- مطبخ عالمك
- ازياء موضة واناقة
- الرشاقة والرجيم
- صور
- رعاية الام والطفل
- الأعمال والاشغال اليدوية
للنساء فقط
قصص - حكايات - روايات
صورة اجمل امراة في العالم بدون مكياج ,قصص محزنه,اغرب القصص قصص الصحابة,قصه رعب,الفندق المسكون قصه رعب طويله,روايات للاطفال,قصص دينية,القصص والروايات ,حكايات قصص وروايات,مكتبة القصص,قصص و روايات حب,قصة رائعة عن الصداقة ابكت كل من قرأها, قصص حقيقيه,قصص الانبياء,قصص وروايات كامله,اجمل القصص اروع القصص,القصص العربية,قصص اطفال,قصص طويله,قصص مخيفه,قصص الوفاء,قصص وروايات غرام,قصص عجيبه,قصص وروايات واقعيه, مواقع قصص ورويات,روايات وقصص رومانسية,منتديات قصص,قصص مضحكة ,روايات وقصص عالمية,قصص وروايات قصيره .
نسخ رابط الموضوع
https://vb.3almc.com/showthread.php?t=7370
#55
~{ مديرة بنك المعرفة والثقافة }~
رد: رواية بلهجة ليبية بعنوان " مشاعر مطرطشة " للكاتب ديندار الوحيشي
#مشاعر_مطرطشة
بداية الموسم الرابع
الحلقة 52
بعد مرور 5 اشهور
كانت ام العقرب مريضة وكل مرة شايلها لمستشفى العقرب
وديما نرمين وفاطمة يقعدن امعاها بالتناوب
كل مرة تقعد امعاها وحدة فيهن
,,,
العقرب قرّر ان يقعد في الغرفة الامنية امتاع بنغازي
هو وفارس ومروان
ولؤي يخدم في المركز الاعلامي
امتاع الغرفة الامنية بنغازي
,,,,
رحاب قعدت صديقة وانتيمة نرمين
ونرمين نقصت واجد من وزنها
وفرحانة عشان رحاب قعدت جنبها
وامعاها لعند ما انقصت
,,,,,,
بشير ضمن مقعد في البرلمان
وعمران قعد جنبه واذراعه اليميين كالعادة
,,,,,
في اتصالات والووو مرة مرة بين
العقرب ومايا الفترة اللي فاتت ,,,
لكن الفترة الاخيرة معش قعد يرن عليها
الا كان هي اترن عليه
وفي الحلقات القادمة حنعرووف شن صار
امعاهم من اجواء في الخمس اشهوور اللي فاتن
,,,,,
العقرب في العشية كان قاعد قدام الكرنيش ابروووحه
ويحكي للبحر وكانت الريح قوووية والبحر هايج
العقرب : مش عارف شن اندير
زعمك في شعور اتجاه مايا ولا عشان خطّرت عليا بحنين بس
ولّا اريج اللي امصبية مع امي ديما
خايف نظلم روحي
اول مرة نقعد دايخ مش عارف شن اندير
ياريتك حيّة ياحنين خلتيني هكّي ,,,
الحب عرفته امعاك انتي بس
توا معش عرفت شن الشعور اللي انحس بي اتجاهن
,,,,,,
مايا قاعدة في الشركة امتاعها
وتحكي مع روحها
" كنت انا والعقرب امورنا تمام
مش عارف توا شن صارله
لازم انرن عليه انا مش يهدرز
زعمك امزعلته في حاجة انا
ولا شن صار بالزبط ,,
تقريبا كنّا من قبل
نتصلوو بعضنا عادي
ومتحشمة نسألة عليش متغير عليا "
,,,,,,
وصل للحوووش العقرب لقى اخته نرمين قاعدة مع امّه
نرمين : اهووو العقرب جا ياماما
ام مازن : انست يا اعويناتي
العقرب مسك يدّها وحب علي يدّها وراسها
مازن : خلاص هانت يا امي بعد فرح مروان
حنشيلك لاحسن مستشفى في اي مكان في العالم
,, ننهوو قصة زفة مروان
توو انسافر بيك برة ليبيا
نمشوو لتونس لمصر لاي دولة
اهم شي انعالجوووك ياغلايا
ام العقرب : مدام انتوو تلايا انا نعتبر روحي تمام
اهم شي لو مثلا صارلي شي
رد بالك علي خواتك ورد بالك تنساهن
العقرب : شن هالكلام يا امي
نرمين : بعد عمر طويل ان شاء الله
ام العقرب : نطلب منك طلب يا مازن
العقرب : تي انا افداك يا امي اطلبي شن
ام العقرب : اريج اسال عليها حتى خواتك
لو تبي ارضايا صح خووذ اريج
اكثر وحدة قعدت امعايا وصبّت جنبي
اكثر منكم حتى انتم
مش معناها انلووم فيكم
عرفتكم بضرووفكم
لكن البنت هذي تستاهل كل خير
العقرب بحّت في نرمين
نرمّين حركتله حواجبها
العقرب : حنحكوو في الموضوع هذا يا امي حاضر
اهم شي اتصحّي واتردي غزالة نفس قبل
كلمّت الجماعة يجروولك عالجواز الالكترووني
باذن الله اسبووع بالكامل يقعد واتي
وخلاص اسبوع هكي يقعد الفرح كامل امتاع مروان
ونمشوووو برة ليبيا انا وياك انعيشوو اللحظة وانهيجك
واندلعك وانعالجك وعطاها بووووسة علي راسها
كانت نرمين ماسكه دمتعها قدّام امّها
لاّن كانت صحّة امّها في النازل وبلهووون
,,,,,
بعد مرور كم اليوم
,,,,,
الساعة 11 ظهرا
اليوووم كانت الزفة امتاع مروان ومودة
وكان العقرب وفارس ولؤي فازعين لمروان
...
وقتها كانت اريج مع ام العقرب وفاطمة ونرمين
ام العقرب : لازم تمشن للفرح ,, عمتكن تزعل
فاطمة : بس ياماما خايفيين عليك ومانبووش انسيبووك ابرووحك
ام العقرب : متخافنش قاعدة امعايا اريج
نرمين : اصلا عمتي عرفتك مريضة
اكيدة حتقوول قعدات مع امّهن
ام مازن : لو تبّن ارضايا نبّيكن تمشن للفرح
عشان خاطري وخاطر عمتكن
مروان يستاهل كل الخير
هيا سلّم بناتي وقت خلاص
اتصلن برجاجيلكن يشيلوكن لحواشينكن
عشان اتغيرن دبشكن
فاطمة ونرمين بحّتن في اريج
فاطمة : ديري بالك علي ماما
لو في اي شي رقم العقرب
عند امي رني عليه
اريج : اكيدة هذي بدووون ماتحكن
,,,,
العقرب وفارس ولؤي قاعدين مع مروان
يدلّعوو في الجووو
العقرب : اليووم يومك يامان
مروان : عقبالك تزوج ياعقربنا
العقرب : تسلم
فارس : كلمنا الجماعة حنديروولك قوبعة اليووم وهرجة
حنخربووو امّها الزفة امتاعك
لؤي : نعليا وخلاص مروان حيزوج هههههههه
مروان : هازي عليّا
لؤي : لا ,, بس انت احسن سوّاق
وهي تضرب في السلاح احسن منّي
حديروو فريق سمح
مروان : لا خلاص سيّبت الجو كلّا
اتفقنا نبوو انردوو الحياتنا الطبيعية
حتى انا نبي انفووت الجو كلّا
ممكن اللجنة الامنية امتاع بنغازي بس
لؤي سمع رقمة رن شاف الرقم طلعت فاطمة
ونفس الشي فارس شاف الرقم طلعت نرمين
واطلعووو هما الاثنين يكلمووو بالفووون
العقرب : ربي يسرلك ياغالي عليا
مروان : زعمك خلاص حتهدى بنغازي
ومعش يقعد فيه اشتباكات كيف زمان
العقرب : عليش تسال غريبة
مروان : لا بس الواحد يبي يستقر خلاص
وادير عائلة لرووحه
العقرب : خطرت عليا يوم مازوجت حنين
قعدت انفكر نفسك وانقولك زعمك حنخسر حنين
واهلي وبعدها قلت الالالا
حنفووت الطريق هذا
القيت رووحي راد لنفس الجو زمان
وخسرت حتى حنين
من اعنادي وتسكير راسي
لكن قدر الله وماشاء فعل
ربي هووو اللي يبّي هكي
نحنا نحكوو كلام
وربّك يفعل فعل
خليك متفائل مهناك الا كل خير
" العقرب صبّى قدّام مروان
وحط ايدي علي كفته
العقرب : حتى لو كوّنت عائلة
متخافش ونحنا اصلا حنفووتوو الجو كلّا
ومعش عندنا لاخدمة لاقدمة
الا اللجنة الامنية امتاع بنغازي
مروان : ان شاء الله خير
علي خشّت فارس ولؤي
فارس : نستاذنكم ماشي ناخذ هلي
لؤي : وانا طالع وراك
العقرب : تم انا قاعد هنا
واطلعوو فارس ولؤي
مروان : خطرها شن جو الوالدة
العقرب : مزالت صحّتها في النازل
قاعديين ماشيين عالعلاج
والباقي علي ربي
لكن باذن الله الايام القادمة
حنسافروو بيها برّة
بالك نلقوولها علاج
مروان : ربّي يعجل بشفائها
.....
الرائد ابراهيم حتى هووو معزووم في فرح مروان
وكان يجهزّ في نفسه وفي روووحه
لان قعد صاحب العقرب الروح بالرووح
ونفس الوقت عقلة في تامين بنغازي بالكامل
,,,,,
عمران كان قاعد مع بشير
عمران : حصلنا شباب يمسكووو كتيبة
تقعد تحتنا ويسمعوو كلامنا
اهم شي ينزلّولهم المرتبات اول باول
وقالوو نحنا امعاكم قلبا وقالبا
بشير : خلاص ابدا فيها وأسسها
وسمّيها كتيبة هرهار
عمران : شن تطلع هرهار
بشير : اسم من اسماء الاسد
خلاص نعبى عليك
العدة والعدات ووفرلهم كل شي
ودير ناطق رسمي بيهم في الاعلام
واشري قطعة ارض في حي الدولار
وابني فيها مقر الكتيبة
حرّك رووحك بسرعة
اضرب الحديد وهوو ساخن
لازم من قوة تحميني لو صار اي موضوع مستقبلا
ونفس شي نبيك اديرلي سرّية من الكتيبة
يقعدووو مجهوولين ومش باينين عالواجهة
هذيما حنخلووهم للمهمات الخاصة
اي حد يلعب بذيله ولّا يفكر يطلع عليّا في التلفزيوون ويحكي
حنخلّوووهم يغتالووووو
بالذات السرّية هذي
عطيها كل شي تبي المال والعدة واي شي يبووها
وفروولهم راحتهم بالكامل
حنستحقوولهم مستقبلا ,,
عمران : حاضر حاضر يالبوووس
,,,,,
كان وقتها فارس امروح بنرمين شوور شقّتهم
فارس : شن الشي اللي غير رايك
مش علي اساس قتيلي مش ماشيا
نرمين : ماما اصرّت نمشووو للفرح
وقالت اريج قاعدة امعايا
فارس : شن جوّها توّا ,, العقرب
قالي تعبانة مزالت
نرمين : اها مزالت ,, ربي يعجل بشفائها
فارس : اللهم آمين
وهما في السيارة سمعت نقالها يرن
شافت الرقم طلعت رحاب
نرمين : غلايا اهلين
رحاب : اهلين ياصقووعية ,,
نرمين : شن عندك العيشية اليوووم
رحاب : شي كساد ,, نسال علي امّك شن جوّا
نرمين : والله مزال لا جديد ,, حنسفّرووها الايام الجايا
خطّرها ,, نبي نمشي لفرح ولد عمّتي
لو فاضية تعالي انغيروو جوّنا في الصالة
رحاب : عادي ,, بس عارفة ماعندش من يشيلني حتى للعيادة نمشي
بسيارة خاصة
نرمين : تو انخطم عليك ناخذك وانا ماشية شن رايك
رحاب : لا فكيني ,,, عندش جو
نرمين : تي كنك هكي يا رحاب ,,
نبي انغير جوّي امعاك ,, وافطوومة ماشيا حتّى هيا
رحاب : خلاص خلاص تو نرجاكم
نرمين : تي نجّك ليا وخلاص
رحاب : تي انحبك يا احلى انتيمة
خلاص حنرجاكم بعدين
..
