- مطبخ عالمك
- ازياء موضة واناقة
- الرشاقة والرجيم
- صور
- رعاية الام والطفل
- الأعمال والاشغال اليدوية
للنساء فقط
أدوات وأجهزة مطبخية
اجهزة منزلية للمطبخ ,لوازم المطبخ,اسماء ادوات كهربائية,ادوات منزلية حديثة,اجهزة تنظيف,اجهزة منزلية تسهل على أنفسكم أعمال المطبخرفوف للمطبخ من الخشب.
نسخ رابط الموضوع
https://vb.3almc.com/showthread.php?t=3175
#1
~{ ادارة منتدى عالمك }~
ادوات المطبخ الحديثة مع شوية اسرار وحصرى لمنتدى عالمك2019
حبايب قلبى عرايس وبنات وستات منتدى عالمك المتميز
كل سنه وانتم جميعا بخير وسلامه
عشان ماطولش عليكوا انا جاية النهاردة اعرفكو اصحابى فى المطبخ اللى مقدرش استغنى عنهم واللى يستاهلوا اللى اتدفع فيهم واكتر
لانهم ساعدونى كتير وسهولوا عليا المطبخ خالص
انا اصلا متجوزة من سنتين وشويه وبنت وحيده ولخمة ومليش فى اى حاجة اصلا
وطبعا فيه نصايح كتير هنا فى القسم روعه وانا استفدت منها كتير
هو بس الفرق انى مش هاقول جهاز العروسه كله فى المطبخ
لا انا هاقول اللى لازم تشتريه وماتستخسريش فيه فلوس وحتى لو هاتقصرى فى حاجة تانيه وممكن يكون بعيد عن تفكيرنا نشتريه
وياريت تتابعوا وتقروا كلامى كويس لانى هاقول نصايح واسرار فى وسط كلامى اتمنى كلكوا تعرفوها
نبدا بسم الله
الجوانتى السليكون
ده بجد حبيبى حبيبى حبيبى
مقدرش استغنى عنه ،، فيها ايه لما تدلعى نفسك وايدكى وتحميها من اللسعات لا قدر الله
الجوانتى ده بجد فى منتهى الامان
هو كان فى حدود 40 جنيه بس حتى لو زاد شويه مش خسارة فيه
وممكن تقللى فى اعداد اى حاجة من اللى بنجيبهم بالجملة ديه
المهم لازم تجيبوه
وبلاش النوع الرخيصرده ردئ جدا وبيسخن وبيسيح مع الحرارة
وديه صورته خدوا بالكوا
تانى حاجة باه وبما انى من عشاق البطاطس وجوزى من النوع قوليله مفيش عيش لكن ماتقليلوش مفيش بطاطس
على طول عندنا البطاطس المحمرة ديه مهمة جدا
بس انا مش بقيت احمل همها خالص الحمد لله
وفى اقل من 3 دقايق باذن الله بتكون جاهزة هاقولك ازاى
قشارة البطاطس
وهاتوها غالية برضه بلاش اللى ب 2ونص
بتاعتى كانت فى حدود 15 جنيه وقريبة اوى للى فى الصورة
وبلاش برضه الشكل ده بتبقى صعبه فى التعامل ده بتلنسبة لى لكن ممكن انتى تتاقلمى مع الشكل ده
خلاص كده احنا قشرنا البطاطس مخدتش 10 ثوانى
قطاعة البطاطس
وارجوكوا دوروا على زى اللى فى الصورة جميلة جدا وسهلة اوى فى الاستخدام
انا كنت جايباها ب 50 جنيه بس والله ماستغناش عنها بس بتعاتى لونها احمر
وبلاش الشكل ده لانها مش بتبقى حامية ومش بتعرفى تثبتى البطاطس كويس عالرخامة
كده قطعنا البطاطس مخدتش 5 ثوانى
وبعد كده التحمير ومعنى التحمير يعنى لازم
مصفى البطاطس ديه حلوة اوووووى
وطبعا المصفى ديه بتبقى حلوة اوى فى اى حاجة بتتقلى زى الطعميه او الناجتس او كفتة الرز يتسهل الموضوع خالص وانتى بتشيلى من الطاسة
كده خلصنا البطاطس الحمد لله
عندنا ايه تانى يا توتى
مبشرة البطاطس الشيبسى اللى هى ديه
اله تقطيع الخضار اللهلوبه
