Warning: Division by zero in [path]/includes/class_postbit.php(294) : eval()'d code on line 80

Warning: Division by zero in [path]/includes/class_postbit.php(294) : eval()'d code on line 80
تجربتي في الحمل في توام ، مصاعب حملى في توام - منتدي عالمك
للنساء فقط

مرحلة الحمل والولادة

كيف الولاده الطبيعيه للبكر,مراحل الولادة القيصرية,مراحل الطلق,انجاب الاطفال,ازاى تعرفى ان دى اعراض الولاده,طرق علاج العقم,ارشادات ونصائح هامه.

نسخ رابط الموضوع
https://vb.3almc.com/showthread.php?t=12672
1766 1
03-19-2019
#1  

1990 1164038134تجربتي في الحمل في توام ، مصاعب حملى في توام


تجربتي في الحمل في توام ، مصاعب حملى في توام
الحمل شئ بتستناه كل انثي بعد الجواز وخاصة إذا كانت عيله زوجها من محبى الاطفال
انا هكلمكم انهارده عن حملة في التوأم والمصاعب والمشكلات اللي مريت بيها
تجربتي في الحمل في توام ، مصاعب حملى في توام
انا اتجوزت وبعد شهرين عرفت عن حملى اما العاده الشهريه اتاخرت اشتريت اختبار الحمل من الصيدلية وعملت بيه التحليل وطلع إيجابي
طبعا اول إجراء خدناه مش انا حقيقة ده زوجى العزيز رحنا للدكتوره وكانت المفاجأة أو الصدمه لحد دلوقتي مش عارفه صراحه
قالت انى حامل وفي 3 اسابيع تمام وان حجم الجنين كويس وبعدين سكتت وشويه وهى لسه مشغله الجهاز السونار سالتنى انتو في حد في العائله عندكوا مخلف توام قبل كده قلتلها اه مامه زوجى ، واخت والدتى
سكتت شويه وقالت أنى انا حامل في توام وان الجنين التانى صغير جدا ومش باين اساسا
كتبتلى طبعا على مثبت للحمل لمده 3 شهور صراحه مش فاكره اسمه
وقالتلى ماتحركش كتير بسبب أن الجنين التانى ضعيف وانى اتابع معاها كل شهر مع رقم تلفيونها طبعا في حالة الطوارئ
تجربتي في الحمل في توام ، مصاعب حملى في توام
عدى شهرين وكله كان تمام النوم الكتير في الشهر التنى ودخول الحمام كل شويه كان شئ عادى مع انتظامى في الوجبات بدل 3 وجبات بقوا 4
في اول الشهر التانى القئ ده كان شئ اساسي معايا لان معدتى كانت حساسة في الأساس القئ مش بس الصبح لا في اي وقت وزاد معايا في الشهور الأخيرة اكتر
الشهر التالت ابتدى الوحم ايون حاجه كده مش عارفه لها وصف بتشتهى حاجات غريبه ، والغريب انك بتبقي شامه ريحه الحاجه
انا اتوحمت على حاجات غريبه
الخوخ ، والمشمش ، كان طبيعي اللي مش طبيعي بقي الملوحه ، دى ايه دى ، ده سمك السردين المخلل ، المملح ، زى الفسيخ كده دورنا عليه فتره طويله
تجربتي في الحمل في توام ، مصاعب حملى في توام
اخر الشهر التالت نزلت السوبر ماركت واشتريت حاجات كتير وشلتها وطلعت السلم زى الشاطره ومش اقعد لا فضلت اتحرك وانضف الشقه
اخر اليوم المغرب حسيت بالتعب ووجع في اسفل الظهر
نمت ساعه قلت ارتاح عقبال ما جوزى يرجع
صحيت على الموضوع شديد وعندى نزيف رحت للدكتورة ، كتبتلى علاج وراحه طبعا لان الجنين كان نازل تحت أسبوع في السرير من غير حركة
تجربتي في الحمل في توام ، مصاعب حملى في توام
الشهور الباقيه عدت على خير لحد الشهر السادس
كان ابتدى معايا طلق مبكر واضريت اخد علاج لتخفيف الطلق ده غير
آلام الظهر والبطن ده شئ كان مستمر على طول اللي زاد عليه اول الشهر السادس الحموضه
مع علاج الكالسيوم والحديد ، و6 وجبات في اليوم نظرا لأن المعده صغيره بسبب الضغط عليها لو كنت شربت كوب حليب هحس أنى معدتى مليانه ومش هعرف اعرف اكل اى حاجه تانيه
ومع المتابعة مع الدكتور طبعا كل الاغراض ليها علاج والحمد لله كان جسمى من النوع اللي بيستجيب للعلاج
اول الشهر السابع عملت مجهود كنت بقف كتير واتحرك بسبب ظروف وحصل أن ماء الجنين بدأ يتسرب مع العلاج والراحة التامة الموضوع عدى على خير
قله النوم حاجه أساسية بسبب حركة الجنين والتعب والاجهاد مع قله الاكل اعتمدت على السوائل اكتر بسبب القئ اللي زاد وكمان مكنتش عاوزة اكل الشهيه كانت معدومه
تجربتي في الحمل في توام ، مصاعب حملى في توام
الشهر التامن كان اسوء شهر
من ضمن الشهور معدتى كبرت جدا جدا لدرجه أنى الجلد نفسه بقي يفتح وينزف ومع اخر اسبوع في الشهر الثامن رجليا ورمت جدا ، اعصاب جسمى ثابت مكنتش بقدر اقف ولا اشيل اى حاجه ، لازم انام بمساعدة واقعد بمساعده ، التنميل في أيدي ورجلي زاد ، والتشققات اللي في جلد معدتى كبرت ، ورحت لاكتر من دكتور وكلهم قالو في اول الشهر التاسع لازم تولدى جلدك مشدود جدا وبدأ يفتح وينزف واحتمال الرحم مش يستحمل مع حقن منشطه وكل الدكاتره اجتمعوا أنى هولد بعد اسبوع من الشهر التاسع قيصرى
مع زغلله العين والضغط العالى، والسكر العالي ، كمان كله كان صعب ، وسيوله في الدم الموضوع كان موت بالنسبة ليا
بابا الله يرحمه رفض القيصرى وجوزى كمان والموضوع كان موت بالنسبة ليا
تجربتي في الحمل في توام ، مصاعب حملى في توام
بعد 10 ايام في الشهر التاسع الصبح الساعه 6 يوم الخميس صحيت وحاسه أنى عاوزه حمام والحقيقة مطلعش حمام لانى اول ما اختى قومتنى من على السرير ومشيت خطوتين حسيت انى في نيا كتير جدا نازله وساعتها انا فعلا مش فاكره من الصدمه انا عملت ايه ما فقتش الا وانا في العربيه مع بابا وماما من كتر الخوف

