Warning: Division by zero in [path]/includes/class_postbit.php(294) : eval()'d code on line 80
ازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عني - منتدي عالمك
للنساء فقط

معاملة الازواج

كيف تكون معاملة الزوجة لزوجها,كل ما يخص حياتك الزوجيه,ازاى تجددى حبك زوجك لك,ازاى تكسبى قلب زوجك.

نسخ رابط الموضوع
https://vb.3almc.com/showthread.php?t=12494
15612 0
03-16-2019
#1  

1990 1164038134ازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عني


ازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عني
عايزة خطيبك يموت فيكي ؟؟ تعالي أقولك السر
ازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عني
أنا جيت لكم النهارده بحاجات فادتني كتييييييييير أوي في حياتي مع خطيبي ، وحسيت إني مبسوطة ومرتاحة ،
وخطيبي الحمد لله بيزيد حبي جواه زي ما هو بيقول ، قولوا ما شاء الله بأه .

كيف اجعل خطيبي يحبني ويهتم بي
هبدأ معاكم ، ونرتبهم على نقط ، ماشي ؟؟
1. أول حاجة واللي لازم تكون مهمة في حياتك مع خطيبك هيا الاحتراااام ،
إوعي لما ييجي في موقف هزار مثلا ويقولك يا غلسة ، ترديهاله ،
انتوا مش اصحاب وتتبادلوا الكلام اللي زي ده ، صدقيني هتكبري في عينه جاااامد ،
وهيحس إنك غير عن بقية البنات .

ازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عنيازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عنيازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عني
2. الرقة ، خلي بالك إنه هو راااجل ، وخاطب أنثى ،
عارفه يعني إيه أنثى ؟؟
يعني رقة ودلع ، يعني إيه ؟؟
يعني مفيش صوت عالي ، الصوت العالي ده ضد الأنوثة خاااااااااااالص ،
حتى تلاقي في لغة الجسد أصلا ، البنت لما تيجي تكلم خطيبها تلاقي تلقائي صوتها اتغير وبقى واطي وهامس ،
وما نبقاش عارفين الرقة دي جات منين هههههههههههه ،
خليكي كده على طول ، مش لما تبقي رايقة بس ، ولما تتنرفزي تطلع أمنا الغولة ،
معلش بهزر معاكوا انتوا زي اخواتي ،
الراجل بيخزن صورة ليكي في عقله اللا واعي ، لما بيشوف زميلته في الشغل هادية وصوتها هادي ، مع العلم إن الصوت الهادي ده بيكون مغري جدا،
بلاش تيجي في باله صورتك وانتي صوتك عالي ، لا ما تديهوش فرصة لكده ، عشان يشوفك دايما أحلى حاجة .

ازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عنيازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عنيازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عني

3. من صور الرقة برضو ، لما تزعلي معاه ، ما تمديش بوزك شبرين ،
لا يا حبيبتي ازعلي وبيني له إنك زعلانه ، بس زي الأطفال ، عارفه إزاي ؟
بنظرة عينيكي المكسورة دي ، ومدي شفايفك سنتي كده ههههههههههه ،
مانتي كده ده زعلانه ، بس ليه تترسخ في باله صورتك وانتي مكشرة ،
بصي هقولك على حاجة ، قربي من المراية وكشري كده وشوفي شكلك عامل إزاي ، يا ساااااتر ، ترضي يشوفك بالشكل ده ؟؟
يبقى عودي نفسك من دلوأتي ما نمدش البوز شبرين لما نزعل ،
يبقى زعلنا كله أنوثة ورقة ، وأصلا هو مش هيقدر يقاوم ويخليكي زعلانه كده كتير ههههههه .

ازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عنيازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عنيازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عني

4. الغموض ، مش لازم كل حاجة في حياتك يكون هو عارفها ،
لا ، خليه يبقى متشوق يكلمك ويسمع صوتك ويعرف انتي بتعملي إيه ،
مايبقاش قاعد مكانه ، وعارف انتي دلوأتي نايمه ، انتي نازلة ،
خليه يدور وراكي ، حتى لو مش مبين لك ، بس بيحس بالإثارة إنه يكشف غموضك ،
مافهاش حاجة لو سألك عن حاجة ، وبصيتي له برقة : وقلتي له سر مش هقولك ،
هيتجنن هو عشان يعرف إيه السر ده ههههههههه ،
الرجاله دول زي الأطفال ، فيهم فضول لازم نثيره .


ازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عنيازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عنيازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عني
5. لازم تعرفي إن خطيبك غير صاحبتك ،
يعني في حاجات ينفع تقوليها قدام صاحبتك ، وما ينفعش تقوليها قدامه ،
زي إييييييييه ؟؟
- انتي دلوأتي عندك مشكلة في البيت مع بباكي أو أختك ، أي حد من العيلة ،
ما ينفعش الكلام ده يتقال قدامه أبداااااااااااا ،
حتى لو بتموتوا في بعض ،
هقولك ليه ، ده أولا بيقلل قيمتهم في نظره ، مش لازم دلوأتي ،
بس في رجاله ممكن لا قدر الله بعد زمن بعيييييييد يعايك بالكلام ده ، آه والله ممكن تحصل ،
أو يحس مثلا إن مالكيش ضهر تتسندي عليه ، فيستقوى هو عليكي بعدين ،
الكلام ده ممكن ما يظهرش دلوأتي ، بس بعدين ممكن يظهر ،
انتي عارفه كمان واحده مرة قالت كلمة : قالت أهلي هما اللي باقيين لي دايما ، لكن جوزي لا ،
معاها حق ، فإيه لازمته تشتكي له من أهلك لمجرد الفضفضة ؟؟
امسكي أي واحده من صحباتك وفضفضي لها يختي لغاااااااية لما توجعي دماغها . اتفقنا ؟؟
- الحاجة التانية ، مشاكلك مع أهله ، إوعي إوعي تقولي له عليه ،
ليه ؟؟ عشان الراجل بيحب أهله جدا ، وبرضو انتي بالنسبة له جديدة ،
مش معقولة هتبقي انتي أهم عنده من أهله ،
عليكي بقى والمدح قدامه ، أنا بحب مامتك جدا ربنا يبارك لها ،
أختك زي أختي طيبة وعسولة ، بس مش بزيادة أوي عشان ما يبقاش باين إنك بتكذبي ههههههههههه،
وأي حاجة مضايقاكي منهم اشتكي لوحده صاحبتك ، وولا يهمك يا قمر .


ازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عنيازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عنيازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عني
6. إيه رأيك في لبسي ؟؟
الطقم ده شكله حلو عليا ؟؟
طيب الميكب ده مناسب لوشي ؟؟
مش دي تساؤلات كتير مننا بنقولها ،، صح ؟؟
إوعي إوعي إوعي تكون لخطيبك ، ليــــــه ؟؟
عشان لازم تكوني قدامه واثقة من نفسك ، ما تسأليهوش رأيك في لبسي إيه ،
خليكي واثقة إنه يناسبك ، محتارة وعايزة تسألي السؤال ده ، اسأليه لمامتك ، لأختك ، لصاحبتك ماشي ، لكن لخطيبك لأأأأأ ،
ليه لأن إحنا مشاعرنا بتشكل هالة حوالينا بتتنقل للأشخاص اللي قدامنا ،
لما يشوفك واثقة من نفسك ، هتترسخ الفكرة دي عنده في العقل اللا واعي ،
وليكي أن تتخيلي أد إيه الراجل بيحب البنت الواثقة من نفسها ،
لما يمدح جمالك ، مش تقولي له ما تبالغش ، أو تقولي له : مش أو كده ،
لا ابتسمي وانتي مكسوفة وخلاص ،
أو قولي له شكرا ، عيونك الحلوين ،
ولما تحبي تبقي شقية ، قولي له : من زمان ، انتا لسا واخد بالك ؟؟

ازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عنيازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عنيازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عني
7. أنا حاسه النهارده لون بشرتي بهتان كده ، مش عارفه ليه ،،
أنا وزني زايد الأيام دي ،
أنا بقالي كام يوم عندي هالات سودا تحت عيني ،
أنا عندي حاجة مش بحبها في جسمي ،
إوعي تلفتي نظره للعيوب اللي فيكي ،
عارفه لما تعملي طبخة وتبقى مالحة شويه ؟؟
وقبل ما تحطي الأكل تفضلي تقولي معلش الأكل طلع مالح ،
الكل لما ييجي ياكل مش هياخد باله إن الأكل طعمه جميل ، بس هياخد باله إن الملح زيادة ،

حتى لو الملح مش زيادة وانتي اتهيألك .
عارفه لما تلفتي نظره للعيوب اللي فيكي ، هييجي وقت ومش هيشوف غير العيوب دي ،
طاب ليه ؟
بالعكس انتي تعكسي الوضع ،
وتلفتي نظره للحاجة الحلوة اللي فيكي ، من غير غرور ،
يعني ماما النهارده بتقول لي وشك منور ، وهكذا ..

ازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عنيازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عنيازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عني

8. لما خطيبك يكون متضايق بتعملي إيه ؟؟
في بنات خطيبها بيفضل ساكت ، مش بيحب يتكلم عن اللي جواه ،
ما تفضليش تزني عليه ، لازم تعرفي في إيه ،
لا ، انتي هوني عليه ، وقولي له معلش مفيش حاجة تستاهل ، وكل حاجة هتبقى كويسه إن شاء الله ،
أنا خطيبي مثلا مش بيحب يكلم حد لما بيكون متضايق ،
يا إما ببعت له من فترة للتانية رسالة فيها دعاء مثلا ،
أو بكلمه دقيقة كده على السريع عشان أسلم عليه ، بس عشان يحس إني معاه وحاسه بيه ،
هو لما يروق هييجي يكلمك عادي ، وممكن ساعتها يقولك هو كان متضايق ليه ،
وانتي أهم حاجة عندك إنه بقى كويس ، صح ؟؟
وممكن مثلا :
تحاولي تكلميه وتسأليه سبب ضيقه ،
وبعد ما تعرفي تحاولي تهوني عليه الوضع ،
وتخليه يتفائل ،
تحاولي تبيني له الجوانب الإيجابية في الموضوع مثلا ،
او تقولي له ده ابتلاء من ربنا وهيتحل ،
وتقعدي تدعي له كده دعوتين من قلبك ،
خطيبي بيتبسط أوي لما بيلاقيني أدعي له ،
حاولي تخليه يفرفش ، ويفضفض معاكي ،
قولي له ابتسامتك وحشتني ،
وريني شكلك كده ؟
شكلك مش حلو بالنونه اللي بين حواجبك دي .
يا بنوتات في حاجات ما تنفعش غير للي كاتبين كتابهم عشان نبقى قريبين من ربنا برضو .


ازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عنيازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عنيازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عني
9. خليكي إيجابية ، هتسأليني إزاي ؟؟
هقولك ، لما يتصل عليكي وانتي زهآنه ، ويقولك عامله إيه ؟
ما تقوليلوش : آهوه ، ماشي الحال ، وصوتك بينطقمن الزهأ ، وللا الزعل ،
انتي كده بترسلي له إشارات غير محسوسة إنك مملة ،
مش هيبقى عايز يكلمك ،
وحتى لما ييجي يزورك ، خليكي حيوية وإيجابية ،
وبلاش تقعدي تتكلمي في المشاكل ، والأخبار الوحشه ، وسيرة فلان وعلان ،
ولما يكون في مشاكل في الشقة برضو هقولك تتعاملي إزاي في مشاركة منفصلة .
الملخص ، خليه يتشد إنه يكلمك ويقعد معاكي ، يتصل عليكي ويسمع صوتك ،
مش يبقى شايل هم المكالمة والهم اللي هيسمعه .


ازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عنيازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عنيازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عني
10.حبايب قلبي ، كتير سألوني إزاي أبقى غامضة ،
هقولك شوية تفاصيل كده ، يا رب تفيدكم ،
أول حاجة :
البنات الي لسا ماتخطبوش ، أو لسا مخطوبين ،
إوعي تعودي خطيبك على الاستئذان وانتي طالعه وانتي نازلة ،
عارفه ليه ؟؟
أولا انتي لسا في بيت بابا ، وطول عمرك بتاخدي الإذن منه ،
يبقى احتراما ليه ، أمشي على كلمته ، لغاية لما أروح بيت جوزي ،
حتى لو مكتوب كتابك ، لأنه مالوش حق الطاعة ، إلا لما يديكي حق النفقة والسكن ،
يعني لما تبقي في بيته ويصرف عليكي ، يبقى واجب عليكي إنك تطيعيه وتستأذنيه لما تنزلي .
اتفقنا يا قمرات ؟
ثانيا : هتتحطي بعدين في مشاكل وتحكمات انتي هتزهئي منها ، واسألي البنات اللي قبلك في كده .
ثالثا : وهو ده المرتبط بكلامنا ، تبقى عندك الحرية انتي رايحة فين وجاية منين ،
افرض انتي عايزة تجيبي حاجة مش عايزاه يعرفها ، افرض رايحة مشوار مش حابه إنه يعرف عنه ، هتعملي إيييييييه ؟؟
طيــب ، دي أول نقطة ،
النقطة التانية : ما تديهوش أحداث يومك من نفسك ، لو هو سألك كان بها ،
ولو على طول بيسألك ، قولي له سر ، هيلحّ ويقولك إيه يعني ، قولي له أسرار بنات ، ما ينفعش تعرفها .
مصر أوي إنه يعرف لما تيجي نازلة ، مش لازم تقولي له رحت المكان الفلاني واشتريت كذا ، وقابلت فلانه وحصل كذا ،
الأحداث بالاختصار ،
منها ما تبقيش رغاية ومخه يوجعه ، ومنها هتستفيدي إيه لما يعرف كل حاااااااجة ؟؟
مش عايزين تبقى قدامه كتاب مفتوح ، ويعرف أخبارك ، ويتنبأ بردة فعلك قبل ما تعمليها ،
فهمتيني ؟؟

ازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عنيازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عنيازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عني

11. طريقة العتاب ،
لو في حاجة مضايقاكي منه أويييييي ، وعايزة تلفتي انتباهه ليها تعملي إيه ؟؟
أو حصل موقف مش ظريف كده ، وما عجبكيش تصرفه معاكي ،
إيه الحل ؟؟
أولا عشان تبقي عارفه ، في نوع من الرجاله بيبقى حساس ورومانسي جدا ( ده محتاج تفصيل في موضوع بوصلة الشخصية عشان تعرفي نوع خطيبك ، بس أنا هقولك بكل عام )
المهم النوع ده بيتحسس من النقد جدا ، ولما تنقديه بيتجرح جامد ، وبيأثر فيه ،
أنا خطيبي من النوع ده ، لما بحب أقوله على حاجة بعمل إيه ؟؟
وإحنا بنتكلم في موضوع عادي ، أجيب له اللي عايزة أعاتبه عليه في وسط الكلام ، وأكلم كلام في بقية الموضوع التاني العادي ،
عشان ماديهوش فرصة إنه يتحرج مني ، أو أحرجه بأنه يضطر يرد عليا ويبرر لنفسه ،
وفي نفس الوقت هو بيحس من نفسه وياخد باله فهمتيني ؟؟
يعني مثلا بنتكلم على الجامعة ، فبقوله أنا رحت النهارده الجامعة ورجعت متأخر ،
انتا عارف امبارح لما كنت متضايق ، ما كانش نفسي تخرج بسرعة عشان كان نفسي أخفف عنك ،

( عشان بنتكلم شات / ده على سبيل المثال مش بجد )
وأرجع على موضوعي الأولاني ، النهارده حصل كذا في الجامعة ، وأسترسل في بقية الكلام .
يبقى وصلت له المعلومة وما أحرجتوش .
في طريقة كمان ، بيسموها طريقة السندوتش ،
يعني إيه ؟؟
يعني تبدئي كلامك بمدح ، بعدين تقولي له اللي مضايقك ، بعدين تختمي كلامك بمدح ،
إزاااااااي ؟
يعني في موقف مثلا ضايقك شويه وحسيتي إنه عمل موقف كده مش كويس في الناحية المادية مثلا ،
تقولي له : حبيبي ، ربنا رزقني بيك ، كريم ومفيش زيك الحمد لله /
بس .... ( وقولي الموقف )
وبعدين ، بس الناس كلها بتحسدني عليك ، وبتقول لي خطيبك كريم جدااا ، ربنا يخليهولك .
ده مثال ، أنا عارفه إن النواحي المادية بتبقى حساسة جدااا بين المخطوبين .

ازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عنيازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عنيازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عني
12. الطااااااااعة ، والاعتراف بالخطأ ،
يا سلام على حلاوة كلمة حاضر _ مع الاحتفاظ بشخصيتك طبعا _
فيها إيه لما تكوني غلطانه ، وتعترفي بغلطك ، وتعتذري ،
تقولي معلش يا فلان ، انا أخطأت في كذا .
فيها حاجة ؟؟
ما نقصش من قدرك حاجة ، بل العكس هتكبري في نظره كمان ،
برضو لما يكون متعصب ومتضايق ما تقفيش قدامه ،
لا كل حاجة يقولها قولي حاضر ،
هتمتصي غضبه خالص ،
بعدين لما يهدا ، أكييييييد هتقعدوا وتتناقشوا في الموضوع تاني ،
ساعتها ناقشيه في الكلام اللي مش عاجبك وأقنعيه بيه .
لكن وقت ما هو متعصب وبيزعق ، هتزعقي انتي كمان قدامه ، والدنيا هتبقى وحشه خااالص .
لما برضو يطلب منك حاجة تعمليها ، برضو حااضر كلمة سحريية ،
بس إوعي ده يأثر على شخصيتك وكيانك المستقل وتبدئي تتنازلي عن قناعاتك عشانه ،
لا ، تطيعيه في حدود المعقول ، وفي حدود الحقوق اللي ليه بس .

ازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عنيازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عنيازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عني
13.أهالينا دايما بيقولوا لنا : التقل صنعة .
واللي احنا طبعا عمرنا ما فكرنا في الكلمة دي ولما جينا نفكر فيها ماعرفناش نطبقها .
هيا بيني وبينكوا صعبة شويه ، خاصة لما تكوني بتحبي خطيبك ،
آآآه بقى ، هتقل عليه إزاي ده ، ده واحشني خالص ،
مش ده اللي بنقعد نقوله ؟؟ صح ؟
طاب اشمعنى هو بقى بيعرف يتقل وإحنا لأ ؟؟
على فكرة ، قربي هقولك على حاجة ،
لما ما تتقليش عليه ، هيزهق منك يا قمر ،
خاصة لما تبقي قريبة منه أوووووووي ومش مدياله فرصة يتنفس ، هيتخنق ويهرب الراجل ، مش كده ؟؟
طايب ، نعمل إيـــــــــــــه ؟
نتعلم إزاي نتقل ؟
إزاي يا فرح ؟؟
أولا :
مش انتي اللي تتصلي عليه على طول ، انتي في فترة خطوبة ، يعني المفروض انتي اللي تاخدي الدلع ،
قبل ما ناخد على دماغنا بعدين هههههههههه ، أنا بهزر طبعا ، إن شاء الله هتبقى حياة حلوة ،
سيبيه لغاية لما يفتكرك ويتصل من نفسه ،
عشان لما تيجي مرة وتتصلي عليه يبقى مبسوط ، ويقول دي افتكرتني ،

بدل ما يبص للموبايل يشوف اسمك ما يبقاش طايق نفسه ،
المسجات يا قمر ، مش عمال على بطال ، ماشي ؟؟
لما ييجي يتصل عليكي بأه ، مش من أول نص رنه ـ تجرييييييي على الموبايل تردي ،
مش هيهرب ما تخافيش ، اتقلي يا قمر ،
اصبري بعد كام رنه ، ردي عليه وكلميه ،
مرة ما ترديش ، قولي له أصل كنت مشغولة معلش ،
بساعد ماما ، وللا قاعده مع صاحبتي ،
طبعا ملاحظة هامة ، كل ده ما يبقاش مرة واحده يا بناااااااات ، واحده واحده ،
أنا بدأت شويه شويه ، مش مرة واحده ، يقول مالها قلبت عليا مرة واحده ليه .
ومش مشكلة لو وحشك أوي في مرة كلميه وطمني عليه بس ما تطوليش أوي ،
عارفه ليه ، الراجل بيمل بسرعة غير عن الست ،
فقبل ما هو يقطع كلامك ويقفل معاكي ،
خليكي ذكية انتي ، واقفلي قبله ،
فهمتيني ؟؟
في كام نقطة كده مرتبطين بالنقطة اللي فاتت :

ازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عنيازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عنيازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عني
14.ما تحسسيهوش أبدا إن سعادتك مرتبطة بيه ، إزاي الكلام ده ؟؟
يعني لو ما كلمكيش النهارده يبقى المزاج مش تمام ،
لو ما خرجتوش آخر الأسبوع هيجيلك اكتئاب ،
لو ما جاش اتغدى معاكي تبقي مدايقة ،
ما تحسسيهوش إن هو المسؤول عن إسعادك ، وإن هو الوحيد اللي قدامك اللي ممكن يعمل كده ،
كده يا قمر بتضيفي عليه عبء مش هيقدر يشيله ،
لا ، خليه يحس إنك سعيدة بيه ومن غيره ،
صدقيني صدقيني كده هيحب يجري وراكي ، وهيحس جواه إنه عايز يقرب منك كمان ،
فهمتي اللي عايزة أقوله ؟؟

ازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عنيازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عنيازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عني

15.ما تحسسيهوش إنك متعلقة بيه وإنه كل حياتك يا قمر ،
يعني لو لا قدر الله سابك هتموتي من غيره ،
انتي فعلا لو سابك هتتعبي ومش هتقدري ، بس مش لازم هو يعرف ،
عارفه ليه ؟؟
لأنه هيبقى متطمن إنك وراه ، يعمل اللي هو عايزه هيرجع يلاقيكي مستنياه ،
يلعب براحته ، هتسامحيه أكيد ،
يضايقك براحته ، مانتس ما تقدريش من غيره ،
بصي يا حبيبة قلبي ، لما تعملي لنفسك قيمة قدام نفسك ،
مش هيحصل كده ، انتي بتحبي نفسك ، أيوا بتحبيها ،
لأنك لو مش بتحبيها ، مستحيل هو يحبها ، إزاي هيحبها وانتي مش بتحبيها ؟؟
تقدري تجاوبيني ؟؟
وعشان انتي بتحبيها ، يبقى هي أولى منه باهتمامك ،
كرامتها أولى من إنك تنزليها عشان واحد باعك أو هيبيعك ،
أيوا هييجي يوم ويحس إن خسارتك سهلة ، لما يلاقيكي كده ،
يبقى إيه الحل ؟؟
الحل إنك تبقي غالية في عين نفسك ، وتحسسيه إنك تقدري تعيشي من غيره،
بلاش كلام أنا لما شفتك عرفت أعيش ده ،
الكلام الفارغ ده بلاش منه ، لما عرفتيه حياتك زادت حلاوة ماشي ،
أوك يا قمر ؟؟

ازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عنيازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عنيازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عني

