- مطبخ عالمك
- ازياء موضة واناقة
- الرشاقة والرجيم
- صور
- رعاية الام والطفل
- الأعمال والاشغال اليدوية
للنساء فقط
الحلويات الشرقية والغربية
طرق عمل الحلويات الشرقية و الغربية التورت والجاتوة والكيك استشارات فى الحلويات والتارت الشرقية والغربية اسماء الحلويات الفرنسية والشاميه بالصور مخبوزات العيد بالخطوات المصوره
نسخ رابط الموضوع
https://vb.3almc.com/showthread.php?t=19737
#1
~{ مديرة منتدى عالمك }~
تورته فانيليا بصوص الفراوله،صوص المروار، تورتة موس الفراولة،طريقة عمل تورتة بالفراولة،تورتة الفراولة
تورته فانيليا بصوص الفراوله،صوص المروار، تورتة موس الفراولة،طريقة عمل تورتة بالفراولة،تورتة الفراولة
اخباركم ايه يا حلوين
طبعا لازم اشكركم على كلامكم الحلو على الفيسبوك و ثقتكم فيا و فى وصفاتى
و بجد فرحتونى جدا بتطبيقاتكم الحلوه للكيكة الإسفنجية الحمدلله و انها نجحت معاكم من اول مره
و ان شاء الله دايما عند حسن ظنكم و طبعا انا حبيت أوضح أن الطريقة اللى كنت عملاها دى الطريقة التقليدية
للكيكة الإسفنجية بتبقى بأربع مكونات بس بدون سوايل أو ماده دهنيه لكن طبعا انا عملت قبل كده طريقة
فيها لبن و زيت فالطرق كتير و كلها صح و كل واحد يختار اللى يناسبه و يعجبه
سؤال بريء جدااااا دى تورته و لا جريمة كاملة
ما شاء الله اللهم بارك شايفين الجمال
أظن الصور بتتكلم لوحدها
طبعا دى الكيكة الإسفنجية اللى كنت عملتها من كام يوم و كتير سألوني على شكلها
من جواه و ينفع تتزين و لا لأ فقولت لازم انزلها و تشوفوها اللى لسه ماجربهاش يتشجع بقى و يجريها لأن حقيقى فايته كتييييير
و عملت منها التورته الرهييييييبة دى
شايفين هشه ازاى و تجنن انا صورتها من كل الاتجاهات
طبعا تقدروا تزينوها زى ما تحبوا دى مجرد فكره انى عملت الكريمه بشكل جديد علشان تدينى شكل السله
و طبعا بما اننا فى موسم الفراوله كنت لازم استغلها و عملت توبينج فراوله تحفه و بيلمع و يجنن
مقادير سهله جدا و بسيطه و نتيجه مضمونه بإذن الله
ان شاء الله تجربوها و تعجبكم و ماتنسونيش فى دعوه حلوه
تورته الفانيليا الفاخرة على شكل سله مع توبينج الفراولة البيتى
المقادير :
كيك اسفنجى منزلى هنحضره قبلها بيوم و نشيله في الثلاجه علشان تتماسك
و نعرف نقسمها و نقطعها من غير ما تتبهدل مننا أو جاهز طبعا
لتسقيه الكيك :
شربات بارد خفيف عباره عن كوب سكر على كوب مياه مع عصره ليمون يدوب
يغلوا من ٣ إلى ٤ دقايق و خلاص أو ممكن نستبدل الشربات بأى نوع عصير نحبه
الكريم شانتية لتغليف و حشوه التورته :
انا بستخدم كريم شانتية دريم بطعم الكريمه اللبانى بتدى طعم تحفه و غنى كأننا مستخدمين كريمه
كل ٢ باكو كريمه بياخدوا كوب لبن أو مياه ساقعه مثلجه
و طبعا لو مش متوفره تقدروا تستخدموا الكريمه السايبه كل كوب كريم شانتية بودره سايبه
بتاخد من ٣/٤ إلى كوب لبن أو مياه ساقعه مثلجه حسب التماسك اللى تحبوه و طبعا السكر حسب الرغبه
توبينج الفراولة البيتى
نصف كيلو فراولة مغسوله و ناشفه تماما و هنشيل العنق الأخضر بتاعها
و يفضل نسيبها سليمه زى ما هى و هنرش عليها نصف كوب سكر و هتقلبوا السكر كويس مع الفراوله
و تغطوها و تسيبوها كام ساعه فى الثلاجة او من بليل للصبح بحيث الفراوله تشرب كل السكر
و تنزل الصوص بتاعها و بعدين هناخدها و نحطها فى كسرول
و نرفعها على نار من هاديه لمتوسطه و نسيبها كده حوالى ٥ دقايق
لغايت ما تبدأ تطرى و تغلى شويه و بعدين هنضيفلها عصره ليمون و نقلب فيها حوالى ٥ دقايق كمان
بحيث نلاقيها بدأت تطرى لكن طبعا مش هنهريها و فى اخر مرحله هنضيف نصف معلقة كبيره نشا
مدوبنها فى نصف كوب مياه على البارد
المصدر : منتدي عالمك - من قسم الحلويات الشرقية والغربية
اظهار التوقيع
توقيع
فريده
من مواضيع : فريده
- شوربة البصل الفرنسية الاصلية,شوربة بصل صحية,طريقة تحضير شوربة البصل الفرنسية السهلة
- طريقة عمل القرص الفلاحي الطرية و الهشة بنتيجة ممتازة، طريقة عمل القرص الطرية الفلاحي خطوة خطوة
- أشكال نيش مودرن على الموضة,اشكال نيش مودرن حديث,احدث اشكال النيش, احدث نيش مودرن 2019,اشكال نيش جرار
- طريقة عمل سندوتشات الجبنة الرومى السخنة،سندوتشات بالجبن بالصور،طريقة عمل سندوتش جبنه رومى سايحه
- طريقة عمل كحك العيد بالصور خطوة بخطوة2018.طريقة تحضير كحك العيد بالصور.مكونات كعك العيد الناعم
| الكلمات الدلالية (Tags) |
| موز, المروار،, الفراولة, الفراولة،طريقة, الفراوله،صوص, بالفراولة،تورتة, بصوص, تورتة, تورته, عمل, فانيليا |
«
الموضوع السابق
|
الموضوع التالي
»
| أدوات الموضوع | |
|
|
الساعة الآن 10:36 PM.