدة ابّا عن جد
معاوية : وينهم هلك
مايا : باتي امطلق امّي وامي توفت قبل ثلاث سنوات
معاوية : باتك وين
مايا : لما طلّق امي سافر للجنوب ازوج غادي
ونساني
معاوية قرب منها وقعد يحرّك في شعرها بيدّه
وقعد يبحت في اعيوونها
وهي اتبحت في اعيوونه
كانت متحشمة مرة اتبحت ف عينة ومرة في الأرض
عطاها بووووسه علي خدّها
وكانت بوووسها دافية وهادئة
وكان خدّها امصقع واجد
لدرجة لمّا عطاها بووسها
هي ارعشت وخافت
معاوية : متخافش انتي هنا في الحفظ والصون
توا نبي نرقد
الشقة شقتك كيف ماقتلك
خش معاوية للدار
ومايا توحشت عالمطبخ
وقعدت تاكل بكل شراهة
,,,,,,
بعد منتصف الليل
فارس : خلاص ياحبيبي نبي نرقد توا
نرمين : خوذ راحتك يا عيوني
فارس : نبيك تعرفي حاجة وحدة
انّ في شاب اسمه فارس
يحبك وامكبد عليك
صح ممكن امقصر امعاك اشوية
لكن يعلم الله انّي مانتحمل فيك شي
ونفديك ابرووحي
نرمين : نجك ليا اعيوني
...
فاطمة اترن علي لؤي ما يردش
اترن واترن واترن
عقبتله مسجات عالواتس
لؤي كان راقد عاللاب توب وكان نسيه والع
وكان واضح تعبان ومرهق
....
مازن راقد في سابع نوومة
حنين كانت راقدة علي ظهرها
واتبحت فووووق
وسرحانة
.......
نجاح مش قادرة ترقد
ومش قادرة اطلع رمضان من راسها
في الماضي
نجاح مفجووعه : حي عليا شن درت انت
رمضان : مش عارف شن صار
نجاح مصدومة : راك فتحتني انت
" فض غشاء البكارة امتاعتها "
رمضان : غير اسكتي توّا ما اتركبش عليا
نجاح : شن ما انركبش عليك انت راك درت جنايا فيا
حي عليا من ماما وخوويا
رمضان : في الحالتين انا حنزوجك ما اديرش موضوع
في الوقت الحاضر
نجاح تبكي وتبكي وتبكي
" لازم انصارح ماما واللي ايصير ايصير "
ثاني يووووم
الساعة 9:30 صباحا
مازن : نرجى فيك في السيارة هيا
حنين : هيا نلبس عبايتي وجايتك
"كانووو ماشيين للعيادة "
....
ناضت مايا لقت روحها راقدة في الصالة
وامتغطية بطانية
هي اخر حاجة كانت فطنتلها كانت
تاكل واتفرج عالتلفزيووون
كان معاوية طالع من الصبح شور العمل امتاعه
جت تبي تفتح الباب لقاته مفتووح
لقت ورقة مكتوب فيها
الشقة امانة عندك
لو مش متريحة تقدري تطلعي
لو متريحة خليك عادي
حنروح مع الساعة 1:00 ضهرا
مايا : معقولة مش خايف نسرق شقّته ولا حاجة
حاط فيّا الثقة
" معاوية كان حاط اثنين يراقبوو في الشقة ويراقبووو فيها "
,,,,
لؤي ناض الصبح شاف رنات ومساجات فاطمة
رن عليها وصبّح عليها وهدرز امعاها اشوية
و ولّع سيارته وكان ماشي شور سوبر ماركت
عشان يقوول للعقرب شن الجديد اللي عنده
,,,,,
الدكتور خذا العقرب ابرووحه
العقرب : شن طمنّا
الدكتور : علي حسب الاعراض اللي قلتهن ليا
عندها مرض الفصام,, بالليبي انفصام
العقرب استغرب وتغيرت نظرته
العقرب : فيش تحكي انت
الدكتور : للأسف علي حسب ماخصصت الاعراض
وانت حكيتلي عندها مرض الفصام وهو من الامراض النفسية الوراثية ,,
ممكن باتها او امّها كان مصاب بيه ,, مرض وراثي من الاجداد
العقرب وهو زعلان : لاحول ولا قوة لا بالله
اكيدة صايرلها اشوية ارهاق وتعب
مادّيرهش ليّا مجنونة
من قبل مافيها شي
كيف توا ايجيها فجأة المرض هذا
الدكتور : الله اعلم
طلع العقرب من غرفة المعاينة
حنين : شن صار
العقرب : طب فاشل مايعرفووش حتى يعاينوو
هيا نمشوو لعيادة اخرة
حنين : شن قالك
العقرب : ماعرفش يحلل المرض اللي عندك
"مابش يحكيلها شن صار العقرب"
وطلّع نقّاله وحط عالرسائل
وحط علي اسم أحمد
" بعدين نبيك ضروري تعالي
مش قادر انرن عليك جنبي حنين
لازم نحكي امعاك نبي نستفسر منّك
علي حاجة "
,,,,,
كانت وفاء اضم في حوستها
جتها نجاح
نجاح : ماما نبي انصارحك بحاجة
بس نبيك مهما صار نقعد بنتك
وما انطيحش من عينك
ونبيك اتصبي امعايا
معش نقدر اندسّها اكثر من هك لاني تعبت
وفاء : شن قوولي
الموسم الثاني
الحلقة 29
مراسل ليبيا الحدث : هذي ممكن سابع عملية يقوم الافندي احمد باحباطها
الافندي أحمد : الحق نشكر الاستخبارات والامن الداخلي اللي يعطو فيّا
المعلومات اول بأول وانحب انقوول لكل تاجر مخدرات في بنغازي
حتّى لو كنت تخدم والتّاجر عالمخفي ومش معروف سيّوورك حتنكشف قدّام الليبين ,,
,,,,,
العقرب وهو يضحك : صار الاستخبارات والامن الداخلي
مانك عادي ياشريك الدرب
,,,,,
الساعة 2:00 ظهرا
سهام : اتهبل اليوم عالتلفزيوون ياحبيبي
احمد : نجك لّيا وخلاص يا احلى انثى في حياتي
سهام : صح اليوم العشية ماشي انت ولامار
احمد : اها ماتقدرش اتسوق سيارة باتي عشان الحمل امتاعها
قالت لي في محل في شارع دبي
عنده ملابس خصّات بالحوامل
وباتي مش فاضيلها شكله
روان : باهي بابا شيلني امعاك
احمد : انشيلك يا احلى ريرو
سهام : خلاص تو نطلع امعاك حتّى انا
نشري كم حاجة نقصتني
احمد : باهي بالمرة انغيرو جوّنا
,,,,,
فارس : انستونا في حووشنا
لؤي : مش عارف ماشيين ندربو عالسلاح
والا انهرولووو وانديرو في رياضة
فارس : هكي زمان علمني العقرب
لما خذاني وخلّاني امعاه
اهم شي اللياقة البدنية
مروان : شن الغداءيالياقة بدنية راك اتقولي مكرونة
لؤي : مش عارف هو امس و اول امس كان مكرونة
لؤي : هههههههههههه
مروان : بس وين لؤي طلعت بلبووول
فارس : مش ماشي امعاه اسلاح ,, كيووت
لؤي :كيووت بس هكرز خليها تحرقك
فارس : بس ماشاء الله عليكم
اول يوم في تحسن عندكم مستقبل
مروان : غير خطانا لا مستقبل لاشي
لؤي : الباب يدق امتاع المربوعة
فارس :اكيدة الغداء
مروان : ياراب مش مكروووونة
لؤي : يااااااااااااارب
,,,,,,
حنين : عليش قعدت اتغدا امعايا في الدار
معش اتغدى مع هلك
مازن : لانك قعدتي معش اتغدي امعاهم
نبي نتغدى امعاك
حنين : بس هكي خواتك حيقوولن
انّي غيرتكن عليهن
مازن : خلّك منهن تغدي بس
حنين : ربّي مايحرمنش منّك
,,,,,,,
نرمين : شفتي السوسة كيف خلّت مازن معش يتغدى امعانا
فاطمة : خليها تربح عليش تحرقي انتي
نرمين : اللي قهرتني انخدعنا فيها بس
اول أيام كانت طيووبة بكل
ملائكة توا تغيرت خلاص
ام مازن : مرات البنت مريضة شن دراكي انتي
خلاص شن قال مازن
نبوو نحكو في نفس الموضوع نحنا
فكينا عاد يانرمين خلينا ناكلووو
نرمين : حاضر
...
