- مطبخ عالمك
- ازياء موضة واناقة
- الرشاقة والرجيم
- صور
- رعاية الام والطفل
- الأعمال والاشغال اليدوية
للنساء فقط
العناية بالشعر
علاج تساقط الشعر,للتخلص من الشعر التالف والخشن والمجعد,خلطات تطويل الشعر وتكثيفه,طريقة استخدام الكيرياتين فى المنزل, زيوت خاصة لتنعيم الشعر صبغات الشعر، تصفيف الشعر، علاج فروة الرأس,خلطات طبيعه لشعر الاطفال,صباغات الوان للشعر,حنة لفرد الشعر,تنعيم الشعر ، خلطات خاصة لتطويل الشعر
نسخ رابط الموضوع
https://vb.3almc.com/showthread.php?t=3105
#1
~![مشــــرقــــة بمواضيعهــا]!~
عايزة شعرى يطول ويتقل وينعم.تجربتى مع الو بانثين.عايزة شعرك يتقل بسرعة.نفسى شعرى يتقل ويطول
اخوااتى الحبيبات
السلام عليكم ورحمه الله وبركاته
لشعرك يتقل ويبطل تساقط من غير وصفات وخلطات وعك
بصي بقى يا قمر منك ليها
اكيد معظمنا ان مكانش كلنا بنشتكي ان شعرنا باظ وبيقع وبيتقصف ومتبهدل
وطالع عينه ...
.png "Asmaile(24)")
.png "Asmaile(26)")
.png "Bsmile (60)")
.png "Bsmile (70)")
بصي الاخر يا ستي انتي وهي باذن الله هديكي 12 خطوه تمشي عليهم
من غير عك ووصفات وخلطات وزيوت وبيض ومايونيز
والله الخطوات دي بعد خلاصه سنييييييييين من التجارب
مسبتش منتج الا وجربته ولا خلطه الا وعملتها
علشان كده بقولك عن تجربه
ويشهد ربنا انها كلها تجاربي الشخصيه
اعملي الخطوات دي كلها مع بعض وان شاء الله شعرك يتقل ويطول
ويبقى زي الفل باذن الله
المهم تستمري على الاقل تلات شهور ..
اشمعنى تلات شهور؟
.png "Asmaile(18)")
لان الشعرايه مش بتبتدي تتأثر باي حاجه قبل على الاقل تلات شهور
علشان دوره تجديد الشعر ...
وبعدين مش فتره طويله على فكره ما شعرنا مبهدلينه ومطلعين عين اهله بقالنا سنين ..
وبعدين ياما جربنا خلطات وزيوت وعك كتير وبقالنا سنييييييييين طويله بنعك
.png "Asmaile(17)")
يبقى نصبر على الاقل تلات شهور وياريت يبقى اكتر كمان ويبقى ده اسلوب تعاملنا مع شعرنا ..
