- مطبخ عالمك
- ازياء موضة واناقة
- الرشاقة والرجيم
- صور
- رعاية الام والطفل
- الأعمال والاشغال اليدوية
للنساء فقط
العناية بالبشرة
طرق العنايه بالبشره يوميا وصفات وخلطات طبيعية للعنايه بالبشره الجافة والدهنية والمختلطة وتبيضها والعناية بالوجه بالمواد الطبيعية للحصول علي بشرة نضرة وصافية متفتحة وصفات وكريمات للعناية بالبشرة الحساسة والدهنية والجافة والتخلص من حب الشباب والبقع تخلصي من الرؤوس السوداء خطوات تصغير المناخير.خلطات تكبير الشفايف خلطات طبيعية للهالات السوداء
نسخ رابط الموضوع
https://vb.3almc.com/showthread.php?t=322
#1
~![مثــــــالــــية بـــوجـــودك]!~
فضل منتجات العناية بالجسم للعروس2018،مجموعة العناية بالجسم من صنع يديكى بالخطوات والصور
منتجات العناية بالجسم بالصور
كلكم بتجيبوا منتجات العناية بالجسم من السوق وبتبقى
غالية بتبقى المنتجات عبارة عن مجموعه زى (باكدج)
يوجد فيه
(صابونة للجسم او شاور جيل + كريم مرطب للجسم +
ديودرن ( مزيل للعرق ) وبيكونوا بريحة عطر معين )
لتكون لديكى رائحة جذابة
ايه رأيك؟ لو تعملى كل ده من صنع يديكى
ااه من صنع ايديكى
وبأرخص التكاليف وكل المكونات موجودة لديكى بالبيت
بس كل اللى حتشترية زجاجة زيت عطرى فقط
بالرائحة اللى تعجبك كمان يعنى مش انا اللى حقولك على زيت عطرى ريحة معينه لأ
ده انتى حتعملى الباكدج دى برائحة الزيت العطرى اللى تعجبك
يالا نبتدى مع بعض
بسم الله والصلاة والسلام على سيدنا محمد
عليه افضل الصلوات والسلام
امبارح يا بنات جت فى دماغى فكرة حلوة كتييير وقولت ده انا لازم اعملها للقمرات بالخطوات والصور والتفاصيل المملة عندى فالمطبخ
وقولت لنفسى طب انا ليييييه معلمش للبنات المنتجات دى فالبيت وتبقى برضوا من صنع يديكى انتى فقط وبالرائحة الى تعجبك كمان
امبارح دخلت المطبخ وعملت المنتجات دى من صنع يد وئام حسان
عشان خاطر عيونكم
باكدج للعناية بالجسم
من صنع يديكى
بدل المنتجات الغالية الى بتشتريها من السوق
عبارة عن
1- صابونة عطرية على شكل كريم لتفتيح وتنعيم الجسم
2-كريم عطرى لتنعيم الجسم
3-مزيل عرق عطرى للتفتيح وازالة رائحة العرق ويعطيكى
رائحة جذابة
المكون المشترك الموحد بينهم الثلاثة هو
ريحة الزيت العطرى لازم تكون ريحته واحده مينفعش كل حاجة تعمليها بزيت عطرى مختلف عشان ميحصلش تضارب بينهم الثلاثة فهمنى فى النقطة دى
الــــشــــرح
صابونة عطرية على شكل كريم لتفتيح وتنعيم الجسم
المكونات
صابونة دوف او ممكن ببواقى الصابون اللى عندك
+عسل + لبن بودرة +زيت عطرى بالريحة اللى تعجبك +
عصير برتقال (لو متاح لديكى) + عصير ليمون + جلسرين+ ماء عادى + ملعقة خشب + حلة صغيرة
الخطوات
1- يتم بشر الصابونة كلها بالمبشرة
2- تضعى كوب ماء على نار هادئة ولما تسخن ضعى فيها
بشر الصابونة اللى بشرتيها كلها
وافضلى قلبى لغايه لما بشر الصابونة تذوب تماما وتغلى لمدة 5 دقائق
3- بعد ما بشر الصابون ذاب وغلى تقفلى النار
وتضعى عصير برتقالة كاملة وتقلبى
4- تضعى 4 ملاعق كبيرة عصير ليمون
5- تضعى 4 ملاعق كبيرة جلسرين يفضل من العطار
6- تضعى ملعقة كبيرة عسل ابيض
7- تضعى ملعقتين كبار لبن بودرة كامل الدسم
8- تضعى ملعقة ونص كبيرة زيت عطرى رائحته تعجبك
انا كان عندى زيت عطرى برائحة الفل
9- تقلبى الخليط جيدا ثم تضعيه فى اى علبة عندك
وحيكو ن سائل شوية
10- تضعيه فى الثلاجة ويستخدم