بات حنين : كنها لامار ماتبش اتغدى
ام حنين : لا تغدت من امبدري
انت طولت تغدت
عالبيبي ماشيا
بنظام معين أصلا هيا
بات حنين : تمام
ام حنين : نسألك
بات حنين : نعم
ام حنين : كيف انت ازوجت نوال
وكنت عارفها انها مش تمام
بات حنين : في البداية كانت حنووونة وطيوووبة
بعدها فجأة بعد ازوجتها تغيرت
هبلتني بكل
اللي اكتشفتها بعدها انّها اتعامل بالسحر
وتمشي للمشعوذيين
ام حنين : باهي ,, وهي شن ملموسة صح
بات حنين : هي اتقول انا ملمووسة وفيا جن
لكن لما علجتها عند دكاترة نفسيين
قالوو عندها المرض الانفصام
لكن عالخفيف
هيا تحساب روحها مسحوورة
ومرات انقول في بالي
بالك مسحوورة صح
الحق بعد ما ازوجتها بانن عليّا حاجات واجد
كانن مختفييات عليّا
,,,,,,,
وفاء : باهي اللي ضحكتي يا اعيوني
نجاح : نجك ليّا ياماما
وين مروان طوّل مروّحش للغداء
وفاء : كلّمني امبدري قالي متغدي مع فارس
نجاح : اها تمام
وفاء : اهم حاجة انتي اطلعي من النكد والحزن اللي فيه
نبي نطلع انا وياك بعدين للمحلات اللي اقريبات
انغيروو جونا اشوية
نبيك تطلعي من النكد اللي عاشيتيه
نجاح : حاضر ياماما
,,,,,,
الساعة 5:00 عصرا
قاعد العقرب مع فارس في السوبر ماركت
العقرب : شن صار في جديدكم اليووم
فارس : اليوم حكيتهم عالصبح
وضغطت عليهم
نفس ماكنت اديرلي زمان
تقدر تطمن عليهم
ممكن يومين او ثلاثة
يقعدووو واتيين
لؤي ومروان
العقرب : باهي تمام
,,,,,
كانت ام مازن في دارها اتخيط في الفراشات
ولابسة نظاراتها الطبية
وحاطّة السماعات وامولّعة الراديوو
طلعت حنين من الدار ماشية شور الحمام
شافت قدّامها نرمين
صبّت نرمين قدّامها
وقعدت ادف فيها
نرمين : عجبك توّا الجو اللي ادير فيه
تبي تقلبي خونا علينا
حنين : يانرمين حولّي مش وقتك شن قالك مازن
نرمين : توا مازن مش قاعد خلينا انحلو الموضوع بيناتنا
شن دخّل مازن
وضربتها نرمين علي كتفها
حنين : يانرمين خطيني افضل
نرمين : شن تبي ادير الدلووعة
حنين تعصبت ومسكتها من شعرها
حنين : الدلوعة حتشعفك عاليووم اللي رفّعتي يدّك عليها
وقعدت اتكر فيها من شعرها
نرمين :ياماما ياماما يافاطمة يافاطمة يافاطمة
أمها كانت حاطّة السماعات
لكن فاطمة طلعت من الدار
نرمين شافت وجه حنين خافت واجد
نرمين : خلاص ياحنين انبصر انا
اه اه اه اه اه اه اه شعري
دووونك ليّا يافاطمة
ومشّت بيّها شور المطبخ
واتكر فيها من شعرها
ونرمين اتعيط من الألم
فاطمة : بطلي يامجنووونة شن اديري انتي
فاطمة مشت شور حنين تبي اتفك نرمين منها
حنين دفّتها طاحت انخبط راسها عالدولاب
طاحن السواني
كلهن ودارن صووت عالي
لكن امهن مزالت عايشة الجو مع السماعات
وماعندهش علم من شي
نرمين تبكي تبكي تبكي
نرمين : ياماما ياماما
مشت بيها حنين شوور الادراج
وطلّعت الموووس
حنين واعيوونها حمر : مرة ثانية اتحاولي تلمسيني بس
نذبحك ونشرب دمّك فاهمة ولّا لا
نرمين : باه باه باه
طلّقتها حنين طاحت نرمين ومشت تجري شور امّها
,,,,,
احمد كان شايل سهام ولامار وروان يدبشّووو
لامار : ترا شووف هذا يا احمد مرات عنده ملابس حوامل
احمد : خلينا نمشو محلات معينة خصات بالجو هذا
ليش تبي تبرمي وخلاص
لامار : فكني منهن ابضاعهتم كيف وجهم مش سمحة بكل وشينة
غير هيّا شوف المحل هذا بس
خش لامار وسهام وران شور المحل
صاحب المحل : تفضل شن انساعدكم
أحمد : عندك ملابس حوامل
صاحب : امتاعات صبايا
احمد : لا امتاعاتي انا وياك
لامار : هههههههههههه
سهام : ههههههههههههه
أحمد : عنجد امتاعات صبايا
هيّا هيا اطلعن
لامار وسهام معش امسكن ارواحهن من الضحك
,,,,,,
معاذ كان في الحبس
في البداية ارفضوو قالوله تعال بكرة
معش في زيارة مساجين
الزيارة في الصبح فقط
دار تليفوناته وافقوو انّ يشووفه
قعد يرجى فيه لين اطلّعو
.....
