Warning: Division by zero in [path]/includes/class_postbit.php(294) : eval()'d code on line 80
ازاي تنقصي وزنك بنفسك، تجربتي الشخصية في انقاص الوزن ٢٠ كيلو - منتدي عالمك
للنساء فقط

الحمية والرشاقة والرجيم

تجارب و طرق و استفسارات عن الرشاقة وانظمة ووجبات صحية للنحافة والتخسيس,طرق زيادة الوزن,نصائح برامج غذائية للرجيم والنحافة رجيم السعرات الحرارية وطرق غذائية اخري للرجيم,

نسخ رابط الموضوع
https://vb.3almc.com/showthread.php?t=14621
1769 0
05-28-2019
#1  

Icon1765ازاي تنقصي وزنك بنفسك، تجربتي الشخصية في انقاص الوزن ٢٠ كيلو


ازاي تنقصي وزنك بنفسك، تجربتي الشخصية في انقاص الوزن ٢٠ كيلو
النهارده انا جيبلكم نظامي في التخسيس اللي ساعدني اني اخسر عشرين كيلو ايوه زي ما قراتي عشرين كيلو انا كنت وصلت اثناء فترة دراستي لتمانين كيلو وده كان اكبر وزن وصلتله في حياتي ولما اتجوزت كان لازم اخس عشان كنت بعاني من التكيسات ومن هنا بدات المعاناة لكن بفضل نظامي ده انا الحمدلله قدرت اني اخسر عشرين كيلو اكبر مشكلة واجهتني اني بحب اي حاجة بتخن واكتر تلت حاجات بيتخنو بدون فايدة لجسمك الشيبسي والبيبسي والحاجات المسكرة بما فيهم بعض الفواكهه زي العنب والمانجه والتين وللاسف دول فاكهتي المفضلة
ازاي تنقصي وزنك بنفسك، تجربتي الشخصية في انقاص الوزن ٢٠ كيلو
فقررت اولا اني
١ اكل كل حاجة نفسي فيها بس بكميات قليلة جدا مشيت علي نظام اسمه نظام اللقيمات بس بمزاجي انا اكلت محشي بس صباعين بس واكلت شيكولاته بس دارك ومربع او مربعين بالكتير وهكذا علي كل حاجة

٢ عملت رياضة طبعا اللي عندها ولاد هتقولك اعمل رياضة ازاي هو انا فاضية. امشي وانتي نازلة الشغل وانتي رايحة تشتري حاجات السوق بس اهم حاجة تبقي ماشية فاردة جسمك مش متقوسة وحاولي تسلكي الطريق الطويل





٣ النقطة دي مش هتعجبكم بس للاسف لازم بطلت شيبسي وبيبسي لان دول اكتر حاجات بتضر الجسم فلازم نبطلهم وممكن استبدال الشيبسي ببطاطس عليها نقطة زيت في الفرن بتبقي جميلة

٤ نبعد عن السكريات علي قد ما نقدر اصلا السكر الصناعي اللي انا اكتشفته انه مهوش مفيد يعني جسمك مش محتاجه الافضل اننا نستبدله بالفاكهه والحاجات اللي فيها سكر طبيعي

٥ ودي اهم نقطه بالنسبة ليا بعدت تماما عن اني اوزن نفسي عشان النفسية دي جزء مهم اوي مبقتش اشغل بالي انا تخنت ولا خسيت

٦ انا النقطة دي انا مش متاكده منها لان في ناس قالو ان الدوا ده مش بيخسس بس لان انا عندي السكر في اواخر الطبيعي فكنت باخده هو مشتقات السيدوفاج والماكس فاج والكلكوفاج ده الدكاتره كتبهولي عشان اخس وكنت باخد حباية في اليوم او بعد الاكلات التقيلة بس ياريت متاخدهوش من نفسك

٧ المية مهمة جدا في التخسيس اشربي مية علي قد ما تقدرتي لتر لترين في اليوم هتفيدك وهتفرق معاكي مش بس في التخسيس لا كمان هتلاقي صحة بشرتك احسن.

٨ ميمنعش لما تقلي في الاكل تاكلي قبل النوم زبادي معصورة عليه لمونة ياستي اعصري علي نفسك لمونة وكليه

٩ خلي السناكس بتاعتك خيار خس جذر ايوه شغل الارانب ده بيشبع وبيبقو مليانين الياف فبيفيدونا جدا اعملي نفسك لانش بوكس زي بتاع اولادك


والحمدلله بعد شهرين قدرت اني اخس العشرين كيلو دول هستني استفساركم بخصوص اي نقطة مش واضحة واحب انهي كلامي انك دكتور نفسك وانتي اللي تقدري تقييمي نفسك انتي بخير ولا لا

ازاي تنقصي وزنك بنفسك، تجربتي الشخصية في انقاص الوزن ٢٠ كيلو



اظهار التوقيع
توقيع
همسة حنين
الحمدلله دائما وابدا







الكلمات الدلالية (Tags)
٢٠, الشخصية, الوزن, ازاى, انقاص, تجربتي, بنفسك،, تنقصي, في, وشوك, كيلو

أدوات الموضوع

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
صور تهنئة بعيد الفطر المبارك ٢٠١٩، صور عيد سعيد من تصميمي ٢٠١٩ همسة حنين صور تهنئة بالمناسبات 0 05-18-2019 05:46 AM
ريجيم سريع يساعدك في فقدان ١٠ كيلو من وزنك في إسبوع ضحكة خجل التخسيس والتنحيف وانقاص الوزن 4 04-15-2019 11:36 PM
رجيم رمضان قاسي.كيفية انقاص الوزن بالصيام.تجارب انقاص الوزن بالصيام كبرياء انثى التخسيس والتنحيف وانقاص الوزن 11 04-15-2019 10:35 PM
رجيم صحى لانقاص الوزن,تخفيف الوزن 3 كيلو بالإسبوع بدون رياضة,كيفية انقاص الوزن في اسبوع للنساء آنسة قهوة ☕ التخسيس والتنحيف وانقاص الوزن 3 04-15-2019 09:39 PM
صور عن الأم مكتوب عليها كلام جميل من تصميمي ٢٠٢٠ , كلمات عن الأم , عبارات قمر المنتدى صور تهنئة بالمناسبات 0 03-21-2019 07:04 PM


الساعة الآن 05:35 PM.


Powered by vBulletin Version 3.8.8 Alpha 1
Copyright ©2000 - 2024, Jelsoft Enterprises Ltd Trans
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd.

خيارات الاستايل

  • عام
  • اللون الأول
  • اللون الثاني
  • الخط الصغير
  • اخر مشاركة
  • لون الروابط
إرجاع خيارات الاستايل