الخطوات كالتالي
(مهم تعمليها كلها مع بعض ولو مقدرتيش يبقى معظمهااااا )
(ملحوظه: كل الصور في الموضوع ده من على النت مش بتاعتي)
الخطوه الاولى
اتأكدي ان مفيش عندك انيميا لو في عالجيها الاول لانه عمره ما هيتقل لو عملتي ايه وفي انيميا.. وكمان مهم اوي الحاله النفسيه تبقى كويسه لان التعب النفسي بيوقع الشعر بهبل وعن تجربه .. طبعا بيبقى غصب عننا .. لكن اهو نحاول .. وربنا يعينا
الخطوه التانيه
ارمي فرش الشعر اوعي تستخدميها خااااالص الفرش بكلام الدكاتره بتقطع الشعر وهي بتسرحه
وبلاش الامشاط البلاستيك
هاتي مشط خشب حلو كده سنانه واسعه
واستعمليه وبلاش ابو ايد ده استعماله صعب هاتي المشط العادي واسنانه تكون معقوله لا واسعه اوي ولا ضيقه اوي .. وفي انواع بتبقى مقسومه نصين نص واسع ونص ضيق هاتي ده لو عاوزه
هتقولي بيقطعلي شعري يبقى نوعه وحش خشبه خشن
هاتي نوع الخشب بتاعه ناعم بيبقى كأنه مطلي كده علشان ميمسكش الشعر ويقطعه
هتقولي مش بعرف استعمله هقولك اتعودي .. بجد والله يابنات بيفرق
الخطوه التالته
هاتي من الصيدليه حاجه اسمها لوسيون الو بانثين
ده شكله
ده لوسيون للشعر ترجيه كويس وبعدين تبلي صوابعك منه كل يوم قبل النوم وتدلكي فروه راسك
ولو عندك بخاخه تحطيه فيها يبقى افضل اهم حاجه ترجيه كويس قبل الاستخدام وترشيه في فروه راسك وتدلكي بالراحه الله يكرمك دلكي كويس خمس دقايق كده كل ليله قبل النوم وبعدين سرحي شعرك وشوفي اذا كنتي بتلفيه او بتعملي فيه ايه اهم حاجه ميكونش مشدود وبلاش تغطيه بحاجه خليه متهوي عادي
هو من اي صيدليه سعره حوالي 9 جنيه
وبيكفي كتييييير بتاع اربع خمس شهور يعني متستنيش نتيجه قبل ما تخلصي العبوه كلها
الخطوه الرابعه
لو بتخرجي ومغطيه شعرك كتير لاااازم تحطي تحت الطرحه بندانه قطن لااااااااازم بقولك اهو هاجي افتش وراكي.. وبلاش الله يكرمك السبعين الف طرحه دول الصيف جاي وشعرنا حرااااام اللي بنعمله فيه .. طرحتين كفايه اوي بلاش ابوس ايديكو عمة سندباد اللي بشوفها دي
الخطوه الخامسه
اول ما تروحي البيت فكي شعرك وسيبيه يتنفس بلاش تربطيه او تعمليه كحكه والحاجات الغريبه اللي بنعملها احنا المصريين في شعرنا دي والله حقه يقع ويسيبنا ويطفش
فكيه وهويه ولو بتدايقي منه وهو مفكوك اعمليه ضفيره مهويه كده بلاش تشديه المهم يبقى مفكوك ومتهوي على اد ما تقدري
الخطوه السادسه
وانتي خارجه تحت الطرحه او وانتي في البيت كل يوم افرقي شعرك من ادام فرق مختلف
يعني يوم هاتيه من قدام على جنب ويوم الناحيه التانيه يوم على ورا يوم على ادام كده يعني علشان لما بنعمله على طريقه واحده كل يوم الشعر بيتنحل ويبقى خشن اوي نتيجه احتكاكه بالطرحه او بالمخده او او ..
والدليل على كده ان شعرك من تحت من عند رقبتك لو قلبتيه هتلقيه ناعم اوي انعم من ادام .. لو لقيتي الحركه دي اعرفي انك بهدلتي شعرك من ادام اوي ..
