وزير التعليم وقرارته *_*

السلام عليكم ورحمة الله وبركاته
كل يووم يجبولنا شويه قرارات ملهاش ريحه اللازمه "_" طرق لمنع الغش في الامتحانات ولا يقولك نظام تراكمي لا هنخفف المنهج لا قرف وهم نائع علي الطلبه هو ايه ي جدعاااان هما الطلبه دول عباره عن أله. وبعدين تمنع غش مهتم اوي بالغش ومش مهتم بالمناهج اللي زي الزفت دانا في واحده اخت صحبتي في 4ولا5ابتدائي العلوم بتاعتهم زي الاحياء اللي ف2ثانوي دانا مكنتش عارفه احفظها فمابالك شويه عيال هتحفظ الحاجات دي ازاي وقال اي تخفيف المنهج من تانيه ابتدائي ل 3اعدادي هي المشكله ف تخفيف المنهج هو انت مش شايف ف المنهج مشكله غير انه طويل وبس طب وبالنسبه لبتوع ثانوي دول اي كلاب ولا ايه ولا هو الوقت مكفي عندنا وزياده وهما لا !!! ويقولك تابلت تابلت اي ي عم انتوا لاقيين تاكلوا دانتو شويه شويه هتشحتوا الكتب اللي بتسلموهلنا. ماتعقل وتدرس القرارات قبل ما تنزلها مش كدا الله ولا هي كتر قرارات وخلاص وبعدين اي التصحيح اللي زي الزفت اللي ف 3ث دا يعني اي لو مش كاتبين الاجابه بالنص ننقص عليها. دانتو ع كدا عايزين نجيبه بقي عايزين طلبه غبيه بتحفظ بس من الجلده للجلده يعني لو كتبت أسلوب تاني تبقي غلط ماهو اصل نموذج الاجابه مش كدا المفروض تعلمونا يكون عندنا مرونه ف التفكير مش مخنا يكون متوقف ع شئ واحد بس ودا اكيد هيفدنا ف حياتنا وبس هتنشأو جيل بيفهم مش بيحفظ بس تيجي تسألوا يعني اي يقولك مش عارف انا بعترف اني ف حاجات ف المواد العلميه بحفظها ومش فاهمه انا بقول ايه بسبب التعليم الفاشل بتاعكوا. طول مانتوا بتفكروا بالتفكير دا عمركم ما هتتقدموا خطوه ولا هتفلحوا المشكله ف تقل المناهج وصعوبتها اما بالنسبه لكتاب الوزاره الفاشل لا بيكفي ولا بيوفي ويقولك الامتحان بيجي منه ههههههاي ضحكتوني وانا مليش نفس قال بيجي منه قال داحتي المعاني مبتجيش منه يلا مش عايزه اتكلم اكتر من كدا دا جزء من المساؤ بس المشكله مش لاقيه فيكم ميزه. ياريت بقي ترحمونا من وزراء التعليم الفشله كل سنه ولا شوفت واحد بيفهم ف التعليم أصلا