بطاطس تاااانى
زهقتينا بطاطسلا استنوا اصبروا عليا بس وخدوا التركاية ديه
انا مش بستخدمها للبطاطس بس
انا بستخدمها ل( بصل الكشرى )
اه تخيلوا بتخلى البصل رفيع اوى ومقرمش واحلى من بتاع الراجل وبيبقى كله اد بعضه وبرضه مش بياخد نص دقيقه وانتى بتبشرى
واللى فى الصورة ده زى بتاعى بالظبط ونفس شكل العلبة
بس لو مش لقيتى زيها هاتى اى نوع المهم تكون حامية وخدى بالك
لفافة ورق العنب وطبعا غنية عن التعريف
ولا بقيت احمل هم المحشى خاااالص
بس انا مش لاقيه شكل بتاعتى بس الشكل ده هم بيشكروا فيه برضه
طقم التوزيع الفيبر
لااااازم تجيبوه للتيفال وبلاش الطقم اللى على بعضه ده
اولا بتبقى خامته رديئه ثانيا بيبقى ليه مخاطرة وبينزل رواسب خطر وعلى ايه
وعلى فكرة هم ال3 اشكال دول اللى هاتحتاجيهم واحدة للكريب وواحدة للتقليب وواحده لغرف الرز والتقليب برضه
انا كنت جايباها بالواحدة كانت تقريبا ب15 القطعة
السباتيولا السيليكون
ديه جميلة جدا وهاتخليكى تجيبى اخر قطرة وانتى بتعملى اى حاجة سايلة
زى الرز بلبن ،،، الكيك وانتى بتضربيه وتصبيه فى صينيه،، الكريب وهكذا
وكنت جايباها برضه فى حدود 15 جنيه
نكمل يلا حبيبانى واعرفكوا على بقيت صحابى
مضرب البيض السلك
وده مهم جدا طبعا فى لما تضربى اى حاجة ما عدا التيفال
وحاولى تجيبى نوع كويس مايصديش ولا يتفك
المصدر : منتدي عالمك - من قسم أدوات وأجهزة مطبخية
من مواضيع : ساليسيا
- نصائح للمقبلين على الخطوبة والزواج الجزء الخامس والاخير وحصرى 2018
- طريقة عمل النسكافيه بوش،طريقة عمل النسكافيه بالرغوة بدون خلاط، اعملى احلى وش للنسكافية وبالصور2018
- السيسى: سنحول الشرق الأوسط من منطقة للنزاعات لمنطقة للنجاح
- مزارع أزهار التوليب الملونة,عشاق ورد التوليب,صوره زهور التوليب الملونه,اجمل الصور لزهرة التوليب
- طريقة طارد البلغم عند الرضع،كيف نعالج البلغم،كيف اطلع البلغم من الرضيع،اذابة البلغم عند الاطفال
#2
~{ ادارة منتدى عالمك }~
رد: ادوات المطبخ الحديثة مع شوية اسرار وحصرى لمنتدى عالمك2019
مضرب البيض السيليكون
وزى ماقولتلكوا التيفال هاتى المضرب السيليكون وديه انا بستخدمها غاليا فى حاجتين بس
الرز بلبن والبشاميل لانهم هم اللى بيتعملوا عالنار وفى التيفال
غير كده بستعمل المضرب العادى المعدن
معالق خشب
بتوعى شيهم بالظبط بس اللى معايا فيهم ميزة انهم مدهونين طيقة وداخلين زى فرن كده عشان المعلقة متقشرش
وتنزل رايش ولونهم غامق شويه
بس انا لاقية صورتهم
وعلى فكرة ماكنوش غاليين خالص كامت الواحدة نقريبا ب5 جنيه وانا جبت اتنين قصيرين وواحدة طويلة بس كده
يعنى لوحسبتوا هاتلاقونى مجبتش اطقم اصلا هم حوالى 5 او ست معالق توزيع اللى عندى بس بالدنيا
وحلوين جدا الحمد لله
هراسة البطاطس
ديه طبها ايدى اليمين فى المطبخ وهى مش للبطاطس بس ديه كمان لاى حاجة بتتهرس بابا غنوج او لو بتوضبى فول باه حلو كده بالطحينة او مش بالطحينة برضه
هاتسهل عليكى كتيييير اوى ان شاء الله