الخطوه السابعه
ودي مهمه اووووووي
لما تيجي تغسلي شعرك
متحطيش الشامبو على شعرك مباشره
لا خودي معاكي كوبايه فاضيه او ازازه شامبو فاضيه اي حاجه
وحطي فيها شويه شامبو وخففيه بالميه ورجيه كويس لحد ما يعمل رغوه
وبعدين بلي شعرك كويس اوي
وحطي عليه الشامبو المخفف ده
والله يا بنات دي نصيحه دكتور اجنبي وطبقتها فرقت معايا كتييييييير
وبقيت حتى لو عامله حمام زيت الشعر بيرغي من اول مره ومش بحتاج اغسله تاني
غير طبعا انه بيوفر في الشامبو
.png "Asmaile(11)")
الخطوه الثامنه
نوقف السشوار والمكواه والفرد والصبغه والحنه والمايونيز والزيوت والبيض والجرجير والخلطات والعك والحاجات دي كلها وقفيها بس فتره العلاج دي
الخطوه التاسعه
هاتي فيتامينات اسمها فيتازنك العلبه بخمسه جنيه فيها تلاتين حبايه خدي واحده كل يوم بعد الغدا يعني كورس شهر وبعدين وقفي شهر وهكذا (اختياريه الخطوه دي بس بتفرق .. يعني لو واحده بتاخد فيتامينات معينه او الدكتور كاتبلها حاجه معينه يبقى تستمر عليها)
ده شكل العلبه
الخطوه العاشره
ودي مهمه اوي بردو
انك يوميا تاخدي معلقة زيت زيتون على الاكل بتاعك
حطيه بقى على سلطه ابلعيه كده انتي حره المهم انه يتاخد على البارد يعني ميتسخنش ولا يتحط مع اكل سخن
ممكن تقولي طيب ما احطه على شعري علطول
هقولك علميا فوايد اي حاجه لما بتحط على الشعر او البشره بتوصلنا منها فقط 11% من فايدتها لما بتتاكل
طيب ما ابلعها احسن .. وكمان اخذ ملعقة زيت زيتون ع البارد يوميا يحسن الشعر جدااااااا ويعطيه ليونه ولمعه طبيعيه
وكمان لو قدرتي تاخدي فص ثوم متقطع قطع صغيره وتبلعيه زي حبوب الدوا كده يبقى ممتاااااز
لو بتحبي الثوم متقطع على السلطه يبقى بردو كويس
المهم انه بردو ميطبخش ولا يتقطع قبل اكله بفتره طويله
ايه فايده الثوم
بيتقل الشعر بدل ما تحطيه على فروه الراس ويعمل ريحه وحشه ويعمل التهاب في فروه الراس ومش بنستفيد منه الا 11 % يبقى ابلعيه احسن
طبعا غير انه مضاد حيوي قوي جدا ومفيد لازاله حبوب الوجه .. وليه فوايد بالهبل مش وقتها دلوقتي تقدري تعملي عنها سيرش وهتزبهلي لما تقريها ...
المهم حاولي ومتقلقيش مش هتحسي بطعمه ولا هيبقاله اي ريحه لو قطعتيه واخدتيه بشويه ميه كأنه دوا
الخطوه الحاديه عشره
ودي بقى اهم اهم اهم خطوه
اشربي ميه بالهبل
ميه كتيييييييير جدا
سألت مره دكتوره علا حسام اللي بتطلع مع امينه شلبايه عن علاج لتقصيف الشعر
قالتلي بنات كتير بييجوا يكشفوا علشان تقصيف وهيشان الشعر وتساقطه
ولولا انهم هيقولوا عليا نصابه ومكتبتش على دوا .. كنت قلتلها علاجك بس تشربي ميه .. مش اقل من لترين ميه في اليوم ..!!
ليه بقى .. الشعرايه زي الزرع .. لما مبتشربش ميه من جذورها بتنشف والبصيله تموت وتقع .. والاطراف تتقصف وتهيييييييش .. يبقى نشرب ميه كتيييييير سهله وحلوه اهي ...
كان في فتوكه هنا مش فاكره اسمها ربنا يباركلها كاتبه عن طريقه تفكرها انها تشرب ميه وهي مع كل صلاه تشرب كوبايتين ميه وبكده تبقى شربت في اليوم عشر كوبايات .. بجد ربنا يكرمها طريقه هايله ...
الخطوه الثانيه عشر:
مهم جدا ترطبي شعرك بحمام كريم بعد كل مره تغسليه .. بلاش بلسم خليكي في حمامات الكريم احسن الف مره..
بالنسبالي حمام الكريم المفضل هو حمام كريم فاتيكا
بجد بيطري الشعر اوي ومش بغيره ابدااااااااااااااااااااااا
اللي بستعمله اللي غطاه موف بالحنه وزيت الزيتون واللوز
دي صورته
الحجم الكبير بجيبه بـ 25 على ما افتكر
في حجم اصغر من ده بس الكبير اوفر وبيقعد كتير
مع شعري هو احسن الف مره من حمام الكريم بتاع دوف وبتاع بانتين والله كلهم مرميين عندي ..
