Warning: Division by zero in [path]/includes/class_postbit.php(294) : eval()'d code on line 80
قصص الانبياء للاطفال ... الحلقة 2 - منتدي عالمك
للنساء فقط

حواديت وقصص الأطفال

قصص خياليه للاطفال,حدونة قبل النوم,حواديت وقصص الاطفال,قصص اطفال مكتوبة بالصور,قصص للاطفال قبل النوم للبنات,قصص اطفال طويلة,قصص اطفال فيديو,قصص اطفال قصيرة ومفيدة.

نسخ رابط الموضوع
https://vb.3almc.com/showthread.php?t=6285
2067 1
07-13-2018
#1  

Icon453قصص الانبياء للاطفال ... الحلقة 2


قصص الانبياء للاطفال ... الحلقة 2



حدوتة قبل النوم
قصص الانبياء للاطفال:
الحلقة 2:

السلام عليكم ورحمة الله وبركاته

ازييكم يااا حلويين

يالا نكمل مع بعض ونقول كان ياما كان ولا يحلى الكلام الا بذكر النبى عليه الصلاة والسلام

شوفنا المة اللى فاتت ازاااى ان ربنااا هو الاول وانه هو خاااالق كل شئ

وان ربنا خلق السما والارض والشمس والقمر

وخلق الملايكة من النور...والملايكة عددهم كبييييييير جدا جدا وان كل ملاك ليه وظيفة بتاعته

وشوفنا ازااى الملايكة استغربت ان ربنا هيخلق الانساان...وكانت فاكرة ان الانسان دا هيبقى شرير ومبيسمعش كلام ربناا ويقتلوا ف بعض

مكنتش الملايكة تعرف ان الانسان دا هيكون منه مسلمين
هيكون منه ناس تعبد الله
ناس بتحب ربنا ورسوله
ناس بتحب الخير
ناس بتحافظ على الصلاة والصيام
ناس بتحب طاعة ربنا
وكمان هيكون منهم اطفال مؤدبين زيكم
اطفال قلوبهم كلها حب لله وللرسول وللدين
اطفال بتسمع كلام بابا وماما وبيحبوا اخواتهم ومبيتخانقوش معاهم
اطفال نفسهم يكبروا علشان يساعدوا كل المسلمين ف كل البلاد

الملايكة مكنتش تعرف كل دا...وربناا بسس اللى يعلم لانه بيعلم كل شئ...وقالوهم انه يعلم اللى هم ميعرفوهوش...اللى هو ان الانسان مش هيكون شرير زى ما هم فاكرين

ربنااا قال للملايكة انه هيخلق ادم من تراب وقالوهم كمان انهم لازم يسجدوا كلهم لادم بعد ما يتخلق

وبعدييين ربنا امر ملك من الملايكة انه يجيب تراب من الارض علشان يخلق منه ادم...وادم دا اسم اول انسان ربنا خلقه

الملك راح جاب تراب من كل مكان ف الارض...فكان فى تراب ابيض واصفر واحمر واسود... فعلشان كدة احنا بنلاقى لون الناس مختلف...فى ناس لونها ابيض وناس اصفر واحمر واسود

وبعدين اتخلط التراب بالماية فبقى طيين....زى كدة ياولاد اما تجيبوا شوية تراب وتعجنوهم بماية هيعجن كدة ويعمل طين تقدروا تعملوا منه اشكال....فخلق ربنا ادم على شكله...خلق له عينين وشفايف وودان ورجلين وادين وبطن وظهر... وبعد شوية الطين نشف وبقى اسمه طين لازب...وبعد شوية الطين لونه وريحته اتغيروا فبقى اسمه طين مسنون

وكل دا كان ادم لسة مفيهوش حياة...زى كدة ياولاد اما يكون عندكم لعبة بتتحرك وتطلع صوت لكن مفيهاش بطاريات

البطاريات دى اللى بتخلى اللعبة تشتغل زى بالظبط الروح...الروح اللى بتخلى الانسان عايش...
كل حاجة عايشة ليها روح...الانسان والحيوان والطيور والزرع...طول ما روحه موجودة فهو عاايش

دلوقتى حصل حاجة غريبة جدا.... خلاص ادم اتخلق وكمان نفخ فيه الروح...
ايه المفروض يحصل...
المفروض ان كل الملايكة تسجد لادم زى ما ربناااا امرهم

وفعلا كل الملااااايكة سجدت لادم....كل الملايكة كلهم...بعددهم الكبير دا سجدوا لادم.....الاااااا ابليس...الاااا الشيطان

الشيطان ياولاد كان موجود فوق ف السما وعايش مع الملايكة...
ربنا خلقه من ناار

بس هو مش زى الملايكة...الشيطان شرير...وبيكره النااس كلهم.....وكمان الشيطان قال لربنااا لاا...ومرضيش يسمع الكلام ويسجد لادم

تخيلوا ياولاد كدة اما بتشوفوا الصلاة ف المسجد مثلا ولا ف الكعبة...صلاة العيد مثلا.... وشوفوا وقت السجوود....بتكووون النااس كلها على الارض ساجدة...كلهم شكل بعض...وطبعا لو فى حد مش سااجد هيبقى هو الوحيييد اللى واااقف