وبلاش برضه نجيب الشكل ده خليكى فى الغالية شويه كانت تقريبا ب20 جنيه
مدق اليانيه
ده بالظبط شكل بتاعى بيبقى كله صب فى بعضه وده طبعا غنى عن التعريف ولا غنى عنه
وبلاش تجيبى الشكل ده لانه بيبقى خفيف والحديده بتقع من الخشب كل شويه
القوالب السيليكون
تعالوا باه اقولكوا انا بعمل بيهم ايه
انا بصراحة خفت احطهم فى الفرن مع ان عادى ونوعهم غالى مش رخيص
بس بخاف مش عارفة ليه
المهم انى بحب استخدمهم اوى قوالب للغرف زى الرز والكشرى وكمان فى الحلويات زى الايس كريم والجيلى والتيراميسو
بيبقى شكلهم روعه ويفتحوا النفس انا لما بكون رايقة بعمل البدع
وطبعا قطاعة التفاح
ديه حبيبتى الصغيرة وبتشيكنى كده لما بيجيلنا ضيوف وبرضه بتسهل عليا لما بقطع تفاح لينا احنا بس
الصوانى الخشب
وكنت شفت بنات بتسال عليهم هم بجد منتهى الشياكة وعمليين بس ماتضغطيش عليهم فى الاستعمال عشان يفضلوا برونقهم
وكمان ماتغسليهمش بماية انتى بس امسحى عليهم بغوطة مبلولة وخلاص
يعنى هم مايغنوش عن طقم صوانى بلاستيك للاستخدام
بس انا بحبهم اوى وبيدوا شياكة كده وتحسى نفسك عايشة فى اوروبا
واخيرا وليس اخرا
جوانتى التنضيف
طبعا ده فى ايدى على طول بلمع فى اى وقت وسهل جدا فى تنضيفه
وفى الاخر فى كذا حاجة عايزة اتكلم عنهم سريعا
1... مش معنى انك اتجوزتى يبقى خلاص ماتدلعيش نفسك وتجيبى لنفسك
بالعكس فى اى وقت حاولى توفرى اى مبلغ وتجيبى حاجات تسهل عليكى وقفتك فى المطبخ انتى تستاهلى كل خير
ومن حقك تدلعى يعنى كلامى ده مش للعرايس بس ،...ماشى
2....بلاش برضه تقولولى هو احنا هانقف فى المطبخ وحوالينا مليونحاجة هانتلخبط ...لا بالعكس لو اتعودتى هاتلاقى نفسك بتستعمليهم عادى المهم انك تحافظى على نفسك وايديكى
وتسهلى وقوفك فى المطبخ عشان تحبيه
3...للعرايس باه ارجواكوا هاتوا انواع نضيفة زى ماقلت وبلاش تكتروا فى اعداد الاطقم يعنى بلاش 25 طقم ملاية و20 طقم كاسات و30 ازازة برفيوم
والكلام ده.وفى الاخر تشترى الحاجات المهمة ديه رخيصة ورديئة
قللى شويه وهاتى حاجات كويسه
واهتمى بالكيف مش بالكم
4....وياريت انتوا كمان تقولنا خبرتكوا واصحابكوا فى المطبخ اللى ماتقدروش تستغنوا عنهم
ويارب اكون كنت خفيفة على قلبكوا ويارب يسعدكوا ويفرحكوا ويتمم لكل عروسة على خير يارب
وزى ماقولتلكوا التيفال هاتى المضرب السيليكون وديه انا بستخدمها غاليا فى حاجتين بس
الرز بلبن والبشاميل لانهم هم اللى بيتعملوا عالنار وفى التيفال
غير كده بستعمل المضرب العادى المعدن
معالق خشب
بتوعى شيهم بالظبط بس اللى معايا فيهم ميزة انهم مدهونين طيقة وداخلين زى فرن كده عشان المعلقة متقشرش
وتنزل رايش ولونهم غامق شويه
بس انا لاقية صورتهم
وعلى فكرة ماكنوش غاليين خالص كامت الواحدة نقريبا ب5 جنيه وانا جبت اتنين قصيرين وواحدة طويلة بس كده
يعنى لوحسبتوا هاتلاقونى مجبتش اطقم اصلا هم حوالى 5 او ست معالق توزيع اللى عندى بس بالدنيا
وحلوين جدا الحمد لله
هراسة البطاطس
