- مطبخ عالمك
- ازياء موضة واناقة
- الرشاقة والرجيم
- صور
- رعاية الام والطفل
- الأعمال والاشغال اليدوية
للنساء فقط
رعاية الأم والطفل
رعاية الامومة والطفولة مصر,الامومة والطفولة والرعاية الاسرية,بحث كامل عن رعاية الامومه والطفوله,برنامج تثقيف الأم والطفل,رعاية الأم والطفل.
نسخ رابط الموضوع
https://vb.3almc.com/showthread.php?t=6474
#1
•°o.O شادية O.o°•
~{ مديرة مرحلة الحمل والولادة }~
طرق عقاب الأطفال بدون تعقيد ولا أهانة
قبل ما نفكر نعاقب ولادنا اللي لازم كلنا نعرفه هي ان الأطفال بينسوا بسرعة . بس للأسف في موضوع العقاب ده بالذات بيكون نسيانهم انتقائي . يعني هما بينسوا اتعاقبوا ليه بس مينسوش ابدا العقاب نفسه .
- العقاب لازم يبقى فوري وقت وقوع الخطأ . عشان يرتبط في ذهن الطفل بالخطأ . مفيش حاجة اسمها تحوشيله و تكتمي في نفسك و تنفجري مرة واحدة !!كده عقابك هيبقى شديد على الفاضي و الطفل مش هيفهم هو اتعاقب ليه اساسا !
- مهما تعاقب ابنك او تعاقبي بنتك على حاجة . لو شافك انت بتعملها عمره ما هيبطلها . هينسى دايما هو اتعاقب ليه و هيفضل يقلدك . مينفعش تعاقب ابنك على الكدب مثلا وهو شايفك بتكدب . مينفعش تعاقبي بنتك على الزعيق و الصوت العالي و انتي صوتك جايب اخر الشارع . خليك دايما واخد بالك من تصرفاتك لأنهم في الاخر مهما تعاقبهم هيقلدوك برضو
- خللي ديما العقاب مرتبط بالخطأ . يعني لو كسر لعبته . يبقى مفيش لعبة تانية . لو عمل شقاوة في النادي يبقى محروم من النادي لمدة محددة . عشان يعرف دايما ان خطأه له عواقب و نتايج مرتبطة بالخطأ ده . مش مثلا كسر لعبته يبقى محروم من التلفزيون ! ايه علاقة ده بده ؟
- العقاب ميبقاش عمال على بطال . في الاخر الطفل هينسى هو بيتعاقب ليه من كتر العقاب . فوتي شوية . متعاقبيش على الاخطاء الصغيرة و التافهة و غير المضرة . اعملي نفسك مش شايفة ووجهيه بعديها للصح
- متهدديش بعقاب ابدا و انتي مش متأكدة و مصره انك تعمليه . هتهددي بعقاب يبقى لازم يتنفذ لو الخطأ حصل . التهديدات المتكررة اللي في الهوا دي بتخللي الطفل يستخف بيها
- التهديدات من قبيل : انا هموتك . انا هدبحك . انا هكسرك ممنوعة تماما تماما . انتي بتربيه مش بترعبيه !
- مفيش عقاب قصاد حد ! لا قريب ولا غريب . علاقتك بابنك و علاقتك ببنتك لازم تبقى زي علاقتك بمراتك . خلف الابواب المغلقة ! نقول تاني .
- الغرض من العقاب هو التربية و التقويم . مش الاهانة و الفضيحة !
(انا مش هنسى الام اللي جات عندي بابنها في الكشف و بقول للولد هتبقى شاطر عشان ماما تجيب لك الشوكولاته اللي بتحبها . فهي ردت عليا و قالتلي لا يا دكتور هو متعاقب ومحروم من الشكيولاته . عارفين رد فعل الولد كان ايه ؟؟ - الولد بص لامه و انفجر و قالها كفاية يا ماما حرام عليكي كل ما تقابلي حد تقوليله اني متعاقب كفاية ! و انفجر في العياط ! كان هاين عليا اخنق الأم) انتو بتربو عيالكم مش بتذلوهم !
- قولناها ١٠٠ مرة و بنعيدها ممنوع منعا باتا اي حد ايا كان يعلق على عقابك او يعترض عليه قصاد الطفل . حتى الاب و خصوصا الاب . العقاب يتنفذ و يكمل حتى لو حضرتك مش مقتنع بيه . اللي يتقال عليه لا يبقى لا . الكلام و النقاش بينكم يبقى بعيد عن الطفل
- لازم تعيد تقييم نتائج عقابك من فترة للتانية . ميبقاش مش جايب نتيجة و تبقى مصر عليه و بتضرب كف بكف مش فاهم ليه ابنك مش بيستجيب . نفسيات الاطفال مش زي بعض اللي بيجيب نتيجة مع طفل مش شرط يجيب نتيجة مع طفل تاني و اخيرا و اهم حاجة في الموضوع لازم نعرف ان العقاب بيجي في الاخر بعد التوجيه و الشرح و الاقناع . اقعدوا مع ولادكم . العبوا معاهم . قربوا منهم . اتكلموا معاهم .
امدحوهم كتير و كافؤوهم على كل حاجة كويسة بيعملوها . مش كده و بس . امدحوهم كمان على كل حاجة وحشة مش بيعملوها . المكافئة reward دايما و ابدا بتجيب نتيجة افضل بكتير من العقاب
المصدر : منتدي عالمك - من قسم رعاية الأم والطفل
اظهار التوقيع
توقيع
البنت شادو
من مواضيع : البنت شادو
#2
~![أنيـــــــقة بإختيــــــــارها]!~
رد: طرق عقاب الأطفال بدون تعقيد ولا أهانة
مشكورة يا حبيبتى
من مواضيع : ام شوشو
| الكلمات الدلالية (Tags) |
| أهانة, الأطفال, بدون, تعقيد, عقاب, ولا, طرق |
«
الموضوع السابق
|
الموضوع التالي
»
|
|
الساعة الآن 10:15 AM.