Warning: Division by zero in [path]/includes/class_postbit.php(294) : eval()'d code on line 80
طريقة عمل السوشي في البيت بأسهل وأبسط التكاليف، طريقة عمل السوشي الياباني الأصلي - منتدي عالمك
للنساء فقط

أكلات وأطباق من عالمك

اكلات متنوعه عربيه وأجنبيه مترجمة , وصفات الاكلات وطرق عملها , تعليم فنون الطبخ , نصائح وخبرات لستات البيوت , استشارات مطبخيه عاجله , أكلات مصوره حصرية على عالمك

نسخ رابط الموضوع
https://vb.3almc.com/showthread.php?t=21182
2745 0
07-11-2020
#1  

06طريقة عمل السوشي في البيت بأسهل وأبسط التكاليف، طريقة عمل السوشي الياباني الأصلي


لقد فعلتها أخيراً
السوشي
طريقة عمل السوشي بالأرز المصري

بس بصوا يا جماعة مكدبش عليكوا هو كان يوم أغبر ، بس هو يستحق في الاخر ،،

وقفته كتيرة علشان تحضيراته في الأول بس بمجرد مابتبتدي في مرحلة اللف ، الدنيا بتخلص.
هو بس أنا كل خوفي إنه يكون عجب جوزي اوي فميرضاش اننا ناكله من برة تآني ،
يارب مايكونش وصل للدرجة دي
لو في أي سؤال والله ما تعملوا تكليف ، اتفضلوا
الطريقة :
الخطوات

+ ورق النوري (كل إللي في الصور ده من باكت واحدة فيها 10)
+ أول حاجه الرز ، في رز السوشي بيتباع بس بصراحه انا ماجبتوش أنا عملت بالرز المصري

بتاعنا (رز الضحي) عملت كيلو ، هو بس سخافته إنك بتقعدي تغسلي فيه لغاية ما النشا
إللي فيه يروح والمية بتاعته تبقي شفافة خالص ، بس أهم حاجة إنك تكوني معايرة الكيلو
ده عندك عامل كام كوبايه ، وبعدين تحطيه في حلة وعلي كل كوباية رز كوباية ميه
وتحطي المية باردة من الحنفية عادي وتولعي النار
واول لما يبتدي يبقي في فقاقيع تنقليه علي طول علي نار واطيه
وتغطيه ويستوي زي الرز بتاعنا وتسيبيه يستوي لمدة ربع ساعة
ولما تقفلي النار تسيبيه متغطي لمدة ربع ساعة تآني وبعدين تفتحي عليه وتحطي يا إما ال seasoning Rice وده بيتباع جاهز ،
يا إما وده إللي أنا عملته تحطي عليه كوباية خل رز و3 معالق سكر وتحطيهم في حلة صغنتوطة
علي النار علي نار واطيه (إحنا كل هدفنا بس إن السكر يدوب لكن ما تخليهوش يغلي وبعد دوبان السكر تحطي معلقة كبيره ملح)
وتدوبيه برضه وبعدين تشيليه من علي النار ويفضل إنه يبرد قبل ما تحطيه علي الرز
فممكن تعمليه قبل الرز وتسيبي الرز يبرد بعد ما تقلبيه كويس جدا بخليط الخل
+انا قطعت في الأول *جزر شرايح رفيعة
*خيار شرايح رفيعه بس تشيل منه البذر بتاعه
*افوكادو شرايح رفيعة
+جبت الجمبري متقشر طبعا ويفضل مايكونش مفتوح من الضهر

بس متشال منه كيس الرمل وتعملي فيه كدة كذا خط كدة بالسكينة
علشان الجمبرياية تتفرد معاكي وحطيته في عجينة ال tempura ده دقيق إسمه كدة ولو مش موجود
(ممكن تحطوا دقيق ، بيكنج باودر ، ملح)
وتحطوله مية وتبقي زي عجينة سايلة كدة ونحط فيها الجمبري ،
ممكن تكتفوا بكدة وعلي الزيت أو ممكن خطوة كمان انكم بعد التمبورا
تحطوه في panko bread أو البقسماط المطحون العادي وتحمروه في الزيت
(ده كدة حشوة)
+وأنا جبت صوابع الكابوريا وطحنتها في الكبة وحطيت عليها حبة صغيرة اوي من الهوت صوص علشان بس مابحبش الحراق وحبة كاتشب ومعلقة مايونيز وقلبتهم (دي كدة حشوة)
+وجبت بلوك كدة تونة مدخنة قطعت حبة شرايح علشان احطها من فوق وحبة قطع