ودا اللى حصل...الملايكة كلهم ساجدة...والشيطان واقف عاصى لربنا

ربنا ساله وهو يعلم... قاله ليه يا ابليس مسجدتش بعد ما امرتك...ليه مش مع الساجدين... ايه اللى منعك من السجوود

رد ابليس رد غرريببب جدا...رد كله غرور وحقد... قال ابليس انا مش ممكن هسجد لبشر مخلوق من طين...انا احسن من ادم لان ادم من طين وابليس من النار...بس هو مين اللى قال ان ابليس احسن من ادم.... مين اللى قال ان النار احسن من الطين

شوفوا ياااولاااد مفييييش ابدا ابدا ابدا حد احسن من حد لان شكله مختلف... وبيته مختلف....او لبسه مختلف....او عنده لعب اكتر... الحاجة الوحيدة اللى بتخلى حد احسن من حد هى طاعة الله...

اللى بيسمع كلام ربناا احسن عند ربنا من اللى مبيسمعش
اللى بيصلى احسن عند ربنا من اللى مبيصليش

وبردوا مينفعش حد يقول لحد انا احسن منك علشان بصلى وانت لا..او يقول انا احسن منك علشان صايم وانت لاا....

يبقى مينفعش ابدا ابدا اقول انا احسن منه لانه من طين وانا من نار

او اقول انا احسن منه لانه قصير وانا طويل
او اقول انا احسن منها لانى شعرى ناعم وشعرها مش مفروود

كل الكلام داا وحش وكلام زى بتاع الشيطان بالظبطط

وبعدين ياولاد بعد ما ابليس قال انه مش هيسجد لادم ربنا قاله يخرج من الجنة...لان الجنة دى للطيبين بسسس

ابلييس الشرير قال انه مش هيدخل النار لوحده...وانه هو بيكره ادم وكل الناس...وعايزهم كلهم يدخلوا النار معاه...عايزهم كلهم اشرار ومبيسمعوش كلام ربنا

فابليس قال لربنا يسيبه لحد يوم القيامة...وطول الوقت دا هو هيفضل يقول للناس على الحاجات الشر علشان يعملوها...وهيفضل يحاول مع كل الناس انهم يعصوا ربنا وميسمعوش كلامه علشان يدخلوا النار

الشيطان ياولاد احنا مش بنشوفه

...بس بنسمع كلامه...يعنى اما تكون اعد كدة وتلاقى حاجة ف مخك بتقولك تعمل حاجة غلط...او تقولك اكذب...او اضرب اخوك ... او اخطف اللعبة...او خد حاجة مش بتاعتك...او استنى متصليش دلوقتى...

كل الحاجات دى الشيطان هو اللى بيقولها ف مخك...واحنا المفروض منسمعش كلامه ابدا ابدا

وكل اما يقولنا حاجة نقول اعوذ بالله من الشيطان الرجيم... ولو حصل وعملنا حاجة وحشة او حاجة غلط...بسرعة بسرعة نقول استغفر الله... ونصلح الغلط اللى عملناه دا...وبكدة ان شاء الله ربنا يرضى عننااا على طول ويحبنااا ويدخلنا الجنة


وهنقف هنا النهاردة وهنشوف المرة الجاية ابليس الشرير هيعمل ايه ف ادم











قصص الانبياء للاطفال ... الحلقة 2







07-19-2018
#2  

افتراضيرد: قصص الانبياء للاطفال ... الحلقة 2

تسلمى يا حبى



اظهار التوقيع
توقيع
البنت شادو











الكلمات الدلالية (Tags)
..., 2, للاطفال, الانبياء, الحلقة, قصص

أدوات الموضوع

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
حكم راقيه من ادعيه الانبياء,همسات راقية,ادعية اسلامية مصورة,حكمة قوية,عبارات رائعة وجميلة عن الحياة قمر المنتدى حكم وأقوال مأثورة 7 09-26-2018 01:12 AM
تلك الرسل فضلنا بعضهم,التفاضل بين الانبياء,لا نفرق بين احد من رسله ونحن له مسلمون همسة حنين فتاوى العقيدة الاسلامية 6 08-29-2018 04:47 AM
معجزات عيسي عليه السلام,التكلم في المهد,قصص الانبياء,قصص الصحابه,قصة سيدنا عيسى اميرة نفسى قصص الأنبياء والرسل والصحابة 5 08-29-2018 04:22 AM
قصه يحيى عليه السلام،قصص الانبياء yasmen قصص الأنبياء والرسل والصحابة 4 08-29-2018 04:22 AM
قصص الانبياء،نبي الله عيسى عليه الصلاة والسلام ج(3) yasmen قصص الأنبياء والرسل والصحابة 2 04-10-2018 06:22 AM


الساعة الآن 12:09 PM.


Powered by vBulletin Version 3.8.8 Alpha 1
Copyright ©2000 - 2024, Jelsoft Enterprises Ltd Trans
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd.

خيارات الاستايل

  • عام
  • اللون الأول
  • اللون الثاني
  • الخط الصغير
  • اخر مشاركة
  • لون الروابط
إرجاع خيارات الاستايل