بالنسبه للمنتجات اللي استعملتها للشعر وحلوه جدا عن تجربه
1- سيروم تريس
(من الصيدليه)
دي صورته
وصفتهولي دكتوره علا حسام اللي بتطلع مع امينه شلبايه علشان تقصيف وهيشان الشعر
هو بيدي لمعه رهيبه للشعر .. غير انه علاجي يعني اتنين في واحد ...
فيه منه حجمين واحد كبير بـ 65 جنيه
وواحد صغير بحاجه واربعين مش فاكره والله
بس الكبير اوفر جدا وبيقعد كتيييييييييييييير اوي لانك مش بتحتاجي الا نقطه صغيره كل مره
يستخدم على الشعر المبلول او الناشف بدل الكريم والزيوت
على الشعر فقط مش على فروه الراس علشان ميسدش المسامات
2- تونيك الفازلين
(من محلات مستحضرات التجميل)
ودي صورته
بينعم الشعر بردو وبيديله لمعه جميله
بالذات الشعر الخشن والهايش
في منه الاصلي سعره من 35 لـ 40
المضروب كان بـ 15
طبعا في فرق فيهم اتأكدي انه صناعه هندي وعليه علامه دهبيه مدوره كده كلمه الاصلي
يستخدم نقطه صغيره اوي منه علشان ميلزقش على الشعر المبلول او الناشف بدل الكريم والزيوت
على الشعر فقط مش على فروه الراس علشان ميسدش المسامات
وعلشان الشعر المقصف والهايش شعرك بعد ما تغسليه نشفيه بالراحه وسيبيه ينشف حاجه بسيطه يعني يبقى بين المبلول والناشف قبل ما يبقى هايش يعني
وحطي في ايدك نقطه سيروم تريس على نقطه تونيك الفازلين واخلطيهم في ايدك وبعدين دلكي بيهم شعرك بالراحه بس من غير فروه الراس.. وبعدين سرحي شعرك ولفيه
بجد طريقه رووووووووووعه عن تجربه
3- زيت الترشوب (المقوي العشبي):
جبته من عند عطار بـ 30 جنيه
اتأكدي انه الاصلي وعليه علامه مائيه
دي صورته
تحطيه على شعرك وهو بين المبلول والناشف بجد بيدي لمعه حلوه اوووووي وريحته بالنسبالي مقبوله
بلاش تحطيه على فروه الراس
كان واحده صاحبتي سعوديه هي اللي قالتلي عليه كان شعرها ماشاء الله الله اكبر طويل اوي ولما سالتها قالتلي استخدميه بس متحطيهوش على فروه الراس
حطيه على الشعر كل ما تحسي ان شعرك ناشف حطي شويه
ودلكي الشعر بالراحه
مش هتشوفي نتيجه قبل تلات شهور او اربعه
فعلا يا بنات بقالي فتره بستخدمه شعري مكانش بيتزحزح من مكانه ولا بيطول خااااااالص ... دلوقتي ماشاء الله اخيررررراااااا ابتدا يتحرك بس بعد استعمال اربع شهور ابتدا والله على ما اقول شهيد ابتدا يطول الحمدلله والكل لاحظ كده .. وانا مكمله عليه ان شاء الله ... وعلى فكره هي ازازه واحده اللي جبتها وكفت الاربع شهور ماشاء الله ..
هو تركيبته زيت سمسم على جوز هند على شويه حاجات كده بس الاساسي هو السمسم وجوز الهند
علشان دي امانه ويشهد ربنا بكتبلكو بكل امانه
العيب الوحيد في المنتجات التلاته اللي فاتوا (سيروم تريس ، تونيك الفازلين، زيت الترشوب) انهم بيغمقوا الشعر .. شعري كان بني فاتح بقى اسوووووود دلوقتي ... بالنسبالي مش مهم يغمق المهم يبقى صحي ..
