Warning: Division by zero in [path]/includes/class_postbit.php(294) : eval()'d code on line 80

Warning: Division by zero in [path]/includes/class_postbit.php(294) : eval()'d code on line 80
كيفية المصارحه بين الزوجين,المصارحة بين الزوجين,الصراحه بين الزوجين في غرفة النوم - منتدي عالمك
للنساء فقط

معاملة الازواج

كيف تكون معاملة الزوجة لزوجها,كل ما يخص حياتك الزوجيه,ازاى تجددى حبك زوجك لك,ازاى تكسبى قلب زوجك.

نسخ رابط الموضوع
https://vb.3almc.com/showthread.php?t=1072
2666 1
02-18-2018
#1  

Vtكيفية المصارحه بين الزوجين,المصارحة بين الزوجين,الصراحه بين الزوجين في غرفة النوم


مصارحة الزوج بعيوبه,اسئلة مصارحه بين الزوجين,المصارحة بين الزوجين جاسم المطوع,مصارحة الزوج بخيانته,كيفية المصارحه بين,الزوجين,المصارحة بالحب,الصراحه بين الزوجين في غرفة النوم,المصارحة بين الاصدقاء

كيفية المصارحه بين الزوجين,المصارحة بين الزوجين,الصراحه بين الزوجين في غرفة النوم

كلنا بنخاف نصارح من نحبهم بمشاعرنا
بسبب خوفنا غالبا من ردود الفعل
و مشاعرنا دى نوعين :
نوع موجه الى اى موقف او حدث او شخص او شىء
و الحبيب ملوش دعوة بيه
فدا بيبقى سماعه و الانصات ليه سهل جدا
يعنى لما احكى لجوزى مثلا عن مشاعرى تجاه زميلتى فى الشغل او اخويا أو صحبتى
او مواقف حصلت معاهم
دى ممكن يسمعها و يتقبلها و مفيش منها مشكلة
المشكلة لما اتكلم معاه عن مشاعرى تجاه حاجة هو مسئول عنها معايا
يعنى مثلا انى اعبر عن تعبى من شغل البيت
او اعبر عن قلقى على الاولاد او تعبى معاهم
او اعبر عن تعبى من الشغل الوظيفى الى احنا محتاجين فلوسه
او تعبى الصحى
فدا بيخليه يحس انه مسئول عن تعبك دا
و بيتلقى كلامك علطول انها شكوى منه
او لوم و عتاب ليه
و ساعات تعبك دا بيحسسه بالذنب انه السبب
او بالاحراج
او بالحمل و الهم
و بيخليه يفتكر انه مقصر
و بيضرب فى احتياجه الى الكفاءة كزوج و أب
لانه مش هيقدر يشيل عنك او يساعدك او يريحك
كلامك فى النهاية بيوجعه
علشان كدة ما بيقدرش يسمعه
هو ممكن يسمع كلام زيه بالظبط من زميلة بتشتكى من الحاجات دى كلها لانه غير مسئول و مش بيتوجع
لكن كلامك انتى بينشن على احساسه برجولته و كفاءته
و ياسلام كمان لما تتكلمى عن مشاعرك ناحيته هو شخصيا او تجاه تصرفاته و طباعه
انتى كدة كانك ماسكة خنجر و بتطعنيه بيه
فإما بيهجم عليكى بهجوم مضاد بالصراخ و الغضب بحيث يقلب عليكى الترابيزة
او بيهرب من البيت و يسيبك مع نفسك تهرى و تنكتى
او يروح فاتح التليفزيون او يعد ادام الموبايل و كانك ماقلتيش حاجة
ودى كلها ردود افعال تلقائية هو اتبرمج عليها من صغره كمحاولات لتخفيف الألم و الغضب الى هو بيحس بيه
الرجل مخه متبرمج على انه يدور على حلول للمشاكل
و لما مشاكلك الى انتى بتحكيها مابيلاقيش ليها حلول لانها مالهاش حلول
دا ساعات بيحسسه برده بالعجز و الضعف
و لما بيحصل العكس
و الزوج الى بدأ يعبر عن مشاعر مؤلمة تجاهك او تجاه البيت و الاولاد
الزوجات برده مابتعرفش تسمع و تفهم و تحس
هى ممكن تسمع
و بتاخد الكلام على انه هجوم عليها
او انتقاد ليها
بس ردود افعال النساء مختلفة
هى بتعد تتكلم تتكلم تتكلم
بتعد تبرر و تفسر
و تناقش و تنافح
و تدافع عن نفسها
و تجيب القديم و الجديد
و ممكن برده تقلب عليه الترابيزة بحيث تطلعه هو الى غلطان و هو الى مقصر معاها
و هو
و هو
احنا ما بنعرفش نسمع بعض
و دى احد الاسباب الرئيسية الى مخلية العلاقات فى تدهور مستمر
احنا الاتنين تعبانين و قاعدين نكوم و نحوش و بنحاول نعديها علشان ننشد السلام
او علشان الكلام معدش بيجيب فايدة
بس للاسف بتلاقى مشاعرنا مع الوقت بتتكوم و تطلع فى انفجارات مؤلمة لينا احنا الاتنين
محتاجين أوى
محتاجين بشدة
محتاجين نتعلم ازاى نتكلم بحساسية من غير ما نؤذى الآخر
ازاى اتكلم من غير ما أحسسه بالتهديد
و محتاجين نتعلم ازاى نسمع من غيرما نحس بالتهديد لذواتنا برده
نسمع و احنا عايزين نفهم مشاعر الاخر و احتياجاته الحقيقية
محتاجين نتعلم ازاى نطمن بعض و احنا بنتكلم
ازاى لو حسيت ان الى أدامى اتنرفز من كلامى اقوله:
انا مش بلومك و لا بهاجمك و لا عايزة اغيرك ولا بطلب منك اى حاجة غير انك بس تسمعنى و تفهم ما اشعر بيه
او اننا فى بداية الكلام نقوله :
انا عارف ان كلامى ممكن يضايقك
كلامى لايحمل اى حكم عليك
انا بس عايزاك تفهمى احساسى و مشاعرى
دا لو كانت فعلا نوايانا طيبة و مش عايزين من جوانا نؤذى حد
لان ساعات بيبقى جوانا رغبة فى ايذاء الاخر مع سبق الاصرار و الترصد
منقول للاستفاده








