- مطبخ عالمك
- ازياء موضة واناقة
- الرشاقة والرجيم
- صور
- رعاية الام والطفل
- الأعمال والاشغال اليدوية
للنساء فقط
المعجنات والفطائر
المعجنات والفطائر والمقبلات طريقة عمل البيتزا,وصفات لعمل معجنات هشة,طريقة عمل معجنات سهلة بالصور,عجينة العشر دقائق,كل مايمكنك عمله بالطحين والسكر,طريقة عمل معجنات حادقة بالصور,نصائح للمعجنات.
نسخ رابط الموضوع
https://vb.3almc.com/showthread.php?t=2433
#1
~{ مشرفة مطبخ عالمك }~
عجنية رائعة متعددة الإستخدامات حلو وحادق.عجينة حلو وحادق الفورية
صاحبتي ادتني مقادير عجينة أخدتها من الانترنت وكانت خايفة تجربها
لانها مش قد كدة في المعجنات وكانت قلقانها لا المقادير ما تتطلعش مظبوط.
وفعلاً للأسف العجينة فيها أخطاء كتير اهمها مقدار الدقيق .
علماً ان المصدر كانت بتستخدم الدقيق الفاخر المفروض تكون المقادير صحيح.
يا جماعة همسة بسيطة بقولها ليكم لو حابين تحتفظو بأسرار الوصفة لنفسكم ماشي ده حقك
لكن ما تنزليش على الانترنت
وصفة انتي عارفة انها غلط ومش مضبوظة والأهم من ده لازم نتقى الله
بكل كلمة نقولها ونكتبها او صورة نحطها .
لازم نكون في منتهى الصدق .
شكراً لصاحبة الوصفة الأصلية .
وهذه هي العجينة بعد ما ظبط المقادير والمكونات وبما انها اختراع جديد
حنسميها عجينة الشيف لطيفة
ده طبق المعجنات (باتية جبنة وبيتزا)
وهنا جربت أقليها وده الطبق
ده شكل المقادير كلها
معلقتين طعام خميرة فورية - معلقة ونص طعام سكر - ومعلقتين طعام لبن بودرة
3كوبايات دقيق منخول
كوباية ماية دافية
ربع ملعقة صغيرة ملح - ومعلقة طعام مليانة شورتنج او سمنة الحلويات
(ممكن تستبدليها بالسمنة البلدي او الزبدة الصفرة)
كتير أوي بسألوني عن الشورتنج او السمنة المخصصة للحلويات .
وبتلاقوها في مصر عن اي محل مستلزمات حلواني كبير وهي مختلفة تماماً عن المحسنن يا جماعة .
وبتدي المعجنات طراوة غير طبيعية وكمان ملمس ونكهة .
والناس الي موجودين في الخليج وكل العالم عموماً حتلاقو ماركة كرسكو اكبر منتج للسنة
دي حتى الناس مابقوش بيقولو شورتنج او سمنة حلويات بيقولو كرسكو على طول
وعلى فكرة فيه الكرسكو ده انواع دهون كتير
(سبراي دهن الصواني-الشورتنج - الزبدة الصفرا - زيت الذرة - كانولا oil)
وحتلاقي نوعين من الكرسكو واحد لون أزرق وبيستخدم في كل حاجة وده شكله
وده بنكهة الزبدة وكمان جميل وليه استخداماته
لاحظو مكتوب اية على العلبة
Great for Baking and Cooking يعني رائعة للخبز والطبخ
والناس الموجودين في الخليج كلو .
بسب كثرة الطلب على الشورتنج زيت مازولا
نزل في السوق سمنة الحلويات وده شكل العلبة من فوق
علبه وزنها كيلو . بصو مكتوب اية سمنة مخصصة للكيك .
وهنا الترجمة بالانجليزي الناحية التانية shorting
وكمان الناس الي موجودة في السعودية حتلاقي الشورتنج من ماركة قودي
بالاضافة الي الانواع الي انا ذكرتها فوق .
خطوات عمل العجينة :
النهاردة حستخدم محضرة الطعام .
حستخدم مهمة العجن
حنحط الماية الدافية - اللبن البودرة - الخميرة - السكر في محضرة الطعام بالصورة دي
(ضيفي بس ثلاثة أرباع الماية علشان نوع الدقيق بيختلف من مكان للتاني)
وحنضيف معلقة الشورتنج وحنخفق كويس جداً لمدة دقيقتين
بعد كدة حنضيف الدقيق كلو والملح ونعجن
نعجن لحوالي عشر دقايق وزي ماقلت ما نضفيش كل الماية بسبب اختلاف
نوع الدقيق المستخدم.