16.الحاجة التالتة وأخت الكلام اللي فات ده ،
حسسيه إنك اجتماعية ومشغولة ،
غلط جداااااااااااا ، لما تتخطبي تسيبي صداقاتك ، وتنسي هواياتك،
وترتبطي بيه ، تبقى حياتك هوا وبس ،
وما تدوريش حوالين محور غيره ،
ليه تعملي في نفسك كده ؟؟؟؟
الراجل بيشوف الزواج ده جز من جانب حياته ، إنما الست فالزواج ده بيبقى كل حياتها ،
لا يا قمر مش كده ، خليه ياخد نفسه شويه ،
وانتي كمان تعزي نفسك ، عارفه لما تيجي تتجوزي وتلاقيه نازل مع اصحابه ما تبقيش زعلانه ، ليه ؟؟
لأن انتي كمان عندك اللي يشغلك ، هواية هتعمليها أو صاحبة تزوريها أو تخرجي معاها ، فهمتيني ؟؟
الزواج مش هو كل الحياة ، لأ هو جانب نخليه سعيد منها بس ـ
معايا؟
في حاجة مهمة جدااااااااا يا بناويت ، كان المفروض أقولها من البداية ،

ازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عنيازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عنيازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عني

15 .مين اللي حط في قلب خطيبك حبك ؟؟
ومين اللي حط في قلبك حبه ؟؟
مين اللي قادر بسهولة ينزع الحب ده من قلوبكم ؟؟
مفيش غير جواب واحد هو ربنا ، صح ؟؟
والله ، ربنا قادر في وقت يكرهكم في بعض بنفس مقدار الحب اللي كان ، مش صح ؟؟
_بعيد الشر عنكم _
طاب نعمل إيه ؟؟
أول حاجة لازم تفكري ، هو أنا اتخطبت ليه ؟؟
السؤال ده مهم جدااااااااااااا ، عشان أفرح ماما وبابا ؟؟ وللا عشان أبقى زي البنات ومش أقل منهم ؟؟
وللا عشان أرتبط وأحب وأحس بمشاعر حلوة ؟؟
النوايا اللي فاتت دي مش عيب إنك تحسي بيها ، ومش غلط برضو ، أمال إيه ؟؟
النوايا دي صح إنها تكون موجودة بس مش بشكل أساسي ، بشكل ثانوي ، عشان مش هي الأساس ،
أمال يه الأساس ؟؟؟؟؟
الأساس إن ربنا أول حاجة لازم نحطها قدام عينينا في كل حاجة ،
أنا بتخطب وهتجوز ، عشان طاعة لربنا ، عشان دي سنة ربنا فينا وأنا بلبيها ،
عشان بطبق سنة الرسول صلى الله عليه وسلم ،
عشان بعف نفسي عن الحرام ، عشان هبني أسرة تنفع ديني ،
تخيلي بقى لما تنوي النوايا الجميلة الصادقة دي ،
إن شاء الله كل ما تتعبي في التجهيز أو أي حاجة تاخدي أجر ، تخيلي ؟؟
عشان بتسعي لهدف كبير وسامي ـ كده كده هتتعبي ، لكن الفرق إنك بتتعبي وبتاخدي أجر كمان يا سلااااااااام ،
وكمان إن شاء الله ربنا هيزرع الراحة والسعادة في طريقكم.
وكل فترة اقعدي مع نفسك ، وجددي نواياك يا قمر ، عشان مع الزحمة ممكن تنسي .
دي أول نقطة النية ،
تاني حاجة إيه ...؟
اقري معايا الحديث ده كده :
إذا أحب الله العبد نادى جبريل : إن الله يحب فلانا فأحبه ، فيحبه جبريل ، فينادي جبريل في أهل السماء

: إن الله يحب فلانا فأحبوه ، فيحبه أهل السماء ، ثم يوضع له القبول في أهل الأرض
صحيح البخاري
يعني إيه ؟؟ يعني كل ما تقربي من ربنا أكتر ، كل ما ربنا يقرب بينك وبين خطيبك أكتر ، فهمتيني ؟؟
وكل ما تبعدي عن ربنا ، ممكن ربنا يزرع البعد ده بينكم أكتر ،
مش شرط من أول مرة ، لا ، ربنا بيمهل ويمهل ويمهل يمكن ترجعي ، بس لما ما يبقاش في فايدة منك خلاص .
في دعاء حلو أوي :
الله اجعلني له كما يحب ، واجعله لي كما أحب ، واجعلنا لك كما تحب .

ودايما ادعي إن ربنا يسخره لك ويسخرك ليه .

ازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عنيازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عنيازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عني
16.الدعاء يا بناااااااات ،
يا سلاااام عليه وعلى حلاوته ،
يا سلام قبل ما تقفلي معاه السماعة ، تقولي له : خلي بالك من نفسك ، ربنا يحميك ،
يااااه على فرحته ،
قبل ما ينام ، تقولي له ما تنساش تقول أذكار النوم ، ربنا يحفظك ،
وهو نازل من عندك ، تقولي له : أستودعك الرحمن .
والله هيتبسط ،
لما يبقى متضايق ، ابعتي له دعوات في مسج ، مش دعوات مكتوبة يا بنات ، انتبهوا ، لا دعوات من قلبك انتي ،
اتفائل ، الدنيا لسا جميلة ، ربنا يريح قلبك يا حبيبي .
خلاص مسج خفيف لكنه جميل وهيفرح بيه جااااااااااامد.
من فترة للتانية :
ربنا يخليك ليا
ربنا ما يحرمنيش منك ،
انتا هدية ربنا ليا .
وهتلاقي نتيجة جميلة إن شاء الله.


ازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عنيازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عنيازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عني
17.بصوا يا قمرات ،
في رجاله بيتأثروا أوي بالدموع ، تمام ؟؟
وفي مش بيتأثروا أوي ، طيب نعمل إيه ؟؟
مش عمال على بطال تعيطي ، لو خطيبك من النوع الأول ،
هتصعبي عليه في البداية ويقعد يحايلك ،
بس مرة على مرة ، من كتر ما بيشوفك بتعيطي ، هيزهق ويطفش، وتبقى دموعك ما تأثرش فيه بعدين ،
وتبقي انتي الخسرانه .
طاب ولو خطيبك من النوع التاني ؟؟
يبقى لما نيجي نعيط مرة في السنة ، يحس إن حصل حاجة ،
لأنه شايفك ما بتعيطيش كتير قدامه ،
فيما معنى الكلام إنك بتعيطي في الشديد القوي بس ،
وبالتالي هيتأثر جااااااامد ،
مزبوط ؟؟
يبقى العياط عمال على بطال بلاش منه .
تاني حاجة ،
الاعتذار الكتير ،
في بنات الاعتذار عندها صعب جدا ، وفي بنات العكس الاعتذار عندها أسهل من الهوا ،
وده غلط جداااااااا ، الاعتدال كويس في كل حاجة ،
فيه إيه لما تبقي غلطانة وتعتذري ؟؟
انتي كده اعتذرتي في الوقت المناسب للاعتذار ،
إنما يبقى هو غلطان وتعتذري !!!!
تيجي إزاي ؟؟
يبقى نعتذر في الوقت المناسب بس ، عشان يحس بقيمة كلمة الأسف ده ،
ما تضطريهوش ييجي في يوم ويقولك أعمل بيها إيه كلمة آسفة .
تكملة عن الأنوثة ،
حلو أوي لما تحسسيه إنك أنثى بكل معنى الكلمة ،
يعني إيه ؟؟
يعني في ألفاظ ما تقدريش تسمعيها ، لأنك رقيقة وما تستحمليش تسمعي الكلام ده ،
وده لو فكرتي فيها ، هتلاقيها ششيء طبيعي أصلا ،
لأن الصبيان ليهم مصطلحات غريبة إحنا مش متعودين عليها ،
حاجة كمان ،
انتي أنثى ، ما تقدريش تشيلي حاجة تقيلة ،
حتى إزازة العصير الجامدة اللي مش بتعرفي تفتحيها ،
مش لازم تتشطري وتحاولي فيها ، عشان يعرف إنك جامدة ومفيش زيك ،
لا ، جيبي له الإزازة ، وقولي له : حبيبي ، مش قادرة أفتحها ، جامدة أوي عليا .
أد إيه حلو لما يحس إن اللي قدامه دي هشة ، وإنه قوي بالنسبة لها ،
مش لما ييجي يفكر مع نفسه ، ما يحسش بفرق بينك وبينه !!
حاجة كمان : البراااااااءة
يا سلااااام ، أد إيه بيفرح لما يحس إنك قطة مغمضة ،
وإنه هو اللي بيعلمك كل حاجة ،
بيبقى محظوظ جداااا بالبنت البريئة اللي معاه دي ،
وإنها غير عن كل البنات ، بريئة وطاهرة ،
هنحاول حتى لو حاجة تعرفيها ، اعملي نفسك ما تعرفيهاش وهو يفهمك ،
حلو اما تسمعي كلمة غريبة عليكي ، تسأليه بكل براءة يعني إيه الكلام ده ؟
أنا اكتشفتها لما كانت بتطلع معايا عفوية مع خطيبي ، وكان بيتبسط أوي.
في حاجة مهمة جدااااا ، بيقع فيها كتير مننا ،
وهي التنازلاااااات :
والتنازلات بتكون إما مادية أو عاطفية ، صح ؟
طيب نتكلم الأول عن التنازلات المادية ،
دي بتتمثل في البداية خالص أول ما يتقدم لك ،
انتي بتتنازلي مثلا ، في إنك تكوني أعلى منه مستوى اجتماعي أو مادي أو تعليمي ،
يعني إيه ؟؟
مؤهلك الدراسي أعلى منه ، انتي بكالوريوس مثلا وهو دبلوم ،
بباكي هو اللي هيجيب الشقة مثلا ، أو هيساعده كتير ،
وده عشان انتي بتحبيه فبتتنازلي عشان ترتبطي بيه ، مش كده ؟؟
طيب وفي كتير بيتنازلوا وييجوا في يوم يطلبوا تمن للتنازل ده ،
وده إنه ما يزعلكيش في يوم ، أو مثلا واحده جوزها يتجوز عليها وتيجي تقول ده جزائي بعد ما اتنازلت عشانه ،
الكلام ده غلط ،
انتي عايزة تتنازلي ؟؟
يبقى انتي بتتنازلي عشانك انتي ، قبل ما يكون تنازل عشان حد تاني ،
انتي بتتنازلي عشان تاخدي الإنسان اللي بتحبيه ،
بباكي بيتنازل عشان عايز يشوف بنته سعيدة ،
هو ما قالكيش اتنازلي عشاني ،
انتي اللي اتنازلتي بإيدك عشان نفسك ،
يبقى ما تجيش في يوم تطلبي تمن للتنازل ده ،
وده مش كلامي أنا ، ده كلام دكتور يحيى أحمدي لو تعرفيه ، استشاري الحياة الزوجية والأسرية.
اتفقنا ؟؟
طيب ده قبل ما يتقدم ،
بعد ما تتخطبي ؟؟
لما يكون خطيبك حالته المادية انتي عرفاها على أدها خاالص ،
يبقى ده الست المصرية الأصيلة زي مما بيقولوا هي اللي بتقف جنبه ، وبتبقى مقدرة ظروفه ،
بس لما ييجي يجيب لك هدية بسيطة ، ما تفضليش تقولي له ليييييييه ؟؟ وتتعب نفسك ليه ؟
ومالوش لازمة ؟ وما كنتش جبت ،
ليه كل ده يعني ؟؟
مش فاهمة !!!
الهدية دي شبه حق من حقوقك ، ربنا يكرمه إنه فكر يجيب بجد ،
انتي عايزة تيجي بعدين لما تتجوزي ، تقولي نفسي يدخل عليا بهدية زي الناس ؟؟
مانتي لما تفضلي تعملي له كده ، مش هيحس إنك فرحانه بالهدية أولا ،

يبقى بعد ما كان جاي وفرحان إنه جاب لك حاجة ، تحطميه بكلامك،
وهيتحط في باله إن الهدية مش مهمة أوي بالنسبة لك ، فمش هيهتم بيها بعدين ،
وتبقي بتستخسري في نفسك ، يبقى هو بعدين طوووووول عمره هيبقى عنده أولويات كتيييييييرة قبلك .
يبقى لما يجيب لك هدية ، تبتسمي وتقولي له شكرا ، وتبيني مدى فرحتك بيها ،
وممكن تقولي له : تعبت نفسك ، بس شكرا على الهدية الجميلة ،
وخلص الموضوع .
اتفقنا ؟؟
طيب في حاجة تاني ،
تجهيزات الشقة ، في بنات لما ييجوا يجهزوا الشقة ، تتنازل كتييييييير عن حاجات مهمة بالنسبة لها ،
أنا مش بقولك موتيه عشان يجيب لك كل حاجتك ،
بس التنازل ما يبقاش سهل بالنسبة لك ، لأن اللي هيتنازل دلوأتي ،

هيتنازل بكره ، وهتبقى حياتك كلها تنازلات لأنه اتعود على كده ،
ما يجيش يبقى متفق مع بباكي على حاجة ، وييجي ما يجيبهاش

( بغض النظر إنه مش مقتدر ماديا ) أنا بقول لو مقتدر مثلا أو في استطاعته يجيب ،
وانتي تقولي مش مشكلة عشان بتحبيه ،
يعني بباكي عايز يرفع قيمتك وانتي تنزليها ؟؟
وغيره وغيره ،
على القايمة ، اللي ممكن تتنازلي عنها ،
أو في بنات ممكن تساعد خطيبها ماديا من ورا أهلها مثلا ،
ليييييييه ؟؟
انتي أولى بالمصاريف دي منه ،
تساعديه ليه ؟؟ مش فاهمة !!
ما هو لو كانت المساعدات دي عادي كنتي عملتيها قدام أهلك ، صح ؟؟
خليها لما تبقي في بيته ابقي ساعديه زي ما انتي عايزة .
يا حبيبتي لااااااااازم تعملي لنفسك قيمة ، عشان هو غصب عنه يحفظ لك القيمة دي .
وشويه شويه يعرف نقطة ضعفك في التنازلات ،
ويبقى خلاص انتي ممكن تتنازلي عشانه لخاطر أي حاجة .
يبقى لازم نفوق لنفسنا شويه .
التنازلات العاطفية .
أولا : إيه هي الحدود اللي المفروض تبقى بينك وبين خطيبك ؟؟
بجد اللي عايزه حياتها تكون وفق اللي ربنا عايزه تسمعه .
ثانيا :
في بنات كتييييير بتتكلم عن التجاوزات اللي يبتحصل بينها وبين خطيبها ،