انا وضعته فى الثلاجة وبعد الساعه صورته ليكم عشان
يكون تماسك شوية وتشوفوا شكله ايه؟
بقى شكله شبه الكريم
طريقة الاستخدام
حتوزعوه على الجسم كله
بس انا طبقت ليكم على اديا
1- تبلى جسمك كويس بالماء الساخن
2- تضعيه على الجسم وحيكو ن شكله كده فى الاول
3- توزعيه على الجسم كله ويكون شكله كده
4- توزعيه على الجسم لغايه لما بشرة الجسم تتشربه تماما
زى كده
5- تتركيه على الجسم لمدة 5 دقائق ثم تجيبى الليفة العادية او المغربيه وتبليها بالماء
وتدعكى جسمك واديلو ادى بعد ان البشرة اتشربت الصابون الكريمى
6- تشطفى جسمك بالماء فقط
وتمتعى بنعومة وتفتيح وريحة جذابة
وحمام الهنا
خلصتى الشاور بتاعك خلاص تعالى
نعمل المرحلة القادمة اللى بعد الشاور وهى ترطيب الجسم بكريم مرطب عطرى لتنعيم الجسم ورائحة جذابة
كريم عطرى لتنعيم الجسم
مكوناته
فازلين انا كنت جايبة فازلين سايب من العطار+ زيت عطرى + علبة
الخطوات
1- تجيبى علبة صغيرة من الفازلين وتضعيها كلها فى طبق
2- تضعى عليه ملعقة كبيرة من زيت العطرى وتقلبيه جيدا
انا قبل كده كنت عاملاه بس عملت ليكم عينه صغيرة فى خطوات
1 و 2
وده شكله النهائى
طريقة الاستخدام
بعد الشاور تدهنى منه على جسمك عادى جدا كمرطب
وممن تضعيه على جسمك وتخرجى بيه فى الصباح اولا مش حيسمر ولا حاجة لانه لم يحتوى على مواد لو اتعرضت للشمس تسمر يعنى ممكن تضعيه قبل خروجك للكليه او لأى مشوار فى الصباح عادى جدااااااا
مزيل عرق عطرى للتفتيح وازالة رائحة العرق ويعطيكى
رائحة جذابة
تستخدميه بعد الشاور وبعد ان وضعتى الكريم المرطب للجسم
مكوناته
علبه رشاش او بخاخ +نشا للتفتيح +زيت عطرى+
كربوناتو لان الكربوناتو معروف بيساعد على ازالة الروائح الكريهه والعرق + ماء + طبق
خطواته
1- حتضعى في طبق ملعقتين كبار من
النشا+ الكربوناتو + ربع كوب ماء
وتقلبيهم جيدا لغايه لما النشا والكربوناتو يتم اذابتهم فى الماء
2- بعد ان تم اذابتهم تضعى ملعقة صغيرة من زيت العطرى زى كده
3- بعد ان قلبيتيه جيدا تضعيه فى ا ى علبه بخاخ او رشاش
لكن انا هنا وضعته ليكم فى علبة شفافة اللون عشان تشوفوه لونه ايه
وتمتعى معى ببشرة فاتحة وناعمة ورائحة جذابة
الخطوات بالمختصر المفيد
1- خدى شاور بالصابون الكريمى
2- بعد الشاور ضعى كريم العطرى المرطب للجسم
3- ضعى مزيل العرق العطرى تحت الابط
مزايا الكريم العطرى ومزيل العرق انك ممكن تضعيه وتخرجى بيه فى الصباح سواء
لو عندك كليه او اى مشوار
عادى جدااا
ممكن تستخدمى الصابونة او الكريم المرطب او مزيل العرق
يوميا او يوم ويوم او 3 مرات بالاسبوع براحتك
وبكده خلصنا الباكدج كلها ومنتجاتك من صنع يديكى فقط مع
ووداعاااااااااااا لمستحضرات التجميل الجاهزة
بالنسبة للزيوت العطرية
عندك زيوت عطرية بروائح
برفانات مثل ويك اند وجوتشى وكاسليا
فاكهه مثل الليمون والفراولة والخوخ
الورود مثل الياسمين و الورد والافندر والفل
الخليجية مثل المسك الابيض والعود
بتلاقيهم عند اى راجل ببيع البرفانات التركيب او العطار
او عبد الصمد وابراهيم القرشى
بس لازم يكونوا خام ومش مخففين
بالنسبة للفتوكات اللى من اسكندرية
حتلاقى الزيوت العطرية الاصلى عند ابراهيم وعبد الصمد القرشى فى مول سان ستفانو
او ممكن تلاقى الزيوت العطرية الخام عشان ممكن الراجل اللى ببيع
البرفانات يخمك فيهم ويدهوملك مخففين بسبرتو
حتلاقى الزيوت العطرية الخام فى المنشية بتبقى فى محلات معينه ليهم
