منتدي عالمك - لكيك العادي من مطبخي بالصور بكل تكاته ونافش وطعمه روعه

https://up.3almik.com/uploads/3almik...2527665761.gif
تعالوا سوا نعمل الكيك العادي اللي ناس كتير مش بتعرف تعمله وانا كنت واحدة من الناس دى بس مع تجارب كتير في الكيك عرفت عنه تكات كتير تخلى الكيك نافش وجميل وغير الطعم بقي الله عليه خليكوا معايا واحده واحده
والطريقة دى الناس اللي بتزهق بسرعه ومش بتحب تقعد كتير في الوصفه بتاعتها
https://up.3almik.com/uploads/3almik...9704430941.jpg
بدايه كده الوصفه دى كميتها كبيره يعنى بعملها ولأن بيبقي عندى ضيوف باستمرار وخاصة في الشتاء فادايما الكيك مع النسكافيه والشاى رئيسي

تكات الكيك بتاع منه
الدقيق لازم يكون نوعه حلويات عشان تطلع حلوه لو الدقيق مش للحلويات هتطلع سمرا او مش هتنفش معاكى ، هتكون مكتومه ، طعمها مش حلو ، ايون حقيقة الدقيق بيفرق كتيييييير

٢_ الفرن نشغله قبل ما نحط الدقيق مع باقي الخليط أن سخنتيه قوى في الاول الكيك مش هياخد الارتفاع العالي لأنه هياخد صدمه من السخونه اللي دخلها مره واحده

٣_ ناس كتير بتدهن القالب زيت ورشه دقيق أو يجيبوا مخصوص قالب كيك مش بيازق فيه وبيبقي غالي وناس كتير مش بتعرف تجيبه انا عاوزه اقولكم بقي سر عارفين السمنه النباتى
اه اللي هى منتشرة كتير هاتيها وفي القاع معلقه كبيره وغلفي بيها القالب
مش هيلزق نهائي

٤ _ اوعى تفتحى الفرن قبل نص ساعه او هتعملى الكميه دى كلها
لو نص الكميه بعد نص ساعه او ٤٠ دقيقة هتكون استوت
هتعرفي منين بخله سنان دخليها في الوسط أن طلعت نضيفه يبقي استوت
وأما تستوى الكيك افتحي باب الفرن حبه صغيره وسيبيها جوه خمسه
لو خرجت من السخن للبارد هتهبط

٥_ الخل بيضيع اي روائح مش حلوه للبيض ، وبيخلى الكيك ينفش معاكى جربوه في البان كيك وادعولى
اولا المقادير
٣ كوب دقيق منخول ٣ مرات
٨ بيضات
٤ كيس فانيليا
بشر برتقال اختيارى ( بيدى طعم حلو )
كوب ونص سكر
كوب زيت
كوب ونص لبن دافئ
كيس بكنج بودر شيف
معلقه كبيره خل
https://up.3almik.com/uploads/3almik...9704433262.jpg
طريقه التحضير بالصور
البيض والفانيليا والسكر والزيت وكوب واحد لبن في إناء عميق
بالمضرب اليدوى ، او الكهرباء ، او الخلاط ، او الهاند بلندر واضربي خمس دقائق
https://up.3almik.com/uploads/3almik...9704434813.jpg
انا ضربته بالهاند بلندر سريع وسهل
https://up.3almik.com/uploads/3almik...9704436234.jpg
الدقيق منخول مع البيكنج بودر
https://up.3almik.com/uploads/3almik...9704437685.jpg
وانتى بتقلبي قلبي براحه وماتخرجيش المضرب ابدا يعنى محدش بيجرى وراكى والله ههههههههه
إن كان الخليط تقيل معاكي فاكرين فيه نص كوب لبن حليب شلناه على جنب هنزود منه خلى الخليط وسط ولا تقيل جدا ولا خفيف جدا
https://up.3almik.com/uploads/3almik...9704439116.jpg
معلقه الخل اخر حاجه حطيها وقلبي ونزلى الخليط في القالب انا استخدم قالب مقاس ٣٠
https://up.3almik.com/uploads/3almik...9704440487.jpg
ونصب الخليط فى الصينية
https://up.3almik.com/uploads/3almik...9704441958.jpg
ونخبطها كويس علشان ننساوا زى كده
https://up.3almik.com/uploads/3almik...9704443379.jpg
وفي الاخير انا بحب الكيك يبقي احمر لذلك بسيبه حبه في الفرن زيادة
هنسويها علي ١٨٠
اتمنى تجربوها وتدعولى
https://up.3almik.com/uploads/3almik...9704430941.jpg
https://up.3almik.com/uploads/3almik...2527672272.gif