نرمين هي تبكي : هبلة ياماما هذي هبلة
مجنووونة هذي ملموسة
مش طبيعة البنت هذي
علي خشّت فاطمة
فاطمة : اه راسي شن هالمتوحشة هذي
ام مازن : كنكن شن صار فيكن كنها هكي حالتكن
نرمين : مسكت عليا موووس
فاطمة : وانا دفتني عالدولاب
ام مازن : علي من تحكن
نرمين وفاطمة : حنين
ام مازن صبّت ومشت شور حنين
حنين كانت واقتها في الحمام
واتبحت في وجها في المراية
شن درت انا توا
كنّي وين عقلي
وقعدت تغسل في وجها بالميّة
طلعت من الحمام لقت ام مازن
ترجى فيها في الصالة
......
جا الباشق للمكان للي قاعد فيه معاذ
الباشق : نعم ,, اول مرة انشوفك
معاذ : انا دزني لك معاوية
الباشق :اها عرفته خدمت امعاه فترة
معاذ : خلاص يبّي يهربك من السجن وتمسك شغله
الباشق : يعني انا مش واحل في الهربة من السجن نقدر نطلع
لكن مرات التكسيدة في الحبس احسن من برّة
وانا هنا قاعد معزز مكرم غير شن تبي يالباشق
معاذ : قالك حتاخذ المبلغ اللي تبيه وتمسك اعماله كلهن
الباشق : الافلووس شابع منهن انا
معاذ : بس ماعمركش جربت تقعد تاجر مخدرات وادير سوق ابرووحك
الباشق : مانبش افلووس نبي المربح بيني وبينه بالنص
لكن قووله لو ضحك عليّا وفاتني
حنجيّفىة وقتي
معاذ : لا معاوية لما يقول كلمة يقعد قدّها
الباشق : انت عارف انّ اخر واحد قتلته
عشان ضحك عليّا
معاذ : المهم انت اموافق
الباشق : خلاص وروونا شطارتكم كيف اطلعووني من الحبس
معاذ : تم
معاذ سلّم يدّه يبي يسلم علي الباشق
الباشق فاته ومابش يسلم عليه
,,,,,
حنين لما طلعت من الحمام
مشت شور دارها وخلاص ساكته
ام مازن بحّتت فيها
ومابتش ادير أي ردة
فعل قالت نرجى مازن افضل
هوو ادرى بمراته
,,,,,
الساعة 8:00 مساءا
سهام : عليك جو سمح اليووووم
أحمد : اهم شي غيرتي جوك انتي
سهام : اكيدة ياعمري ,,
أحمد : نبي فنجان قهوة
سهام : فووتها مش اكويسة في هالليل
احمد : انا نبيها خاطري فيها توا وفيك
سهام : انحبك يا احلى حب في حياتي
,,,,,
مازن خلّى فارس في سوبر ماركت
ورّوح للحوووش
شاف امّه ترجى فيه في الصالة
وكانت امّه متعصبة وراقيلها
,,,,
لؤي بدا يخترق في حسابات معاوية
اللي عاالسوشل ميديا
ويفتش فيهن بالتفصيل
,,,,,,,
ام حنين : ترا وريني لاموورتي
لامار : احمد اليوم هبلته من المحل المحل
كان مش مع سهام راهُ رد بيّا من الأول
أم حنين : حلوات بكل
لامار : نجّك لّيا ياماما
,,,,,,
معاوية : تمام خلاص حبدى في التنسيق كيف انهربوو
وحنقوولك كيف يهرب
لازم يهرب في هاليووومين هذينا
معاذ : حاضر يالزعيم
معاوية : انا حنختفي عالشاشة حتقعد انت وهو
ماسكين الخدمة بدالي وتعطوني
المعلومات أول بأول
المهم عندي مانبّش حد يزرق عليّا
,,,,,,
مازن :صار رفّعت موس علي نرمين
ودفّت فاطمة عالدولاب
ام مازن : مابيتش اندير أي حاجة
لين اتجي ,, ونحكيلك كل حاجة
مازن : بس شن اللي خلّا حنين ادير هكّي
اكيدة في سبب
مش معقولة حنين دارت هكي
ام مازن بصوت عالي : تعالي يانرمين
كانت حنين خايفة من ردة فعل مازن
وترعش
" ياربي حي عليا معقولة رفّعت مووس
علي نرمين وهذكّي اليووم
فجّرت الحوووش
يارب شن صارلي بس "
اتعاتب في روحها وخايفة
,,,,
كان امروح لشقته معاوية
شاف بنت تشحت عند السمافروو
درّس عليها
الشحاته : عندك أي حاجة ليا راني راقدة ريح
ومسكينه وماعندش حد في هالدنيا
" كانت بنت في عز شبابها "
معاوية : اركبي امعايا شن رايك
الشحاته قعدت خايفة
معاوية : هيا اركبي قبل ماتقعد الإشارة خضرة
ركبت الشحاته مع معاوية
وكانت خايفة
معاوية : متخافش انا كيف خوك الكبير
الشحاته : بارك الله فيك
,,,,,,
مازن بعد ماسمع من نرمين شن صار
خش علي حنين
وكان امعصّب ويفنّص
حنين : خليني نحكيلك كل حاجة بس وافهمني
مازن : سكّر الباب وراه
قرّب منها
حنين ماتت من الرعب
وصل فيها مازن
حط عينه في عينها
وكانن اعيووونه حمر بكككل
حنين وهي تبكي : خليني نحكيلك بس
وبعدها اللي تبي اديرها ديرها
شاف يدّها نزلت علي وجها
حنين : لا يامازن
لاقاته يمسح في دموووعه
حنين قعدت اتنهد وتبكي
مسكها من راسها وحضنها عند صدرة
وقعدت تبكي تبكي وتبكي
وقعد يمسح علي راسها
مازن : انتي متوترة اشوية واعصابك رايحات بكل
شن رايك بكرة نمشوو للدكتووور
مرات يعطي مهدئات ولّا حاجة
حنين مزالت اتنهد وتبكي
تبي تحكي مش عارفة
مازن : حكتلي امي وحكلّي نرمين وفاطمة
وانا عندي فيك ثقة وعارفك
ممكن صح انتي درتي هكي
ورفعتي موس في وجه نرمين
لكن متأكد لكل فعل رد فعل
وانتي مادرتش هكي الا كانت ردّة فعلك
حنين مزالت تبكي وتنهد
وهوو يخبط في راسها علي صدرها
مازن : خلاص بطّلي ابكا
مش مرات العقرب اللي تبكي
طلعت حنين تجري من الدار
مازن تعالي هنا وين ماشيا
طلع وراها
مشت تجري شور نرمين
نرمين كانت في الصالة هيا وامها وفاطمة
يبو يشووفن مازن شن حيدير في حنين
حنين فطنت انّهم كانوو وراء الباب يسمعو في كل حاجة
قعدن امصبيات يشووفن فيه بعضهن
عدتلها حنين وحضنت نرمين
نرمين امصبيه ومستغربه
واتبحت في فاطمة وامّها
نرمين قعدت تمسح علي راسها
واطبطب عليها
مازن بحّت في فاطمة
وحرّك راسه شور حنين
مشت فاطمة اتهدي في حنين
مازن قعمز في الصالة
تعالن انتي الثلاثة هنا
جت حنين جنبه وقعدت امقابله نرمين وفاطمة
مازن : حنين عرفت روحها غلطانة
وتبي الأسف منكن
هي بس اعصابها متوترات اشوية
امسامحاتها ولا لا
نرمين : اكيدة سامحناها
فاطمة : اكيدة
قعد يمسح علي راس نرمين وفاطمة بإيديه
وبعدها صبّى خش مع حنين للدار
,,,,
نجاح دارت اعدادات النت من جديد
امتاع شفرة المدار
ونزلت الفيس امتاعها
بمجرد مافتحت الفيس
لقت مسجات واجد من رمضان
" وينك "
" ردي عليا نبّيك "
" الوووووو "
" انرن عليك مقفل "
" راك تنسي انتي بدوني ماتسوي شي "
نجاح : ياربي كيف نقدر نطلع من كابوس رمضان
انصارح امي بكل حاجة ونحكيلها
في الماضي
نجاح خوها حطّها في الجامعة في الصبح بدري
مروان : امتى انجيك اليوووم
نجاح : تعالي الساعة اثنين ,,
بعد نبي انكمل نبي انراجع مع صحباتي
في المكتبه تمام
طلع مروان من هنا
اشوية هكي جا رمضان بالسيارة
ركبت معاه
نجاح : شن حتى اليوم نبوو ندهورو مع بعض
رمضان : لا المرة هذي ماشيين للشاليهات
امتاع قاريوس اقريبيات من الجامعة
نجاح : فكنا مرات انطول حبيبي
رمضان عطاها بوووسها
رمضان : متخافش عالسريع
نجاح : باه
....
