ريم : فى ايه يا مروى حصل ايه طارق كلمنى وقالى اروح ؟
مروى : مفيش يا ريم ادخلى مين ده
ريم : ده كريم زميلى هو اللى وصلنى طب بدل مفيش حاجه قالى اروح ليه فى ايه يا مروه قولى
مروى : اناهقولك بس مش تعيطى اجمدى كده عمى ومرات عمى عملو حادثه وهما رايحين مكه بس هما دلوقتى فى المستشفى
كريم : طب هما كويسين يعنى
مروى : مش عارفه هو اللى اتكلم قال انهم فى المستشفى
ريم : ماما طب محدش فيهم اتكلم ؟ او طمنونا حصلهم ايه ؟
مروى : لا
كريم : متخفيش ان شاء الله خير
ريم : انا تعبتك يا كريم اوى معلش
كريم : متقوليش كده احنا زمايل طب انا همشى بقى بعد ازنك
مروى : متشكرين اوى
ريم : هو طارق فين ؟
مروى : اتصل بزاهر وراحو يشوفو هيعملو ايه هيجو مصر ولا هما هيسافرو
ريم : يا رب استر انا خايفه عليهم اوى طب انتى متعرفيش عملو العمره ولا لسه
مروى : اه عملو واحده وكانو عاوزين يعملو عمره تانيه فراحو يتحللو فى مكان كده وبيرجعو تانى مكه وهما رجعين بقى الحادثه حصلت
ريم : ايه يحللو دى يعنى ايه ؟
مروى : يتحللو لازم ما بين كل عمره والتانيه يعملو حاجه اسمها التحلل زى فاصل كده
ريم : اه طيب طب ما تكلمى طارق تانى شوفيه عمل ايه ؟
مروى : حاضر بس شويه وبطلى عياط بقى خلاص يا حببتى
ريم : خايفه عليهم اوى
( وشويه وطارق وزاهر وسيف جم من بره )
ريم : ها طمنى ماما وبابا هييجو امتى
زاهر : هو انتى مقولتلهاش
مروى : لا مقدرتش
ريم : مقولتوليش ايه
هما حصلهم حاجه
انتو عملين تبصو لبعض كده ليه
حد فيهم مات
طارق : قدر ربنا
ريم : مين ماما ولا بابا
زاهر : احنا معاكى ومش هنسيبك ابدا احنا بدلهم
ريم : هما الاتنين ماتو ؟
طارق خدها فى حضنو جامد ) خلاص يا حببتى حكم ربنا متعيطيش
ريم : هما الاتنين طب ليه ليه ازاى هما الاتنين فى يوم واحد انتو بتضحكو عليا انتو بتعملو فيا مقلب صح على شان تديقونى هما مامتوش ماما قالتلى 10 ايام وراجعه انتو كدبين انتو بتضحكو عليا ( ووقعت على الارض )
طارق : ريم فوقى يا ريم دى متلجه
زاهر : هاتى كباية مايه يا مروى بسرعه
سيف : دى مغمى عليها مش بتتحرك
زاهر : اصحى يا ريم ريم فوقى
سيف : اشيلها نوديها لدكتور ليكون جالها انهيار عصبى او حاجه
طارق : اه شيلها انا مش هقدر اشيلها
مروى هننقلها المستشفى القريبه دى لو ماجده اتكلمت خليها تستنانا
مروى : حاضر
**** ( mnoon) ****
الدكتور : اطمنو انا ادتها مهدء وهتبقى كويسه
بس هى حصلها ايه ؟
زاهر : اصل بابا وماما توافهم الله فى العمره فا هى لما عرفت قعدت تعيط ووقعت
الدكتور : البقاء لله انتو اخوتها
طارق : ايوه انا اخوها الكبير وزاهر اخوها برضو وده سيف ابنى
الدكتور : طيب اطمنو هتبقى كويسه ان شاء الله
سيف : بابا موبيل ريم بيرن ارد
طارق : رد انا مش فايق
سيف : الو
كريم : الو مين ريم انا عاوز اكلم ريم
سيف : لا انا سيف ابن اخوها هى تعبانه شويه
كريم : طب هو عمو وطنط مش بخير يعنى