ملحوظه:
كان في بنوته هنا قالت انها قرأت الرقيه الشرعيه على زيوت وكريمات الشعر ..
والله يا بنات سبحان الله دي يمكن حاجه من الحاجات اللي جابت معايا نتيجه
قرأت الرقيه الشرعيه وقران على كل الحاجات دي ماعدا الشامبوهات طبعا وحمام الكريم علشان حرام يتغسل في الحمام اعزكم الله
جربوها وان شاء الله نستفيد بيها مش هنخسر حاجه
كفايه كده رغي انا تعبت ....
يبقى نلخص الخطوات بقى اللي هي ايه:
1- نعالج الانيميا
2- نرمي الفرش والامشاط البلاستيك ونجيب مشط خشب
3- نجيب الو بانثين لوسيون وندلك بيه فروه الراس كل يوم قبل النوم
4- بندانه قطن تحت الطرحه
5- نهوي الشعر طول ما احنا في البيت
6- نغير الفرق من ادام بتاع الشعر كل يوم فرق ناحيه مختلفه
7- نخفف الشامبو بميه قبل الاستعمال
8- نوقف السشوار والمكواه والفرد والصبغه والحنه والخلطات والعك ونريح شعرنا شويه
9- خدي حبايه فيتازنك كل يوم بعد الغدا (اختياري الخطوه دي بس بتفرق)
10 - معلقة زيت زيتون كل يوم ع البارد وفص ثوم مقطع نبلعه كأنه حبه دوا
11- نشرب مالا يقل عن لترين ميه يعني من 8 - 10 كوبايات ميه في اليوم
12- مهم جدا تستعملي حمام كريم يرطب شعرك ويغذيه.. وكمان الزيت او الكريم او السيروم المناسب استعملي منتجات مناسبه لشعرك بلاش منتجات قويه او غير مناسبه لشعرك ..
واخيرا .. ربنا يعلم اد ايه تعبت في كتابه الموضوع ده ..
اتمنى تسيبي بصمتك وترفعي الموضوع بدعوه حلوه ..
والتقييم ده بقى انتي وذوقك
.png "Asmaile(23)")
بثبتكو انا هههههههههه
وامانه تدعولي ولو في سركو يا بنات
المصدر : منتدي عالمك - من قسم العناية بالشعر
من مواضيع : البت القطقوطه
- المسماري: تركيا نقلت عناصر من "جبهة النصرة" إلى طرابلس
- طرق وافكار للتوفير فى ميزانية البيت, توفير مصاريف الأسرة,أفكار للتوفير في مصروف و ميزانية البيت
- 8 معلومات عن مصل البتيوليزم قاهر تسمم الفسيخ,معلومات عن مصل البتيوليزم قاهر تسمم الفسيخ
- جدول غذاء الحامل في الشهر الاول
- سكربز ادوات مطبخ.سكرابز ادوات مطبخ للتصميم.سكرابز مطبخ.سكرابز طبخ.سكرابز شيف2018
#2
~![مثــــــالــــية بـــوجـــودك]!~
رد: عايزة شعرى يطول ويتقل وينعم.تجربتى مع الو بانثين.عايزة شعرك يتقل بسرعة.نفسى شعرى يتقل ويطول
الله ملف شامل ورااااااااائع
من مواضيع : ليالى العمر
- تكثيف الشعر الخفيف وتطويله طبيعياً,طرق بسيطة للشعر الخفيف,علاج الشعر الخفيف,كيفية علاج الشعر الخفيف
- 10 ديكورات سهلة هتحسسك بجو الشهر الكريم .استقبلى رمضان فى البيت بافكار جديدة2018
- اشيك نظارات الشمس للبنات,نظارات شمسية2020,احدث نظارات شمس للبنات 2019,نظارات شمس مودرن وأنيقة