في الوقت الحاضر
نجاح قعدت تبكي لما شافت مسجات رمضان
وقالت لازم اندير حل لرووحي
مش حنقعد طول عمري هكي
.....
الشحاتة خشّت للشقة امتاع معاوية
وكانت مستغربة ومتفاجئة
شقة هاي كلاس
كلّه حاجة متوفرة عنده
شقة ملووووك
كل حاجة فيها حديثة
فتح الثلاجة معاوية
وطلّع باكوو عصير
وصبّلها كباية
معاوية : هاكي تفضلي
الشحاته كانت متحشمة بكل
معاوية حوّل الحجاب امتاعها
شعرها كله طلع
وكان طووويل
معاوية : ما اديرش روحك برّانيّة
الشقة شقتك خووذي راحتك
وخش معاوية للدار يغير في ملابسه
معاوية : الثلاجة قدامك وهذا التلفزيووون
ديري جوّك انتي اليووم ضيفتي
,,,,,
لؤي كان مخترق احسابات معاوية
عالفيس وعالتويتر وعالانستقرام
ومزال يفتش ويبحث
شووف في الأصدقاء المتابعيين المسجات وهكذا
,,,,,,,
فارس يهدرز واتس مع نرمين
نرمين : بكرة طالعة انا وفاطمة
فارس : وين ماشيا
نرمين : ماشيا شور محلات شارع 20 نبي نشري كم حاجة
فارس : باهي تمام
نرمين : نبي انشووفك تقدر اتجي
فارس : انصورلك صورة ليا وشوفيني عادي
نرمين : مانقدر انرن عليك فيديو وانشوفك
لكن نبيها فيس تو فيس
فارس : لا مانقدرش عندي عمل بكرة
مروان مشغول بكرة
كان هذا خليت مروان يمسك مكاني في السوبرماركت
وجيتك
نرمين : براحتك
,,,,,,
نجاح مزالت حاطّة علي محادثة رمضان
وتبكي وخايفة
ومش قادرة اديرله حظر
في الماضي
نجاح : محلا الشّالِيه يهبل ياحبيبي
رمضان : انتي اللي اتهبلي
نجاح : اشوية ونطلعوو باهي
رمضان : مزال بدري مزلنا الصبح
يعني مزال واجد علي جيّة خووك للجامعة
نجاح : لا بس لازم نطلعووو
رمضان : كنك خايفة منّي
حبيبك انا
وقرب منها رمضان
وقعد يبووس فيها
ويحضن فيها
نجاح تعبت وتبدالت امعا البووس
ارتخت وضعفت
قعد يسلحلها في دبشها
هي اتقوول كانت محروومة
وانووثتها تفجرت من اللذة والشهوة
همّا الاثنين كانوووو في آخر اللذة ونشوتهم
في الحاضر
رمضان شاف الرسائل اللي دزهن
تم الرؤية وطلعن عليهن علامة الصح
رمضان : أخيرا اللي فتحتي ,, رايفت عليك
نجاح : اها بس نقالي انكسر
رمضان : اموووووووووواه انحبك انا
نجاح : رمضان انت صح حتاخذني ولّا تلعب بيّا
رمضان : لا والله حناخذك كنك هبله وعدتك انا
نجاح سكّرت النقال وقعدت تبكي
نجاح : يارب ساعدني شن اندير بس
,,,,,,
معاوية : كنك امعصية ارخي روحك
الشحاته : حاضر
معاوية : شن اسمك
الشحاته : اسمي مايّا
معاوية : عاشت الاسامي ,, ليبية انتي
مايا : ليبية اكيدة ابّا عن جد
معاوية : وينهم هلك
مايا : باتي امطلق امّي وامي توفت قبل ثلاث سنوات
معاوية : باتك وين
مايا : لما طلّق امي سافر للجنوب ازوج غادي
ونساني
معاوية قرب منها وقعد يحرّك في شعرها بيدّه
وقعد يبحت في اعيوونها
وهي اتبحت في اعيوونه
كانت متحشمة مرة اتبحت ف عينة ومرة في الأرض
عطاها بووووسه علي خدّها
وكانت بوووسها دافية وهادئة
وكان خدّها امصقع واجد
لدرجة لمّا عطاها بووسها
هي ارعشت وخافت
معاوية : متخافش انتي هنا في الحفظ والصون
توا نبي نرقد
الشقة شقتك كيف ماقتلك
خش معاوية للدار
ومايا توحشت عالمطبخ
وقعدت تاكل بكل شراهة
,,,,,,
بعد منتصف الليل
فارس : خلاص ياحبيبي نبي نرقد توا
نرمين : خوذ راحتك يا عيوني
فارس : نبيك تعرفي حاجة وحدة
انّ في شاب اسمه فارس
يحبك وامكبد عليك
صح ممكن امقصر امعاك اشوية
لكن يعلم الله انّي مانتحمل فيك شي
ونفديك ابرووحي
نرمين : نجك ليا اعيوني
...
فاطمة اترن علي لؤي ما يردش
اترن واترن واترن
عقبتله مسجات عالواتس
لؤي كان راقد عاللاب توب وكان نسيه والع
وكان واضح تعبان ومرهق
....
مازن راقد في سابع نوومة
حنين كانت راقدة علي ظهرها
واتبحت فووووق
وسرحانة
.......
