- مطبخ عالمك
- ازياء موضة واناقة
- الرشاقة والرجيم
- صور
- رعاية الام والطفل
- الأعمال والاشغال اليدوية
للنساء فقط
قاعدة ستات عامة
مناقشات المتعلقة بالمرأة,قاعدة ستات للحوارات الجاده والهادفه,قاعده ستات مفروسه,مشاطرة الاحزان,مناسبات سعيده,أشياء تحدث في قاعدة الستات لا يستطيع الرجال فهمها,ستات حلوة,حقوق المرأة في المجتمع
نسخ رابط الموضوع
https://vb.3almc.com/showthread.php?t=2722
#1
~{ ادارة منتدى عالمك }~
افكار هدايا عيد الام بسيطة بالصور 2018.هدايا عيد الام رخيصة بالصور 2018.هدايا عيد الام للحموات
السلام عليكم
عاملين ايه ياقمرات؟
طبعا عيد الام قرب وناس كتير لسه بتفكر تجيب ايه؟
انا مقتنعة ان اللى عايز يجيب بلاش يوم 21 مارس وماحوله من ايام يعنى حاولى تخليها قبلها باسبوع على الاكتر عشان برضه مناخدش ذنب انا عن نفسى جبت من 3 ايام
المهم انا جبتلكم مجموعة افكار لللام نجيبها كهدية
بس المهم متنسوش التقييم الموضوع
ملحوظة
حتلاقوا افكار للبنات الصغيرة اللى مصروفها على قده وافكار للناس الكبيرة واللى بيشتغلوا او البنات اللى حوشين مصروف
(( اولا هدايا عامة محايدة تنفع اى حد))
1/ الورد
طبعا الورد شئ رومانسى اوى سواء بنوتة حتجيبها لمامتها او تتقدم مع هدية بيبقى رقيق اوى وخاصة لو لازقة فى طرخه الكارت بتاعك
2/ شهادات تقدير
بتتباع فالمكتبات وممكن مش شرط شهادة تقدير جاهزة هاتى ورق الابحاث اللى بيبقى شبه الفلوسكاب بس خلفيته مرسوم عليها واكتبى انتى بقى بايدك اللى عايزاه وبرضه لما بتتقدم مع الورد بتبقى حلوة اوى
3/المصاحف
هدية جميلة ومحايدة محدش يختلف عليها وعلى حسب مقدرتك يعنى لو معكيش فلوس كتير ممكن مصحف صغير اما لو معاكى او والدتك سنها كبير ونظرها ضعيف يبقى حلو اوى مصحف اللى هما الكبار دول زى بتوع لمسجد هو حيبقى مكلف شوية بس برضه الاحجام العادية مقبولة
وياسلام لو مغلف بقطيفة او قماش شيك كده حيبقى قيم اوى
4/ حامل المصحف
ده كمان حلو لو انتى عارفة ان والدتك عندها مصحف وبتعتز بيه بس تقيل عليها مثلا انها تفضل شيلاه ده حيريحها كتير تمنه بيبدا من 30 وطالع
5/ سبحة كريستال او خاتم التسبيح
الاتنين هدفهم جميل وهدية مش مكلفة تمنهم حوالى 10 جنيه وفى نفس الوقت قيمة
6/ مصلية صلاة
بس تكون حاجة نظيفة وشيك وكويسة وممكن كمان للبنات الصغيرة يجيبوا المصلية اللى هى صغيرة وبتتطبق وبتتشال فى ظرف كده بحيث تحطها فى شنطتها وتروح بيها اى مكان
7/ مبخرة
انا شفت محل عندنا فتح هو المفروض بيركب عطور وفى نفس الوقت بيبع مباخر زى بتاعت زمان اللى هى بغطا شكلهم جميل اوى بيتحط فيها نوع البخور وبيتولع وبيفضل معطر البيت لمدة طويلة هى حتبقى مكلفة شوية على مااعتقد بس مناسبة للامهات اللى بتقدر البخور وبتحبه
(( ثانيا هدايا شخصية للام))
1/جلابية بيت او عباية استقبال
انا عن نفسى جبت عباية للبيت شتوى لان ماما كانت محتاجة حاجة كده وهى فرحت بيها جدا وتمنهم مش غالى بيبدا من 70 وطالع المهم تعرفى مقاس والدتك انا خدت بالشبه واتفقت مع الراجل لو مجتش مقااسها حاجى ابدلها