- فن الاعتذار بين الزوجين,إيتيكيت الاعتذار ازاى تعتذرى بشكل شيك,افضل طريقة للاعتذار من الزوجة
- ملابس اطفال للبنات صيفي,موديلات لبس البنات,ملابس اطفال بنات 2019,اخر الموضة فى ملابس البنات صيفي
#3
~{ ادارية سابقة }~
رد: عايزة شعرى يطول ويتقل وينعم.تجربتى مع الو بانثين.عايزة شعرك يتقل بسرعة.نفسى شعرى يتقل ويطول
اظهار التوقيع
توقيع
ام يوسف
[CENTER][url=https://up.3almik.com/][img]https://up.3almik.com/uploads/3almik.com_13_18_153687871166731.gif[/img][/url]
[/CENTER]
[CENTER]
[/CENTER]
[CENTER][URL="https://up.3almc.com/"][IMG]https://up.3almc.com/uploads/3almc.net_2018_2_152309579278551.gif[/IMG][/URL][/CENTER]
[CENTER]
[/CENTER]
[/CENTER]
[CENTER]
[/CENTER]
[CENTER][URL="https://up.3almc.com/"][IMG]https://up.3almc.com/uploads/3almc.net_2018_2_152309579278551.gif[/IMG][/URL][/CENTER]
[CENTER]
[/CENTER]
من مواضيع : ام يوسف
- أفكار متميزة لصندوق غذاء المدرسة بالصور,افكار لانش بوكس جديدة,وجبات للمدرسة
- الدرس الاول من دورة تعليم الفوتوشوب مع ام يوسف, درس الكتابة بلونين او اكثر
- وصفات مجربة لفرد الشعر المجعد,تنعيم الشعر قبل العيد,فرد الشعر طبيعيا
- موقف المأموم الثاني من الإمام
- افكار لعمل توزيعات مواليد في البيت2020,طرق متنوعة لعمل توزيعات المواليد
#4
~![برنسيســة فـــى كــلامك]!~
رد: عايزة شعرى يطول ويتقل وينعم.تجربتى مع الو بانثين.عايزة شعرك يتقل بسرعة.نفسى شعرى يتقل ويطول
من مواضيع : حور العين
#5
~![رقيقــــــــة بجمــــالـــهـــا]!~
رد: عايزة شعرى يطول ويتقل وينعم.تجربتى مع الو بانثين.عايزة شعرك يتقل بسرعة.نفسى شعرى يتقل ويطول
تسلمي يا حبيبتى روعه
من مواضيع : انتى استتنائية
#6
~{ مشرفة العناية بالجمال }~
رد: عايزة شعرى يطول ويتقل وينعم.تجربتى مع الو بانثين.عايزة شعرك يتقل بسرعة.نفسى شعرى يتقل ويطول
اظهار التوقيع
توقيع
ام المصريين
من مواضيع : ام المصريين
- كلمات جميلة عن الوطن,عبارات عن الوطن,عبارات عن حب الوطن,كلام جميل عن الوطن
- خطوات لعمل شجرة عيد الميلاد من الريش،احلى فكرة لعمل شجرة راس السنه2019
- فنجان من القهوه,قصة فنجان من القهوة جميله,قصة اعجبتنى عن حب القهوة
- اجمل شنط مدرسية,شنط مدرسية للاطفال,شنط مدرسيه انستقرام 2018,احدث شنط مدارس للبنات,شنط مدرسيه
- فواصل لتزيين مواضيع الاطفال متحركه.موسوعة فواصل اطفال للمواضيع.فواصل كيوت لمواضيع الأطفال 2018
| الكلمات الدلالية (Tags) |
| مع, الو, بانثين.عايزة, بسرعة.نفسى, يتقل, يطول, شعري, شعرك, عايزة, ويتقل, وينعم.تجربتى, ويطول |
«
الموضوع السابق
|
الموضوع التالي
»
|
|
الساعة الآن 06:32 PM.