نجاح مش قادرة ترقد
ومش قادرة اطلع رمضان من راسها
في الماضي
نجاح مفجووعه : حي عليا شن درت انت
رمضان : مش عارف شن صار
نجاح مصدومة : راك فتحتني انت
" فض غشاء البكارة امتاعتها "
رمضان : غير اسكتي توّا ما اتركبش عليا
نجاح : شن ما انركبش عليك انت راك درت جنايا فيا
حي عليا من ماما وخوويا
رمضان : في الحالتين انا حنزوجك ما اديرش موضوع
في الوقت الحاضر
نجاح تبكي وتبكي وتبكي
" لازم انصارح ماما واللي ايصير ايصير "
ثاني يووووم
الساعة 9:30 صباحا
مازن : نرجى فيك في السيارة هيا
حنين : هيا نلبس عبايتي وجايتك
"كانووو ماشيين للعيادة "
....
ناضت مايا لقت روحها راقدة في الصالة
وامتغطية بطانية
هي اخر حاجة كانت فطنتلها كانت
تاكل واتفرج عالتلفزيووون
كان معاوية طالع من الصبح شور العمل امتاعه
جت تبي تفتح الباب لقاته مفتووح
لقت ورقة مكتوب فيها
الشقة امانة عندك
لو مش متريحة تقدري تطلعي
لو متريحة خليك عادي
حنروح مع الساعة 1:00 ضهرا
مايا : معقولة مش خايف نسرق شقّته ولا حاجة
حاط فيّا الثقة
" معاوية كان حاط اثنين يراقبوو في الشقة ويراقبووو فيها "
,,,,
لؤي ناض الصبح شاف رنات ومساجات فاطمة
رن عليها وصبّح عليها وهدرز امعاها اشوية
و ولّع سيارته وكان ماشي شور سوبر ماركت
عشان يقوول للعقرب شن الجديد اللي عنده
,,,,,
الدكتور خذا العقرب ابرووحه
العقرب : شن طمنّا
الدكتور : علي حسب الاعراض اللي قلتهن ليا
عندها مرض الفصام,, بالليبي انفصام
العقرب استغرب وتغيرت نظرته
العقرب : فيش تحكي انت
الدكتور : للأسف علي حسب ماخصصت الاعراض
وانت حكيتلي عندها مرض الفصام وهو من الامراض النفسية الوراثية ,,
ممكن باتها او امّها كان مصاب بيه ,, مرض وراثي من الاجداد
العقرب وهو زعلان : لاحول ولا قوة لا بالله
اكيدة صايرلها اشوية ارهاق وتعب
مادّيرهش ليّا مجنونة
من قبل مافيها شي
كيف توا ايجيها فجأة المرض هذا
الدكتور : الله اعلم
طلع العقرب من غرفة المعاينة
حنين : شن صار
العقرب : طب فاشل مايعرفووش حتى يعاينوو
هيا نمشوو لعيادة اخرة
حنين : شن قالك
العقرب : ماعرفش يحلل المرض اللي عندك
"مابش يحكيلها شن صار العقرب"
وطلّع نقّاله وحط عالرسائل
وحط علي اسم أحمد
" بعدين نبيك ضروري تعالي
مش قادر انرن عليك جنبي حنين
لازم نحكي امعاك نبي نستفسر منّك
علي حاجة "
,,,,,
كانت وفاء اضم في حوستها
جتها نجاح
نجاح : ماما نبي انصارحك بحاجة
بس نبيك مهما صار نقعد بنتك
وما انطيحش من عينك
ونبيك اتصبي امعايا
معش نقدر اندسّها اكثر من هك لاني تعبت
وفاء : شن قوولي
من مواضيع : وردة
- إنفوجراف.. السيسي فى روسيا.. زيارة "الملفات الكبرى"
- كيف انقي الخضار,قواعد تنقية الخضار والفاكهة,تنقية الخضروات والفواكه بشكل عام
- طريقه عمل ريش اللحوم,أكلات العيد اللذيذة ريش اللحم
- سنوات طويلة ونحن نقلي البيض بطريقة خاطئة
- أجمل شواطئ مصر السياحيه,اجمل مصيف فى مصر2018,اسماء الشواطئ في مصر,أجمل منتجعات الشواطئ بمصر
#30
~{ مديرة بنك المعرفة والثقافة }~
رد: رواية بلهجة ليبية بعنوان " مشاعر مطرطشة " للكاتب ديندار الوحيشي
#مشاعر_مطرطشة
الموسم الثاني
الحلقة 30 ,,, بارت 1
كانت وفاء اضم في حوستها
جتها نجاح
نجاح : ماما نبي انصارحك بحاجة
بس نبيك مهما صار نقعد بنتك
وما انطيحش من عينك
ونبيك اتصبي امعايا
معش نقدر اندسّها اكثر من هك لاني تعبت
وفاء : شن قوولي
نجاح : انا انا انا
وفاء : شن قولي هيّا خوفتيني
......
,,,
الافندي احمد كان في المكتب امتاعه وسمع الصوت مسج النقال
وشاف الرسالة امتاع مازن اللي دازها لها علي قصة مرض حنين
الافندي الأحمد : ان شاء الله خير زعمك شن صاير
,,,,,
كانو امكسدين مروان وفارس في السوبر ماركت
علي جيّة لؤي
فارس : البلبول جا ,,
لؤي : هيّا هيا شباب
مروان : وين نشاط اليووم
لؤي : اها مش غير .. وين العقرب
فارس :طلع هو وهله توو ايجي
لؤي : معناها خلاص حنطب عليكم العشية
عندي كم مشوار انا
مروان : تم خووذ راحتك
.....
نجاح حكت الامها علي كل حاجة بينها وبين رمضان
وفاء : شن شن شن معقولة بنتي هذي
معقولة اتسلمي الروحك الشاب
بكل هالسهووولة
نجاح قعدت تبكي
جت وفاء شوورها
وفاء وهي متعصبة : فكيني منهن ادموووعكن هذينا
كيف صار وامتى احكيلي
نجاح : رمضان ضحك عليا قالي حنزوجك
وفاء : ياربي ياربي شن اندير مع البنت هذي
نجاح قعدت تبكي
وفاء : قتلك فكيني منهن اموووعك هذينا
وضربتها كف علي وجها
,,,,,
قاعد مازن وحنين من عيادة العيادة
وكانووو في السيارة
حنين : نسألك حبيبي
مازن : نعم
حنين : عليش هذكي اليوم لمّا رفعت موس علي
نرمين مابيتش ادير أي ردة فعل
توقعتك اتهزبني او اتعارك
ماكنتش متوقع حتكون هكي ردة فعلك الحق
مازن : ابستم
في الماضي
لما انفجر حوش مازن كانت حنين عند حوش هلها
لما جا يروح بيها بعد كملو صيانة الحووش
طلع بات حنين
بات حنين : اهلين مازن
مازن : اهلا عمي
بات حنين : شن جو الحوش
مازن : لا الحمد الله اموره طيبة شبه كملناه
بات حنين : شن جو حنين امعاكم الفترة هذي
مازن : الحق رايحة متغيرة وقالبه وجها
مش عارف شن صارلها
لكن قلت اكيدة مع الوقت حترد نفس قبل
بات حنين : نفس الشي هنا
مرة مشكلة مع لامار مرة قاعدة ابروحها في الدار
مازن : شن انتم امضايقيينها في حاجة
بات حنين : لا شكلها متوترة او صايرلها
مرة مرة اتجيها الحالة هذي تقعد رايقيلها
مازن : اها
بات حنين : نطلب منك طلب
مازن : اعيوني لكّي
بات حنين :ياريت الفترة هذي اتحملها وتصبر عليها
راهوو هذا الطلب مش مني من أمها خصيصا
مازن : حاضر ياعمي وسلمنا علي عمتي واجد
لكن عليش في حاجة هيا
بات حنين : لا بس قلت مرات اتعصب عليها
وتطلع من طورك عليها
علي طلعت حنين وامها
مازن : حاضر ياعمي
حنين : تعال تبي اتسلم عليك ماما
ام حنين : أهلين مازن
مازن حبّة علي يدّها وراسها
وشاف في اعيووون ام حنين
كلام اللي قاله له كلّا بات جنين
مازن : هيا حنين يرجوو فينا عالعشاء
بات حنين : كان تعشيتوو افضلكم
مازن : مرة اخرة ياعمي
وركبت حنين وروّح بيها شور الحووش
...