2/ عبايات خروج او طقم خروج
حسب والدتك بتلبس ايه وبتحبه ممكن تجيبيلها عباية شيك او بلوزة او جوب او بنطلون شوفى هى محتاجة ايه المهم تبقى عارفة زوقها فى اللبس
3/ حجاب
سواء ايشارب او خمار او نقاب المهم تجيبى لون هى محتاجاه او لون عندها بقالها فترة ومحتاج يتغير وبرضه دى هدية سعرها مقبول يبدا من 25 جنيه وطالع
4/ شراب او جوانتى او معصم
برضه هدايا للبنات اللى بتعتمد على مصروفها المهم برضه تجيبى لون مامتك بتحبه او محتاجاه
5/ اسدال صلاة
فكرة حلوة وجميلة خاصة لو والدتك بتروح تصلى فى مسجد او بتاخد دروس او حتى تقعد بيه لما يجى ضيوف ودلوقتى بقى فى اسدالات شكلها شيك وفى نقاشات ورسومات
6/اكسسوارات
دى بقى كل واحد ومقدرته ممكن من اول البنت الصغيرة تجيب خاتم او عقد لحد البنات الكبار اللى تقدر تجيب حاجة دهب او فضة بس برضه الزوق مهم وممكن برضه اوك للشعر او مجموعة دبابيس طرحة او ساعة
7/بيرفيوم
لو مامتك بتحب نوع بيرفيوم وبترتاح معاه هاتيه طبعا ولو مش بتفضل حاجة شوفى هى بتحب الروايح التقيلة ولا الهادية وبرضه سعر الحاجات دى بيترواح حسب مقدرتك
8/ سلة للعناية بالجسم
ممكن تجيبى باسكت خشب او اى نوع المهم متزين وشكله حلو وفى مجموعات العناية الشخصية زى بودى لوشن وبودى سبراى وبيرفيوم او مجموعة للشعر نوع شامبو مع الكريم والبلسم والسيرم بتاعه او مجموعة كريم للبشرة للنهار وواحد لليل وواحد مرطب
9/ بيبى ليس
لو والدتك بتهتم بشعرها داينا يبقى افضل اختيار تجيبيلها بيبى ليس ماركة كويسة ودى اسعارها بتبدا من 200 وطالع
10/ علبة ميك اب
طبعا لو والدتك مهتمة بالميك اب وبتحبه ممكن تجيبيلها علبة شيك اقتصادية بس بلاش من الكبار اوى لا حاجة بسيطة عشان تعرف تستعملها العلبا لكبيرة دى صلاحيتها بتخلص وبتترمى ولسه نصها موجود
11/ كشف
لو والدتك محتاجة كشف نظارة او كشف عند دكتور غالى ممكن تحجزيلها وتخليهالها مفاجاة وتروحى معاها
12/ كاميرا
لو مامتك بتحب التصوير هاتيلها كاميرا نوع كويس بلاش اللى ب 10 او 20 جنيه دول بيبوظوا تانى يوم
13/ راديو او كاسيت
لو مهم لوالدتك تسمع الراديو يبقى فكرة ممتازة ليها
(( اشياء تفيدها وتفيد البيت))
انا ضد الفكرة دى بس ناس كتير بتحبها
1/ طقم كوبايات او كاسات او توابل
مصر البلد الوحيدة اللى بتحسسنى ان عيد الام يعنى كوبايات الواحد بيمشى يخبط فيهم فالشوارع بس للامانة هى كانت فكرة حلوة واحنا صغيرين
2/ خزين البيت
لو مش عايشة مع مامتك ممكن توفريلها خرين البيت اللى بتحتاجه لمدة اسبوعين مثلا
علبة لبن مع رز مع مكرونة مع شاى مع فراخ مع لحمة مع خضار
3/ منظفات للبيت
مجموعة منظفات ديتول مثلا او مستر مصلز بس مش ازازة واحدة يعنى لا هاتى مجموعة مع بعضها مختلفة المهام واحد للزجاج واحد للاسطح واحد للبوتجاز كده يعنى
4/ حاجات تسهل شغل البيت
زى خلاط او كبة او الاختراعات الجديدة اللى بتوفر وقت اللى منتشرة فالمول عندنا او جوانتى تقشير البطاطس او المساحة اللهلوبة دى اللى بتمتص المية او اسفنجات تنظيف بس نوع نظيف وكويس او مكنسة كهرباء او المماسح الحرارية دى الافكار دى كلها وماشابها