فى زنقة الستات فالمنشية بتلاقى المحل واضع زجاجات كتيير
والزجاجة كبيرة وطويلة لونها فضى ومكتوب على الزجاجة
زى ورقة كده عشان توضح الزيت العطرى ده اسمه ايه؟
ولا تنسووووووووا تقييييييييم الموضوع
رجاءا قيموا لتعبى والله تعبت فيه جدااا وربى وحده اللى يعلم
قولوا ورايااااااااا
استغفر الله العظيم من كل ذنب عظيم
المصدر : منتدي عالمك - من قسم العناية بالبشرة
من مواضيع : ليالى العمر
- خواتم رقيقة مميّزة وعصريّة للأصابع الطويلة,احلى مجموعة خواتم,الطريقة الصحيحة لارتداء خواتم كثيرة معا
- رمزيات جوال بنات,رمزيات بنات حلوة نار,صور رمزيات بنات من تجميعي
- حاويات بلاستيكية لحفظ الحبوب والأطعمة,افكار تخزين الحبوب والطعام في علب,تنظيم ادراج المطبخ
- تصريف الأفعال الشاذة من المجموعة التانية في زمن الماضي البسيط؛ passé compo
- مشروبات رمضان,طريقه عمل مشروب العرقسوس البارد بالصور 2018
#2
~{ ادارية سابقة }~
رد: فضل منتجات العناية بالجسم للعروس2018،مجموعة العناية بالجسم من صنع يديكى بالخطوات والصور
اظهار التوقيع
توقيع
ام يوسف
[CENTER][url=https://up.3almik.com/][img]https://up.3almik.com/uploads/3almik.com_13_18_153687871166731.gif[/img][/url]
[/CENTER]
[CENTER]
[/CENTER]
[CENTER][URL="https://up.3almc.com/"][IMG]https://up.3almc.com/uploads/3almc.net_2018_2_152309579278551.gif[/IMG][/URL][/CENTER]
[CENTER]
[/CENTER]
[/CENTER]
[CENTER]
[/CENTER]
[CENTER][URL="https://up.3almc.com/"][IMG]https://up.3almc.com/uploads/3almc.net_2018_2_152309579278551.gif[/IMG][/URL][/CENTER]
[CENTER]
[/CENTER]
من مواضيع : ام يوسف
- طريقة عمل عجينة القطايف للشيف حسن,طريقة عمل القطايف زى الجاهزة2020,كيفية تحضير القطايف
- فوائد العدس الأسود في إنقاص الوزن,اهمية العدس الأسود للرجيم,مميزات العدس الاسود, العدس الأسود للدايت
- مواضيع مسابقة المواضيع المطلوبة للعودة الى المدرسة
- نتيجة السنة الميلادية الجديدة,نتيجة السنة الهجرية الجديدة,نتيجة سنة 2019
- وكم من مريد للخير لم يصبه
#3
~![برنسيســة فـــى كــلامك]!~
رد: فضل منتجات العناية بالجسم للعروس2018،مجموعة العناية بالجسم من صنع يديكى بالخطوات والصور
تسلمي يا قمر
من مواضيع : حور العين
#4
~![ليــــدى محــدش عاجبها]!~
رد: فضل منتجات العناية بالجسم للعروس2018،مجموعة العناية بالجسم من صنع يديكى بالخطوات والصور
اظهار التوقيع
توقيع
مامة عمر
يآآآآرَبْ في آلصَدرِ بُكآء لَم يَسْمَعهُ آحدْ ,.,
وحدك يآ آلله تَعرِفُ حَجمَ الألَمْ ... فَـ آنزعهُ مِني وَ أبدله خيْراً
وحدك يآ آلله تَعرِفُ حَجمَ الألَمْ ... فَـ آنزعهُ مِني وَ أبدله خيْراً
اللّهم أعطِني من القوّة مآ يَجعَلني أعيشُ بـِ رضآكَ أنتَ وَحدكَ
من مواضيع : مامة عمر
| الكلمات الدلالية (Tags) |
| للعروس2018،مجموعة, من, منتجات, العناية, بالجسم, بالخطوات, يديكى, صنع, فضل, والصور |
«
الموضوع السابق
|
الموضوع التالي
»
|
|
المواضيع المتشابهه
|
||||
| الموضوع | كاتب الموضوع | |||
| حذاء كروشيه بالخطوات للبيبى،طريقة عمل حذاء اطفالى بالخطوات المصورة 2018،اسهل عمل لكلوك اطفالى | ساحرة الشرق | |||
| مجموعة متميزة من الاطارات جديدة للتصميم 2018،براويز واطارات2018 | ساحرة الشرق | |||
الساعة الآن 08:52 PM.