وسكّرت الخط منها
فارس : عليك صدفة صح
نرمين : صدفة شن
فارس : عالدكتورة رحاب خشّيتن في بعضكن
وقعدتن صحبات اتقول تعرفن بعضكن من زمان
نرمين : عسوولة بكل اتخش الخاطر بكل
وهي اللي خلّت جسمي هكّي
فارس : من ناحية خلّاتك رشيقة ,, خلاتك صح
مزال عندك اشوية دهووون من الجهة هذي
ولمس جنبها وهوو يسووق
نرمين : هههه سامط
وكمّلوو طريقهم شوور شقتهم
,,,,,
رحاب فرحاااااااااااااااانة
وقعدت ترقص في الحوووش
رحاب : عليك جو حنركب امعاك في السيارة
اه لو نقدر ناخذ قلبك واتحبني يافارس
قدّيش ليا صابرة
خشت عليها امها
ام رحاب : كنك تحكي مع روحك
رحاب عطت امّها بوووسه
ام رحاب : كنك شن اتحسي ياهبلة
رحاب : عرفتيها نرمين ,, بعدين جيتني
ماشيا امعاها الفرح
ام رحاب : ؟؟؟؟؟ فرح
رحاب : كنك مستغربة
ام رحاب : من امتى تمشي للافراح ,, انتي
ماعندكش عليهن بكل
رحاب : عشان خاطر صحبتي نرمين حنمشي
ام رحاب : ربي يدوووم صحبتكم
,,,,,,
لؤي وفاطمة كان دوووبهم واصلين لحووووشهم
فاطمة : ماعندش جو نمشي للفرح
لكن نبي نسمع كلام امّي ,, وانبر بيها وخلاص
لؤي : الله غالب ,, مش قلتوو اللي اسماها اريج
قاعدة امعاها ,,,
فاطمة : اكيدة حترّوح ,, شن تقدرش اطول
حتى انا مش حنطول في الفرح اشوية حنروح
لؤي : خلاص قاعد تلقيني امكسدلها في الصالة
فاطمة : خايفة نخسروو امّي يالؤي
والله حالتها صعبة
لؤي : ماعندك الا تدعيلها بالشفاء
فاطمة : يارب يشفيها
,,,,,,
هذه الرواية للكاتب ديندار الوحيشي
,,,,,
مودة فرحانة مع العائلة والاقارب
عشان زفّتها اليوووم وكانووو يجهزّوو فيها
وقريب الطير من الفرحة
ومش امصدقة اخيرا حتزوج مروان
,,,,,,
الساعة 5:00 عصرا
كانووو فارس ونرمين في السيارة
قدام حوووش رحاب
طلعت رحاب من الحوووش
وكانت لابسة نقاب " عشان الميكب وهكي امتاع الفرح
لكن كانن اعيووونها باينات
وكان منظر اعيووونها بالكحل عذّاااااااااب
اذّوب الحديد
رحاب : السلام عليكم
نرمين : وعليكم السلام
وركبت رحاب
فارس بنظره عفوية بحّت في المرايا
جت اعيووون فارس في اعيووون رحاب
ولّع السيّارة ومشى شوور الصالة
" كانت اكثر من مرة رحاب اتحاول تلفت انتباه فارس
من قبل ,,
لكن هوو مزال مش فاطن لشي
الا اليوووم بعد لقطة العيوون تحت النقاب
واصرّت ماتنزلش اعيوونها من المرايا اللي يبحت فيها فارس
وكل اشوية يبحت في المرايا يبي يشووف السيارات اللي خلف
وهوو يسووق يشووف في اعيووون رحاب "
,,,
فاطمة قاعدة في الصالة مع قريباتها وجيّات بدري
عشان يوّتووو امور وجو الصالة كلّها
,,,,
بعد مرور بعض الوقت
كانت مودة قاعدة في الصالة وترجى في مروان
كانت نرمين مع رحاب وفاطمة وباقي العائلة
وعايشيين احلى لحضة والناس فرحانين في الصالة
بعد هكّي اشوية اسمعووو صوت رصاص قوووي برة الصالة
طف طف طف طف
بوووم
بووووم
بووووم
اعرفووو العريس هوو اللي جا
سيارة العريس كان يسووق فيها فارس
وراكب مع مروان ولؤي
وكان وراهم سيارات عسكرية
وبعض الشباب من اصحاب العقرب
وكلّها تضرب باسلاح امتاعها
مودة في الصالة ترجى في مروان يخش في اي وقت
نزل مروان
العقرب سلّم عليه بالاحضان
العقرب : كل شي عالبركة
مروان : الله يبارك فيك
ولؤي وفارس سلّمووو عليه
قبل مايخش للصالة مروان شاف الرائد ابراهيم
وكان لابس مدني مش باين عليه انّ رائد بكل
جي شووره
مروان استغرب
فرح اتقوول واحد واصل في الدولة
هوو عارف انّ العقرب ورا الجو هذا كلّه
الرائد : كل شي عالبركة وربي يباركلك في زواجك
مروان : تسلم بارك الله فيك
خش مروان للصالة ماشي شوور الكوووشة
....
" المكان اللي يقعدوو فيه العرسان
في الصالة في بنغازي يسّموو فيه كووشة "
...
وباقي القرووب قاعدين برّة الصالة
,,,
رحاب ونرمين يصفقن ويغنن وفاطمة امعاهن
,,,,,,
اريج كانت اضم في المطبخ ,, وبعدها امرووحه للحووش
بعد كمّلت المطبخ مشت شور الصالة
اريج : انا ماشيا باهي ياعمتي
مابتش اترد عليها
استغربت اريج
بحّتت فيها لقتها اتنفس بصعووبة
اريج : عمّتي كنك عمتي شن صارلك
لمستها لقت جسمها كلّه عرق
ام مازن بصوت بطيء: كلّمي العقرب ابسرعة
اريج وهي مفجووعة خذت النقّال امتاع ام العقرب
خشت عالاسماء
حطت عالعقرب
وقعدت اترن
لكن العقرب مايردّش
صوت الاغاني كان عالي في الفرح
والبيّابات " كلاكس" عاليات ماسمعش صووت العقرب
وقعدت اترن واترن
اريج : هيا رد حرام عليك بسرعة
,,,,,
العقرب امهيج هو والقرووب قدّام صالة الفرح
النقال يرن ويرن ويرن
لكن الصووت عالي وهرجة ماسمعش النقّال يرن
,,,
اريج : شدي حيلك يا عمّتي
ام العقرب قعدت مش قادرة التنفس
طلعت اريج تجري شور الشارع واتعيط
للناس عشان ايجووو يسعفووووها
جيرانهم خشووو يجرووو
ام العقرب :آه آه آه آه
وحطّوووها في السيارة وشالووها
شور مستشفى الجلاء
,,,,
لؤي : عقبالك يالعقرب
العقرب : خلّك مالدي مافش احسن من العزابية ياطيري
لازواج لادي
حبّينا مرة وحدة وسكرنا عالموال هذا
فارس : صدقني سيوورك حتشووف انثى
اتخلّي قلبك يذووووب
"وخطرت في باله رحاب لما ركبت في السيارة
وشاف اعيوووونها "
لؤي : الساعة كم عندك يالعقرب توا
طلّع العقرب نقّاله يبّي يشووف الساعة كم
شاف مكالمات واجد لم يرد عليها
شاف الرقم طلعت امّه
العقرب : كنها امي رانّا علي واجد ان شاء الله خير
,,,,
كانت اريج قاعدة في حوشهم وتبكي
وخايفة علي ام العقرب
صارلها حاجة
والجيران شالوووها لمستشفى
سمعت نقال ام العقرب يرن
كان امعاها
شافت الرقم العقرب
العقرب : نعم يا امي غير هرجة ماسمعتش النقال وهو يرن
اريج وهي تبكي : انا اريج عمتّي شالووها
للجلاء توا سعفووها الجيران
لحقّ عليها يالعقرب بسرعة
حالتها صعبة
العقرب : شن تحكي انتي يابنت
اريج : والله كيف مانحكيلك
العقرب سكّر عالخط عليها وركب سيارة بسرعة
فارس : شن في يالعقرب كنّك شن صار
العقرب : امي سعفووها الجيران
ومشى العقرب جري شوور الجلاء
الرائد ابراهيم شاف فارس ولؤي اركبوو سيارتهم
الرائد ابراهيم : شن صار ,,
فارس : اسعفوو ام العقرب في المستشفى
الرائد : تو نلحقكم توا
فارس : خليك هنا خير ,, مرات يطلع في اي وقت
عشان اتكمل الزفة بالسيارات العسكرية
لازم واحد يقعد فينا هنا
الرائد ابراهيم : خلاص لو في اي موضوع رنّوو عليّا
اطلعووو فارس ولؤي بالسيارة
والعقرب وهو يجري بالسيارة
يحكي مع روحه
" حنين خسرتها لكن انتي مانبّش نخسرك
انتي اللي امصبرتيني في هالدنيا "
كانت الاشارة حمرة,, فات اشارة المرور
وقعد يجري
لؤي وفارس كانووو يجروو وراء مازن ويلحقوو فيه
,,,,,,
مروان كان في الكوووشة "
مروان : اخيرا ربي جمعنا بالحلال
مودة : مزلت مش امصدقة نحساب روحي نحلم
مروان : لا صدقّي يا اعيووووني
مودة : لما صارحتك من قبل ,, توقعت روحي نخسرك
ماكنتش متوقعه حتحارب عشاني
مروان : اللي يحب يحارب ياقلبي
,,,,,
نرمين وهي اتصفق واتغني
رحاب : نقالك يرن يانرمين
نرمين : نعم نسمعش فيك
رحاب : قتلك نقّالك يرن قاعد
نرمين شافت النقال طلع رقم امّها
نرمين : حي شن صار
نرمين : نعم ياماما
اريج : انا اريج وعمتي سعفوووها شوور الجلاء
نرمين : حي علينا شن درت بس انا
شن اللي طلعني
فاطمة : شن فيه شن صار
نرمين : امنا يافاطمة
فاطمة : كنها ماما
نرمين : سعفووها
رحاب : لاحول ولاقوة الا بالله
فاطمة : من الاول مش راضية عليها الطلعة هذي
,,,,,,,,
كانت ام العقرب واصلة للمستشفى
قاعدة في العناية المركزة
وكانت بين الحياة والموووووت
,,,
عقرب جا يبّي يخش للمستشفى
كانت في كتيبة عند البوابة الخارجية
وكانت في زحمة سيارات
ولازم تفتيش كامل عشان اتخش
الكتيبة وقّفت سيارة العقرب
العقرب : مستعجل ياراجل خطاني
الشرطي : غير اهدى انفتشووك واتخش
العقرب نزل من السيارة
,
شاف باب ثاني مافش زحمة مايفتحوووش فيه الا للحالات الخاصة
وسيّارات الاسعاف
العقرب : افتح الباب هذا ابسرعة نبي انخش
امي جوا قاعدة
الشرطي : الباب هذا لسيارات الاسعاف فقط
وهذا باب الزيارة
ارجى كيف هالناس اللي يرجووو
شن تحساب روحك
العقرب : تمام صار شن نحساب روووحي
ركب سيّارته العقرب
فارس شاف العقرب وهوو يوّخر بسيّارته
فارس : كنّا رد هذا
لؤي : لا مش راد ماشي شور الباب الاخر الامسكر
فارس : شن يبي ادير زعمك
قعد العقرب يمتّع " يفحّط " في السيارة في مكانه
العقرب : يرجى في الباب ينفتح عشان اتخش سيارة اسعاف
بمجرد ماشاف الباب انفتح
قعد يجرّي بالسيارة
وخش من باب الخاص
الشرطي : من جميع الوحدات حولّ
في واحد مليشاوي
داير ضجّة في مستشفى الجلاء
والشرطي دار نداء للجميع الشرطيين
نزل من السيارة العقرب
وخش يجري شور الاستعلامات
يسأل علي امه اللي خشّت وصفوووولا غرفة العمليات
يجري شوور الغرفة وخايف
شاف الدكتوور قاعد قدام غرفة العمليات
العقرب : شن صار في امي شن صار في صحتها
الدكتور : ادعيلها بالرحمة توفّت الحاجة
رقى الضغط عليها وقلبها معش تحمّل
حاولنا انديرو المستحيل
العقرب : لالالالا شن اللي ادعيلها بالرحمة
اقلب من تلا وجي خير من طربقك
طربّق باب غرفة العميلات بكراعه وخش علي امه
كانت فعلا فارقت الحياة
العقرب وهو يبكي : نوضي حرام عليك يا امي
نووضي حنسافروو بيك برة
مش قتلك حنمشوو لتونس بعد فرح مروان
نووضي يا امي حرام عليك
يا امي رد بالك اتسيّبيني
حنين وانتي واجد عليّا يا امي
خشووو الشرطة امتاعين المستشفى
شور غرفة العميليات
الشرطي : ممكن تطلع اشوية جي بلاغ عليك
العقرب اعيووونه حمر ومليانات ادموووع
طلّع اسلاحه من وراء ضهرة
وسحب اسلاحه
العقرب : لو فيكم راجل ايجي يطلعني من هنا
وحق ربّي انجيّفة وقتي
جوو الشرطة يبّوو يطلّعووو
علي جيّة لؤي وفارس شوور غرفة العمليات
فارس : شن صار يالعقرب
الشرطيين اسمعووو اسم العقرب
وخّرووو وفاتوووو
العقرب : امي ماتت يافارس
اللي ربتني ورباتك ماتت
اللي كانت حياتي ودنيتي ماتت
سيبتنا يافارس
طاح فارس علي كرعية
فارس : ,, ان لله وان اليه راجعووون
لؤي : حط راسه عالساس وقعد يبّكي
العقرب : نوووضي يا امي
نوووضي يا امي
العقرب مشى شور فارس
مسك فارس
العقرب :نبي انسافر بيها شور تونس
نبي انعالجها انا
والله نبي انصبي امعاها
شووفها يافارس بالك مزالت حيّة
فارس يبكي وحضن العقرب
وقعد العقرب يبكي ولؤي يبكي
لؤي وهو يبكي سمع نقاله يرن
شاف الرقم طلعت فاطمة
فاطمة : شن صار امي وين
لؤي وهو يبكي : قاعدة في المستشفى
فاطمة : كنك تبكي شن فيه
لؤي : امك ماتت يافاطمة
فاطمة : شن اتقوول انت
لؤي : قاعدين في المستشفى وماتت توا
فارس سمع لؤي لما قال ماتت
خذا النقال من لؤي واعزقه
فارس : شن ادير انت بس
معقوولة اتقولها الْهُم هكي
لؤي قعد مصدووووم
والعقرب حاط راسه علي صدر امّه
ويبكي ويبكي
,,,,,
فاطمة تبكي قدام الصبايا في صالة الفرح
نرمين : شن فيه كنك
فاطمة : امنا ماتت
نرمين : لا قاعدة في المستشفى
سعفووها قالت اريج
دارن كيف الضجة في الصالة
وقعدن يتباكن
مشت شوورهن عمّتهن ام مروان
ام مروان : شن فيه يابنات كنك
فاطمة : امّي ماتت ياعمتّي
واحضنت عمّتها وقعدت تبكي
نرمين : نعليا ياماما نعليا سيبتينا
رحاب ازعلت وعينها دمّعت امعاهن
وقعدت اطبطب علي نرمين واتهدي فيها
مروان حس بجو مش تمام في الجهة اللي قاعدة فيها امّه
مودة : شن فيه
مروان : شن دراني انا
جت ام مروان شور مروان
طبّست عند وذنه
ام مروان : ام العقرب توفت امبدري اشوية في الجلاء
مروان : ان لله وان اليه راجعووون
وقّفووو الاغاني يا امي في الصالة
صبّى مروان من الكووشة
مودة : وين ماشي انت ,,, يوم زفتك تعال
مروان مابش يرد عليها
وطلع من الصالة
وحدة من قريبات نرمين وفاطمة
عندها سيارة لبسن عبايتهن وامعاهن رحاب
ومشن شوور مستشفى الجلاء حتى هِنّا
وهِنّا في السيارة يتباكن ورحاب اتهدي فيهن
..
وقفو الاغاني في الصالة
وصبايا اللي في الفرح مستغربات
مزالن مش عارفات شن صار
,,,,,,
الرائد ونيس شاف مروان وهو طالع من الصالة
مروان : وين العقرب
الرائد ونيس : امبدري اشوية مازن مشى للمستشفى
قالوو امه سعفوووها
مروان : جاهم الخبر جوّا انّها ماتت توا ..