ديه طبها ايدى اليمين فى المطبخ وهى مش للبطاطس بس ديه كمان لاى حاجة بتتهرس بابا غنوج او لو بتوضبى فول باه حلو كده بالطحينة او مش بالطحينة برضه
هاتسهل عليكى كتيييير اوى ان شاء الله
وبلاش برضه نجيب الشكل ده خليكى فى الغالية شويه كانت تقريبا ب20 جنيه
مدق اليانيه
ده بالظبط شكل بتاعى بيبقى كله صب فى بعضه وده طبعا غنى عن التعريف ولا غنى عنه
وبلاش تجيبى الشكل ده لانه بيبقى خفيف والحديده بتقع من الخشب كل شويه
القوالب السيليكون
تعالوا باه اقولكوا انا بعمل بيهم ايه
انا بصراحة خفت احطهم فى الفرن مع ان عادى ونوعهم غالى مش رخيص
بس بخاف مش عارفة ليه
المهم انى بحب استخدمهم اوى قوالب للغرف زى الرز والكشرى وكمان فى الحلويات زى الايس كريم والجيلى والتيراميسو
بيبقى شكلهم روعه ويفتحوا النفس انا لما بكون رايقة بعمل البدع
وطبعا قطاعة التفاح
ديه حبيبتى الصغيرة وبتشيكنى كده لما بيجيلنا ضيوف وبرضه بتسهل عليا لما بقطع تفاح لينا احنا بس
الصوانى الخشب
وكنت شفت بنات بتسال عليهم هم بجد منتهى الشياكة وعمليين بس ماتضغطيش عليهم فى الاستعمال عشان يفضلوا برونقهم
وكمان ماتغسليهمش بماية انتى بس امسحى عليهم بغوطة مبلولة وخلاص
يعنى هم مايغنوش عن طقم صوانى بلاستيك للاستخدام
بس انا بحبهم اوى وبيدوا شياكة كده وتحسى نفسك عايشة فى اوروبا
واخيرا وليس اخرا
جوانتى التنضيف
طبعا ده فى ايدى على طول بلمع فى اى وقت وسهل جدا فى تنضيفه
وفى الاخر فى كذا حاجة عايزة اتكلم عنهم سريعا
1... مش معنى انك اتجوزتى يبقى خلاص ماتدلعيش نفسك وتجيبى لنفسك
بالعكس فى اى وقت حاولى توفرى اى مبلغ وتجيبى حاجات تسهل عليكى وقفتك فى المطبخ انتى تستاهلى كل خير
ومن حقك تدلعى يعنى كلامى ده مش للعرايس بس ،...ماشى
2....بلاش برضه تقولولى هو احنا هانقف فى المطبخ وحوالينا مليونحاجة هانتلخبط ...لا بالعكس لو اتعودتى هاتلاقى نفسك بتستعمليهم عادى المهم انك تحافظى على نفسك وايديكى
وتسهلى وقوفك فى المطبخ عشان تحبيه
3...للعرايس باه ارجواكوا هاتوا انواع نضيفة زى ماقلت وبلاش تكتروا فى اعداد الاطقم يعنى بلاش 25 طقم ملاية و20 طقم كاسات و30 ازازة برفيوم
والكلام ده.وفى الاخر تشترى الحاجات المهمة ديه رخيصة ورديئة
قللى شويه وهاتى حاجات كويسه
واهتمى بالكيف مش بالكم
4....وياريت انتوا كمان تقولنا خبرتكوا واصحابكوا فى المطبخ اللى ماتقدروش تستغنوا عنهم
ويارب اكون كنت خفيفة على قلبكوا ويارب يسعدكوا ويفرحكوا ويتمم لكل عروسة على خير يارب
من مواضيع : ساليسيا
- بالصور ديكورات منزلية بسيطة وغير مكلفة,افكار منزلية فيس بوك,افكار منزلية بسيطة بالصور
- جميع انواع الكيكات بالصور،انواع الكيك البسيط،انواع الكيك والحلويات،مقادير كل انواع الكيك2018
- أجمل صيحات إكسسوارات الرقبة2019,كولية شيك للصبايا,احلى عقد للرقبه,اجمل سلاسل للرقبةانستقرام
- اجمل الصور الحزينة للفراق,صور حزينه 2019,اجمل الصور الحزينة مع العبارات,خلفيات حزينه مكتوب عليها
- نكت تموت من الضحك 2024
#3
❣ الدنيا ساعة فاجعلها طاعة ❣