في الوقت الحاضر
حنين : اوووي نحنُ هنا وين رحت انت
مازن : نعم
حنين : قتلك توقعتك اتهزبني او اتعارك
كان يسووق مازن
يدّ اليسار ماسك بيها دومان السيارة
ويد الاخرة حطها علي راس حنين
ودفّها جنبه
وخلّا راسها علي صدرة وهوو يسوووق
مازن : عشان انحبك وانمووت
عشان انتي اول حب في حياتي
انا كانت حياتي ضلال في ضلال
كانت كلها منكرات ومعاصي
ماعمرش جربت شعورالحب
الحب كنت انشوف فيه في المسلسلات التركية
ماكنتش متوقع قلبي يحبك ويعشقك
حنين : عارف ياروحي انا بعد فتت خطيبي
كرهت حاجة اسماها رجالة في البداية
وفتّها عشان الجو امتاعه
ماكنتش متوقع انحب شخص أصلا هو يبيع فيهن
مازن : القلب ومايهوى
مازن قعد يبحّت في الخمار
شاف الخمار مبلول عند وجها
مازن : تبكي انتي ولا شي
حنين : نبكي عشان انحبك بس
مازن : خلينا تو انروحوو خير
حنين : ماتبش اتقولي شن عندي
كنك اتعامل فيا وكاني بين الحياة والموت
مازن : لا بس كلهم مزالوو ماعرفووش شن عندك
حنين : باه
مازن : انحبك موووت
,,,
الساعة 2:00 ضهرا
معاوية خش للشقة وعارف انّها ماطلعتش
وجاب مع غداء من المطعم كالعادة
قعد يبرم في الشقة
لقها رابطة منشف علي راسها
واتسيق في المطبخ
معاوية : هههههههههههههه
معاوية : فيش اديري انتي نظيف قاعد
مايا : انا خليته في حالة
معاوية : راك تحسابي جايبك خدامة ولّا حاجة
مايا : ها امالا شن
معاوية : تي لا مش هكي انا
مايا : اغلب جماعة القراويط هكي يبوو
معاوية : لا انا مش منهم
مايا : باهي انا شن وضعي هنا
معاوية : شفتك عالطريق وجعتيني خذيتك امعايا للشقة
مايا : انا شحاته راه ,, بس بنت ناس راه
وقعدت ماسكة رووحها وخايفة
معاوية : هههههههههههه
مايا : كنك تضحك
معاوية : يعني لو نبي انديرلك حاجة راه درتها من امس
مايا : قعدت اتحك في راسها
معاوية : انتي قارية لعند سنة كم
مايا : لعند سنة سادسة ابتدائي
معاوية : عندك مكان عندك حوش تقعدي فيه
مايا : لا كل مرة في مكان عادي
معاوية : خلاص من اليوم انا قعدت نفس خوووك
مايا : عرفتك توا خوك ,,و بعدها اتخش علي كلام اخر
عرفتكم انا انشوف فيكم في الأفلام المصرية
معاوية : هههههههههههه
مايا : سادك ضحك
معاوية : اليوم العشية حتطعلي امعايا لاحسن محلات
في بنغازي
ونشروولك دبش
مايا : عليش هذا كلّه
معاوية : شفتك خشيتي خاطري كنك
مايا : واحد عنده كل حاجة في هالدنيا
شن ناقصك انت
معاوية قرّب منها
وقعد يبحت في اعيووونها
معاوية : نبيك توثقي فيّا بس
مايا قعدت اتعض في يدّها
معاوية : فيش اديري ياهبلة
مايا : بالك نحلم مش معقولة هذي حقيقة
معاوية : ربي يحفضك ,, الدار هذكي شوورك انتي
مايا : كيف شوري
معاوية : حتقعدي ترقدي فيها شن رايك
مايا : بما اني ماعندي حد في بنغازي
ويعتبر عرض مغري
بس خليني انفكر خير
معاوية يضحك ومبتسم علي طيبة وعفوية مايا
,,,,,
يتغدوو مازن وحنين وخواته وامّه
ام مازن : توقعوو اليووم من داره الغداء
مازن : من
نرمين : هههههههههههه
حنين : من
ام مازن : فاطمة
مازن : طيب فيك الل تعلمتي حاجة علي حالك
حنين : ماشاء الله طلعتي فتلاكة بكل
سلّم ايدايتك
فاطمة : مجاملات صح ياحنين
حنين : لالا صح
فاطمة : هازي عليّا يامازن باهي باه
نرمين : باهي اللي انخطبت عشان تعلمت
فاطمة : ريتوو من اللي تحكي خليها ساكته خير
نرمين طلّعت السانها واتنابش فيها
وكانت حنين تضحك ومبتسمة
وكان مازن يحبت فيها وهي تضحك وفرحانة
لكن كان نفس المكسور
ام مازن حسّت بمازن يحبت في حنين
نظرات الاسى والحزن
لمّا مازن بحّت في امّها
دارت روحها ما اتراقبش فيه
نرمين : اليوم نبيك اطلعني انا وفاطمة
لشارع 20
مازن : اليوم مش حيصير شي
عندي موضوع ضروري العشية
نرمين: عليش انت ديما قعدت مش فاضي
مازن : باهي خليها عالمغرب شن رايك
نمشوو عالسريع
نرمين : حتى هذا راي
,,,,,
مروان حس فيه حاجة غلط
امّة لما حطت الغذاء
كانت زعلانة وكأن في فالطة صايرة
وكأنهم خبرووها بمووت حد
مروان : كنك شن في يا امي
وفاء : لا مريضة بس
مروان : وين نجاح تغدت
وفاء : اها تغدت قاعدة في دارها
,,,,
سهام : كنك سرحان ياروحي
احمد : اليوم مازن دزلي مسج خلاني مشخشب
و قالي مانبش نحكي قدام حنين
سهام : ان شاء الله خير بس
أحمد : ان شاء الله ,, دزيتله مسج
قتله العشية انتقابلووو في السوبر ماركت
سهام : مهناك الا كل خير ,, تغدى بس
أحمد : حاضر
,,,,
معاوية يتغدى ويهدرز مع مايا ويضحكوو مع بعض
سمع نقالة يرن طلع معاذ
فاته مابش يرد عليه
,,,,,
ام فارس : كنك رايح اتفكر واجد الأيام هذينا
فارس : مش عارف يا امي
ام فارس :في حاجة شاغلة بالك
فارس : بجديات مافش شي يا احلى نبع حنان
ام فارس :احساسي ماعمره خاب ضني
الأيام هذينا في حاجة شاغلة تفكيرك
,,,,,
الساعة 5:00 عصرا
كان العقرب وفارس يرجوو في لؤي واحمد
في المخزن امتاع سوبر ماركت
فارس : جاك امبدري مالقكش قاعد قال حنجي بعدين العشية
مازن : تمام بالمرة احمد جاي
فارس : مروان قاعد برة جنب الكاشير
مازن : تمام
,,,,
معاوية : هيا مايا
مايا : نزلت مع معاوية وركبت سيارته
ومشى بيها شور المحلات
مايا مستغربة من السيارة
اول مرة تركب سيارة هايجة وفاخرة
مايا : سيارتك هذي
معاوية : لا امأجرها ههههههه
مايا : مزلت تضحك
........