الصالة قلبت نكد جوّا
الرائد : ان لله وان اليه راجعووون
خلاص انت مشّي الجو واطلع بالعروس
وامشي بيها من الصالة خير
مروان : العقرب اهم من العرووس
ركب مع الرائد ابراهيم سيارته
ومشووو شوور مستشفى الجلاء
’’’
يتبع ,,,
بداية الموسم الرابع
الحلقة 52
بعد مرور 5 اشهور
كانت ام العقرب مريضة وكل مرة شايلها لمستشفى العقرب
وديما نرمين وفاطمة يقعدن امعاها بالتناوب
كل مرة تقعد امعاها وحدة فيهن
,,,
العقرب قرّر ان يقعد في الغرفة الامنية امتاع بنغازي
هو وفارس ومروان
ولؤي يخدم في المركز الاعلامي
امتاع الغرفة الامنية بنغازي
,,,,
رحاب قعدت صديقة وانتيمة نرمين
ونرمين نقصت واجد من وزنها
وفرحانة عشان رحاب قعدت جنبها
وامعاها لعند ما انقصت
,,,,,,
بشير ضمن مقعد في البرلمان
وعمران قعد جنبه واذراعه اليميين كالعادة
,,,,,
في اتصالات والووو مرة مرة بين
العقرب ومايا الفترة اللي فاتت ,,,
لكن الفترة الاخيرة معش قعد يرن عليها
الا كان هي اترن عليه
وفي الحلقات القادمة حنعرووف شن صار
امعاهم من اجواء في الخمس اشهوور اللي فاتن
,,,,,
العقرب في العشية كان قاعد قدام الكرنيش ابروووحه
ويحكي للبحر وكانت الريح قوووية والبحر هايج
العقرب : مش عارف شن اندير
زعمك في شعور اتجاه مايا ولا عشان خطّرت عليا بحنين بس
ولّا اريج اللي امصبية مع امي ديما
خايف نظلم روحي
اول مرة نقعد دايخ مش عارف شن اندير
ياريتك حيّة ياحنين خلتيني هكّي ,,,
الحب عرفته امعاك انتي بس
توا معش عرفت شن الشعور اللي انحس بي اتجاهن
,,,,,,
مايا قاعدة في الشركة امتاعها
وتحكي مع روحها
" كنت انا والعقرب امورنا تمام
مش عارف توا شن صارله
لازم انرن عليه انا مش يهدرز
زعمك امزعلته في حاجة انا
ولا شن صار بالزبط ,,
تقريبا كنّا من قبل
نتصلوو بعضنا عادي
ومتحشمة نسألة عليش متغير عليا "
,,,,,,
وصل للحوووش العقرب لقى اخته نرمين قاعدة مع امّه
نرمين : اهووو العقرب جا ياماما
ام مازن : انست يا اعويناتي
العقرب مسك يدّها وحب علي يدّها وراسها
مازن : خلاص هانت يا امي بعد فرح مروان
حنشيلك لاحسن مستشفى في اي مكان في العالم
,, ننهوو قصة زفة مروان
توو انسافر بيك برة ليبيا
نمشوو لتونس لمصر لاي دولة
اهم شي انعالجوووك ياغلايا
ام العقرب : مدام انتوو تلايا انا نعتبر روحي تمام
اهم شي لو مثلا صارلي شي
رد بالك علي خواتك ورد بالك تنساهن
العقرب : شن هالكلام يا امي
نرمين : بعد عمر طويل ان شاء الله
ام العقرب : نطلب منك طلب يا مازن
العقرب : تي انا افداك يا امي اطلبي شن
ام العقرب : اريج اسال عليها حتى خواتك
لو تبي ارضايا صح خووذ اريج
اكثر وحدة قعدت امعايا وصبّت جنبي
اكثر منكم حتى انتم
مش معناها انلووم فيكم
عرفتكم بضرووفكم
لكن البنت هذي تستاهل كل خير
العقرب بحّت في نرمين
نرمّين حركتله حواجبها
العقرب : حنحكوو في الموضوع هذا يا امي حاضر
اهم شي اتصحّي واتردي غزالة نفس قبل
كلمّت الجماعة يجروولك عالجواز الالكترووني
باذن الله اسبووع بالكامل يقعد واتي
وخلاص اسبوع هكي يقعد الفرح كامل امتاع مروان
ونمشوووو برة ليبيا انا وياك انعيشوو اللحظة وانهيجك
واندلعك وانعالجك وعطاها بووووسة علي راسها
كانت نرمين ماسكه دمتعها قدّام امّها
لاّن كانت صحّة امّها في النازل وبلهووون
,,,,,
بعد مرور كم اليوم
,,,,,
الساعة 11 ظهرا
اليوووم كانت الزفة امتاع مروان ومودة
وكان العقرب وفارس ولؤي فازعين لمروان
...
وقتها كانت اريج مع ام العقرب وفاطمة ونرمين
ام العقرب : لازم تمشن للفرح ,, عمتكن تزعل
فاطمة : بس ياماما خايفيين عليك ومانبووش انسيبووك ابرووحك
ام العقرب : متخافنش قاعدة امعايا اريج
نرمين : اصلا عمتي عرفتك مريضة
اكيدة حتقوول قعدات مع امّهن
ام مازن : لو تبّن ارضايا نبّيكن تمشن للفرح
عشان خاطري وخاطر عمتكن
مروان يستاهل كل الخير
هيا سلّم بناتي وقت خلاص
اتصلن برجاجيلكن يشيلوكن لحواشينكن
عشان اتغيرن دبشكن
فاطمة ونرمين بحّتن في اريج
فاطمة : ديري بالك علي ماما
لو في اي شي رقم العقرب
عند امي رني عليه
اريج : اكيدة هذي بدووون ماتحكن
,,,,
العقرب وفارس ولؤي قاعدين مع مروان
يدلّعوو في الجووو
العقرب : اليووم يومك يامان
مروان : عقبالك تزوج ياعقربنا
العقرب : تسلم
فارس : كلمنا الجماعة حنديروولك قوبعة اليووم وهرجة
حنخربووو امّها الزفة امتاعك
لؤي : نعليا وخلاص مروان حيزوج هههههههه
مروان : هازي عليّا
لؤي : لا ,, بس انت احسن سوّاق
وهي تضرب في السلاح احسن منّي
حديروو فريق سمح
مروان : لا خلاص سيّبت الجو كلّا
اتفقنا نبوو انردوو الحياتنا الطبيعية
حتى انا نبي انفووت الجو كلّا
ممكن اللجنة الامنية امتاع بنغازي بس
لؤي سمع رقمة رن شاف الرقم طلعت فاطمة
ونفس الشي فارس شاف الرقم طلعت نرمين
واطلعووو هما الاثنين يكلمووو بالفووون
العقرب : ربي يسرلك ياغالي عليا
مروان : زعمك خلاص حتهدى بنغازي
ومعش يقعد فيه اشتباكات كيف زمان
العقرب : عليش تسال غريبة
مروان : لا بس الواحد يبي يستقر خلاص
وادير عائلة لرووحه
العقرب : خطرت عليا يوم مازوجت حنين
قعدت انفكر نفسك وانقولك زعمك حنخسر حنين
واهلي وبعدها قلت الالالا
حنفووت الطريق هذا
القيت رووحي راد لنفس الجو زمان
وخسرت حتى حنين
من اعنادي وتسكير راسي
لكن قدر الله وماشاء فعل
ربي هووو اللي يبّي هكي
نحنا نحكوو كلام
وربّك يفعل فعل
خليك متفائل مهناك الا كل خير
" العقرب صبّى قدّام مروان
وحط ايدي علي كفته
العقرب : حتى لو كوّنت عائلة
متخافش ونحنا اصلا حنفووتوو الجو كلّا
ومعش عندنا لاخدمة لاقدمة
الا اللجنة الامنية امتاع بنغازي
مروان : ان شاء الله خير
علي خشّت فارس ولؤي
فارس : نستاذنكم ماشي ناخذ هلي
لؤي : وانا طالع وراك
العقرب : تم انا قاعد هنا
واطلعوو فارس ولؤي
مروان : خطرها شن جو الوالدة
العقرب : مزالت صحّتها في النازل
قاعديين ماشيين عالعلاج
والباقي علي ربي
لكن باذن الله الايام القادمة
حنسافروو بيها برّة
بالك نلقوولها علاج
مروان : ربّي يعجل بشفائها
.....
الرائد ابراهيم حتى هووو معزووم في فرح مروان
وكان يجهزّ في نفسه وفي روووحه
لان قعد صاحب العقرب الروح بالرووح
ونفس الوقت عقلة في تامين بنغازي بالكامل
,,,,,
عمران كان قاعد مع بشير
عمران : حصلنا شباب يمسكووو كتيبة
تقعد تحتنا ويسمعوو كلامنا
اهم شي ينزلّولهم المرتبات اول باول
وقالوو نحنا امعاكم قلبا وقالبا
بشير : خلاص ابدا فيها وأسسها
وسمّيها كتيبة هرهار
عمران : شن تطلع هرهار
بشير : اسم من اسماء الاسد
خلاص نعبى عليك
العدة والعدات ووفرلهم كل شي
ودير ناطق رسمي بيهم في الاعلام
واشري قطعة ارض في حي الدولار
وابني فيها مقر الكتيبة
حرّك رووحك بسرعة
اضرب الحديد وهوو ساخن
لازم من قوة تحميني لو صار اي موضوع مستقبلا
ونفس شي نبيك اديرلي سرّية من الكتيبة
يقعدووو مجهوولين ومش باينين عالواجهة
هذيما حنخلووهم للمهمات الخاصة
اي حد يلعب بذيله ولّا يفكر يطلع عليّا في التلفزيوون ويحكي
حنخلّوووهم يغتالووووو
بالذات السرّية هذي
عطيها كل شي تبي المال والعدة واي شي يبووها
وفروولهم راحتهم بالكامل
حنستحقوولهم مستقبلا ,,
عمران : حاضر حاضر يالبوووس
,,,,,
كان وقتها فارس امروح بنرمين شوور شقّتهم
فارس : شن الشي اللي غير رايك
مش علي اساس قتيلي مش ماشيا
نرمين : ماما اصرّت نمشووو للفرح
وقالت اريج قاعدة امعايا
فارس : شن جوّها توّا ,, العقرب
قالي تعبانة مزالت
نرمين : اها مزالت ,, ربي يعجل بشفائها
فارس : اللهم آمين
وهما في السيارة سمعت نقالها يرن
شافت الرقم طلعت رحاب
نرمين : غلايا اهلين
رحاب : اهلين ياصقووعية ,,
نرمين : شن عندك العيشية اليوووم
رحاب : شي كساد ,, نسال علي امّك شن جوّا
نرمين : والله مزال لا جديد ,, حنسفّرووها الايام الجايا
خطّرها ,, نبي نمشي لفرح ولد عمّتي
لو فاضية تعالي انغيروو جوّنا في الصالة
رحاب : عادي ,, بس عارفة ماعندش من يشيلني حتى للعيادة نمشي
بسيارة خاصة
نرمين : تو انخطم عليك ناخذك وانا ماشية شن رايك
رحاب : لا فكيني ,,, عندش جو
نرمين : تي كنك هكي يا رحاب ,,
نبي انغير جوّي امعاك ,, وافطوومة ماشيا حتّى هيا
رحاب : خلاص خلاص تو نرجاكم
نرمين : تي نجّك ليا وخلاص
رحاب : تي انحبك يا احلى انتيمة
خلاص حنرجاكم بعدين
..
وسكّرت الخط منها
فارس : عليك صدفة صح
نرمين : صدفة شن
فارس : عالدكتورة رحاب خشّيتن في بعضكن
وقعدتن صحبات اتقول تعرفن بعضكن من زمان
نرمين : عسوولة بكل اتخش الخاطر بكل
وهي اللي خلّت جسمي هكّي
فارس : من ناحية خلّاتك رشيقة ,, خلاتك صح
مزال عندك اشوية دهووون من الجهة هذي
ولمس جنبها وهوو يسووق
نرمين : هههه سامط
وكمّلوو طريقهم شوور شقتهم
,,,,,
رحاب فرحاااااااااااااااانة
وقعدت ترقص في الحوووش
رحاب : عليك جو حنركب امعاك في السيارة
اه لو نقدر ناخذ قلبك واتحبني يافارس
قدّيش ليا صابرة
خشت عليها امها
ام رحاب : كنك تحكي مع روحك
رحاب عطت امّها بوووسه
ام رحاب : كنك شن اتحسي ياهبلة
رحاب : عرفتيها نرمين ,, بعدين جيتني
ماشيا امعاها الفرح
ام رحاب : ؟؟؟؟؟ فرح
رحاب : كنك مستغربة
ام رحاب : من امتى تمشي للافراح ,, انتي
ماعندكش عليهن بكل
رحاب : عشان خاطر صحبتي نرمين حنمشي
ام رحاب : ربي يدوووم صحبتكم
,,,,,,
لؤي وفاطمة كان دوووبهم واصلين لحووووشهم
فاطمة : ماعندش جو نمشي للفرح
لكن نبي نسمع كلام امّي ,, وانبر بيها وخلاص
لؤي : الله غالب ,, مش قلتوو اللي اسماها اريج
قاعدة امعاها ,,,
فاطمة : اكيدة حترّوح ,, شن تقدرش اطول
حتى انا مش حنطول في الفرح اشوية حنروح
لؤي : خلاص قاعد تلقيني امكسدلها في الصالة
فاطمة : خايفة نخسروو امّي يالؤي
والله حالتها صعبة
لؤي : ماعندك الا تدعيلها بالشفاء
فاطمة : يارب يشفيها
,,,,,,
هذه الرواية للكاتب ديندار الوحيشي
,,,,,
مودة فرحانة مع العائلة والاقارب
عشان زفّتها اليوووم وكانووو يجهزّوو فيها
وقريب الطير من الفرحة
ومش امصدقة اخيرا حتزوج مروان
,,,,,,
الساعة 5:00 عصرا
كانووو فارس ونرمين في السيارة
قدام حوووش رحاب
طلعت رحاب من الحوووش
وكانت لابسة نقاب " عشان الميكب وهكي امتاع الفرح
لكن كانن اعيووونها باينات
وكان منظر اعيووونها بالكحل عذّاااااااااب
اذّوب الحديد
رحاب : السلام عليكم
نرمين : وعليكم السلام
وركبت رحاب
فارس بنظره عفوية بحّت في المرايا
جت اعيووون فارس في اعيووون رحاب
ولّع السيّارة ومشى شوور الصالة
" كانت اكثر من مرة رحاب اتحاول تلفت انتباه فارس
من قبل ,,
لكن هوو مزال مش فاطن لشي
الا اليوووم بعد لقطة العيوون تحت النقاب
واصرّت ماتنزلش اعيوونها من المرايا اللي يبحت فيها فارس
وكل اشوية يبحت في المرايا يبي يشووف السيارات اللي خلف
وهوو يسووق يشووف في اعيووون رحاب "
,,,
فاطمة قاعدة في الصالة مع قريباتها وجيّات بدري
عشان يوّتووو امور وجو الصالة كلّها
,,,,
بعد مرور بعض الوقت
كانت مودة قاعدة في الصالة وترجى في مروان
كانت نرمين مع رحاب وفاطمة وباقي العائلة
وعايشيين احلى لحضة والناس فرحانين في الصالة
بعد هكّي اشوية اسمعووو صوت رصاص قوووي برة الصالة
طف طف طف طف
بوووم
بووووم
بووووم
اعرفووو العريس هوو اللي جا
سيارة العريس كان يسووق فيها فارس
وراكب مع مروان ولؤي
وكان وراهم سيارات عسكرية
وبعض الشباب من اصحاب العقرب
وكلّها تضرب باسلاح امتاعها
مودة في الصالة ترجى في مروان يخش في اي وقت
نزل مروان
العقرب سلّم عليه بالاحضان
العقرب : كل شي عالبركة
مروان : الله يبارك فيك
ولؤي وفارس سلّمووو عليه
قبل مايخش للصالة مروان شاف الرائد ابراهيم
وكان لابس مدني مش باين عليه انّ رائد بكل
جي شووره
مروان استغرب
فرح اتقوول واحد واصل في الدولة
هوو عارف انّ العقرب ورا الجو هذا كلّه
الرائد : كل شي عالبركة وربي يباركلك في زواجك
مروان : تسلم بارك الله فيك
خش مروان للصالة ماشي شوور الكوووشة
....