سيف : البقاء لله
كريم : ايه طب ريم عامله ايه دلوقتى
سيف : هى تعبانه نقلناها المستشفى واخدت مهدء ونامت
كريم : مستشفى ايه ؟
سيف : لما تصحى هبلغها انك اتكلمت معلش علشان عمى بينادى
**** ( mnoon) ****
فرح : فى ايه يا كريم هى مردتش عليك
كريم : هى ليها ابن اخ اسمو سيف ؟
فرح : اه هو اللى رد عليك؟
كريم : اه دا قالى ان ابوها وامها ماتو وهى فى المستشفى ما تيجو نروحلها
فرح : يا حببتى اه طبعا بس مقلكش انهى مستشفى
شريف : تلاقى اللى جنب البيت اللى هناك تعالو نروح ونشوف
( وراح كريم وفرح وشريف وحنان ومحمد المستشفى ودخلو عند ريم فى الغرفه وكان جنبها سيف )
فرح : ايه يا سيف اللى حصل ؟
سيف : امر ربنا هى اول ما سمعت ان جدى وجدتى ماتو وقعدت تعيط ووقعت انا شيلتها وجبناها انا وعمى وبابا هنا
محمد : طب يعنى عندها ايه ولا جرلها ايه
سيف : انهيار عصبى بس الحمد لله الدكتور طمنا
كريم : 1000 سلامه عليكى يا ريم معلش هى الصدمه بس اكيد هى اللى عملت فيها كده طب هى المستشفى دى كويسه انا ممكن انقلها فى المستشفى عندنا
سيف : مستشفى عندكم ازاى يعنى
كريم : احنا عندنا مستشفى استثمارى ممكن اكلمهم ييجو وننقلها هناك احسن هنا الخدمه مش كويسه
سيف : لا شكرا هى هتبقى كويسه
كريم : طيب انا هتصرف
( وطلع كريم برا الغرفه وكلم ماماتو )
كريم : الو ايوه يا ماما بقولك احنا عندنا دكتور امراض نفسية فى المستشفى
جيهان امه : اه طبعا وبعدين مافيش جود مورنج ماما
كريم : معلش يا ماما اصلى فى وحده زميلتى عيانه اوى وكنت عوزاك تبعتيلى الدكتور لو سمحتي بس بسرعه
جيهان : زميلتك مين دى ؟
كريم : هبقى اقولك بعدين ابعتيلى الدكتور هبعتلك عنوان المستشفى واسمها فى رساله بسرعه يا ماما
جيهان : حاضر هبعتهولك بس شكلها وحده مهمه اوى عندك
**** (mnoon) ****
سيف : هو مالو ده
شريف : ده كريم صحبنا من الجروب يعنى وغنى اوى
سيف : اه مهو باين بس قليل الزوق
فرح : لالا بس هى دى طرقتو اهلو مدلعينو بقى
كريم : انا كلمت ماما وهتبعت دكتور من المستشفى يطمنا اكتر
سيف : مكنش له لزوم هى نايمه والدكتور قال هتبقى كويسه
كريم : لا برضو على شان اطمن اكتر
**** ( mnoon) ****
( وروح طارق على البيت وكمان زاهر على بيتو )
مى : مسكينه ريم هتعمل ايه دلوقتى
زاهر : هتعمل ايه فى ايه هى الدنيا كده مش هتقف هتكمل وهتعيش
مي : طب هى هتعيش مع مين ؟
زاهر : يعنى ايه هتعيش مع مين مش فاهم
مي : يعنى عندنا ولا عند طارق ولا ماجده ولا هترجع شقة عمى
زاهر : لا طبعا استحاله نسيبها تقعد لوحدها تيجى تقعد عندنا او عند طارق انا وطارق متكلمناش فى كده لسه
مي : بس يعنى لو اقولك كل حاجه فى وقتها كويسه طب عمى ومرات عمى هيرجعو ازاى
زاهر : خلاص بقى يا مى انا تعبان قدرى اللى فيه انا امى وابويا ماتو وانتى نازله اسئله
مى : انا اسفه انا هطلع اسكت الولاد