03-25-2018
#2  

افتراضيرد: كيفية المصارحه بين الزوجين,المصارحة بين الزوجين,الصراحه بين الزوجين في غرفة النوم

جزاكِ الله كل خير عالأنتقاء الرائع
بصراحة أنا عاجزة تماما"
بماذا اكتب لمواضيعكِ
الشيقة والتي لا استطيع ان امر عليها مرور الكرام
لروعتها وجمالها هكذا كان موضوعكِ



اظهار التوقيع
توقيع
فخامة ملكة
((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))


صدق الله العظيم ، و هل أصدق من الله قيلا

استغفر الله العلي العضيم من كل دنب عضيم اللهم اغفر لي و لوالدي
اللهم امين و لكل شخص قالها بالمتل

http://mp3qurany.com/mp3.php?Quran=1




الكلمات الدلالية (Tags)
المصارحة, المصارحه, الصراحه, الزوجين, النوم, بين, غرفة, في, كيفية

أدوات الموضوع

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ستائر غرف نوم كلاسي،ستائر مضئية لغرف النوم روعة،ستائر غرف نوم ناعمة رومانسية،ستائر غرف النوم للعرائس ساحرة الشرق غرف نوم 4 08-29-2018 12:23 AM
اضاءة السرير،ديكورات اضاءة غرف النوم،ديكور غرف نوم رومانسية جدا 2018،افكار لتزيين سرير غرفة النوم ساحرة الشرق غرف نوم 4 08-29-2018 12:21 AM
نصائح ما قبل النوم لتستيقظى جميلة,نصائح للبشره قبل النوم,معنى قبل النوم ساحرة الجنوب العناية بالبشرة 4 04-19-2018 07:14 PM
أهمية المصارحة بين الزوجين،الرومانسية الزوجية،حدود الصراحة بين الزوجين كبرياء انثى معاملة الازواج 2 03-25-2018 05:08 PM
سبب عدم النوم في علم النفس،عدم النوم والقلق، القلق والتوتر عند النوم،الخوف والتوتر والقلق كبرياء انثى العيادة النفسية والتنمية البشرية 3 03-25-2018 04:18 PM


الساعة الآن 07:24 AM.


Powered by vBulletin Version 3.8.8 Alpha 1
Copyright ©2000 - 2024, Jelsoft Enterprises Ltd Trans
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd.

خيارات الاستايل

  • عام
  • اللون الأول
  • اللون الثاني
  • الخط الصغير
  • اخر مشاركة
  • لون الروابط
إرجاع خيارات الاستايل