الدكتور بتاعى اللي المفروض هولد معاه قافل التليفون وماعرفناش نروح غير مستشفى الولادة متخصصة للولاده بس ايه مش هكي عن تجربه المستشفى لأنها بصراحه زى الزفت
من 6 الصبح لحد 3 ونص العصر مع طلق وتعب وعياط وفي الاخر دخلت الولادة ولدت طبيعي
والحمد لله خرجو الاتنين سلام اخر فاكراها الدكتورة بتقولى انتى اول واحده تخاف على ولادها اكتر من نفسها لان الجنين التانى مكنش راضي ينزل وكانوا هيستخدموا الشفاط وانا رفضت واتحملت لحد ما اتولد

تجربتي في الحمل في توام ، مصاعب حملى في توام
وبعد كده قلت للدكتور الله يخليك نفسي انام ضحك وقالي هتنامى ماتقلقيش وما حستش بحاجة بعد كده
انا فضلت في العنايه المركزه من 4 العصر لحد 1 بالليل بسبب النزيف ، غيرى ولد وخرج من العمليات والكل بدأ يقلق وبداو يسألوا مخرجتش ليه ، فقت وانتقلت من العناية
الصعب في الموضوع أنى كنت مش عارفه اقعد من الجرح نهائي وكان في حاجه بتشكنى من جوه وكنت فعلا تعبانه
وتانى يوم الصبح الدكتورة جت تكشف وعرفت أنه كان فيه فتيل لمنع النزيف الفتيل بقي عباره عن سلك طويل ملفوف عليه قطن بيتحط لحد الرحم جوا لمنع النزيف وطبعا بعد نزعه عرفت اتحرك وارضع اولادى خرجت في نفس اليوم بالليل الحمد لله

تجربتي في الحمل في توام ، مصاعب حملى في توام



اظهار التوقيع
توقيع
همسة حنين
الحمدلله دائما وابدا





03-23-2019
#2  

افتراضيرد: تجربتي في الحمل في توام ، مصاعب حملى في توام

بارك الله فيكي غاليتي



اظهار التوقيع
توقيع
فخامة ملكة
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))


صدق الله العظيم ، و هل أصدق من الله قيلا

استغفر الله العلي العضيم من كل دنب عضيم اللهم اغفر لي و لوالدي
اللهم امين و لكل شخص قالها بالمتل

http://mp3qurany.com/mp3.php?Quran=1




الكلمات الدلالية (Tags)
مصاعب, الحمل, تجربتي, توام, حلمى, في, ،

أدوات الموضوع

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
,الحمل في الشهر الثاني وأعراضه,كيف تنام الحامل في الشهر الثاني موجوع قلبى مرحلة الحمل والولادة 0 01-11-2019 01:45 AM
البدء بإعادة بناء جامع النوري والحدباء في الموصل ساحرة الشرق الاخبار - News 0 12-16-2018 05:00 PM
مدة اضاءة حوض السمك,كيف اجعل ماء حوض السمك صافي,هل تنام اسماك الزينة,مدة تشغيل فلتر حوض السمك فريده عالم البحار والاسماك 1 10-10-2018 03:17 AM
صلاح في مدرجات ليفربول.. طلب واحد و"ثناء معتاد" همس الوجود اخبار الرياضة 4 09-22-2018 08:13 PM
تعرف على السورة التى لو قرأتها تنام بعد ثانية واحدة,تعرف علي الطريقة التي تفعلها تنام بعد ثانية ساليسيا صوتيات ومرئيات إسلامية 4 08-31-2018 09:50 PM


الساعة الآن 04:19 AM.


Powered by vBulletin Version 3.8.8 Alpha 1
Copyright ©2000 - 2024, Jelsoft Enterprises Ltd Trans
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd.

خيارات الاستايل

  • عام
  • اللون الأول
  • اللون الثاني
  • الخط الصغير
  • اخر مشاركة
  • لون الروابط
إرجاع خيارات الاستايل