**** ( mnoon) ****
كريم : ها يا دكتور طمنى
الدكتور : هى واخده مهدء ونايمه اول ما تصحى هتبقى كويسه بس يا ريت تبعدوها عن سبب اللى عمل فيها كده
سيف :طب يا دكتور تعبناك متشكرين اوى
الدكتور : لا مفيش تعب انا دكتوره جيهان اول ما قالتلى جيت على طول ده شغلى
سيف : اوك يا دكتور متشكر اوى
الدكتور : تحب اقول حاجه لماما لما ارجع المستشفى
كريم : لا شكرا
سيف : هههههههه هى مامتك صاحبة المستشفى
كريم : اه
سيف : معلش هرد على التليفون
ايوه يا بابا
طارق : ريم فاقت
سيف : لا لسه دا اصحبها هنا جم من شويه وفى واحد منهم جاب دكتور امراض نفسيه مشهور اوى جه وكشف عليها
طارق : وقال ايه ؟
سيف : نفس الكلام اللى الدكتور الاولانى قالو مش جديد يعنى
طارق : طب تعالى انا عاوزك دلوقتى مش فى بنات عند ريم
سيف : اه فى فرح وحنان كمان
طارق :طب تعالى علشان هنعمل ورق كتير وانتى اللى تسوق انا معنديش اعصاب
سيف : حاضر جاى
**** ( mnoon) ****
طارق : مروى انزلى روحى عند ريم
مروى : فى مدرس جاى دلوقتى لساره مش هينفع اسيبها لوحدها
طارق : كلمى المدرس واعتزرى انهاردة مفرقتش حصه
مروى : لا طبعا هو المدرس بيقعد ساعتين ويمشى خلى ماجده تروح انا مش فاضيه
طارق : وماجده هتسيب بناتها وهتروح كده برضو يا مروى
مروى : البنت فى ثانويه عامه المفروض متضيعش ولا حصه ولا دقيقه
طارق : خلاص يا مروى شكرا
الو ماجده انتى فضيه تروحى لريم فى المستشفى دلوقتى
ماجده :لا والله يا طارق انا البنات معايا وعبدالله مش فى البيت انا حتى كنت عاوزه اجيلكم ومش عارف
بس اول ما يجى عبدالله هنيجى
طارق : طب خلاص ماشى
الو ايوه يا زاهر
زاهر : ايوه يا يا طارق فى حاجه
طارق : انا هنزل اعمل الورق علشان ماما وبابا يرجعو بس ريم لوحدها فى المستشفى روحلها
زاهر : انا مش قادر انا حاسس انى تعبان اوى طب مش سيف معاها
طارق : انا قولت لسيف يجى هى اصحبها معاها دلوقتى بس شويه وهيمشو حاول تروحلها
او خلى مى تروحلها
زاهر : ومالك ومروان ورضوى هتاخدهم ازاى معاها وانا مقدرش اقعد معاهم طب ما مروى او ماجده يروحلها
طارق : انا عارف انكم كلكم زى قلتكم سلام
**** ( mnoon ) ****
فرح : الحمد لله بدئت تفوق
ريم : ماما بابا فرح ماما ماتت يا فرح خلاص
فرح : معلش يا ريم معلش احنا معاكى اهو ومش هنسيبك خالص
كريم : احنا معاكى ادعى ربنا يرحمهم
ريم : هعيش ازاى من غيرهم هما اخواتى فين
حنان : هو سيف كان هنا وابوه طارق اتصل بيه وقالو تعالى
ريم : كلهم مش معايا عندى 3 اخوات وانا لوحدى
كريم : هما اكيد مشغولين بيعملو ورق او حاجه بس احنا الخمسه اهو معاكى ومش هنسيبك لحد ما تطلع من هنا
ريم : انا تعبانه اوى وحاسه انى عاوزه انام
كريم : نامى واحنا جنبك
وتانى يوم الساعه 8 الصبح
عبد الله : ايه ده يا ماجده ايه اللى اختك عملاه ده ؟
ماجده : اهدا بس نفهم
يا ترى ريم عملت ايه وايه خلى عبدالله يزعق كده ؟