وبتقولك خطيبي جريء وأنا مش عارفة أعمل معاه إيه .
أولا .
ما تديهوش الفرصة إنه يفكر حتى مجرد التفكير في حاجة غلط ، هتسأليني إزاي ؟؟
هقولك ، خطيبك في الأول والآخر بشر ، والغريزة اللي فيه دي طبيعية ، مش كده ؟؟
بس الغريزة دي بتكون صح لما تتحرك في مكانها الصح اللي ربنا أمره بيها مع مراته في الحلال ، صح ؟؟
وتكون غلط لو استغلها في وقت تاني ،
يبقى رحمة منك بيه ، ما تعينيهوش على الحرام يا قمراية ، هتسأليني إزاي برضو .
هقولك :
اعتبريه كأجنبي عنك ، يعني اللبس اللي ما تقدريش تلبسيه قدام الناس في الشارع ما تلبسيهوش قدامه ،
لو فكرتي فيها ، إيه الفرق بينه وبين الناس اللي برا ؟؟
مفيش رابط شرعي يجمعكم يا قمر ،
بلاش عطور وبرفيومز يااااا قمر ، عشااااااان خاطري ،
العطور مثيييييييييرة جدااااااا ،
ماتخديش ذنوب يا قمر ، وتحملي نفسك آثام آآآآآد كده ،
وتيجي تقولي خطيبي بيتجاوز معايا ، أعمل إيه ؟؟
طاب مانتي اللي بتوصليه للمرحلة دي ، يعمل إيه يعني ؟؟
ماهو ربنا ما حرمش إن المرأة تتعطر وهي خارجة من قليل ،
تخيلي كام واحد بتثيره ريحة عطرك ، وبيتمنى الحرام بسببك ؟؟
كمان حاجة ، الكلام معاه يا قمر بلاش فيه ميوعة وترقيق صوت ،
لنفس الكلاااام برضو ، لأنه لسا أجنبي عنك ، وعشان ما تخليهوش يدخل معاكي في حوارات مالهاش لازمة ،
الشاب منهم لما بيشوف البنت محافظة على نفسها كده ، أيوا محافظة على نفسه ، حتى لو منه كمان ،
بتكبر في عينه جداااااااا ، حتى لو اتريق عليها ، بس هي جواه حاجة تانية ،
لأن هيبقى عارف أد إيه انتي أمينة على نفسك ، وهيبقى فرحان جدا إنه عرف يختار .
كمان حاجة ، لما ييجي عندكم البيت يا قمر ، إوعي تقعدي معاه في أوضة لوحدكم ، إوعي كمان مرة ،
عشان الخلوة دي بتبقى مدخل للشيطان في حاجات كتيييييييير ـ
وكلنا عارفين حديث الرسول صلى الله عليه وسلم عن الخلوة .
هنتكلم عن حاجة مهمة جدا في التعامل مع خطيبك ،
إزاي تدي له اللي انتي عيزاه يعرفه عنك ؟؟
أولا .
لما تيجي تتكلمي معاه في أي موضوع أو عن أي حد ، ما تقوليلوش أنا عارفه فلانه قصدها إيه ،
هي ما تقصدش الكلام ده ، لا هي كانت عايزة تقول كذا ، أنا عرفاها نواياها وحشة ،
كده يا قمر بتفهميه إنك انتي كمان بتفكري في نفس الطريقة ، وإلا إزاي فهمتيها ؟؟
حاولي أد ما تقدري ما تتكلميش عن حد بالشكل ده ، لأن في عقله الباطن بيقيس الكلام ده عليكي ،

ولما تيجي تتكلمي هيقول أكيد تقصد حاجة تانية .
كمان ما تبينيلوش مشاعرك السلبية تجاه حد ، يعني واحده مثلا مش بتحبيها ،

ما تقوليلوش الإنسانة دي أنا بكرهها ما بطيقهاش ،
هيكون جواه فكرة ، إن انتي إنسانة قلبك مش حلو ، بيعرف يكره ويحقد ، شيلي كلمة الكره

دي من قاموسك خااااااالص ، لأن انتي كمسلمة أصلا مش لازم الكلمة دي تعرفيها ،
ربنا قال : والله لا يحب الظالمين ، بس ما قالش يكره ، مزبوط يا قمراية ؟؟
كمان حاجة ، حاولي ما تكلميهوش عن اصحابك سواء بحلو أو وحش ، قلنا عن الوحش ، طيب الحلو إزاي ؟؟
ما تمدحيش صحباتك قدامه يا قمر ، ولا توصفيهم ساء في الشكل أو الصفات أو الأخلاق ،

فلانه بتحب كذا ، فلانه عملت كذا ، فلانه شكلها كذا ،
إوعيييي ، أولا لا يجوز شرعا ، ثانيا الشيطان شاطر ، بيزينها في مخه ، وانتي اللي هتدفعي التمن بعدين .
برضو ، ما تقوليش صفة وحشة في نفسك قدامه ،
يعني مثلا انت شايفة نفسك عنيدة ، ما تقوليش قدامه ولا حتى قدام أهل جوزك ، ليييييه ؟؟
لأن هيفضل طوووووووول عمره شايفك عنيدة ، حتى لو اتغيرتي ، برضو مش هتروح عن باله الفكرة دي ،
كمان الصفات الجسمانية : أنا تخينة ، أنا رفيعة ، أنا طويلة ، أنا قصيرة .
هتقولي لي ما هو شايف بنفسه ، هقولك لما يشوف حاجة ، ولما يسمعها منك وانتي مقرة بيها حاجة تانية ،
اتفقنا ؟؟
هنتكلم عن حاجة مهمة أوي أوي بالنسبة لنا ،
هندرجها على كذا نقطة عشان تبقى أوضح :
الهدف اللي إحنا عايزين نوصلّه ، إن إحنا ما نبقاش نكديين ؛ طاب إزاي ؟
مش عايزين واحده مننا خطيبها ييجي في يوم ويقول لها انتي بتحبي النكد .
أول حاجة هقولكم موقف حصل لي ، كنت غلطانه فيه ، وهقولكم إزاي صلحته.
أنا مسافرة برا مصر مع أهلي ، مرة خطيبي بيكلمني وأنا ساعتها كنت متضايقة جدااااا بسبب حاجة حصلت ،
وكنت لسا مخطوبة جديد ، والموقف ده اتعلمت منه كتيييير ،
فبيقول لي مالك ؟؟
قلت له مش عارفه هو أنا اللي نكدية وللا البلد دي اللي كلها نكد !!
عدت الأيام وجاي بعدها بكام يوم ، كنا بنتناقش في موضوع وبيقول لي انتي هتنكدي وللا إيه ؟
أنا استغربت ، قلت أول مرة يقول لي كده يعني ، قلت له أنكد ليه لا طبعا أنا بتكلم عادي ،
جه بعدها برضو بيقول لي : انتي هتبدئي تنكدي !!!
أنا قلت في نفسي لهنا وبسسسس ، لو سكتّ هيمسكها لي بقى والمرة الجاية يقولهالي في وشي انت نكدية .
قلت له : على فكرة ، أنا والله لا نكدية ولا بحب النكد ، مش عارفه انتا جايب الكلام ده منين !!!!!
وغيرت الموضوع ،
من ساعتها عمره ما قال لي حاجة زي كده تاني .
يبقى أنا وقعت في غلط أول مرة ، إني قلت على نفسي نكدية ، فراح هو ما صدق مسك الكلمة ، وكل شويه يقولهالي ،
طاب أنا اتصرفت إزاي ؟؟
لحقت الموضوع قبل ما يترسخ في مخه وماقدرش أعدل الفكرة تاني ،
ولو كان عاد الحكاية ، كنت هعيد الكلام لغاية ما تتمسح الفكرة دي خااالص ويبطل يقولها تاني .
بس أهم حاجة ما تبوزيش وانتي بتقولي الكلام ده هههههههههههه

عشان ما يقولش هي دي اللي مش نكدية هههههههه .
أتمنى تكونوا استفدتوا من الموقف ده ، ومنه تعرفي إن أي حاجة غلط عملتيها تقدري تصلحيها ،
بس محتاجة صبر وتصرف صحيح
ما تعمليش فيها المفتش كرومبو ،
هتتقولي لي إزاي يا فرح ؟؟
هقولك مش وهو لابس ، تقولي له رايح فين ؟؟
وهو نازل هتيجي إمتى ؟؟
لما يتأخر ، اتأخرت ليه ؟؟
لما ييجي ، عملت إيه ؟؟
لا وكمان لما يصحى ، صحيت إمتى ؟؟ وما قلت ليش ليه ؟؟
وقبل ما تنام إديني رنه .
إيــــــــــــه ده ، حرام عليكي ، تخيلي حد بيعمل معاكي كده ، مش هتزهقي ؟؟
الراجل مش بيحب يحس إنه مقيد أبداااااااا ، وإن في حد مراقب تصرفاته ،
وإن كل حياته تحت المجهر ،
هيتخنق هيتخنق هيتخنق بالتلاته هههههههههههه ،
خليه ينزل يا بنوتة ويعيش حياته ، وانتي كده كده عايشه حياتك انتي كمان ، عشان قلنا مش هنعلق حياتنا كلها بيه ، صح ؟