مربعة علشان احشيها من جوة
+وجبت سلمون متقطع شرايح

(بس لو كنت جبت قطعة سلمون بلوك يعني كنت هقطعها مكعبات للحشو
برضه وكنت هتبلها حبة صغيرة زيت عادي أو زيت سبايسي للي يحب وزيت سمسم)
+ جبت سمسم اسود كمان بس ده إضافة من عندي بس مش لازم

وحطيت كله قدامي في اطباق
وحطيت الرول الخشب اللي هلف بيها في كيس من الزيب لوك

علشان ماتتوسخش وتبقي سهلة في التنضيف
خطوات اللف بقي

إنك تحطي الأول طبق في مية ولازم تبلي أيدك الأول قبل الرز ، افردي الرول الخشب
اللي في الكيس الأول وعليه ورقة نوري وبلي أيدك وخدي كبشة قد كف أيدك رز
وافرديها بصوابعك كدة علي ورقة النوري وحطي الحشوة إللي تحبيها علي الربع الاخير
إللي تحت وبعدين خلي صوابعك تدخل الحشوة جوة وفي نفس الوقت
آنتي بتلفي النوري بالرول وتضغطي ضغط خفيف ولفي واضغطي ضغط خفيف
لغاية ما تلفي الرول كله وقطعي علي حسب السُمك إللي تحبيه ده كدة رول
هيبقي ورق النوري هو إللي فوق رول تآني لما تفرشي عليه الرز بالخطوات
إللي فوق اقلبيها وخلي الرز هو إللي تحت وماتخافيش الرز
مش هيقع بس ما يجيش عليه مية علشان مايفكش من النورى واحشي برضه
بالي آنتي عايزاه
أنا عايزه اقولكوا إنه بجد كل إللي في الصور ده من باكت واحد من ورق النوري
(الباكت في 10) وعملت منه طلع فوق ال 100 واحدة ، انتوا متخيلين إحنا ممكن نعمل
اد ايه ومش هيكلفنا مرة واحدة من برة اضعاف العدد ،
بجد هو آه خطواته كتير بس يستاهل فعلا ،
انا كدة تقريبا قلت كل حاجه ويارب ماكونش نسيت حاجة
طريقة عمل السوشي في البيت بأسهل وأبسط التكاليف، طريقة عمل السوشي الياباني الأصلي

طريقة عمل السوشي في البيت بأسهل وأبسط التكاليف، طريقة عمل السوشي الياباني الأصلي

طريقة عمل السوشي في البيت بأسهل وأبسط التكاليف، طريقة عمل السوشي الياباني الأصلي

طريقة عمل السوشي في البيت بأسهل وأبسط التكاليف، طريقة عمل السوشي الياباني الأصلي








الكلمات الدلالية (Tags)
الأصلي, البيت, التكاليف،, الياباني, السوشي, بأسهل, عمل, في, وأبسط, طريقة

أدوات الموضوع

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
عملت اطعم واسهل سوشي لعاشقين السوشي،من المطبخ الياباني (صنع السّوشي وطريقة لفه) همس الوجود أكلات وأطباق من عالمك 0 02-27-2020 03:27 PM
طريقة عمل البسطرمة في البيت مثل الجاهزة ،تحضير البسطرمة في البيت بأسهل الطرق،وصفة البسطرمة البيتي ساحرة الجنوب أكلات وأطباق رئيسية 0 07-28-2019 07:29 PM
كيف تأكل وتطلب السوشي في المطعم البنت شادو وصفات أكلات يوتيوب youtube 7 04-21-2019 02:11 AM
السوشي بالسلمون اللايت , طريقة عمل السوشي بالسلمون اللايت ساحرة الجنوب أكلات وأطباق رئيسية 1 04-19-2019 04:43 AM
بالصور وجبة سوشي,اكلة السوشي2019,صور عن السوشي,افكار روعه السوشي الياباني ساليسيا صور اكلات 0 12-12-2018 05:45 PM


الساعة الآن 04:09 PM.


Powered by vBulletin Version 3.8.8 Alpha 1
Copyright ©2000 - 2024, Jelsoft Enterprises Ltd Trans
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd.

خيارات الاستايل

  • عام
  • اللون الأول
  • اللون الثاني
  • الخط الصغير
  • اخر مشاركة
  • لون الروابط
إرجاع خيارات الاستايل