" المكان اللي يقعدوو فيه العرسان
في الصالة في بنغازي يسّموو فيه كووشة "
...
وباقي القرووب قاعدين برّة الصالة
,,,
رحاب ونرمين يصفقن ويغنن وفاطمة امعاهن
,,,,,,
اريج كانت اضم في المطبخ ,, وبعدها امرووحه للحووش
بعد كمّلت المطبخ مشت شور الصالة
اريج : انا ماشيا باهي ياعمتي
مابتش اترد عليها
استغربت اريج
بحّتت فيها لقتها اتنفس بصعووبة
اريج : عمّتي كنك عمتي شن صارلك
لمستها لقت جسمها كلّه عرق
ام مازن بصوت بطيء: كلّمي العقرب ابسرعة
اريج وهي مفجووعة خذت النقّال امتاع ام العقرب
خشت عالاسماء
حطت عالعقرب
وقعدت اترن
لكن العقرب مايردّش
صوت الاغاني كان عالي في الفرح
والبيّابات " كلاكس" عاليات ماسمعش صووت العقرب
وقعدت اترن واترن
اريج : هيا رد حرام عليك بسرعة
,,,,,
العقرب امهيج هو والقرووب قدّام صالة الفرح
النقال يرن ويرن ويرن
لكن الصووت عالي وهرجة ماسمعش النقّال يرن
,,,
اريج : شدي حيلك يا عمّتي
ام العقرب قعدت مش قادرة التنفس
طلعت اريج تجري شور الشارع واتعيط
للناس عشان ايجووو يسعفووووها
جيرانهم خشووو يجرووو
ام العقرب :آه آه آه آه
وحطّوووها في السيارة وشالووها
شور مستشفى الجلاء
,,,,
لؤي : عقبالك يالعقرب
العقرب : خلّك مالدي مافش احسن من العزابية ياطيري
لازواج لادي
حبّينا مرة وحدة وسكرنا عالموال هذا
فارس : صدقني سيوورك حتشووف انثى
اتخلّي قلبك يذووووب
"وخطرت في باله رحاب لما ركبت في السيارة
وشاف اعيوووونها "
لؤي : الساعة كم عندك يالعقرب توا
طلّع العقرب نقّاله يبّي يشووف الساعة كم
شاف مكالمات واجد لم يرد عليها
شاف الرقم طلعت امّه
العقرب : كنها امي رانّا علي واجد ان شاء الله خير
,,,,
كانت اريج قاعدة في حوشهم وتبكي
وخايفة علي ام العقرب
صارلها حاجة
والجيران شالوووها لمستشفى
سمعت نقال ام العقرب يرن
كان امعاها
شافت الرقم العقرب
العقرب : نعم يا امي غير هرجة ماسمعتش النقال وهو يرن
اريج وهي تبكي : انا اريج عمتّي شالووها
للجلاء توا سعفووها الجيران
لحقّ عليها يالعقرب بسرعة
حالتها صعبة
العقرب : شن تحكي انتي يابنت
اريج : والله كيف مانحكيلك
العقرب سكّر عالخط عليها وركب سيارة بسرعة
فارس : شن في يالعقرب كنّك شن صار
العقرب : امي سعفووها الجيران
ومشى العقرب جري شوور الجلاء
الرائد ابراهيم شاف فارس ولؤي اركبوو سيارتهم
الرائد ابراهيم : شن صار ,,
فارس : اسعفوو ام العقرب في المستشفى
الرائد : تو نلحقكم توا
فارس : خليك هنا خير ,, مرات يطلع في اي وقت
عشان اتكمل الزفة بالسيارات العسكرية
لازم واحد يقعد فينا هنا
الرائد ابراهيم : خلاص لو في اي موضوع رنّوو عليّا
اطلعووو فارس ولؤي بالسيارة
والعقرب وهو يجري بالسيارة
يحكي مع روحه
" حنين خسرتها لكن انتي مانبّش نخسرك
انتي اللي امصبرتيني في هالدنيا "
كانت الاشارة حمرة,, فات اشارة المرور
وقعد يجري
لؤي وفارس كانووو يجروو وراء مازن ويلحقوو فيه
,,,,,,
مروان كان في الكوووشة "
مروان : اخيرا ربي جمعنا بالحلال
مودة : مزلت مش امصدقة نحساب روحي نحلم
مروان : لا صدقّي يا اعيووووني
مودة : لما صارحتك من قبل ,, توقعت روحي نخسرك
ماكنتش متوقعه حتحارب عشاني
مروان : اللي يحب يحارب ياقلبي
,,,,,
نرمين وهي اتصفق واتغني
رحاب : نقالك يرن يانرمين
نرمين : نعم نسمعش فيك
رحاب : قتلك نقّالك يرن قاعد
نرمين شافت النقال طلع رقم امّها
نرمين : حي شن صار
نرمين : نعم ياماما
اريج : انا اريج وعمتي سعفوووها شوور الجلاء
نرمين : حي علينا شن درت بس انا
شن اللي طلعني
فاطمة : شن فيه شن صار
نرمين : امنا يافاطمة
فاطمة : كنها ماما
نرمين : سعفووها
رحاب : لاحول ولاقوة الا بالله
فاطمة : من الاول مش راضية عليها الطلعة هذي
,,,,,,,,
كانت ام العقرب واصلة للمستشفى
قاعدة في العناية المركزة
وكانت بين الحياة والموووووت
,,,
عقرب جا يبّي يخش للمستشفى
كانت في كتيبة عند البوابة الخارجية
وكانت في زحمة سيارات
ولازم تفتيش كامل عشان اتخش
الكتيبة وقّفت سيارة العقرب
العقرب : مستعجل ياراجل خطاني
الشرطي : غير اهدى انفتشووك واتخش
العقرب نزل من السيارة
,
شاف باب ثاني مافش زحمة مايفتحوووش فيه الا للحالات الخاصة
وسيّارات الاسعاف
العقرب : افتح الباب هذا ابسرعة نبي انخش
امي جوا قاعدة
الشرطي : الباب هذا لسيارات الاسعاف فقط
وهذا باب الزيارة
ارجى كيف هالناس اللي يرجووو
شن تحساب روحك
العقرب : تمام صار شن نحساب روووحي
ركب سيّارته العقرب
فارس شاف العقرب وهوو يوّخر بسيّارته
فارس : كنّا رد هذا
لؤي : لا مش راد ماشي شور الباب الاخر الامسكر
فارس : شن يبي ادير زعمك
قعد العقرب يمتّع " يفحّط " في السيارة في مكانه
العقرب : يرجى في الباب ينفتح عشان اتخش سيارة اسعاف
بمجرد ماشاف الباب انفتح
قعد يجرّي بالسيارة
وخش من باب الخاص
الشرطي : من جميع الوحدات حولّ
في واحد مليشاوي
داير ضجّة في مستشفى الجلاء
والشرطي دار نداء للجميع الشرطيين
نزل من السيارة العقرب
وخش يجري شور الاستعلامات
يسأل علي امه اللي خشّت وصفوووولا غرفة العمليات
يجري شوور الغرفة وخايف
شاف الدكتوور قاعد قدام غرفة العمليات
العقرب : شن صار في امي شن صار في صحتها
الدكتور : ادعيلها بالرحمة توفّت الحاجة
رقى الضغط عليها وقلبها معش تحمّل
حاولنا انديرو المستحيل
العقرب : لالالالا شن اللي ادعيلها بالرحمة
اقلب من تلا وجي خير من طربقك
طربّق باب غرفة العميلات بكراعه وخش علي امه
كانت فعلا فارقت الحياة
العقرب وهو يبكي : نوضي حرام عليك يا امي
نووضي حنسافروو بيك برة
مش قتلك حنمشوو لتونس بعد فرح مروان
نووضي يا امي حرام عليك
يا امي رد بالك اتسيّبيني
حنين وانتي واجد عليّا يا امي
خشووو الشرطة امتاعين المستشفى
شور غرفة العميليات
الشرطي : ممكن تطلع اشوية جي بلاغ عليك
العقرب اعيووونه حمر ومليانات ادموووع
طلّع اسلاحه من وراء ضهرة
وسحب اسلاحه
العقرب : لو فيكم راجل ايجي يطلعني من هنا
وحق ربّي انجيّفة وقتي
جوو الشرطة يبّوو يطلّعووو
علي جيّة لؤي وفارس شوور غرفة العمليات
فارس : شن صار يالعقرب
الشرطيين اسمعووو اسم العقرب
وخّرووو وفاتوووو
العقرب : امي ماتت يافارس
اللي ربتني ورباتك ماتت
اللي كانت حياتي ودنيتي ماتت
سيبتنا يافارس
طاح فارس علي كرعية
فارس : ,, ان لله وان اليه راجعووون
لؤي : حط راسه عالساس وقعد يبّكي
العقرب : نوووضي يا امي
نوووضي يا امي
العقرب مشى شور فارس
مسك فارس
العقرب :نبي انسافر بيها شور تونس
نبي انعالجها انا
والله نبي انصبي امعاها
شووفها يافارس بالك مزالت حيّة
فارس يبكي وحضن العقرب
وقعد العقرب يبكي ولؤي يبكي
لؤي وهو يبكي سمع نقاله يرن
شاف الرقم طلعت فاطمة
فاطمة : شن صار امي وين
لؤي وهو يبكي : قاعدة في المستشفى
فاطمة : كنك تبكي شن فيه
لؤي : امك ماتت يافاطمة
فاطمة : شن اتقوول انت
لؤي : قاعدين في المستشفى وماتت توا
فارس سمع لؤي لما قال ماتت
خذا النقال من لؤي واعزقه
فارس : شن ادير انت بس
معقوولة اتقولها الْهُم هكي
لؤي قعد مصدووووم
والعقرب حاط راسه علي صدر امّه
ويبكي ويبكي
,,,,,
فاطمة تبكي قدام الصبايا في صالة الفرح
نرمين : شن فيه كنك
فاطمة : امنا ماتت
نرمين : لا قاعدة في المستشفى
سعفووها قالت اريج
دارن كيف الضجة في الصالة
وقعدن يتباكن
مشت شوورهن عمّتهن ام مروان
ام مروان : شن فيه يابنات كنك
فاطمة : امّي ماتت ياعمتّي
واحضنت عمّتها وقعدت تبكي
نرمين : نعليا ياماما نعليا سيبتينا
رحاب ازعلت وعينها دمّعت امعاهن
وقعدت اطبطب علي نرمين واتهدي فيها
مروان حس بجو مش تمام في الجهة اللي قاعدة فيها امّه
مودة : شن فيه
مروان : شن دراني انا
جت ام مروان شور مروان
طبّست عند وذنه
ام مروان : ام العقرب توفت امبدري اشوية في الجلاء
مروان : ان لله وان اليه راجعووون
وقّفووو الاغاني يا امي في الصالة
صبّى مروان من الكووشة
مودة : وين ماشي انت ,,, يوم زفتك تعال
مروان مابش يرد عليها
وطلع من الصالة
وحدة من قريبات نرمين وفاطمة
عندها سيارة لبسن عبايتهن وامعاهن رحاب
ومشن شوور مستشفى الجلاء حتى هِنّا
وهِنّا في السيارة يتباكن ورحاب اتهدي فيهن
..
وقفو الاغاني في الصالة
وصبايا اللي في الفرح مستغربات
مزالن مش عارفات شن صار
,,,,,,
الرائد ونيس شاف مروان وهو طالع من الصالة
مروان : وين العقرب
الرائد ونيس : امبدري اشوية مازن مشى للمستشفى
قالوو امه سعفوووها
مروان : جاهم الخبر جوّا انّها ماتت توا ..
