Warning: Division by zero in [path]/includes/class_postbit.php(294) : eval()'d code on line 80

Warning: Division by zero in [path]/includes/class_postbit.php(294) : eval()'d code on line 80
بوصلة حياة المرأة,هدفك أيه في الحياة - منتدي عالمك
للنساء فقط

قاعدة ستات عامة

مناقشات المتعلقة بالمرأة,قاعدة ستات للحوارات الجاده والهادفه,قاعده ستات مفروسه,مشاطرة الاحزان,مناسبات سعيده,أشياء تحدث في قاعدة الستات لا يستطيع الرجال فهمها,ستات حلوة,حقوق المرأة في المجتمع

نسخ رابط الموضوع
https://vb.3almc.com/showthread.php?t=657
2887 2
02-16-2018
#1  

Icon453بوصلة حياة المرأة,هدفك أيه في الحياة




#بوصلة_حياة_المرأة

علشان تتأكدي إن بوصلة تفكيرك في الاتجاه الصح اسألي نفسك ا
ايه هدفي في الحياة؟
ليه عاوزه أشتغل؟
ليه بشعر بإنعدام القيمة لإني مش بشتغل ؟

ياريت منكملش قراءة غير لما نجاوب على الأسئلة اللي فاتت.

بعد ما جاوبنا على الأسئلة دي عاوزه أقولك حاجة مهمة جدا:
عارفة ليه حرقة القلب اللي بتحسي بيها وأنت بيتقال عنك ربة بيت، ووأنت مش بتشتغلي؟
لإنك حاطة عينك على الهدف مش الغاية

في فرق كبير بين الهدف والغاية

الهدف مثلا
إني عاوزة أدخل كلية معينة..مجرد ما دخلت الكلية فرحت وبعد فترة انتهت الفرحة ونشوة النجاح.
الهدف إني أدخر مبلغ مثلا يشعرني بالأمان في ظل ظروف حياتية ممكن أكون عايشة فيها بتشعرني بانعدام الأمان.
أدخرت المبلغ وفرحت وانتهت لذه الوصول للهدف .

لكن ايه هي الغاية؟
الغاية ببساطة حاجة مش بتنتهي لحد أخر يوم في عمرنا.
الغاية هي الحاجة اللي لما بتكون مش موجودة صح في حياتنا بيبقا عندنا إحساس بالفشل والضياع وإنعدام القيمة.. وده الإحساس اللي معظمكم عبر عنه لما تحاورنا في أول محاضرة.


بوصلة حياة المرأة,هدفك أيه في الحياة

على فكرة أنا حاسة بيكم جدا لإن أنا كنت في يوم من الأيام زيكم.

كان عندي الإحساس ده.. طول عمري بحب الشغل وليا هدف إني أشتغل في مجال معين.
الفكرة بعد الزواج أصبح صعب الوصول ليها بل مستحيل كمان.

مع الوقت بدأت فكرة الشغل تقل سيطرتها عليَّ بسبب وجود أولويات أهم (أطفالي) بس برضه وصلت للمرحلة نفسها اللي العضوات قالوا عنها: مفيش مشكلة نقعد في البيت بس نقعد بمزاجنا ومنحسش إننا مجبرين.


بوصلة حياة المرأة,هدفك أيه في الحياة

عارفة إن إحساس إنك مجبرة على شيء إحساس مميت وممكن يعمل مشاكل زوجية احيانا،أو كبت داخلي وصمت عشان الدنيا تعدي أحيانا بس كل ده مش هيتظبط غير بحاجتين:

1- إنك تعدلي بوصلة تفكيرك بخصوص الهدف والغاية.

2- إنك تتفهمي وجهة نظر الطرف التاني ومتبصيش للموضوع على إنه كبت وقهر ولكن تتفهمي إنه حب وخوف عليك في ظل واقع العمل المُزري اللي مجتمعاتنا فيه حاليا.. بس للأسف التفهم ده مش بنوصل ليه غير بعد سنوات النضج.


بوصلة حياة المرأة,هدفك أيه في الحياة

ده يرجعنا لتعريف الغاية

الغاية حاجة مش بتنتهي يعنى كإنَّه هدف مستمر في الزمن وده التعريف المتداول ليه
بس أنا ليا تعريف تاني وهو إن الغاية هدف مستمر حتى بعد اخر يوم في عمرك.

الغاية عند المسلم الوصول لرضا الله عز وجل وترك اثر ليه بعد رحيله يكون سبب في دخوله جنة الفردوس والوصول للسعادة الأبدية

يبقا المفترض إني أسخر كل اهدافي للغاية دي.

لما نعدل بوصلة نيتنا مش هيفرق معايا إني أكون ربة بيت ولا دكتورة لإن نيتي مش الناس تتكلم عني حلو وتنظر لي نظرة تقدير عشان وظيفتي ولكن نيتي إني يكون ليا دور في الحياة سواء كنت دكتورة أو مدرسة أو ربة منزل.. يعنى هكون دكتورة عشان الغاية.


بوصلة حياة المرأة,هدفك أيه في الحياة

طيب حد هيقولي ما احنا لينا حق نشتغل ونفرح بشغلنا
أنا مش معترضة ومش بقولك متشتغليش

أنا بقولك إن إحساسك بقيمتك مش سببه الشغل لإني شفت كتير منهم الدكاترة والمهندسين ومنهم اللي في مراكز كبيرة ومديرات واحساس الشعور بانعدام القيمة عندهم عالي جدا.

