طريقة عمل فطائر الوردة بالمربى و الشيكولاتة,فطيرة الوردة,طريقة عمل فطيرة بحشوة مربى أو شيكولاتة2019

ازيكم اخواتى فى الله يا رب تكونوا فى افضل صحة و احسن حال
اللهم صل و سلم و بارك على الحبيب المصطفى
هنعمل سوا شوية فطائر ورد جميلة و رقيقة و اكيد لذيذة ان شاء الله

يا لا بينا نبتدى بسم الله
المقادير
كالمعتاد عجنتى المفضلة بس ممكن تستخدمى اى عجينة انتى معتمداها و بترتاحى فيها
انا مابغيرش عجنتى لانى برتاح فيها جداااااااا و نتيجيتها بفضل الرحمن اكثر من رااااااااائعة
مقاديرنا هى ...
3 كوب دقيق
3 معالق كبيرة سكر
نص معلقة صغيرة ملح
حوالى كوب ماء او لبن دافئ
بيضة واحدة و رشة فانيليا للعجينة +بيضة مع فانيليا لدهان الوجه
قطعة خميرة فى حجم الليمونهاو معلقة كبيرة خميرة
ربع كوب زيت +معلقة كبيرة ممسوحة سمن او زبد
2 معلقة لبن بودرة او 2 معلقة زبادى (اختيارى بس وجودها بيعطى طرواة اكتر للعجينة)
الحشو.. (هنا هيكون زيت او زبدة + سكر (و هنا الحشو للوردات فقط )
الطريقة
*هندوب الاول الخميرة فى شويه ميه من الكوب مع شوية سكر
*هنعجن المقادير عادى جدا و تعجنى لمدة 10 او 15 دقيقة و يا ريت و انتى بتعجنى متحطيش الميه او اللبن كلها مرة واحدة لان فى انواع دقيق مختلفة فى احتياجها للماء المهم اننا نحصل على عجينة مطاطية لا تلتصق بالايدى و لا بالاناء
* و بعدين نسبها تخمر ساعة و بعدين نتبدى نشكلها كالاتى .....

** هتاخدى العجينة و تقسميها الى كور صغيرة بالشكل ده و بالحجم اللى انتى تفضليه .....انا قسمت العجين نصفين نص لفطائر الوردة بالمربى و النصف الاخر لفطائر ضفائر بالشيكولاتة

اولا.... فطائر الورد بالمربى
********************
احنا اتفقنا اننا هنقسم العجينة نصفين ..النصف هنا قسمته ل3 كور عجين بحيث ان كل كورة هفردها مستطيل و اظبط حروفها بالسكينة ..بالشكل ده

و هنمسح المستطيل بذبدة سايحة او زيت و هنرش سكر خفيف و نلفه رول ...و نلزق حرف المستطيل فى نفسه و تكون لتحت


** هنقطع بالسكينة الرول قطع صغيرة فى عرض الاصبع ..لاتزيد عرضها عن 2 سم تقريبا

** هناخد كل قطعة و بواسة عصاية الشوى الخشبية نضغط فى منتصف قطعة العجين بالشكل ده و نلزق الطرفين الاتنين بتوعها فى بعض بالشكل ده





مكونة البتلات بتاعة الوردة و كل وردة هتاخد 5 بتلات ...و من بواقى العحينة اللى ساويت بيها مستطيل العحينة .اعمل كور صغيرة فى نص الوردة عشان دى اللى هحط عليها المربى بعد ما تطلع من الفرن ان شاء الله...


** هنا عملت كل العجين وردات بالشكل ده و رصتها على ورق زبدة افضل ...و لو مافيش ورق زبدة عادى ..ادهنى الصنية زيت و رصى الوردات بتاعتك بس خلى بالك و انتى بطلعيها من الصنية بعد السواء طلعيها براحة خالص **و طبعا سبتها ترتاح فى الصنية نص ساعة متغطية بقماشة او فوطة نظيفة و اشغل الفرن قبل ما ادخل الصوانى ب5 دقايق على نار فوق المتوسطة و الافضل طبعا انى امسح وش الورد بالبيض و الفانيلا اووو الحليب ..عشان يدينى لون حلو بالشكل ده ..

.و ممكن تمسحى عليها بالفرشاه بالسيرب او شربات عشان تديكى لمعه حلوة و دا طبعا بعد ما تستوى..و بعدين احط شوية مربى بفضل فروالة فى وسط كل وردة و تكون بالشكل الجميل ده


*************************

ثانيا: ضفائر الشيكولاتة او وردات الشيكولاته
******************************
*النص التانى من العجينة .. قسمته 6 كور ..و كل كورة بفردها حبل طويل و بتنى الحبل ده من النص مكونه طرفين و اضفرهم فى بعض بالشكل ده



* و بعدين الف الضفيره حول نفسها بالشكل ده و احط فى النص قطعة شيكولاته




و اسيبها تخمر نص ساعة او ساعة حسب الجو و بعدين ادهن و شها بالبيض و الحليب و ادخلها الفرن





شكلهم ماشاء الله لا قوة الا بالله تحفة و الطعم جميل جداااااا



يا رب موضوعى البسيط ينول اعجابكم