الصالة قلبت نكد جوّا
الرائد : ان لله وان اليه راجعووون
خلاص انت مشّي الجو واطلع بالعروس
وامشي بيها من الصالة خير
مروان : العقرب اهم من العرووس
ركب مع الرائد ابراهيم سيارته
ومشووو شوور مستشفى الجلاء
’’’
يتبع ,,,
من مواضيع : وردة
- طريقة بسيطة لعمل باندة شعر للبنات،وردة ساتان من لونين بالصور،توكة استك للشعر
- داخلية تركيا تشن حملة شرسة ضد مستخدمى مواقع التواصل لانتقادهم هبوط الليرة
- بعد احتجاجات الجزائر.. تحذير من "الإرهاب والأجندات"
- خمس مقدمات للاذاعة المدرسية2018 متميزة وجديدة
- احذية عرايس كعب عالي, احذية عرائس ملونة,أحذيه عرايس,احذيه زفاف,اجمل احذيه العروسه2019
#56
~{ مديرة بنك المعرفة والثقافة }~
رد: رواية بلهجة ليبية بعنوان " مشاعر مطرطشة " للكاتب ديندار الوحيشي
#مشاعر_مطرطشة
الحلقة 53
مروان : العقرب اهم من العرووس
ركب مع الرائد ابراهيم سيارته
ومشووو شوور مستشفى الجلاء
,,,,,,
جاء الخبر لشارع العقرب
انّ ام العقرب توفّت
,,,
اريج : يانعليا ياعمّتي
يانعليا كنتي اقرب انسانة ليا
عليش مشيتي وعدّيتي
كنتي زي امي الحنوونة وطيّووبة امعايا
ام اريج : ادعيلها بالرحمة يا اريج
اريج حضنت امها وقعدت تبكي
آخر 5 اشهوور اريج يوميا
مع ام العقرب
وتطّمن عليها
,,,,
العقرب امصبّي قدام غرفة العمليات
وحط راسه عالساس
" لاحول ولا قوة الا بالله
يارب عطيني الصبر وقوّيني
استغفر الله العظيم من كل ذنب عظيم
مسح ادمووووعه
شاف مروان والرائد ابراهيم
مروان : اعظم الله اجرك
ربي يتقبلها برحمته
الرائد ابراهيم : اعظم الله اجرك خوونا مازن
العقرب وهوو مكسور : أجري واجركم على الله
العقرب يحاول يمسك رووحه ومايبّش يبكي
العقرب : شن جابك انت هنا
امشي كمّل فرحك يامروان
مروان : شن تحكي انت ,, مرات عمي
متوفية وانكمل فرحي
العقرب : اسمع كلامي ,, ماعندش نية نحكي واجد
امشي للصالة
الرائد ابراهيم : امشي صح ,, خلي لؤي يشيلك
اقل شي خووذ العرووس واطلع بيها
كمّل اليوووم امتاعك
,,,
فارس مشى شور تشاركية وداير خيمة العزاء
في شارع العقرب
,,,,,
لؤي سمع نقاله يرن
لؤي : اشوية وجايك غادي
جي انا ومروان
فاطمة : لا نحنا اقريبات من المستشفى
لؤي : شن اللي جيّات هنا
بعقلك انتي
فاطمة : امي ماتت نبي انشووفها
لؤي : حتشووفيها لكن مش وانتي كيف جايا من صالة الفرح
فارس دار خيمة عند حووش هلك
امشووو غادي
وحتشووفيها امك بعدين
فاطمة : نعليا يا امي نعليا سبتينا
فاطمة :بحّتت في قريبتهم اللي اتسوق في السيارة
امشي بينا شور حوش هلي
نرمين وهي تبكي : بس نبوو انشوفوو امي
,,,,,
صالة الفرح كانت سكووووووت
وهدوووووء
مودة امقمعزة وزعلانة وتحكي مع رووحها
" عليش في يومي ايصير هكي
بختي عطيب انا "
جت ام مودة شورها
ام مودة : ماتنكدش علي رووحك
مودة : شفتي كيف طلع وسيّبني ,,
هذي هكي من بدايتها
ام مودة : مرات غالية عليه وسعي بالك
مودة : انوسع بالي ,, واتشوفي في الصبايا
بدن يروّحن
ام مروان جت شوورهن
ام مروان : عرفتك زعلانه ومن حقك تضايقي
ولقطة غلط اللي دارها مروان
لكن انتي ماتعرفش ام العقرب
وقعدت تبكي ام مروان
ام مروان وهي تبكي : " ام العقرب ام طيوووبة اتحب الخير
وياما تحملت واصبرت
واتعامل في مروان نفس ولدها
كلهم متعلقين بيها واجد
,,,,
هكي اشوية خش مروان لصالة الفرح
شفاتى امّه مسحت ادمووعها
ومشى شوور الكوووشة
شفاتَى مودة فرحت
مروان : هيا مودة نمشووووو
مودة : مسحت ادمووعها
وكان الدمووع امخرب الميكب امتاع الفرح
نزلّ الطرحة اللي علي وجها مروان
مروان بحّت في امّه
مروان : حيشيلوووك الشباب لحووش العقرب
ام مروان : تمام ,, ربي يتمملك علي خير
ام مودة احضنت بنتها
ام مودة : ربي يبارلكم في زواجكم
وطلع مروان ومودة
وركب للسيارة ومشوو
شور شقتهم اللي شروها جديدة
مودة : نحسابك مش حتجيني تاخذني
مروان ساكت وهوو يسووق ومايردّش عليها
مودة حطّت راسها عالكرسي امتاع السيارة
وقعدت ساكته حتى هيا
,,,,,
ام رحاب سمعت نقالها يرن
ام رحاب : نعم يابنتي
رحاب : مرات مش امروحة قاعدة مع صحبتي
نرمين امّها توفت اليوووم
ام رحاب : ان الله وان اليه راجعوون
باهي وعملك بكرة
رحاب : حنرن علي صاحب العيادة نعتذر منّا
لازم انكووون جنب نرمين
,,,,
كانن فاطمة ونرمين
عندهن نسخة من مفتاح الحوووش
كانن يتباكن في الحووووش
وصبايا الشارع يخشوو عليهن بالوحدة
لؤي بعد مامشى مع لؤي للصالة
مشى شوور حوش العقرب
كان فارس ولؤي ايديروو في كل شي ويوتّوو
في كل شي للعزاء
ومزال العقرب قاعد قدام غرفة اللي قاعدة فيها امه في المستشفى
العقرب : حنين راحت وامّي راحت
شن مزال نبّي من الدنيا
لما ماتت حنين كنت انقول ظهري انقسم
اليوووم بعد موووتت امي
انقوول انّ قلبي انحرق خلاص
يارب صبرني وخلاص "
الرائد ابراهيم : هيا يالعقرب
الرجّالة يرجوو قدام حووشك يبوو يعزووو
وصّيتلك الجماعة حيديروووو كل شي
الاوراق والدفينة وجميع البيانات
خلي المواضيع هذينا كلهن شووري
وبكرة الدفينة عالظهر
الرائد ابراهيم مد يدّة للعقرب
عشان يصبّيه
وصبّي العقرب ومشى معاه
شوور حووشهم
,,,,,
كانت مودة دايرة دوووش
وقاعدة في دارها
وكان مروان قاعد في الصالة مزال ماغيّرش ملابسه
مودة تحكي مع رووحها
: ماعندك عليش اتنكدي ياهبلة
اهوو قعد حلالك لكن صار موضوع العزاء ,,
كلّها فترة واترد كل حاجة كيف ماهي :
وهي تحكي مع رووحها
شافت مروان وهوو خاش عليها
مودة صبت من عالسرير
مشى شوورها مروان
عطاها بوووسه علي جبينها
" انحبك "
وكانت الدمعة علي خدّة
مودة حولت الدمعة بصبعها
وحضناته مودة وقعدت تبكي
مودة : فرحانة عشان قعدت راجلي وحلالي
قعد يمسح عليها راسها
بعدها حولّها من علي حضنه
وقعد ماسك راسها بايدي الاثنين
وعطها بووسه علي خدّها اليمين
وبوسة علي خدّها اليسار
وعلي جيبنها
مروان : مفرووض اليوم هذا ماكانش يقعد هكي
لكن الله غالب ..
الحمد الله على كل حال
بس مش حنخلّي شي يخرّب يومنا هذا
مع انّ قلبي محرووق
وخاطري مكسووور عشان مرات عمّي
اللي هي ام العقرب
لو كانت أي مرات عم راهوو ماتفرقش عندي
نزعل اشوية وعادي
لكن هذي بالنسبة لنا كلنا امنا
بس ليلتنا حنعيشووو احلى عيشة فيها
اندوّش بس ويتغير جووي وانجيك
مودة : وانا نرجي فيك يا اعيوووني
ياحب حياتي
,,,,,,,
العقرب بمجرد ما وصل للشارع
كل مرة يسلم عليه واحد ويعزّي فيه
وقعد يعزي فيهم بالواحد
كيف السرحان
وكأن جسد بدووون رووح
وكان قاعد في عالم ثاني
مش فاهم شي
يسمع في جملة وحدة
" اعظم الله اجرك
والبركة في راسك "
,,,,,,
اريج تبكي مع نرمين وفاطمة
فاطمة : شن طلّعنا نحنا بس
وقعدت اتخبش في روحها فاطمة
وتندب واتعيط
وتضرب في روحها
فاطمة : شن طلعني بس انا من الحووش
شن شالني الفرح
وقعدن يمسكن فيها الصبايا
وهي اتخبش في شعرها ورووحها
ونرمين تبكي واتهدّي فيها رحاب
,,,
بعد منتصف الليل
كانت مودة في حظن مروان
مودة : عارف ياروحي ,, انت احلى شي في حياتي
مروان : ربي يخليك ليّا
المهم بكرة راهوو ماشي للعزاء
ولازم نقعد مع العقرب غادي
يعني فكينا من جو
شهر عسل وصبحيتي ومش عارف شن
مودة : مش ليا الجو هذا
هذا رفيقك قبل مايكون قريبك
والواجب اتكووون مع
مروان : انحبك
مودة : انموووت فيك
,,,,,,
اليوم التالي كانت الدفينة امتاع ام العقرب
قبل مايشيلووها للمقبرة
جابوووها للحوووش
عشان يشووفنها فاطمة ونرمين واريج
ويدعوولها بالرحمة
وشالووها للمقبرة وصلّوو عليها ودفنوووها
كان الرائد ابراهيم ومروان ولؤي وجميع اصحاب العقرب
كلهم قاعدين غادي
منطقة الوحيشي كلّها غادي
اتقوول اللي ميّته مسؤوولة في الدووولة
لكن حب الناس للعقرب
كان بشكل لايوووصف
,,,,,
فاطمة من البكاء صوووتها راح
وكذالك اريج نكد وحزن
والعقرب قاعد في خيمة العزاء
يستقبل في الناس اللي يعزووو فيه
جميع الصيّاع اللي في المنطقة الشرقية جووووو
جميع تجّار الحشيش والاسلحة في المنطقة الشرقية جوو للعزاء
اول مرة في بنغازي
عزاء يقعد في رجال شرطة وتجار حشيش في نفس المكان
,,,,
يهدرز الرائد ابراهيم مع العقرب
ابراهيم : وين جميع اللي عندهم سوابق قاعدين في العزاء
سامع عليك انا بس ماكنتش متوقع هكي معرووف
العقرب : اغلبهم اصدقاء قُدامى وتعاملنا مع بعضنا زمان
ابراهيم : تمام بكل
......
بعد مرور شهرين ...
.....
كان العقرب عايش وحيد مع نفسه
ومزال متنكد ومتاثر بمووتة امّه
مروان عايش احلى حياة مع مودة
اريج كانت اتحس بفراغ كبير في حياتها
لكن كان يتصل بيها العقرب مرة مرة
يطمن عليها لو تبي حاجة او مستحقة لشي
عشان امّ ديما اتوصي بيها عليه
العقرب نسى مايا بكل ومعش خطرت حتى في باله
مايا مزال ماعندهش علم بموتة ام العقرب
لانها انقطعت ومعش رنت لا هو رن
كتيبة الهرهار دارها عمران وتأسست خلاص
واتية بالعدة والعدات والجنووود
..
رحاب قعدت مع نرمين فترة العزاء
ومتخلتش عنها بكل
وديما اتجيها واتكسد عندها
واكثر من مرة اتحاول تغري في فارس
...
هذه الرواية للكاتب ديندار الوحيشي
,,,,
العقرب امكسد قدام حووشهم ابرووحه وضارب الحزن
شاف جاره الاعمي ماشي وهو ابنه للمحل
وكان الاعمى مبتسم وفرحان وجوَّا اكثر من رايق
برغم انّ اعمى وراقد ريح
ومن طبقة كادحة
لكن كانت البسمة لاتفارق وجه في الشارع
العقرب يحكي مع روحه
" لعند امتى يالعقرب تقعد عايش النكد والحزن
علي امّك ,, خلاص خسرت امّك وخسرت حنين
ادعيلهم بالرحمة وعيش حياتك واشقى بالمستقبل امتاعك ,,
ويعطي في روحه بعض التحفيز المعنووووي "
هكي اشوية سمع نقاله يرن
طلع الرائد ابراهيم
الرائد : شن جوّك ياغالينا
العقرب : الحمد الله ياطيب
الرائد : شن عندك بكرة
العقرب : شي مشيتها من الجامع للحوش للحوش للجامع
وعالتلفزيووووون
الرائد : سالت عليك مروان وفارس ولؤي
قالوو تلقى في الحوووش
العقرب : بارك الله فيك تسال
الرائد : خلاص جايك بكرة نشرب عندك قهوة العشية
العقرب : تعال ينور بيك الحوووش
الرائد : تم تم
وسكّر الخط منّا الرائد ابراهيم
العقرب خذا اسلاحة وحطة ورا ظهرة
العقرب : الواحد يبرم اشوية بالسيارة
اغيّر جوّا
,,,,,
رحاب قاعدة في العيادة
" وتحكي مع رووحها شن هالبارد اللي مايحسش
درت جميع الحركات والاغراءات ومزال مابش يفطن
ولّا فاطن ويستعبط عليا ,,, راسي يبي ينفجر "
,,,,,,
بشير : في ناشط سياسي جديد
يطلع في وحدة من القنوات يحكي
علي اساس عنده وثائق واثباتات
والناس يسمعووولا كلّهم
عمران : من ؟؟؟
بشير : الناشط السياسي اسلام
عمران : شن ننهوووو موضعووه
بشير : علي طوووول
عمران : حاضر
,,,
اريج اتهدرز مع امّها سمعت نقالها يرن
شافت الرقم طلع العقرب
" العقرب كان يتصل بيها
عشان هي كانت جنب امّه ايام مرضها
كل مرة يتصل بيها لو نقصتها حاجة :"
اريج : نعم يالعقرب
العقرب : خيتي الصغيرة ناقصتك حاجة
كيف خيك انا ,, تبي أي شي رنّي عليا
ماديرش غيبة ,, أي موضوع يصيرلك
دوّريني نفس ماقتلك
اريج : لا مانبّي شي ,, مانبّي الا سلامتك
انت كيف حالك توا
الغقرب : قاعدين ماشيا الامووور
اريج : انا حاليا خاشة في معهد حاسوب
العشية نمشيلا
ليا فترة بادية فيه
العقرب : موفقة يارب
اريج : تسلم
,,,,,,
اريج بدت تفهم انّ العقرب يعامل فيها
نفس اخته الصغيرة
وطلّعت أي موضوع في راسها
ورضت بالواقع اللي قاعدة فيه
وفرحانة بالمعهد اللي خاشة فيه
وعجبها جو المعهد واجد
,,,,,,
اضّم في الشقة نرمين
سمعت باب الشقة يدق
فتحت الباب
نرمين : حي العقرب جاينا
العقرب : خيتنا العسل شن جوك
نرمين : اخيرا اللي قعدت تضحك وجوّك رايق
معش فيه حزن
العقرب : ربي يرحم امنا الغالية ويكوون مثواها الجنة يارب
نرمين : يااااااااارب
العقرب : ناقصتك حاجة افلووس أي موضوع
نرمين : لا الحمد الله الحال مستووور
العقرب : كنت امخطم قلت نسال انشوفك بالك تبي حاجة
نرمين : عندي لكي مفاجئة
العقرب : شن
نرمين : انا قلت لفارس ماتقوولهش العقرب
انا حنرن عليه وانقولها له
العقرب : شن في ؟؟؟
نرمين : حتقعد خال
العقرب باستغرب : خال كيف
نرمين : يعني شن مثلا ؟؟
العقرب : لا راك اتقوووليها بس
نرمين : اها حامل
العقرب : احسن خبر سمعته
معقوولة ماتقوولهش ليا هكي
نرمين : كنت نبي انرن عليك الاسبووع هذا
انت جيت
نرمين : تبّي القاضية الإخرة
العقرب : شكلك ياما تبي اتهدرزيلي
نرمين : انقول ولا لا
العقرب : شن قووولي
نرمين : حتى ف ا ط م ة حامل
العقرب : ههههههه شن تحملن بالجملة
ولا متفقات هكّي انت
نرمين : هي في الشهر الرابع
وانا في الشهر الثاني
العقرب : قعدت خال
نرمين : والخال والد
العقرب : تووو نمشي الفطومة انباركلها
نرمين : فرحانة عشان رديت تضحك زي زمان
العقرب : ربي يحفضكن
انسيتي وصيّت امي
رد بالك علي خواتك
مدام حي وانا ديما جنبكن يا احسن خيّات
وطلع العقرب من شقة فارس
واتصل بفارس
فارس : اووو مازن
العقرب : قصدك حتقعد بات انت
فارس : رنوو عليك وقالولك
العقرب : شن متفق انت ولؤي مع بعضكم ولا شن
فارس :ههههههههه جت صدفة شن دراني انا
العقرب : هابا عليكم ,, ماتبووش تصرفوو
اتقوولوو انديروو لمّة واسبوع مرة وحدة