عندنا إحنا كمان حاجااات تشغلنا .
الموضوع ده بيحسسه أد إيه انتي نكدية ، وقعداله في الطالعة والنازلة ، وكل حاجة مش عججباكي .
هقولك على حاجة ، لما تتجوزي إن شاء الله ، ويقولك أنا نازل مع اصحابي ، ما تمديش بوزك وتزعلي ،
لا بالعكس ابتسمي وقولي له ربنا معاك ، هيقول في نفسه مالها الست دي ؟؟
غريبة يعني ، كأنها عايزة تخلص مني ؟؟ هههههههههههه
هينزل يا قمراية يفرغ شحناته مع اصحابه ويتبسط ، ويرجع مشتاق لك ورايق إن شاء الله .
يبقى اتفقنا وداعا للمفتش كرومبو .
لما تكوني حاسه بفترة فتور في علاقتكم ،
إزعي تقوليله : أنا حاسه إنك ما بقيتش تحبني ،
انتا ليه بتعاملني من غير نفس كده ؟؟
هو انا ما بقتش أوحشك ؟؟
هو انتا مشغول عني في إيه ؟؟
أثبتت الدراسات إن الزوجة لما بتشتكي لزوجها الشكاوى دي مش بتلاقي أي فايدة .
هتقولي لي هعمل إيه طيب ؟؟
أولا . خليكي واثقة في نفسك ، ما تقوليلوش انتا ما بقتش تحبني أو تشتاق لي ، إيه الكلام ده ؟؟
وبعدين انتي لما تقوليله كده هو هيقولك معاكي حق ، وأنا هبقى أحبك وللا أنا بحبك وللا إيه يعني ؟؟
وممكن يجاوبك جواب حلو يسكتك وخلاص ، طاب انتي استفدتي إيه ولا حاجة؟؟
يبقى ده ممكن يعتبر جزء من النكد اللي بيكرهه الراجل ، ووسيلة فاشلة في تعبيرك عن الضيق من معاملته معاكي ،
لما تيجي الحالة دي ، انتي تحاولي تغيري الجو من سكات ، من غير إشارات مباشرة ،
وإحنا كلنا عارفين إزاي ده بيحصل ،
شوفي لما حكيت لك الموقف بتاعي من شويه ، ما قلتلوش بشكل مباشر ـ

انتا بتقول لي كده عشان خاطر أنا قلت لك عن نفسي كده ،
لا عالجت الوضع بدون ما يعرف أنا فهمت إيه أو إيه اللي في مخي .
خليكي فاهمة إن مش أي حاجة تتقال معاه ، والحاجات اللي بتدور ججواكي منه أول حاجة مش لازم يعرفها .
وعشان تبقي فاهمة كمان ، الرجاله اللي بيلاقوا التساؤلات دي ، بيبقى في باله إنه مش مقصر معاها خالص ،
وبيقعد يقول إيه النكد ده ، هيا إيه اللي جرالها ،
وخااصة لما تفضلي ماسكة في الوضع ده كتير ، هيزهق ومش هيبقى طايقك _ معلش في الكلمة .
أحيانا بيبقى خطيبك متضايق أو مخنوق أو زهقان ومش طايق نفسه ،
وأحيانا بيبقى عايز يمسك عليكي أي كلمة عشان يتخانق وخلاص ،
هو مزاجه كده النهارده ،
هتعملي إيه ؟؟
إوعي تدي له الفرصة ،
غلط جدا إنه يبقى متنرف ومتضايق وانتي تتنرفزي قدامه ،
أو تمسكي له على الكلمة ، انتا تقصد إيه لما قلت كده ؟؟
أو ليه قلت لي الكلام ده ؟؟
طاب وأنا ذنبي إيه لما تطلع ضيقك عليا ؟؟
يا فتوكة ، ده مش وقت العتاب ،
حاولي أد ما تقدري تمتصي غضبه ، ما عرفتيش يبقى اسكتي خالص ، وحاولي ما ترديش ردود تنرفزه ،
وحتى لو قال حاجة مش عاجباكي ، قولي له طيب ، حاضر ، اللي تشوفه ،
ولما يهدى ابقي ناقشيه باللراحة في كل اللي مش عاجبك بأسلوب سهل عشان ما يتنرفزش تاني .
والعصبية فينا يا بنات ، لازم تحاول تروض نفسها وتقلل حكاية العصبية دي ، عشان نفسها والله ،

وعشان تعيشي مرتاحة .
الأربع نقط يا بنات + نقط أنا اتكلمت عنها قبل كده لو تفتكري ، منها ما تعيطيش كتير قدامه ،

ولما يكلمك خليكي متفائلة وحابة الحياة ،
وفي كام نقطة جايين هنتكلم عنهم إن شاء الله .
لو طبقتي كل ده إن شاء الله مش هتبقي نكدية أبدااااااا ،
لا في عيون نفسك ولا في عيونه .
هنتكلم على حاجة ، ممكن في كتير مننا بيعملوها ، وبيبقوا مش واخدين بالهم منها ،
وهي لما بيحصل مشكلة بينك وبين خطبيك ، بتعملي إيه ؟؟
بتحكيها لمامتك ؟؟
بتحكيها لمامته ؟؟
بتحكيها لأختك ؟
بتحكيها لأخته ؟؟
بتحكيها للعيلة كلها ؟
أو لعيلته كلها ؟؟
وخاصة لو كنتوا قرايب بقى يا سلاااااااام ،
بتحكيها لصاحبتك طيب ؟؟
عايزة أقولك حاجة ، الجواز ده شراكة بين اتنين ،
وأي شريكين بتحصل بينهم حاجات بتعوق أحيانا مسيرتهم مع بعض ،
بس بتكاتفهم مع بعض بيقدروا يتغلبوا عليها ، ويكملوا بنجاح ،
بس من أهم أسرار نجاحهم ، هو حفظ الأسرااااااااار ،
مش حلو خااااالص لما تتخانقي مع خطيبك ، وييجي تاني يوم يلاقي المشكلة كل الناس عرفاها ،
حتى لو هو غلطان ، عيب أوي لما ينزل من عين مامته أو مامتك ،
طبعا في استثناءات بتخرجك من القاعده دي ، بس أنا بتكلم في المجمل ،
كل حاجة بتتحل بالهدوء والتفكير والتروّي ،
اتفقنا ؟
يبقى اعرفي إن دي أسرار بينكم ما ينفعش تطلع برا ،
عشان لو اتعودتوا على كده من دلوأتي ،
هيبقى بكرا لما تتجوزوا إن شاء الله ، كل حاجة تحصل ما بينكم هتلاقيها برا ،
ودي حاجة مش كويسه خاااااااالص خااااالص .
ولو تعبانه أوي وعايزه تحكي لصاحبتك ، لازم تكوني متأكدة إنها أمينة وبتحبك وتتمنالك الخير ،