ضيفي بس ثلاث ارباع الكوباية زي ماقلت ولما تعجني زودي لو احتجتي
وده شكل العيجينة بعد حوالي 5 دقايق
كده تمام العجينة لمت كويس جداً وبقت متجانسة جداً
بصو ده شكل العجينة يا جماعة بتلزق لكن متجانسة جداً
بصو بتلزق ازاي على الرخامة
لكن في نفس الوقت بتطلع بسهولة .
وده هو القوام المطلوب لأي نوع عجين حتى عجينة العشر دقايق
وهنا صورة تانية ليها
بلفها علشان تبقى زي الكورة .
وحبدأ أشتغل بيها على طول بعد كدة أسبيها تخمر لسببين علشان لما اجي اخبزها
تبقى هشة جداً وتاني حاجة علشان الشكل يبقى مرتب أكتر .
لكن ممكن تسبيها تخمر بعد كدة تشتغلي بيها لكن الخيار الأول بيدي نتيجة أروع في النهاية .
العجنية جاهزة عندك دلوقتي ممكن تعملي بيه الي انتي عيزاه .
اناعملت حاجتين نوع مالح وهما(الباتية والبيتزا)
ونوع حلو هو (المخدات المقلية) فقطعت العجينة نصي بالشكل ده
باتية الجبنة & البيتزا
أخدت واحدة من الحتيتن ورجعت قسمتها على 2 علشان البايتة والبيتزا.
هنا بفرد واحدة منهم علشان اعمل الكروسون
وبقطع بإستخدم سكين او عجلة البيتزا الدائرة لمثلثات
وحشتيهم بجبنة شييدر وجبنة كيري ولفيتهم
ورصيتهم في صواني مدهونة بشوية زيت وسبتهم يخمرو شوية
وبعد كدة حدهنهم بصفار بيض
والحتة التانية فردتها وقطعتها دواير للبيتزا .
وانتو عارفين الباقي .
دهنتهم بالكاتشب وصلصلة البتيزا وحطيت عليها المكونات الخاصة بالتيزا
(طماطم-زيتون-فلفل رومي-جبنة موزاريلا)
أسيبكم مع الصور
علشان المعجنات تبقى هشة وطرية جداً محتاجين لحجيتن :-
1-بعد حشو وتشكيل المعجنات يتم تركها حتى تتضاعف مجددً.
2- الخبز الصحيح للمعجنات .
طريقة الخبز الصحيحة للمعجنات بشكل عام :-
1-يتم تسخين الفرن (من تحت بس) على اعلى حرارة بين 190-200 لمدة خمس دقايق
2-توضع الصواني في الرف الأسفل من الفرن وتترك لمدة 4-5دقايق وينشقر عليها .
3-بعد كدة يتم تحمير وش المعجنات.
الصور النهائية لطبق للبيتزا والباتية .
باتية الجنبة
العجينة دي جميلة جداً وطرية بسبب استخدام الشورتنج
ده شكلها من تحت
وده شكلها من جوه .
طريقة وهشة وبتتبلع كدة لوحدها من غير عصير
.png "Asmaile(23)")
البتيزا
وده شكل البتيزا من تحت بصو على الجمال ياناس
بصو زي القطن وطرية وهشة ازاي
المخدات المقلية
نيجي للقسم المعسل من العجينة ما احنا لازم نحلي
. طبعاً بما انها عجينة جديدة أول مرة أجبرها لازم أعمل كذا نوع مختلف منها
علشان أشوف هل تنفع لكل حاجة يعني دوناتس والحاجات المقلية ومعجنات ولا .
حتة العجين الباقية فردتها بالصورة دي وقطعتها بقطاعات صغيرة .
ورصيتهم في صينية مرشوشة بالدقيق وسبتهم نص ساعة يخمر تاني
هنا بعد ما خمرو وحجم تضاعف
هنا صورة مقربة ليهم لازم يرجعو يخمر تاني علشان تبقى هشة بعد القلي
حنقلي يا جماعة
نجهز شربات بارد ونصبة في طبق غويط
حنقلي المخدات في زيت متوسط الحرارة مش سخن ولاحظو حتحمر على طول
مش حتاخذ وقت بس في نفس الوقت حتبى مستوي من جوة وهشة علشان
رجعنا خمرناها تاني قبل ما نقليها
وكدة اول ماخرجتهم وحطتهم في الشربات البارد
وقلبتهم وستبهم دقيقتين تلاتة لحد ما شربو الشربات كويس وده بقى شكلهم
بصو على الجمال يا ناس
حاولو يا جماعة ما تقلوهاش لمدة طويلة علشان يبقى لونها دهبي وردي كدة جميل
نرصهم في طبق بشكل جميل كدة
وبعد كدة رشيت عليهم شوية فسدق مطحون بيديها طعم جميل
وشكل اجمل أسيبكم مع الصور النهائي من جميع الزوايا
وده شكلها هشة من جوه وفاضية ولذيذة ومقرمشة من برى
بتمنى العجينة المتواضعة تكون حازت على إعجابكم .