فارس :هههههههه
مرات لؤي يفكر هكي عادي
العقرب : اليووم تعالوولي في الحووش انت ولؤي
انهدرزوووو
فارس : تم حندوّرك انا ولؤي
,,,,
ومشى العقرب شور حوش فاطمة يباركلها
عالخبر السمح هذا
,,,,,
الناشط السياسي ابراهيم
كان عنده بنت اسماها خلود
وكانت استاذة في المعهد اللي تقرى فيه اريج
,,,,,
الساعة 4:00 عصرا
خلود : هيا يابابا وقت عالمعهد
محاضرة عندي الساعة 4:30
ابراهيم : هيا اشوية بس ,,
خلود : قوليلا ياماما
مانبش نتاخر عالطلبة
ام خلود : وسعي بالك اشوية كنك ديما مستعجلة
ابراهيم : ديما هكي من ايام تقرا في الجامعة
كل شي عندها خف فت وسريع تبيه
خلود : انحب نووصل قبل الطلبة ديما
ابراهيم : هيا اطلعي قدامي ياسكّانة
امتى تزوّجي ونتريحوو من سكنانك
خلود طلّعت السانها
خلود : قاعدة علي قلبكم
ام خلود : هههه تحسابي روحك صغيرة
ابراهيم : انبصر عليك ياهبلة انتّي نوّارة الحوووش
وعطى بنته خلود بوووسة علي راسها
واطلعووو شوور المعهد
,,,,
كانوووو لؤي وفارس قاعدين في حووش العقرب ويهدرزووو
العقرب : باهي شن جو اللجنة الامنية
لؤي : انا قاعد عالنت ومركز الاعلامي
يعني كساد بكل انا
لو في حاجة شوف فارس
فارس : لا جديد يالعقرب كل مرة استيقاف
في الشارع ,, نفس الروتين
شن ماتبش اترد واتكسد امعانا زي قبل
العقرب : اسبووع ننهي مواضيعي وحنرد امعاكم
باذن الله
فارس : ياريت قعدت امكسد انا
لؤي : فاطمة قالت جا العقرب الصبح
باركلي عالحمل امتاعي
العقرب : تعالوو هنا ,, عليش حملتوو مع بعضكم
قصدكم متفقين عليها
لؤي : هههههههههههه
فارس : والله صدفة عنجد متفقين
العقرب : تي لوي قرقاض واديرها عادي
تي عارفه وحافضة
لؤي : انقانك دفنقي ,, باهي اللي قعدت تضحك كيف زمان
العقرب : لا طرشقت خلاص انا ,, ودّرت ملفاتي خلاص
,,,,,,,
كانت اريج مع صحبتها هدى في المعهد
تعرفت عليها في المعهد
هدى : شن حليتي الهوووم ورك
اريج : حليته كلّه
هدى : ترا عيطيني انراجع الحل امتاعي بحلك
قبل ما اتجي الاستاذة خلوود
اريج : اهي جت من بعيد انشوف فيها في بداية الممر
هدى : هاتي بسرعة انشوف الحل بس
اريج : هاكي
وخشّت الاستاذة خلووود
وبدت المحاضرة وقعدت تشرح للطلبة
,,,,
مروان : التاشيرات قريب يجّن
مودة : نعليا وخلاص ,, حنسافروو لمصر
مروان : مزال ماقلتهش الحد ,, الا الامي
قلت لين يصير منها المشية
وبعدها انقووللها
مودة : وانا بعت املاكي كلهن وكل شي عندي
مروان : حتى التفتوفة اللي عندنا اكويسة
مودة : حنعيشوو احلى حياة في مصر
مروان : لازم من تغييرت جو
ونبي انشيل امك وامي
حنأجروو حووش ونعطووهم جناح
انخلوووهم يعيشووو احلى ايامهم امعانا
مودة : قصدك جريت حتى علي تاشيرة امي وامك
مودة : امالا عليش قتلك عيطني اوراق امك
مودة : نجك ليا وخلاص
واحضنت مروان
مودة : ربّي مايحرمنش منّك ياصقع
,,,,,,
بعد مرور 45 دقيقة ..
....
خلوود وهي تشرح للطلبة سمعت الباب دق
انفتح الباب
خش طالب اسمة احمد
" احمد هذا ديما مع نفسه
وحداني مش مختلط واجد بالطلبة
ونادر ماتسمع صووته في الحصّة "
خلود : وين يا احمد المحاضرة قريب تكمل تاخرت
احمد : صارلي موضوع بس يا استاذة معلش
خلود : خش عادي لكن طقيت في نهاية المحاضرة
خش قعمز أحمد في الدرج اللي لاورا
وكانت اريج وهدى منتبهات مع شرح الاستاذة خلووود
,,,,,,
....
فارس ولوي هما طالعين من حوش مازن
كان مازن امعاهم
مازن : عاودووها التكسيدة ليا واجد عليكم
فارس : المهم مش اديرينّا طلّة في اللجنة الامنية
مازن : اكيدة هذي
مازن شاف بات اريج جاي شوورة
بات اريج : السلام عليكم يالعقرب
العقرب : وعليكم السلام ياباتي
لؤي : نستاذنوووك توا
العقرب : خوذوو راحتكم
ومشوو لؤي وفارس مع بعضهم
بات اريج : سيارتي مابتش تولع
عادي نمشوو بسيارتك انجيبووو
بنتي اريج
العقرب : توا ؟؟؟
بات اريج : اها لو ماعندكش موضوع
العقرب : ادلل ياباتي اشوية بس
انجيب مفتاح السيارة وانجيك
وخش الغقرب حط اسلاحة ورا ضهره
وخذا مفتاح السيارة وطلع شوور بات اريج
,,,,,,
كانت امكسدة عالنت نرمين
خشت عليها رحاب خاص
رحاب : باركيلي
نرمين : شن حصلتي عريس
رحاب : ههههههه ياريت
بس حاجة احلى
نرمين : شن
رحاب : اخيرا شريت سيارة اللي قتلك عليها
نرمين : لوولولوي طيب فيك
رحاب : خلاص حنخش تعليم القيادة ونقعد انسووق عادي
وندهورووو مع بعضنا
نرمين : خلاص اتعلميني عليها بعدها
رحاب انعلمّك ياحلى انتيمة عندي
,,,,,
امكسدة في الشقة امتاعتها مايا وتحكي مع رووحها
" ليا واجد عليك يامازن
زعمك عليش معش لا اترن لاشي
حنرن عليك انا خير ونطلع احسن منكّ "
......
كان بات خلوود يرجى فيها قدام المعهد
خلووود جت تبي تطلع من المحاضرة
جوووها الطلبة يسالوو فيها ويستفسروو منها عالباب
اريج وهيا طالع مع هدى من القاعة .. جاها الطالب احمد
احمد : معلش ممكن دقيقة من وقتك
اريج : تفضل
احمد : ممكن الكراّسة امتاعك
غير نكتب المحاضرة امتاع اليوووم
وبكرة انجيبها لكي
لو مافهش مانع
اريج : لا عادي خوووذ
وخذا احمد وطلع من القاعة
هدى : عرفتي من هذا ولا لا
اريج : هذا احمد اللي يقرى امعانا من بداية السمستر
هدى : سامعة عليها رواية مشاعر مطرطشة
اريج : اها البنات دارلي عليها تاق
بس مزال ماقريتهش
هدى : هوو صاحب الرواية هذي
اريج :بس هذكي الرواية تقريبا
لواحد اسمه ديندار الوحيشي
هدى : هوو نفسه احمد الوحيشي
اريج : بس كيف عرفتيه هو مش حاط صوورته
هدى : انا دايرتلا متاعبة من زمان وضايفتة علي احسابة الشخصي
ومن قبل نزّل صوورته علي صفحته خلّاها فترة
وحذفها وانا خزنتها عندي في النقال
اريج : بس مافش أي شي يدل علي انّ كاتب روايات
هدى : هذا اكثر شي مستغربة فيه
لايحكي يقوول انا كاتب لا فرحان بيها
لايحكي علي رواياته
اريج : غريب الاطوار شكله
هدى : انقولك حاجة اخرة مش حتصدقيها عليه
اريج : شن
هدى : شن رايك في وحدين لعند توا اصحابه
واقاربه وجيرانه مايعرووفش انّ يكتب في روايات
ولا من النوعية اللي يحكي للناس
اريج : غبي ,, كان انا مكانه راهوو انشهدر برووحي
عشان ننشهر .. الكتابة موهبة
..
اريج سمعت نقّالها يرن
شافت الرقم طلع باتها
اريج : خلاص ماقرّمنا الا واجد
بابا يرن معناها يرجى فيا برة
هدى : خلاص حتلقيني عالواتس
,,,,
طلعت خلووود جت تبي تركب سيارة باتها
جت سيارة فيها وحدين املثمين
وجوو عند باب السواق امتاع باتها
واطلقوووو الرصاص علي باتها
طاف طاف طاف طاف طاف
كان وقتها العقرب قاعد في السياره
مع بات اريج يرجو وفي اريج
سمع بات اريج الصوووت خاف وقعد امطبّس لوووطة
العقرب طلّع اسلاحه جا يبي ينزل من السيارة
اهربت السيارة اللي اضربت بات خلووود
فك من المفاتيح اللي عنده
مفتاح السيارة
وعطى البات اريج
العقرب : روّحك بنتك بس توا بسرعة
والتمت الناس كلها
خلوود : يابابا يابابا يابابا
وينكم تعالووو اسعفوووو بابا
وينكم تعالووو اسعفووو بابا
العقرب مشي يجري شوور السيارة
امتاع بات خلووود
اريج وهدى قعدووو مصدووومين
وباقي الطلبة انصدموووو
اول مرة يشوفووو واحد يغتالووو لايف قدّامهم
السيارات مافش حد وقّف اللي هذا خايف ومايبش يسعفه
وقّف سيارة واحد من عالطريق بقوة السلاح اجباري
ومسك بات خلووود وعطّى في السيارة
واركبت امعاهم خلووود
العقرب : ابسرعة ابسرعة امشي لمسشفى الجلاء
خلووود تبكي في السيارة
العقرب طلّع نقاله
اتصل بفارس
فارس : نعم
العقرب : اسمع في سيارة جيب لونها احمر
طارقتها ثمانية سبعة
اطلقت علي واحد رصاص
ماشيا شور جزيرة الجعب بالك اطقّوو فيها
حاليا ساعفين الراجل شور الجلاء
خلووود ماسكة باتها وتبكي عليه
فارس : حاضر حنبلغ عليه الوحدات
وسكّر فارس
وهما ماشيين شور الجلاء
العقرب سمع نقاله يرن
شاف الرقم طلعت مايا
درالها مشغوووول
,,,,,
بشير كان قاعد في الفيلا امتاعه
رن عليه عمران
بشير : شن صار امعاكم
عمران : طربقنا امبدري اشوية
بشير : هذا الصح ,, مزال أي حد يحاول
يفكر ولا يحكي عليا
حنجيّفة وقتي
يتبع ,,,
الحلقة 53
مروان : العقرب اهم من العرووس
ركب مع الرائد ابراهيم سيارته
ومشووو شوور مستشفى الجلاء
,,,,,,
جاء الخبر لشارع العقرب
انّ ام العقرب توفّت
,,,
اريج : يانعليا ياعمّتي
يانعليا كنتي اقرب انسانة ليا
عليش مشيتي وعدّيتي
كنتي زي امي الحنوونة وطيّووبة امعايا
ام اريج : ادعيلها بالرحمة يا اريج
اريج حضنت امها وقعدت تبكي
آخر 5 اشهوور اريج يوميا
مع ام العقرب
وتطّمن عليها
,,,,
العقرب امصبّي قدام غرفة العمليات
وحط راسه عالساس
" لاحول ولا قوة الا بالله
يارب عطيني الصبر وقوّيني
استغفر الله العظيم من كل ذنب عظيم
مسح ادمووووعه
شاف مروان والرائد ابراهيم
مروان : اعظم الله اجرك
ربي يتقبلها برحمته
الرائد ابراهيم : اعظم الله اجرك خوونا مازن
العقرب وهوو مكسور : أجري واجركم على الله
العقرب يحاول يمسك رووحه ومايبّش يبكي
العقرب : شن جابك انت هنا
امشي كمّل فرحك يامروان
مروان : شن تحكي انت ,, مرات عمي
متوفية وانكمل فرحي
العقرب : اسمع كلامي ,, ماعندش نية نحكي واجد
امشي للصالة
الرائد ابراهيم : امشي صح ,, خلي لؤي يشيلك
اقل شي خووذ العرووس واطلع بيها
كمّل اليوووم امتاعك
,,,
فارس مشى شور تشاركية وداير خيمة العزاء
في شارع العقرب
,,,,,
لؤي سمع نقاله يرن
لؤي : اشوية وجايك غادي
جي انا ومروان
فاطمة : لا نحنا اقريبات من المستشفى
لؤي : شن اللي جيّات هنا
بعقلك انتي
فاطمة : امي ماتت نبي انشووفها
لؤي : حتشووفيها لكن مش وانتي كيف جايا من صالة الفرح
فارس دار خيمة عند حووش هلك
امشووو غادي
وحتشووفيها امك بعدين
فاطمة : نعليا يا امي نعليا سبتينا
فاطمة :بحّتت في قريبتهم اللي اتسوق في السيارة
امشي بينا شور حوش هلي
نرمين وهي تبكي : بس نبوو انشوفوو امي
,,,,,
صالة الفرح كانت سكووووووت
وهدوووووء
مودة امقمعزة وزعلانة وتحكي مع رووحها
" عليش في يومي ايصير هكي
بختي عطيب انا "
جت ام مودة شورها
ام مودة : ماتنكدش علي رووحك
مودة : شفتي كيف طلع وسيّبني ,,
هذي هكي من بدايتها
ام مودة : مرات غالية عليه وسعي بالك
مودة : انوسع بالي ,, واتشوفي في الصبايا
بدن يروّحن
ام مروان جت شوورهن
ام مروان : عرفتك زعلانه ومن حقك تضايقي
ولقطة غلط اللي دارها مروان
لكن انتي ماتعرفش ام العقرب
وقعدت تبكي ام مروان
ام مروان وهي تبكي : " ام العقرب ام طيوووبة اتحب الخير
وياما تحملت واصبرت
واتعامل في مروان نفس ولدها
كلهم متعلقين بيها واجد
,,,,
هكي اشوية خش مروان لصالة الفرح
شفاتى امّه مسحت ادمووعها
ومشى شوور الكوووشة
شفاتَى مودة فرحت
مروان : هيا مودة نمشووووو
مودة : مسحت ادمووعها
وكان الدمووع امخرب الميكب امتاع الفرح
نزلّ الطرحة اللي علي وجها مروان
مروان بحّت في امّه
مروان : حيشيلوووك الشباب لحووش العقرب
ام مروان : تمام ,, ربي يتمملك علي خير
ام مودة احضنت بنتها
ام مودة : ربي يبارلكم في زواجكم
وطلع مروان ومودة
وركب للسيارة ومشوو
شور شقتهم اللي شروها جديدة
مودة : نحسابك مش حتجيني تاخذني
مروان ساكت وهوو يسووق ومايردّش عليها
مودة حطّت راسها عالكرسي امتاع السيارة
وقعدت ساكته حتى هيا
,,,,,
ام رحاب سمعت نقالها يرن
ام رحاب : نعم يابنتي
رحاب : مرات مش امروحة قاعدة مع صحبتي
نرمين امّها توفت اليوووم
ام رحاب : ان الله وان اليه راجعوون
باهي وعملك بكرة
رحاب : حنرن علي صاحب العيادة نعتذر منّا
لازم انكووون جنب نرمين
,,,,
كانن فاطمة ونرمين
عندهن نسخة من مفتاح الحوووش
كانن يتباكن في الحووووش
وصبايا الشارع يخشوو عليهن بالوحدة
لؤي بعد مامشى مع لؤي للصالة
مشى شوور حوش العقرب
كان فارس ولؤي ايديروو في كل شي ويوتّوو
في كل شي للعزاء
ومزال العقرب قاعد قدام غرفة اللي قاعدة فيها امه في المستشفى
العقرب : حنين راحت وامّي راحت
شن مزال نبّي من الدنيا
لما ماتت حنين كنت انقول ظهري انقسم
اليوووم بعد موووتت امي
انقوول انّ قلبي انحرق خلاص
يارب صبرني وخلاص "
الرائد ابراهيم : هيا يالعقرب
الرجّالة يرجوو قدام حووشك يبوو يعزووو
وصّيتلك الجماعة حيديروووو كل شي
الاوراق والدفينة وجميع البيانات
خلي المواضيع هذينا كلهن شووري
وبكرة الدفينة عالظهر
الرائد ابراهيم مد يدّة للعقرب
عشان يصبّيه
وصبّي العقرب ومشى معاه
شوور حووشهم
,,,,,
كانت مودة دايرة دوووش
وقاعدة في دارها
وكان مروان قاعد في الصالة مزال ماغيّرش ملابسه
مودة تحكي مع رووحها
: ماعندك عليش اتنكدي ياهبلة
اهوو قعد حلالك لكن صار موضوع العزاء ,,
كلّها فترة واترد كل حاجة كيف ماهي :
وهي تحكي مع رووحها
شافت مروان وهوو خاش عليها
مودة صبت من عالسرير
مشى شوورها مروان
عطاها بوووسه علي جبينها
" انحبك "
وكانت الدمعة علي خدّة
مودة حولت الدمعة بصبعها
وحضناته مودة وقعدت تبكي
مودة : فرحانة عشان قعدت راجلي وحلالي
قعد يمسح عليها راسها
بعدها حولّها من علي حضنه
وقعد ماسك راسها بايدي الاثنين
وعطها بووسه علي خدّها اليمين
وبوسة علي خدّها اليسار
وعلي جيبنها
مروان : مفرووض اليوم هذا ماكانش يقعد هكي
لكن الله غالب ..