~{ مديرة منتدى عالمك }~
رد: ادوات المطبخ الحديثة مع شوية اسرار وحصرى لمنتدى عالمك2019
روعة يا عسل التقييم ممتااااااااااااااااز
اظهار التوقيع
توقيع
فخامة ملكة
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))
صدق الله العظيم ، و هل أصدق من الله قيلا
استغفر الله العلي العضيم من كل دنب عضيم اللهم اغفر لي و لوالدي
اللهم امين و لكل شخص قالها بالمتل
http://mp3qurany.com/mp3.php?Quran=1
صدق الله العظيم ، و هل أصدق من الله قيلا
استغفر الله العلي العضيم من كل دنب عضيم اللهم اغفر لي و لوالدي
اللهم امين و لكل شخص قالها بالمتل
http://mp3qurany.com/mp3.php?Quran=1
من مواضيع : فخامة ملكة
#4
~{ مشرفة مطبخ عالمك }~
رد: ادوات المطبخ الحديثة مع شوية اسرار وحصرى لمنتدى عالمك2019
بارك الله فيكى
ولا حرمكـ الأجر
دمت برضى الله وفضله
ولا حرمكـ الأجر
دمت برضى الله وفضله
من مواضيع : شيف لطيفة مسعود
- طريقة عمل القطايف بالقشطة والمكسرات.طريقه تحضير القطايف عصافيري.عمل قطايف ساندوتش ورولات ومثلثات
- طريقة العيش الفينو الهش.طريقة عمل العيش الفينو مثل المخابز.طريقة الفينو والكيزر
- طريقة عمل الأيسنج لتزين الكيك والدونات والسينابون بالصور,طريقة عمل الرويال ايسنج من مطبخى2018 وحصرى
- طريقة عمل معمول التمر خطوة بخطوة بالصور,طريقة عمل المعمول الهش,طريقة عمل المعمول بالعجوة روعه
- طريقة عمل فكتوريا كيك بالخطوات.فكتوريا كيك للفراولة روعه.تحضير فكتوريا كيك بالصور
#5
~{ مشرفة مطبخ عالمك }~
رد: ادوات المطبخ الحديثة مع شوية اسرار وحصرى لمنتدى عالمك2019
من مواضيع : شيف لطيفة مسعود
- نصائح للمعجنات.علشان المعجنات تبقى هشة وطرية,طريقة الخبز الصحيحة للمعجنات بشكل عام
- طريقة عمل الجناش لتغطية الكيك.طريقة عمل الجناش بالكريم شانتيه.مكونات الجناش.تحضير الجناش
- أجنحة الدجاج المشوية.وصفات الدجاج.طريقة عمل بافلو وينجز.أجنحة الدجاج بصوص البافلو بالصور.صلصة سهله
- طريقة عمل صوص التوفى.أبسط طريقة لعمل صوص الكراميل لتزيين الكيك و الحلويات بالصور.اسهل صوص كراميل
- هدايا عيد الحب 2018,أفكار مبتكرة لتقديم ورود عيد الحب,هدايا الفلانتين
#6
•°o.O شادية O.o°•
~{ مديرة مرحلة الحمل والولادة }~
رد: ادوات المطبخ الحديثة مع شوية اسرار وحصرى لمنتدى عالمك2019
اظهار التوقيع
توقيع
البنت شادو
من مواضيع : البنت شادو
- اتكيت معامله الزوج امام اهله.كيفيه معالمله الزوجه لزوجها امام اهله او اهلها
- غرف نوم اطفال حلوة اوى اجمل غرف نوم اطفال 2018
- تقرير عن عالم البحار , حقائق عن عالم البحار
- لو بتحضرى لفرحك.. 10 نصائح هتقلل تكاليف فرحك النص.اعملى فرحك باقل التكاليف
- ماندالا كروشية بالباترون و الخطوات المصورة احلى صور كروشية 2018
| الكلمات الدلالية (Tags) |
| لمنتدى, مع, المطبخ, الحديثة, ادوات, اسرار, صنية, عالمك2019, وحصرى |
«
الموضوع السابق
|
الموضوع التالي
»
|
|
الساعة الآن 11:38 PM.