وتكون عاقلة فعلا تعرف تنصحك ،
عشان ما تخربش الدنيا عليكي ، وتيجي تندمي بعدين .
في نقطة كمان عايزة ألفت انتباهكم ليها ،
لو حصلت مشكلة _ لا قدّر الله _ ما بين خطيبك وبباكي ،
إوعي تيجي على بباكي قدام خطيبك أبداااااااا ،
حتى لو بباكي هو الغلطان ،
ده بباكي ، عارفه يعني إيه ؟؟
يعني إوعي تدي له الفرصة إنه ييجي في يوم يتطاول على بباكي بسببك ،
أيوا بسببك ، فاكرة مرة لما كنتي متعاطفة مع خطيبك على بباكي واتكلمتي عليه ؟؟
عايزة تعاتبي بباكي وتناقشيه يبقى بينك وبينه ، اتفقنا يا قمراية ؟كام نقطة كده يا بناويت ، عايزة ألفت انتباهكم ليها :
1. في فرق بين التقل والتطنيش ،
عشان ما تجيش فتوكة تجرب تتقل على خطيبها ويقولها انتي بتطنشيني ،
التقل إنك تتقلي عليه من غير قصد ، يعني إيه ؟؟
يعني يقولك انتي فين مش بتردي ليه ؟؟
تقولي له أصلي كنت بعيد عن التليفون ، أو ما سمعتوش ،
بينما التطنيش يبقى فاهم إنك طنشتي مكالمته عامدة ،
يقولك : ما اتصلتيش عليا ليه زي ما قولتي لي ؟
تقولي له ياااااااه نسيت معليش ،
مش تقولي له كنت بشوفك هتشتاق لي وللا لا ، أو كنت هتصل عليك بالليل .
يقولك ما دخلتيش ليه نت ؟؟
ياااااه معلش صاحبتي جات لي فجأة ، أو ماما كانت محتاجاني ضروري ،
مش ما كانش ليا مزاج ، أو مش لازم النهارده ، فهمتيني ؟؟
التطنيش يكون بمزاجك ، ومع سبق الإصرار والترصد هههههه ،
ودي طبعا حاجة تضايق جدااااا ،
لكن التقل ، ما يكونش بمزاجك ، بيبقى خارج عن إرادتك ، وأغلبه بيكون سببه الانشغال أو النسيان
المدح
في نوع من الرجاله بيحب المديح زي عينيه ،
يا سلاااااااام ، لما يحس إنك بتمدحيه وفخورة بيه ،
بيبقى مبسوط جدااااااااا ،
وتلاقيه لما يجيب لك هدية ، كل شويه يسألك إيه رأيك فيها ، ههههههههههههه
عشان تبيني له أد إيه كانت جميلة ، وتمدحيه ،
لما يعملك مفاجأة ، يفضل يسألك إيه شعورك ؟ لنفس السبب ،
النوع ده ، يبقى عليكي بيه ههههههههههه ،
من فترة للتانية ، إديله الجرعات اللي هيا ،
بدل ما تيجي واحده من برا وتسد عنده الفراغ ده اللي انتي مش واخده بالك منه ،اتفقنا ؟؟
أنا بلفت انتباهك للنقطة دي ، عشان تعرفي خطيبك من النوع ده وللا لا ،
على غرار المديح ،
هتيجي المسجات ،
هتلاقي في منهم ، بيفرح أوي بالرسايل اللي بتكتبيها انتي بإيديكي من قلبك ،
النوع ده مش بتهمه خااااالص المسجات المكتوبة الجاهزة ،
مش بيحس بيها أبدا زي اللي انتي بتكتبيها ،
جربي كده اكتبي له رسالة من تعبيرك وشوفي هيتبسط أد إيه إن شاء الله .
عليكي واحترام أهله ،
دي حاجة مهمة جداااااااا في حياته وحياتك انتي كمان ،
واصدقي النية مع ربنا ، وربنا هيعينك إن شاء الله حتى لو هم صعبين ،
هتتعبي شويه في البداية عشان تعرفي تكسبيهم ،
وادعي ادعي كتيييييير أوي ، وإن شاء الله ربنا هيهديهم لك ،
وما تنسيش إن أهله دول ، هيبقوا أهل عيالك إن شاء الله ،
هتبقى جدته وجده وعماته وأعمامه ،
يعني مش هتبقى حلوة لما ابنك يكبر ويلاقي مامته مش بتحب جدته أو العكس ،
كتير بينصحوا إن الرسمية مع أهل الزوج كويسه ، عشان مش بتسبب اختلاط كتير ومشاكل ،
لما يضايقوكي ويستفزوكي ، اسكتي واحتسبي الأجر جواكي عشان ربنا ثم لأجل خطيبك .
وعشان احترام الكبير ،
بس ما يبقاش سكوت ضعف أو سكوت استهزاء ،
لا سكوت عن الغلط يا قمراية ،
إحنا آه مؤدبين ومحترمين ، بس مش ضعفا ، صح ؟؟
بصوا يا حبايب قلبي ،
عايزة أنبهكم لحاجة مهمة جدااااااااااا ،
وهي ما تديش الأمان لخطيبك مع أي بنننننت حتى لو صاحبتك ،
هتقولي لي خطيبي محترم ومتدين ،
ودي صاحبة عمري وواثقة فيها ،
هقولك الشيطان بيزين المرأة في كل مكااااااان ،
وخطيبك يبقى راجل في النهاية ،
ما تسمحيش لأي احتكاك مباشر بين خطيبك وصحباتك ،
ولما تتجوزوا إن شاء الله ،
لو قدرتوا تفصلوا استقبال الرجاله عن الحريم يبقى تمااااااام ، وتطبيق لشريعة ربنا بعدم الاختلاط ،
لو ما قدرتوش ، يبقى ما تستقبليش اصحابك وجوزك موجود ،
وولا تسحي له يشاركم القعدة يا قمر .
اتفقنا ؟؟
نختم بقى يا كتاكيت بالطريق لقلب الراجل ، وهي إيييييه معدته طبعا ههههههههههه
عايزة أقولكم حاجة خفيفة لاحظتها ،
الراجل بيتبسط أوي لما ييجي عندكم البيت ، ويلاقيكي عامله حاجة مخصوص عشانه ،
ويا سلام بقى لو انتي ما بتعرفيش تطبخي ، بس بتتعلمي فيه ههههههههههه ،
بهزر ، ده هيفرحه لأكتر طبعا ، لأنه بيتبسط إنك بتحاولي وتعملي عشانه ،
وإن في منك أمل ، هههههههههههه ، بهزر برضو .
أنا لما كان خطيبي بييجي عندنا كنت بعمله حاجات ، كان بيتبسط أووووي ،
وبعدين اكتشفت إنه بيقول لخالته _ اللي هي ماهرة جدااااااااااا ونفسها حلو أوي في الطبخ _
بيقولها فرح بتعمل أكل أحلى منك ههههههههههه
مع إنه بيني وبينكوا هو مش أحلى منها ولا حاجة ، وهو ذيق وفاهم كويس ،
بس فرحان وعايز يعرف الناس كلها إن خطيبته بتعرف تعمل أكل ، وبتعمله حلو كمان .
خليه يكتشف فيكي ميزات حلوة يا جميلة ،
يللا ماحنا كده كده ، كلنا لها لما نتجوز مش باختيارنا غصب عننا كمان هههههههههه .
كده أنا خلصت موضوعي يا بنات ،
فرحانه جدااا إنه عجبكم كلكم الحمد لله ، واستفدتوا منه كلكم ،

ازاى اخلى خطيبى يهتم بيا,كيف تجعلين خطيبك يحبك ويحترمك,كيف اجعل حبيبي يحبني ولا يستغني عني








الكلمات الدلالية (Tags)
ايلي, اجعل, ازاى, بيا, تجعلين, حبيبي, يحبني, يحبك, يستغني, يهبل, خطيبي, خطيبك, عند, ولا, ويحترمك, كيف

أدوات الموضوع

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
كيف تجعلين زوجك يحبك بجنون في الفراش,كيف تجعلين زوجك يحبك,كيف تجعلين زوجك يعشقك ويعشق جسدك قمر الزمان معاملة الازواج 0 01-08-2019 03:06 AM
تعالوا شوفوا حبيبى جبلى ايه فى العيد2018,تعالو شوفو خطيبى جبلى اية بسرعة The Princess صور x صور 5 09-23-2018 12:10 AM
كيف تجعلين زوجك يحبك بجنون. ازاى اخلى جوزى يموت عليا 2018 كبرياء انثى معاملة الازواج 4 05-27-2018 05:38 PM
كيف تجعلين الرجل يحبك من كلامك،كيف تجعلين الرجل يحبك ويتعلق بك،كيف اجعل حبيبي يحبني لحد الجنون ساليسيا مشاكل وحلول المخطوبات الازواج 2 04-20-2018 06:11 PM
كيف اخلي زوجي يعشقني,ازاى اخلي زوجي يحبني ويسمع كلامي,شوية وصايا لك ليحبك زوجك Hekayat Banat معاملة الازواج 3 04-05-2018 01:54 PM


الساعة الآن 02:36 PM.


Powered by vBulletin Version 3.8.8 Alpha 1
Copyright ©2000 - 2024, Jelsoft Enterprises Ltd Trans
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd.

خيارات الاستايل

  • عام
  • اللون الأول
  • اللون الثاني
  • الخط الصغير
  • اخر مشاركة
  • لون الروابط
إرجاع خيارات الاستايل