الحمد الله على كل حال
بس مش حنخلّي شي يخرّب يومنا هذا
مع انّ قلبي محرووق
وخاطري مكسووور عشان مرات عمّي
اللي هي ام العقرب
لو كانت أي مرات عم راهوو ماتفرقش عندي
نزعل اشوية وعادي
لكن هذي بالنسبة لنا كلنا امنا
بس ليلتنا حنعيشووو احلى عيشة فيها
اندوّش بس ويتغير جووي وانجيك
مودة : وانا نرجي فيك يا اعيوووني
ياحب حياتي
,,,,,,,
العقرب بمجرد ما وصل للشارع
كل مرة يسلم عليه واحد ويعزّي فيه
وقعد يعزي فيهم بالواحد
كيف السرحان
وكأن جسد بدووون رووح
وكان قاعد في عالم ثاني
مش فاهم شي
يسمع في جملة وحدة
" اعظم الله اجرك
والبركة في راسك "
,,,,,,
اريج تبكي مع نرمين وفاطمة
فاطمة : شن طلّعنا نحنا بس
وقعدت اتخبش في روحها فاطمة
وتندب واتعيط
وتضرب في روحها
فاطمة : شن طلعني بس انا من الحووش
شن شالني الفرح
وقعدن يمسكن فيها الصبايا
وهي اتخبش في شعرها ورووحها
ونرمين تبكي واتهدّي فيها رحاب
,,,
بعد منتصف الليل
كانت مودة في حظن مروان
مودة : عارف ياروحي ,, انت احلى شي في حياتي
مروان : ربي يخليك ليّا
المهم بكرة راهوو ماشي للعزاء
ولازم نقعد مع العقرب غادي
يعني فكينا من جو
شهر عسل وصبحيتي ومش عارف شن
مودة : مش ليا الجو هذا
هذا رفيقك قبل مايكون قريبك
والواجب اتكووون مع
مروان : انحبك
مودة : انموووت فيك
,,,,,,
اليوم التالي كانت الدفينة امتاع ام العقرب
قبل مايشيلووها للمقبرة
جابوووها للحوووش
عشان يشووفنها فاطمة ونرمين واريج
ويدعوولها بالرحمة
وشالووها للمقبرة وصلّوو عليها ودفنوووها
كان الرائد ابراهيم ومروان ولؤي وجميع اصحاب العقرب
كلهم قاعدين غادي
منطقة الوحيشي كلّها غادي
اتقوول اللي ميّته مسؤوولة في الدووولة
لكن حب الناس للعقرب
كان بشكل لايوووصف
,,,,,
فاطمة من البكاء صوووتها راح
وكذالك اريج نكد وحزن
والعقرب قاعد في خيمة العزاء
يستقبل في الناس اللي يعزووو فيه
جميع الصيّاع اللي في المنطقة الشرقية جووووو
جميع تجّار الحشيش والاسلحة في المنطقة الشرقية جوو للعزاء
اول مرة في بنغازي
عزاء يقعد في رجال شرطة وتجار حشيش في نفس المكان
,,,,
يهدرز الرائد ابراهيم مع العقرب
ابراهيم : وين جميع اللي عندهم سوابق قاعدين في العزاء
سامع عليك انا بس ماكنتش متوقع هكي معرووف
العقرب : اغلبهم اصدقاء قُدامى وتعاملنا مع بعضنا زمان
ابراهيم : تمام بكل
......
بعد مرور شهرين ...
.....
كان العقرب عايش وحيد مع نفسه
ومزال متنكد ومتاثر بمووتة امّه
مروان عايش احلى حياة مع مودة
اريج كانت اتحس بفراغ كبير في حياتها
لكن كان يتصل بيها العقرب مرة مرة
يطمن عليها لو تبي حاجة او مستحقة لشي
عشان امّ ديما اتوصي بيها عليه
العقرب نسى مايا بكل ومعش خطرت حتى في باله
مايا مزال ماعندهش علم بموتة ام العقرب
لانها انقطعت ومعش رنت لا هو رن
كتيبة الهرهار دارها عمران وتأسست خلاص
واتية بالعدة والعدات والجنووود
..
رحاب قعدت مع نرمين فترة العزاء
ومتخلتش عنها بكل
وديما اتجيها واتكسد عندها
واكثر من مرة اتحاول تغري في فارس
...
هذه الرواية للكاتب ديندار الوحيشي
,,,,
العقرب امكسد قدام حووشهم ابرووحه وضارب الحزن
شاف جاره الاعمي ماشي وهو ابنه للمحل
وكان الاعمى مبتسم وفرحان وجوَّا اكثر من رايق
برغم انّ اعمى وراقد ريح
ومن طبقة كادحة
لكن كانت البسمة لاتفارق وجه في الشارع
العقرب يحكي مع روحه
" لعند امتى يالعقرب تقعد عايش النكد والحزن
علي امّك ,, خلاص خسرت امّك وخسرت حنين
ادعيلهم بالرحمة وعيش حياتك واشقى بالمستقبل امتاعك ,,
ويعطي في روحه بعض التحفيز المعنووووي "
هكي اشوية سمع نقاله يرن
طلع الرائد ابراهيم
الرائد : شن جوّك ياغالينا
العقرب : الحمد الله ياطيب
الرائد : شن عندك بكرة
العقرب : شي مشيتها من الجامع للحوش للحوش للجامع
وعالتلفزيووووون
الرائد : سالت عليك مروان وفارس ولؤي
قالوو تلقى في الحوووش
العقرب : بارك الله فيك تسال
الرائد : خلاص جايك بكرة نشرب عندك قهوة العشية
العقرب : تعال ينور بيك الحوووش
الرائد : تم تم
وسكّر الخط منّا الرائد ابراهيم
العقرب خذا اسلاحة وحطة ورا ظهرة
العقرب : الواحد يبرم اشوية بالسيارة
اغيّر جوّا
,,,,,
رحاب قاعدة في العيادة
" وتحكي مع رووحها شن هالبارد اللي مايحسش
درت جميع الحركات والاغراءات ومزال مابش يفطن
ولّا فاطن ويستعبط عليا ,,, راسي يبي ينفجر "
,,,,,,
بشير : في ناشط سياسي جديد
يطلع في وحدة من القنوات يحكي
علي اساس عنده وثائق واثباتات
والناس يسمعووولا كلّهم
عمران : من ؟؟؟
بشير : الناشط السياسي اسلام
عمران : شن ننهوووو موضعووه
بشير : علي طوووول
عمران : حاضر
,,,
اريج اتهدرز مع امّها سمعت نقالها يرن
شافت الرقم طلع العقرب
" العقرب كان يتصل بيها
عشان هي كانت جنب امّه ايام مرضها
كل مرة يتصل بيها لو نقصتها حاجة :"
اريج : نعم يالعقرب
العقرب : خيتي الصغيرة ناقصتك حاجة
كيف خيك انا ,, تبي أي شي رنّي عليا
ماديرش غيبة ,, أي موضوع يصيرلك
دوّريني نفس ماقتلك
اريج : لا مانبّي شي ,, مانبّي الا سلامتك
انت كيف حالك توا
الغقرب : قاعدين ماشيا الامووور
اريج : انا حاليا خاشة في معهد حاسوب
العشية نمشيلا
ليا فترة بادية فيه
العقرب : موفقة يارب
اريج : تسلم
,,,,,,
اريج بدت تفهم انّ العقرب يعامل فيها
نفس اخته الصغيرة
وطلّعت أي موضوع في راسها
ورضت بالواقع اللي قاعدة فيه
وفرحانة بالمعهد اللي خاشة فيه
وعجبها جو المعهد واجد
,,,,,,
اضّم في الشقة نرمين
سمعت باب الشقة يدق
فتحت الباب
نرمين : حي العقرب جاينا
العقرب : خيتنا العسل شن جوك
نرمين : اخيرا اللي قعدت تضحك وجوّك رايق
معش فيه حزن
العقرب : ربي يرحم امنا الغالية ويكوون مثواها الجنة يارب
نرمين : يااااااااارب
العقرب : ناقصتك حاجة افلووس أي موضوع
نرمين : لا الحمد الله الحال مستووور
العقرب : كنت امخطم قلت نسال انشوفك بالك تبي حاجة
نرمين : عندي لكي مفاجئة
العقرب : شن
نرمين : انا قلت لفارس ماتقوولهش العقرب
انا حنرن عليه وانقولها له
العقرب : شن في ؟؟؟
نرمين : حتقعد خال
العقرب باستغرب : خال كيف
نرمين : يعني شن مثلا ؟؟
العقرب : لا راك اتقوووليها بس
نرمين : اها حامل
العقرب : احسن خبر سمعته
معقوولة ماتقوولهش ليا هكي
نرمين : كنت نبي انرن عليك الاسبووع هذا
انت جيت
نرمين : تبّي القاضية الإخرة
العقرب : شكلك ياما تبي اتهدرزيلي
نرمين : انقول ولا لا
العقرب : شن قووولي
نرمين : حتى ف ا ط م ة حامل
العقرب : ههههههه شن تحملن بالجملة
ولا متفقات هكّي انت
نرمين : هي في الشهر الرابع
وانا في الشهر الثاني
العقرب : قعدت خال
نرمين : والخال والد
العقرب : تووو نمشي الفطومة انباركلها
نرمين : فرحانة عشان رديت تضحك زي زمان
العقرب : ربي يحفضكن
انسيتي وصيّت امي
رد بالك علي خواتك
مدام حي وانا ديما جنبكن يا احسن خيّات
وطلع العقرب من شقة فارس
واتصل بفارس
فارس : اووو مازن
العقرب : قصدك حتقعد بات انت
فارس : رنوو عليك وقالولك
العقرب : شن متفق انت ولؤي مع بعضكم ولا شن
فارس :ههههههههه جت صدفة شن دراني انا
العقرب : هابا عليكم ,, ماتبووش تصرفوو
اتقوولوو انديروو لمّة واسبوع مرة وحدة
فارس :هههههههه
مرات لؤي يفكر هكي عادي
العقرب : اليووم تعالوولي في الحووش انت ولؤي
انهدرزوووو
فارس : تم حندوّرك انا ولؤي
,,,,
ومشى العقرب شور حوش فاطمة يباركلها
عالخبر السمح هذا
,,,,,
الناشط السياسي ابراهيم
كان عنده بنت اسماها خلود
وكانت استاذة في المعهد اللي تقرى فيه اريج
,,,,,
الساعة 4:00 عصرا
خلود : هيا يابابا وقت عالمعهد
محاضرة عندي الساعة 4:30
ابراهيم : هيا اشوية بس ,,
خلود : قوليلا ياماما
مانبش نتاخر عالطلبة
ام خلود : وسعي بالك اشوية كنك ديما مستعجلة
ابراهيم : ديما هكي من ايام تقرا في الجامعة
كل شي عندها خف فت وسريع تبيه
خلود : انحب نووصل قبل الطلبة ديما
ابراهيم : هيا اطلعي قدامي ياسكّانة
امتى تزوّجي ونتريحوو من سكنانك
خلود طلّعت السانها
خلود : قاعدة علي قلبكم
ام خلود : هههه تحسابي روحك صغيرة
ابراهيم : انبصر عليك ياهبلة انتّي نوّارة الحوووش
وعطى بنته خلود بوووسة علي راسها
واطلعووو شوور المعهد
,,,,
كانوووو لؤي وفارس قاعدين في حووش العقرب ويهدرزووو
العقرب : باهي شن جو اللجنة الامنية
لؤي : انا قاعد عالنت ومركز الاعلامي
يعني كساد بكل انا
لو في حاجة شوف فارس
فارس : لا جديد يالعقرب كل مرة استيقاف
في الشارع ,, نفس الروتين
شن ماتبش اترد واتكسد امعانا زي قبل
العقرب : اسبووع ننهي مواضيعي وحنرد امعاكم
باذن الله
فارس : ياريت قعدت امكسد انا
لؤي : فاطمة قالت جا العقرب الصبح
باركلي عالحمل امتاعي
العقرب : تعالوو هنا ,, عليش حملتوو مع بعضكم
قصدكم متفقين عليها
لؤي : هههههههههههه
فارس : والله صدفة عنجد متفقين
العقرب : تي لوي قرقاض واديرها عادي
تي عارفه وحافضة
لؤي : انقانك دفنقي ,, باهي اللي قعدت تضحك كيف زمان
العقرب : لا طرشقت خلاص انا ,, ودّرت ملفاتي خلاص
,,,,,,,
كانت اريج مع صحبتها هدى في المعهد
تعرفت عليها في المعهد
هدى : شن حليتي الهوووم ورك
اريج : حليته كلّه
هدى : ترا عيطيني انراجع الحل امتاعي بحلك
قبل ما اتجي الاستاذة خلوود
اريج : اهي جت من بعيد انشوف فيها في بداية الممر
هدى : هاتي بسرعة انشوف الحل بس
اريج : هاكي
وخشّت الاستاذة خلووود
وبدت المحاضرة وقعدت تشرح للطلبة
,,,,
مروان : التاشيرات قريب يجّن
مودة : نعليا وخلاص ,, حنسافروو لمصر
مروان : مزال ماقلتهش الحد ,, الا الامي
قلت لين يصير منها المشية
وبعدها انقووللها
مودة : وانا بعت املاكي كلهن وكل شي عندي
مروان : حتى التفتوفة اللي عندنا اكويسة
مودة : حنعيشوو احلى حياة في مصر
مروان : لازم من تغييرت جو
ونبي انشيل امك وامي
حنأجروو حووش ونعطووهم جناح
انخلوووهم يعيشووو احلى ايامهم امعانا
مودة : قصدك جريت حتى علي تاشيرة امي وامك
مودة : امالا عليش قتلك عيطني اوراق امك
مودة : نجك ليا وخلاص
واحضنت مروان
مودة : ربّي مايحرمنش منّك ياصقع
,,,,,,
بعد مرور 45 دقيقة ..