وفاء حاطّة يدّها علي راسها
واتفكر كيف تطلع من هالفضيحة
مش عارفة شن ادير
اتفكر واتفكر
,,,,,,
أحمد وصل قبل لؤي للسوبر ماركت
وقعدوو يهدرزوو علي ماجا لؤي
احمد : ان شاء الله خير
يتبع ,,,
الموسم الثاني
الحلقة 30 ,,, بارت 1
كانت وفاء اضم في حوستها
جتها نجاح
نجاح : ماما نبي انصارحك بحاجة
بس نبيك مهما صار نقعد بنتك
وما انطيحش من عينك
ونبيك اتصبي امعايا
معش نقدر اندسّها اكثر من هك لاني تعبت
وفاء : شن قوولي
نجاح : انا انا انا
وفاء : شن قولي هيّا خوفتيني
......
,,,
الافندي احمد كان في المكتب امتاعه وسمع الصوت مسج النقال
وشاف الرسالة امتاع مازن اللي دازها لها علي قصة مرض حنين
الافندي الأحمد : ان شاء الله خير زعمك شن صاير
,,,,,
كانو امكسدين مروان وفارس في السوبر ماركت
علي جيّة لؤي
فارس : البلبول جا ,,
لؤي : هيّا هيا شباب
مروان : وين نشاط اليووم
لؤي : اها مش غير .. وين العقرب
فارس :طلع هو وهله توو ايجي
لؤي : معناها خلاص حنطب عليكم العشية
عندي كم مشوار انا
مروان : تم خووذ راحتك
.....
نجاح حكت الامها علي كل حاجة بينها وبين رمضان
وفاء : شن شن شن معقولة بنتي هذي
معقولة اتسلمي الروحك الشاب
بكل هالسهووولة
نجاح قعدت تبكي
جت وفاء شوورها
وفاء وهي متعصبة : فكيني منهن ادموووعكن هذينا
كيف صار وامتى احكيلي
نجاح : رمضان ضحك عليا قالي حنزوجك
وفاء : ياربي ياربي شن اندير مع البنت هذي
نجاح قعدت تبكي
وفاء : قتلك فكيني منهن اموووعك هذينا
وضربتها كف علي وجها
,,,,,
قاعد مازن وحنين من عيادة العيادة
وكانووو في السيارة
حنين : نسألك حبيبي
مازن : نعم
حنين : عليش هذكي اليوم لمّا رفعت موس علي
نرمين مابيتش ادير أي ردة فعل
توقعتك اتهزبني او اتعارك
ماكنتش متوقع حتكون هكي ردة فعلك الحق
مازن : ابستم
في الماضي
لما انفجر حوش مازن كانت حنين عند حوش هلها
لما جا يروح بيها بعد كملو صيانة الحووش
طلع بات حنين
بات حنين : اهلين مازن
مازن : اهلا عمي
بات حنين : شن جو الحوش
مازن : لا الحمد الله اموره طيبة شبه كملناه
بات حنين : شن جو حنين امعاكم الفترة هذي
مازن : الحق رايحة متغيرة وقالبه وجها
مش عارف شن صارلها
لكن قلت اكيدة مع الوقت حترد نفس قبل
بات حنين : نفس الشي هنا
مرة مشكلة مع لامار مرة قاعدة ابروحها في الدار
مازن : شن انتم امضايقيينها في حاجة
بات حنين : لا شكلها متوترة او صايرلها
مرة مرة اتجيها الحالة هذي تقعد رايقيلها
مازن : اها
بات حنين : نطلب منك طلب
مازن : اعيوني لكّي
بات حنين :ياريت الفترة هذي اتحملها وتصبر عليها
راهوو هذا الطلب مش مني من أمها خصيصا
مازن : حاضر ياعمي وسلمنا علي عمتي واجد
لكن عليش في حاجة هيا
بات حنين : لا بس قلت مرات اتعصب عليها
وتطلع من طورك عليها
علي طلعت حنين وامها
مازن : حاضر ياعمي
حنين : تعال تبي اتسلم عليك ماما
ام حنين : أهلين مازن
مازن حبّة علي يدّها وراسها
وشاف في اعيووون ام حنين
كلام اللي قاله له كلّا بات جنين
مازن : هيا حنين يرجوو فينا عالعشاء
بات حنين : كان تعشيتوو افضلكم
مازن : مرة اخرة ياعمي
وركبت حنين وروّح بيها شور الحووش
...