يعنى أنت ممكن برضه تشتغلي ومازلت بتحسي بانعدام القيمة وعدم التقدير الذاتي
عارفه ليه؟
لإن عينك مش على الغاية ..بوصلتك في اتجاه غلط

السبب التاني إن تقديرك لذاتك بتاخديه من كلام الاخرين عنك
وده اللي بيوقعنا في فخ الشعور بالدونية وانعدام القيمة.


بوصلة حياة المرأة,هدفك أيه في الحياة

فرق بين إني أكون عاوزة اشتغل عشان صحبتي اصبحت دكتورة وبنت عمي مهندسة وجارتي مدرسة وبين إني عاوزة أشتغل عشان عاوزه أسيب أثر ينفعني بعد رحيلي عن الحياة الاثر اللي كل ما بعمله واشوف تأثيره على الناس بحس باني فخورة بذاتي..

اني مش منتظرة كلمة من حد ترفعنى لفوق ولما يتقال عكسها أنزل لسابع أرض.


أنا لما عدلت بوصلة تفكيري من كام سنة وصلت للمرحلة دي.
إني قاعدة في البيت برغبتي لإني مبقتش أشعر بقيمتي أبدا من خلال الشغل ولكن من خلال أثري

أنا بعد فترة اشتغلت بالفعل بفضل الله في مجال بحبه ومفيهوش اختلاط ويرضا الزوج وتشجيع منه لإنه مجال مفيهوش حاجة ممكن تسبب لي مضايقات، ومجال ده كن بيرضيني جدا وكنت لاقيه فيه نفسي جدا جدا كمان بس بعد فترة قعدت بنفسي واصحاب المكان حاولوا يرجعوني أكتر من مرة.

واتعرض عليا الشغل في مكان تاني يحقق ليا رضايا عن نفسي وبفلوس كتير الحمد لله بس انا رفضت ومطرحتش الفكرة أصلا للتفكير في ذهنى أو للنقاش.

عشان أنا عدلت بوصلة تفكيري
بصيت للغاية الكبرى
للهدف المستمر في حياتي وما بعد حياتي
سألت نفسي:
هو الشغل ده هيوصلني للغاية اللي عاوزاها ولا لأ ولو هيوصلني هل في حاجة توصلني أفضل منه وتتناسب مع أولوياتي في الحياة، ومتأثرش على بيتى وأولادي؟
ووقتها لما جاوبت بصدق على السؤال قدرت أحط أقدامي على الطريق الصح.. أنت كمان لما هتفكري في الموضوع بشكل أكثر موضوعية، هتتضح لك حاجات كتير أوي كانت مختفية عنك.
رضا الجنيدي

#بوصلة_حياة_المرأة

كلنا راحلون ويبقى الأثر.. فلنترك أثرا قبل الرحيل.






02-19-2018
#2  

افتراضيرد: بوصلة حياة المرأة,هدفك أيه في الحياة

روووووووووعه



04-21-2018
#3  

افتراضيرد: بوصلة حياة المرأة,هدفك أيه في الحياة

السلام عليكم و رحمة الله تعالى و بركاته
مشكورة موضوع كله روعة تسلمي و يسلم دوقك
و جزاكى الله خيرا



اظهار التوقيع
توقيع
فخامة ملكة
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))


صدق الله العظيم ، و هل أصدق من الله قيلا

استغفر الله العلي العضيم من كل دنب عضيم اللهم اغفر لي و لوالدي
اللهم امين و لكل شخص قالها بالمتل

http://mp3qurany.com/mp3.php?Quran=1




الكلمات الدلالية (Tags)
أيه, المرأة, الحجاب, بوصلة, حياة, في, هدفك

أدوات الموضوع

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
قصة جحا،من اي البلاد اصل جحا،هل جحا شخصية حقيقية ام خيال،حياة جحا الحقيقية فريده شخصيات وأحداث تاريخية 3 09-02-2018 03:20 PM
فتاوى النساء,احكام النساء,استئذان المرأة من وليها فيما تريد فعله بين اللزوم وعدمه موجوع قلبى فتاوى وفقه المرأة المسلمة 3 08-29-2018 07:46 PM
أنت مش وظيفة بتتعرفي بيها,بوصلة حياة المرأة همسة حنين قاعدة ستات عامة 2 04-21-2018 06:04 PM
عيشى حياتك،الحياة الجميلة، سر الحياة،الحياة السعيدة 2018 فريده أسرار بنات - سن المراهقة 3 04-17-2018 10:14 PM
عدسات لاصقة لقياس سكر الدم, تكنولوجيا حديثة ستغير حياة المرضى موجوع قلبى عيادة الاسرة 3 03-25-2018 04:58 PM


الساعة الآن 05:12 PM.


Powered by vBulletin Version 3.8.8 Alpha 1
Copyright ©2000 - 2024, Jelsoft Enterprises Ltd Trans
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd.

خيارات الاستايل

  • عام
  • اللون الأول
  • اللون الثاني
  • الخط الصغير
  • اخر مشاركة
  • لون الروابط
إرجاع خيارات الاستايل