....
خلوود وهي تشرح للطلبة سمعت الباب دق
انفتح الباب
خش طالب اسمة احمد
" احمد هذا ديما مع نفسه
وحداني مش مختلط واجد بالطلبة
ونادر ماتسمع صووته في الحصّة "
خلود : وين يا احمد المحاضرة قريب تكمل تاخرت
احمد : صارلي موضوع بس يا استاذة معلش
خلود : خش عادي لكن طقيت في نهاية المحاضرة
خش قعمز أحمد في الدرج اللي لاورا
وكانت اريج وهدى منتبهات مع شرح الاستاذة خلووود
,,,,,,
....
فارس ولوي هما طالعين من حوش مازن
كان مازن امعاهم
مازن : عاودووها التكسيدة ليا واجد عليكم
فارس : المهم مش اديرينّا طلّة في اللجنة الامنية
مازن : اكيدة هذي
مازن شاف بات اريج جاي شوورة
بات اريج : السلام عليكم يالعقرب
العقرب : وعليكم السلام ياباتي
لؤي : نستاذنوووك توا
العقرب : خوذوو راحتكم
ومشوو لؤي وفارس مع بعضهم
بات اريج : سيارتي مابتش تولع
عادي نمشوو بسيارتك انجيبووو
بنتي اريج
العقرب : توا ؟؟؟
بات اريج : اها لو ماعندكش موضوع
العقرب : ادلل ياباتي اشوية بس
انجيب مفتاح السيارة وانجيك
وخش الغقرب حط اسلاحة ورا ضهره
وخذا مفتاح السيارة وطلع شوور بات اريج
,,,,,,
كانت امكسدة عالنت نرمين
خشت عليها رحاب خاص
رحاب : باركيلي
نرمين : شن حصلتي عريس
رحاب : ههههههه ياريت
بس حاجة احلى
نرمين : شن
رحاب : اخيرا شريت سيارة اللي قتلك عليها
نرمين : لوولولوي طيب فيك
رحاب : خلاص حنخش تعليم القيادة ونقعد انسووق عادي
وندهورووو مع بعضنا
نرمين : خلاص اتعلميني عليها بعدها
رحاب انعلمّك ياحلى انتيمة عندي
,,,,,
امكسدة في الشقة امتاعتها مايا وتحكي مع رووحها
" ليا واجد عليك يامازن
زعمك عليش معش لا اترن لاشي
حنرن عليك انا خير ونطلع احسن منكّ "
......
كان بات خلوود يرجى فيها قدام المعهد
خلووود جت تبي تطلع من المحاضرة
جوووها الطلبة يسالوو فيها ويستفسروو منها عالباب
اريج وهيا طالع مع هدى من القاعة .. جاها الطالب احمد
احمد : معلش ممكن دقيقة من وقتك
اريج : تفضل
احمد : ممكن الكراّسة امتاعك
غير نكتب المحاضرة امتاع اليوووم
وبكرة انجيبها لكي
لو مافهش مانع
اريج : لا عادي خوووذ
وخذا احمد وطلع من القاعة
هدى : عرفتي من هذا ولا لا
اريج : هذا احمد اللي يقرى امعانا من بداية السمستر
هدى : سامعة عليها رواية مشاعر مطرطشة
اريج : اها البنات دارلي عليها تاق
بس مزال ماقريتهش
هدى : هوو صاحب الرواية هذي
اريج :بس هذكي الرواية تقريبا
لواحد اسمه ديندار الوحيشي
هدى : هوو نفسه احمد الوحيشي
اريج : بس كيف عرفتيه هو مش حاط صوورته
هدى : انا دايرتلا متاعبة من زمان وضايفتة علي احسابة الشخصي
ومن قبل نزّل صوورته علي صفحته خلّاها فترة
وحذفها وانا خزنتها عندي في النقال
اريج : بس مافش أي شي يدل علي انّ كاتب روايات
هدى : هذا اكثر شي مستغربة فيه
لايحكي يقوول انا كاتب لا فرحان بيها
لايحكي علي رواياته
اريج : غريب الاطوار شكله
هدى : انقولك حاجة اخرة مش حتصدقيها عليه
اريج : شن
هدى : شن رايك في وحدين لعند توا اصحابه
واقاربه وجيرانه مايعرووفش انّ يكتب في روايات
ولا من النوعية اللي يحكي للناس
اريج : غبي ,, كان انا مكانه راهوو انشهدر برووحي
عشان ننشهر .. الكتابة موهبة
..
اريج سمعت نقّالها يرن
شافت الرقم طلع باتها
اريج : خلاص ماقرّمنا الا واجد
بابا يرن معناها يرجى فيا برة
هدى : خلاص حتلقيني عالواتس
,,,,
طلعت خلووود جت تبي تركب سيارة باتها
جت سيارة فيها وحدين املثمين
وجوو عند باب السواق امتاع باتها
واطلقوووو الرصاص علي باتها
طاف طاف طاف طاف طاف
كان وقتها العقرب قاعد في السياره
مع بات اريج يرجو وفي اريج
سمع بات اريج الصوووت خاف وقعد امطبّس لوووطة
العقرب طلّع اسلاحه جا يبي ينزل من السيارة
اهربت السيارة اللي اضربت بات خلووود
فك من المفاتيح اللي عنده
مفتاح السيارة
وعطى البات اريج
العقرب : روّحك بنتك بس توا بسرعة
والتمت الناس كلها
خلوود : يابابا يابابا يابابا
وينكم تعالووو اسعفوووو بابا
وينكم تعالووو اسعفووو بابا
العقرب مشي يجري شوور السيارة
امتاع بات خلووود
اريج وهدى قعدووو مصدووومين
وباقي الطلبة انصدموووو
اول مرة يشوفووو واحد يغتالووو لايف قدّامهم
السيارات مافش حد وقّف اللي هذا خايف ومايبش يسعفه
وقّف سيارة واحد من عالطريق بقوة السلاح اجباري
ومسك بات خلووود وعطّى في السيارة
واركبت امعاهم خلووود
العقرب : ابسرعة ابسرعة امشي لمسشفى الجلاء
خلووود تبكي في السيارة
العقرب طلّع نقاله
اتصل بفارس
فارس : نعم
العقرب : اسمع في سيارة جيب لونها احمر
طارقتها ثمانية سبعة
اطلقت علي واحد رصاص
ماشيا شور جزيرة الجعب بالك اطقّوو فيها
حاليا ساعفين الراجل شور الجلاء
خلووود ماسكة باتها وتبكي عليه
فارس : حاضر حنبلغ عليه الوحدات
وسكّر فارس
وهما ماشيين شور الجلاء
العقرب سمع نقاله يرن
شاف الرقم طلعت مايا
درالها مشغوووول
,,,,,
بشير كان قاعد في الفيلا امتاعه
رن عليه عمران
بشير : شن صار امعاكم
عمران : طربقنا امبدري اشوية
بشير : هذا الصح ,, مزال أي حد يحاول
يفكر ولا يحكي عليا
حنجيّفة وقتي
يتبع ,,,
من مواضيع : وردة
#57
~{ ادارية سابقة }~
رد: رواية بلهجة ليبية بعنوان " مشاعر مطرطشة " للكاتب ديندار الوحيشي
تسلم ايديك يا وردتى
اظهار التوقيع
توقيع
ام يوسف
[CENTER][url=https://up.3almik.com/][img]https://up.3almik.com/uploads/3almik.com_13_18_153687871166731.gif[/img][/url]
[/CENTER]
[CENTER]
[/CENTER]
[CENTER][URL="https://up.3almc.com/"][IMG]https://up.3almc.com/uploads/3almc.net_2018_2_152309579278551.gif[/IMG][/URL][/CENTER]
[CENTER]
[/CENTER]
[/CENTER]
[CENTER]
[/CENTER]
[CENTER][URL="https://up.3almc.com/"][IMG]https://up.3almc.com/uploads/3almc.net_2018_2_152309579278551.gif[/IMG][/URL][/CENTER]
[CENTER]
[/CENTER]
من مواضيع : ام يوسف
- دواليب ملابس باللون الابيض حديثة 2018,خزانات ملابس بيضاء كلاسيكية,دواليب باللون الابيض مودرن2018
- صور انمى صديقات 2018,صور انميشن كيوت,صور انمى حب,صور انمى محجبات
- أسباب واعراض الإصابة بالدودة الشريطية,علاج الدودة الشريطية في المنزل
- اروع الصور الرومانسية للزوج2019,صور حب وعشق,بوستات حب وغرام للفيس بوك,خلفيات
- صورحب وعشق وغرام2018,خلفيات رومانسية,بوستات حب للفيس بوك والواتس اب,احدث رمزيات رومانسية للعشاق2018
#58
~{ ادارة منتدى عالمك }~
رد: رواية بلهجة ليبية بعنوان " مشاعر مطرطشة " للكاتب ديندار الوحيشي
اكيد جميله هقراها تسلمى
من مواضيع : ساليسيا
- أول رسالة من البشر إلى الكائنات الفضائية.. هذا ما جاء فيها
- طريقة عمل سكراب للشفايف تحفة من صنع ايديكى.اسهل مقشر للشفايف فى البيت بالصور2018
- احلى سجاد ومشايات للارضيات, سجاد ومشايات الارضيات,ماشيات صغيره,اجد تصاميم السجاد2019
- طبق جديد من البطاطس المهروسه رجل التلج بالصور،افكار غذاء صحي للاطفال ،اكلات سهله يحبها الاطفال
- بوستات عيد الحب2020,عيد الفالنتين,عبارات ورسائل تهنئة لعيد الحب, بوستات حب ورومانسية
#59
~![همـــــس بــــدون لمــــس]!~
رد: رواية بلهجة ليبية بعنوان " مشاعر مطرطشة " للكاتب ديندار الوحيشي
يا مفريه 11 صفحه
من مواضيع : The Princess
- افكار الوجبات المدرسية, أفكار رائعة لفطور و غذاء الأطفال للمدرسة متكاملة سهلة وسريعةlunch box بالصور
- مصر.. تحديد موعد استفتاء "التعديلات الدستورية"
- حكمة عن اعطاء كل انسان قيمته،لكل شخص قيمة 2019 بقلمى
- معلومات مهمة عن البيض,ما لا تعلمه عن البيض,اسرار ونصائح عن البيض
- قصة على الشاطئ من القصص المصورة للقراءة,حكاية مها وهبة على الشاطى,حدوته الشاطى بالصور وحصرى
#60
~{ مشرفة العناية بالجمال }~
رد: رواية بلهجة ليبية بعنوان " مشاعر مطرطشة " للكاتب ديندار الوحيشي
يعطيكى الف الف عافيه
موضوع رااائع
موضوع رااائع
اظهار التوقيع
توقيع
ام المصريين
من مواضيع : ام المصريين
- تركيا تشن حربا على "البصل" لمواجهة أزمتها
- طريقة عمل اكسسوارات هاند ميد بالخيط2019،تعليم اكسسوارات بنات هاند ميد انستقرام
- علاج تشابك الشعر,حل تشابك الشعر الشديد, الشعر المتشابك جدا,شعري معقد كيف افكه, اسهل طريقة لفك الشعر
- اجمل شنط مدرسية,شنط مدرسية للاطفال,شنط مدرسيه انستقرام 2018,احدث شنط مدارس للبنات,شنط مدرسيه
- شنط بوتيغا سهرات ٢٠١٨,شنطة بوتيغا كروس,حقائب بوتيغا فينيتا,أحدث موديلات شنط بوتيغا
| الكلمات الدلالية (Tags) |
| ", للكاتب, ليبية, مشاعر, مطرطشة, الوحيشي, بلهجة, بعنوان, ديندار, رواية |
«
الموضوع السابق
|
الموضوع التالي
»
|
|
المواضيع المتشابهه
|
||||
| الموضوع | كاتب الموضوع | |||
| دكتور كبد: أدوات "الباديكير والمانكير" تسبب الإصابة بفيروس "سي" والإيدز | ضحكة خجل | |||
| 5 "خدع" تمنح هاتفك بطارية أطول عمرا بـ"ساعات" | همس الوجود | |||
| "اليوم السابع" يكشف خطة أجيرى لتجديد دماء المنتخب | وردة | |||
| السرطان "الشبح" نادر جدا,صياد أميركي فعلها.. واصطاد سرطان "الشبح" النادر | همس الوجود | |||
| لماذا سميت مصر بهذا الاسم؟ ولماذا "مصر" و "Egypt" مختلفتين تماما؟! | ساليسيا | |||
الساعة الآن 11:57 AM.