في الوقت الحاضر
حنين : اوووي نحنُ هنا وين رحت انت
مازن : نعم
حنين : قتلك توقعتك اتهزبني او اتعارك
كان يسووق مازن
يدّ اليسار ماسك بيها دومان السيارة
ويد الاخرة حطها علي راس حنين
ودفّها جنبه
وخلّا راسها علي صدرة وهوو يسوووق
مازن : عشان انحبك وانمووت
عشان انتي اول حب في حياتي
انا كانت حياتي ضلال في ضلال
كانت كلها منكرات ومعاصي
ماعمرش جربت شعورالحب
الحب كنت انشوف فيه في المسلسلات التركية
ماكنتش متوقع قلبي يحبك ويعشقك
حنين : عارف ياروحي انا بعد فتت خطيبي
كرهت حاجة اسماها رجالة في البداية
وفتّها عشان الجو امتاعه
ماكنتش متوقع انحب شخص أصلا هو يبيع فيهن
مازن : القلب ومايهوى
مازن قعد يبحّت في الخمار
شاف الخمار مبلول عند وجها
مازن : تبكي انتي ولا شي
حنين : نبكي عشان انحبك بس
مازن : خلينا تو انروحوو خير
حنين : ماتبش اتقولي شن عندي
كنك اتعامل فيا وكاني بين الحياة والموت
مازن : لا بس كلهم مزالوو ماعرفووش شن عندك
حنين : باه
مازن : انحبك موووت
,,,
الساعة 2:00 ضهرا
معاوية خش للشقة وعارف انّها ماطلعتش
وجاب مع غداء من المطعم كالعادة
قعد يبرم في الشقة
لقها رابطة منشف علي راسها
واتسيق في المطبخ
معاوية : هههههههههههههه
معاوية : فيش اديري انتي نظيف قاعد
مايا : انا خليته في حالة
معاوية : راك تحسابي جايبك خدامة ولّا حاجة
مايا : ها امالا شن
معاوية : تي لا مش هكي انا
مايا : اغلب جماعة القراويط هكي يبوو
معاوية : لا انا مش منهم
مايا : باهي انا شن وضعي هنا
معاوية : شفتك عالطريق وجعتيني خذيتك امعايا للشقة
مايا : انا شحاته راه ,, بس بنت ناس راه
وقعدت ماسكة رووحها وخايفة
معاوية : هههههههههههه
مايا : كنك تضحك
معاوية : يعني لو نبي انديرلك حاجة راه درتها من امس
مايا : قعدت اتحك في راسها
معاوية : انتي قارية لعند سنة كم
مايا : لعند سنة سادسة ابتدائي
معاوية : عندك مكان عندك حوش تقعدي فيه
مايا : لا كل مرة في مكان عادي
معاوية : خلاص من اليوم انا قعدت نفس خوووك
مايا : عرفتك توا خوك ,,و بعدها اتخش علي كلام اخر
عرفتكم انا انشوف فيكم في الأفلام المصرية
معاوية : هههههههههههه
مايا : سادك ضحك
معاوية : اليوم العشية حتطعلي امعايا لاحسن محلات
في بنغازي
ونشروولك دبش
مايا : عليش هذا كلّه
معاوية : شفتك خشيتي خاطري كنك
مايا : واحد عنده كل حاجة في هالدنيا
شن ناقصك انت
معاوية قرّب منها
وقعد يبحت في اعيووونها
معاوية : نبيك توثقي فيّا بس
مايا قعدت اتعض في يدّها
معاوية : فيش اديري ياهبلة
مايا : بالك نحلم مش معقولة هذي حقيقة
معاوية : ربي يحفضك ,, الدار هذكي شوورك انتي
مايا : كيف شوري
معاوية : حتقعدي ترقدي فيها شن رايك
مايا : بما اني ماعندي حد في بنغازي
ويعتبر عرض مغري
بس خليني انفكر خير
معاوية يضحك ومبتسم علي طيبة وعفوية مايا
,,,,,
يتغدوو مازن وحنين وخواته وامّه
ام مازن : توقعوو اليووم من داره الغداء
مازن : من
نرمين : هههههههههههه
حنين : من
ام مازن : فاطمة
مازن : طيب فيك الل تعلمتي حاجة علي حالك
حنين : ماشاء الله طلعتي فتلاكة بكل
سلّم ايدايتك
فاطمة : مجاملات صح ياحنين
حنين : لالا صح
فاطمة : هازي عليّا يامازن باهي باه
نرمين : باهي اللي انخطبت عشان تعلمت
فاطمة : ريتوو من اللي تحكي خليها ساكته خير
نرمين طلّعت السانها واتنابش فيها
وكانت حنين تضحك ومبتسمة
وكان مازن يحبت فيها وهي تضحك وفرحانة
لكن كان نفس المكسور
ام مازن حسّت بمازن يحبت في حنين
نظرات الاسى والحزن
لمّا مازن بحّت في امّها
دارت روحها ما اتراقبش فيه
نرمين : اليوم نبيك اطلعني انا وفاطمة
لشارع 20
مازن : اليوم مش حيصير شي
عندي موضوع ضروري العشية
نرمين: عليش انت ديما قعدت مش فاضي
مازن : باهي خليها عالمغرب شن رايك
نمشوو عالسريع
نرمين : حتى هذا راي
,,,,,
مروان حس فيه حاجة غلط
امّة لما حطت الغذاء
كانت زعلانة وكأن في فالطة صايرة
وكأنهم خبرووها بمووت حد
مروان : كنك شن في يا امي
وفاء : لا مريضة بس
مروان : وين نجاح تغدت
وفاء : اها تغدت قاعدة في دارها
,,,,
سهام : كنك سرحان ياروحي
احمد : اليوم مازن دزلي مسج خلاني مشخشب
و قالي مانبش نحكي قدام حنين
سهام : ان شاء الله خير بس
أحمد : ان شاء الله ,, دزيتله مسج
قتله العشية انتقابلووو في السوبر ماركت
سهام : مهناك الا كل خير ,, تغدى بس
أحمد : حاضر
,,,,
معاوية يتغدى ويهدرز مع مايا ويضحكوو مع بعض
سمع نقالة يرن طلع معاذ
فاته مابش يرد عليه
,,,,,
ام فارس : كنك رايح اتفكر واجد الأيام هذينا
فارس : مش عارف يا امي
ام فارس :في حاجة شاغلة بالك
فارس : بجديات مافش شي يا احلى نبع حنان
ام فارس :احساسي ماعمره خاب ضني
الأيام هذينا في حاجة شاغلة تفكيرك
,,,,,
الساعة 5:00 عصرا
كان العقرب وفارس يرجوو في لؤي واحمد
في المخزن امتاع سوبر ماركت
فارس : جاك امبدري مالقكش قاعد قال حنجي بعدين العشية
مازن : تمام بالمرة احمد جاي
فارس : مروان قاعد برة جنب الكاشير
مازن : تمام
,,,,
معاوية : هيا مايا
مايا : نزلت مع معاوية وركبت سيارته
ومشى بيها شور المحلات
مايا مستغربة من السيارة
اول مرة تركب سيارة هايجة وفاخرة
مايا : سيارتك هذي
معاوية : لا امأجرها ههههههه
مايا : مزلت تضحك
........
وفاء حاطّة يدّها علي راسها
واتفكر كيف تطلع من هالفضيحة
مش عارفة شن ادير
اتفكر واتفكر
,,,,,,
أحمد وصل قبل لؤي للسوبر ماركت
وقعدوو يهدرزوو علي ماجا لؤي
احمد : ان شاء الله خير
يتبع ,,,
من مواضيع : وردة
| الكلمات الدلالية (Tags) |
| ", للكاتب, ليبية, مشاعر, مطرطشة, الوحيشي, بلهجة, بعنوان, ديندار, رواية |
«
الموضوع السابق
|
الموضوع التالي
»
|
|
المواضيع المتشابهه
|
||||
| الموضوع | كاتب الموضوع | |||
| دكتور كبد: أدوات "الباديكير والمانكير" تسبب الإصابة بفيروس "سي" والإيدز | ضحكة خجل | |||
| 5 "خدع" تمنح هاتفك بطارية أطول عمرا بـ"ساعات" | همس الوجود | |||
| "اليوم السابع" يكشف خطة أجيرى لتجديد دماء المنتخب | وردة | |||
| السرطان "الشبح" نادر جدا,صياد أميركي فعلها.. واصطاد سرطان "الشبح" النادر | همس الوجود | |||
| لماذا سميت مصر بهذا الاسم؟ ولماذا "مصر" و "Egypt" مختلفتين تماما؟! | ساليسيا | |||
الساعة الآن 05:39 AM.