صباحكم فل وورد وياسمين .
دعواتكم ليا بالشفاء
مع محتبي
شيف لطيفة
المصدر : منتدي عالمك - من قسم المعجنات والفطائر
من مواضيع : شيف لطيفة مسعود
- تحضير سندويشات الدجاج،طريقة عمل كاساديا الدجاج بالذرة بعيش التورتيلا بالصور،لفائف الدجاج
- حلو الكرسبي رايس بالخطوات، رايس كرسبي بالشوكولاته ، تحضير حلى كرسبي ، مكونات حلى كرسب
- طريقة عمل بسكويت بالكيس بالخطوات,مقادير بسكويت كيس الحلواني بالصور.تحضير بسكويت فانيليا والشوكولاتة
- طريقة روعه و جربتها لتغذية وتطرية الشعر وغير مكلفة خالص,وصفة لتغذية وتطرية الشعر
- حلو الجيلى مع المهلبية والفراولة.مهلبيه بالجيلي.كاسات الجلي والمهلبية.طريقة عمل الجيلى بالمهلبية
#2
~![ليــــدى محــدش عاجبها]!~
رد: عجنية رائعة متعددة الإستخدامات حلو وحادق.عجينة حلو وحادق الفورية
من مواضيع : قمر المنتدى
#3
❣ الدنيا ساعة فاجعلها طاعة ❣
~{ مديرة منتدى عالمك }~
رد: عجنية رائعة متعددة الإستخدامات حلو وحادق.عجينة حلو وحادق الفورية
بارك الله فيكي غاليتي
اظهار التوقيع
توقيع
فخامة ملكة
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))
صدق الله العظيم ، و هل أصدق من الله قيلا
استغفر الله العلي العضيم من كل دنب عضيم اللهم اغفر لي و لوالدي
اللهم امين و لكل شخص قالها بالمتل
http://mp3qurany.com/mp3.php?Quran=1
صدق الله العظيم ، و هل أصدق من الله قيلا
استغفر الله العلي العضيم من كل دنب عضيم اللهم اغفر لي و لوالدي
اللهم امين و لكل شخص قالها بالمتل
http://mp3qurany.com/mp3.php?Quran=1
من مواضيع : فخامة ملكة
#4
~{ مشرفة التخسيس والتنحيف وانقاص الوزن }~
رد: عجنية رائعة متعددة الإستخدامات حلو وحادق.عجينة حلو وحادق الفورية
اظهار التوقيع
توقيع
ضحكة خجل
من مواضيع : ضحكة خجل
#5
~{ ادارية سابقة }~
رد: عجنية رائعة متعددة الإستخدامات حلو وحادق.عجينة حلو وحادق الفورية
اظهار التوقيع
توقيع
ام يوسف
[CENTER][url=https://up.3almik.com/][img]https://up.3almik.com/uploads/3almik.com_13_18_153687871166731.gif[/img][/url]
[/CENTER]
[CENTER]
[/CENTER]
[CENTER][URL="https://up.3almc.com/"][IMG]https://up.3almc.com/uploads/3almc.net_2018_2_152309579278551.gif[/IMG][/URL][/CENTER]
[CENTER]
[/CENTER]
[/CENTER]
[CENTER]
[/CENTER]
[CENTER][URL="https://up.3almc.com/"][IMG]https://up.3almc.com/uploads/3almc.net_2018_2_152309579278551.gif[/IMG][/URL][/CENTER]
[CENTER]
[/CENTER]
من مواضيع : ام يوسف
- شرح دوال excel الإكسيل بالعربي,اهم دوال الإكسيل,ميكروسوفت اكسيل
- صور جميلة 2018 خلفيات جميلة منوعة مكتوب عليها,اروع بوستات فيس بوك,رمزيات متنوعة,منشورات للفيس بوك
- حكم مقاطعة مرتكب الجريمة, فتوى مقاطعة مرتكب الجريمة
- طريقة عمل البيك الحراق ناجتس فى البيت,كيفية تحضير دجاج البيك الحارفى المنزل
- احدث صور اطفال 2018,خلفيات اطفال صغار,اروع صور بنات2018,صور بنوتات مميزة
#6
~{ مشرفة ملابس ازياء موضة وأناقة }~
رد: عجنية رائعة متعددة الإستخدامات حلو وحادق.عجينة حلو وحادق الفورية
من مواضيع : اميرة نفسى
| الكلمات الدلالية (Tags) |
| متعددة, الفورية, الإستخدامات, حلو, رائعة, عجنية, وحادق, وحادق.عجينة |
«
الموضوع السابق
|
الموضوع التالي
»
| أدوات الموضوع | |
|
|
الساعة الآن 05:08 AM.