Warning: Division by zero in [path]/includes/class_postbit.php(294) : eval()'d code on line 80
وصفات باللحمة المفرومة، اكلات باللحم المفروم سهلة، اكلات سريعة باللحم المفروم - منتدي عالمك
للنساء فقط

أكلات وأطباق من عالمك

اكلات متنوعه عربيه وأجنبيه مترجمة , وصفات الاكلات وطرق عملها , تعليم فنون الطبخ , نصائح وخبرات لستات البيوت , استشارات مطبخيه عاجله , أكلات مصوره حصرية على عالمك

نسخ رابط الموضوع
https://vb.3almc.com/showthread.php?t=20487
3742 0
04-17-2020
#1  

06وصفات باللحمة المفرومة، اكلات باللحم المفروم سهلة، اكلات سريعة باللحم المفروم


اصناف متعددة باللحمة المفرومه
وصفات باللحمة المفرومة، اكلات باللحم المفروم سهلة، اكلات سريعة باللحم المفروم
بدأ العد التنازلي لشهر رمضان المبارك ربنا يبلغنا وإياكم لافاقدين ولامفقودين
كلنا ستات وبنات هنبتدي التجهيزات سواء للمطبخ أو للزينة أو لأصناف تخزين في الفريز
مع يوميات شبكة عالمك فى المطبخ مش هتشيلي هم حاجة
هنبدأ بسم الله بتجهيزات اللحمة المفرومة
نصيحة بقي


انا بعملها عشان الوصفات تطلع مظبوطة لازم اخلط لحمة بلدي علي اللحمة بتاعت منافذ الجيش
عشان اللحمة البلدي لوحدها مش بتظبط الوصفات
1_كفتة الحاتي

وصفات باللحمة المفرومة، اكلات باللحم المفروم سهلة، اكلات سريعة باللحم المفروم
المقادير
لحمة مفرومة
بصل
برغل
زيت
توابل (ملح _ فلفل اسود _ بهارات _ قرفة _ شطة )
بيكنج بودر
الطريقة
1_ اول حاجة هنفرم البصل ونصفية كويس ناخد التفل بتاعة نحطة علب اللحمة والماية نسيبها في طبق هنرجعلها
2_ نغسل البرغل كويس ونحطة عليها محدش ينقع البرغل وكل كيلو لحمة بياخد كوباية برغل صغيرة
3_نحط التوابل والبيكنج بودر علي اللحمة ونقلب كلة مع بعضة ونسيبها ترتاح 10 دقايق
4_ نرجع بقي لماية البصل نحط عليها شوية زيت وملح وفلفل نجيب اللحمة بقي نبل ايدينا بالماية دي ونبدأ نصع الكفتة صوابع علي خلة او ضهر معلقة نخلص الكمية كلها ونحطها في اطباق ونشيلها في الفريز
لما نيجها نسويها نحطها علي الفحم او الشواية بتاعت البوتجاز
________________________
2_ الكفتة السريعة

وصفات باللحمة المفرومة، اكلات باللحم المفروم سهلة، اكلات سريعة باللحم المفروم
المقادير
لحمة مفرومة مخلطة زي ماقولتلكوا
بصل مفروم
توابل(ملح _ فلفل اسود _ بهارات _توم وبصل بودر _ بابريكا _ حبهان بودر )
طماطم متقطعة جوانج
بصل متقطع جوانج
فلفل الوان احمر واخضر واصفر متقطع جوانج
الطريقة
1_نجيب اللحمة المفرومة نحطها في الكبة نضربها صربة ننعمها والبصل كذلك ننعمة ونخلطهم علي بعض مع التوابل
2_ نصبع الكفتة دي صوابع صغيرة جدا زي الكفتة ام رز
3_نجيب طاسة نحط فيها زيت قليل ونحط فيها صوابع الكفتة دي نشوحها لحد لما تستوي
4_ نركن الكفتة علي جنب الطاسة وفي الجنب التاني نشوح الطماطم لحد لما تتشوح خالص

والقشرة تختفي ونقلب كلة علي بعضة بعد كدة نحط البصل والفلفل ونقلب كلة علي بعضة
لحد لما الفلفل والبصل يدبل ونقفل عليها
ودي بقي اسرع كفتة في العالم
________________________
3_ البرجر

وصفات باللحمة المفرومة، اكلات باللحم المفروم سهلة، اكلات سريعة باللحم المفروم
المقادير
لحمة مفرومة
بقسماط مطحون (ريتش باك)
بياض بيض
نجيب من عند العطار بهارات برجر او كيس فاين فودز
الطريقة
1_نخلط كل المقادير علي بعض ونسيبها ترتاح نص ساعة بعد كدة نعنلها اقراص متساوية ونشيلها في طبق في الفريز
2_ لما نيجي ناكل نطلعها ونجيب جريل ندهنة زيت ونشوحة
ودة اسهل برجر وطعمة خطييير
____________________________
4_الحواوشي