5/ ديكورات
فازة او اباجورة او منبه او تابلوه او برواز او تحفة فنية او لوحة رسم طبيعى
6/ مكملات للبيت
زى ساعة حائط او كشاف كهرباء او مشترك كهرباء نوع كويس او ولاعة بوتجاز او نوع من اللمبات الديكور او سبت غسيل او التربو اللى بيتشال فيه خضار او اى حاجة اى حاجة البيت محتاجها ومامتك مش فاضية تجيبها
7/ المطبخ
طبعا كل الامهات بتهتم بالمطبخ ممكن بقى طقم معالق او المعالج الخشب اللى بتبقى واقفة جوة راجل شيف كده او طقم حلل او طاسات او مريلة مطبخ او ميكروويف او اى حاجة ليها علاقة بالمطبخ
دى كل الافكار اللى قدرت اجمعها واكيد فى افكار نسياها
المهم انى تعبت فالموضوع ده ومش طالبة منكم غير دعوة بسيطة
ورد وتقييم شفتم حاجات سهلة ازاى
المصدر : منتدي عالمك - من قسم قاعدة ستات عامة
من مواضيع : ساليسيا
- تحضير حقيبة الولاده،ترتيب شنطة الولادة،تجهيز شنطة الولادة،محتويات شنطة الولادة
- صور جمعه مباركه 2018, صور ادعيه ليوم الجمعه جميله,دعاء جمعه مباركه,جمعة مباركة رسائل
- المصريون القدماء عرفوا الحلي منذ عصر ما قبل التاريخ
- ترجمة فورية لكل لغات العالم،ترجمة جوجل 2018
- شراب النوتيلا الساخن،مشروبات ساخنة سهلة التحضير،قهوه نوتيلا بارد،مكونات كابتشينو بالنوتيلا
#2
~![نجمــــــة فــــ السمــــــاء]!~
رد: افكار هدايا عيد الام بسيطة بالصور 2018.هدايا عيد الام رخيصة بالصور 2018.هدايا عيد الام للحموات
تصدقي افكار حلوه وجديده
بجد تسسلم اييدك
بجد تسسلم اييدك
من مواضيع : yasmen
- طريقه تعليم الاتيكيت في الجلوس،طريقه جدبده لتعليم الاتيكيت
- صور مطابخ خشب،مطابخ الالمنوتال،مطابخ للعرائس،مطابخ جديده وموضه
- احدث تسسريحات شعر للاطفال،قصات شعر للمدارس،اجدد تسريحات شعر
- العنايه بالطفل،العناية بالرضيع ,طرق الاهتمام بالطفل الصغير , رعاية الطفل
- المؤسسات الدينية تدعم العمليات العسكرية سيناء 2018
#3
~{ ادارة منتدى عالمك }~
رد: افكار هدايا عيد الام بسيطة بالصور 2018.هدايا عيد الام رخيصة بالصور 2018.هدايا عيد الام للحموات
تصدقي افكار حلوه وجديده
بجد تسسلم اييدك
بجد تسسلم اييدك
فاكره الموضوع ده ولا لااااااااااااا
ههههههههههههههههههههههه
نوررررررررتى ياطنط
من مواضيع : ساليسيا
- صور صباح الخير جميلة للفيسبوك2018،صور الفيس بوك 2018،كلام صباح الخير للاصدقاء
- هدوم حمل انيقة،ملابس بيتى حوامل 2018،بيجامات حوامل رقيقة وناعمة،اروع بجامة للحامل 2018
- اجمل ملابس محجبات كاجوال2019,ازياء محجبات جديدة,ملابس محجبات كاجوال للمراهقات
- الخارجية المصرية تعرّي أردوغان.. وترد على "تصريحاته الحاقدة"
- احذية عرائس.جزم للعروس.اشكال احذيه للعروسه جديدة2018.جزمة الفرح.احذيه انيقه . احذيه مودرن
| الكلمات الدلالية (Tags) |
| 2018.هدايا, للحموات, امام, افكار, بالصور, بسيطة, رخيصة, عيد, هدايا |
«
الموضوع السابق
|
الموضوع التالي
»
|
|
الساعة الآن 08:40 PM.