بوصلة حياة المرأة , الهرولة وعلاقتها بالإنجاز وعلاج التسويف

الهرولة وعلاقتها بالإنجاز وعلاج التسويف

خلاص فضفضنا، وحصلنا على الطبطبة المطلوبة،وصارحنا نفسنا وصارحنا اللي بناخد منه النصيحة؟

أنت كده حطيتي رجلك على بداية الطريق الصح
ابدئي بقا هرولي هرولتين

هرولة إلى الله عز وجل تطلبي منه فيه العون والدعم في إصلاح ذاتك وحياتك.
وهرولة لإصلاح ذاتك وتعديل عيوبك بنفسك.

خلي بالك مينفعش أعرف الحل وأفضل مكاني منتظرة هدية من السما تحقق لي أمنياتي
خدي بالاسباب
متخليش الطيور أفضل منك
الطيور بتخرج تبحث عن رزقها كل يوم الصبح.. بتسعى وبتاخد بالأسباب وبالتالي ربنا بيرزقها.
انت بتدعي وبس وقاعدة مكانك ده مش حل إيجابي

فين الخطوة الايجابية اللي بتاخديها عشان توصلي لهدفك؟
متخليش الشيطان أفضل منك
الشيطان بيسعى ورا هدفه بكل الطرق وقاعد لنا في كل صراط مستقيم

أنت ليه بتمشي شوية وتقعي أو متمشيش خالص؟!
صحيح العجلة والتعجل في القرآن مذمومين ولكن دائما في القرآن مدح للمسارعة بالخير والإنجاز

"وَسَارِعُوا إِلَىٰ مَغْفِرَةٍ مِّن رَّبِّكُمْ وَجَنَّةٍ عَرْضُهَا السَّمَاوَاتُ وَالْأَرْضُ"
"إنهم كانوا يسارعون في الخيرات"
"سَابِقُوا إِلَىٰ مَغْفِرَةٍ مِنْ رَبِّكُمْ وَجَنَّةٍ عَرْضُهَا كَعَرْضِ السَّمَاءِ وَالْأَرْضِ"




منتظرة ايه
مش عاوزين نفضل في نقطة البداية.. نقطة الشكوى والفضفضة
عاوزين بقا نهرول ونمشي في طريق إصلاح الذات الحقيقي
استعيني بالله وابدئي
توقفي عن الشكوى والتبرير
صارحي نفسك
هرولي إلى الله
هرولي للتغيير.

رضا الجنيدي
#بوصلة_حياة_المرأة

كلنا راحلون ويبقى الأثر.. فلنترك أثرا قبل الرحيل.