وصفات باللحمة المفرومة، اكلات باللحم المفروم سهلة، اكلات سريعة باللحم المفروم
المقادير
لحمة مفرومة
لية مفرومة
بصل مبشور
التوابل (ملح _فلفل _رشة سكر_بهارات حواوشي _ رشة جوز الطيب)
2 قرن فلفل احمر واخضر وقطع.ط
طمطاية صغيرة مبشورة
الطريقة
1_ نخلط كل المكونات مع بعض ونسيبها ترتاح شوية
2_ نرسها في عيش بلدي وندخله الفرن او نشوحة علي طاسة او جريل ودة او نشوية علي فحم

ودة الحواوشي العادي
____________________________
في بقي الحواوشي الاسكندراني الي بالعجينة
وصفات باللحمة المفرومة، اكلات باللحم المفروم سهلة، اكلات سريعة باللحم المفروم
مقادير العجينة
كيلو دقيق
2 كوباية ماية دافية
علبة زبادي صغيرة
ملعقة ونصف سكر
ملعقة ونصف خميرة فورية
ربع كوب زيت
رشة ملح

وصفات باللحمة المفرومة، اكلات باللحم المفروم سهلة، اكلات سريعة باللحم المفروم
الطريقة
نعجنها زي اي عجينة عادية ونسيبها تخمر بعد كدة نكورها كور صغيرة ونفردها

ونحط فيها اللحمة ونعملها رغيف وندخلها الفرن بس قبل الفرن لازم ندهن الوش و نشكلة
دهن الوش
ملعقة صغيرة سكر
رشة قهوة سريعة الذوبان
معلقة كبيرة لبن بودرة
5 معالق كبيرة ماء
تشكيلة الوش ودي خطوة اختياااااااري
حبة البركة
سمسم
ميكس جين
طماطم شرائح
زيتون
____________________________
5_ اخر حاجة معانا اللحمة المعصجة

وصفات باللحمة المفرومة، اكلات باللحم المفروم سهلة، اكلات سريعة باللحم المفروم
ودي تستخدم في المكرونة بالباشميل رقاق وجلاش وسمبوسك وفطير حادق وبطاطس محشية
المقادير
لحمة مفرومة
بصل مقطع قطع صغيرة
فلفل اخضر واحمر واصفر مقطع قطع صغيرة
معلقة صلصة طماطم
التوابل (ملح _ فلفل _ بهارات _قرفة )
الطريقة
1_نجيب طاسة فيها شوية زيت يسخن نحط فيها اللحمة تتشوح وتنزل الماية بتاعتها وهتبدأ تتشربها ننزل البصل

ونشوحة معاها والتوابل بعد كدة الفلفل ونقلب شوية ونقفل عليها وفي اكياس وفي الفريزر
بالهنا والشفا ودي اول حاجة معاكوا في تجهيزات رمضان
لايك وكومنتات كتييير



اظهار التوقيع
توقيع
همس الوجود






التعديل الأخير تم بواسطة همس الوجود ; 04-17-2020 الساعة 09:26 PM



الكلمات الدلالية (Tags)
المفروم, المفرومة،, اكلات, باللحم, باللحمة, سريعة, سهلة،, وصفات

أدوات الموضوع

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
طريقة عمل خبز محشي باللحم المفروم والخضار بالصور،عرايس لحم، عيش باللحم، Hekayat Banat المعجنات والفطائر 0 01-22-2020 08:46 PM
مكونات فطيرة اللحم,طريقة عمل فطائر باللحم المفروم بالصور,فطيرة محشية باللحم سهلة سريعة فريده المعجنات والفطائر 0 10-02-2019 11:40 PM
طريقة تحضير رول بطاطس باللحمة المعصجة,طريقة عمل رول البطاطس باللحم المفروم فريده أكلات سهلة وسريعة 0 07-12-2019 05:47 PM
افكار لطبخ اللحم.اكلات باللحم بالصور.اكلات لحوم سريعة التحضير.اطباق رئيسية باللحم.اطباق باللحم2018 فريده أكلات وأطباق رئيسية 6 04-19-2019 04:29 AM
طريقة عمل البطاطس المحشية باللحمة المفرومة بالصور،بطاطس بيوريه باللحم المفروم سهل وسريع Hekayat Banat أكلات وأطباق من عالمك 7 04-19-2019 03:26 AM


الساعة الآن 07:14 AM.


Powered by vBulletin Version 3.8.8 Alpha 1
Copyright ©2000 - 2024, Jelsoft Enterprises Ltd Trans
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd.

خيارات الاستايل

  • عام
  • اللون الأول
  • اللون الثاني
  • الخط الصغير
  • اخر مشاركة
  • لون الروابط
إرجاع خيارات الاستايل