{الحلقة السادسة عشر}
(تاني يوم الصبح تصحي مليكة من النوم تغسل وشها ,تنزل تحت تلاقي مي واقفة في المطبخ وبتجهز الاكل عشان عزومه ادهم)
مليكة: صباح الخير يا ميوش.
مي: صباح الخير يا موكا
مليكة بخبث: بس اي الهمة والنشاط دي كل دا عشان ادهم جاي
مي: لا عادي قولت اسيبك ترتاحي واجهز انا
مليكة: يا بت
مي: غوري يا مليكة من وشي روحي اطمني علي سي فهد
مليكة: حاضر يختي
(تمشي مليكة تروح غرفة جمب الشالية الي فهد قاعد فيها تخبط علي الباب بعد شوية تلاقي فهد خارج لابس شورت جينز وتيشرت ابيض وكوتش ابيض تتنح مليكة من جماله..)
(بعد دقايق)
فهد بغيظ: مليككككككة
مليكة بأحراج: ها أيوة.
فهد: بقالي ساعة بنادي عليكي.
مليكة: معلش سرحت شوية انا كنت جاية اطمن عليك عامل اي انهاردة..
فهد: تمام الحمدلله هروح افك الخياطة انهاردة
مليكة: معرفتنيش لية.؟
فهد: عادي محبتش ازعجك..
مليكة: مفيش ازعاج ولا حاجة استني انا هاجي معاك..
فهد بفرحة: تمام هروح اجهز العربية تكوني انتي جهزتي
مليكة: طب انت هتقدر تسوق وانت كدا
فهد: متقلقيش هقدر..
مليكة: تمام عشر دقايق وهكون هنا
فهد: تمام
(تمشي مليكة تتدخل عند مي تلاقيها واقفة في المطبخ)
مليكة: مي هروح مع فهد يفك الخياطة واجي..!!
مي: ماشي يا ستي روحي ودبسيني في المطبخ..
مليكة: مش حضرتك عازمة سي ادهم بتاعك
مي: ماشي يا مليكة الكلب
مليكة: قلبااي
(تحدفها مي بالشبشب تتفادي مليكة الضربة)
مليكة بخضة: يا بنت المجنونة كنتي هتعوريني
مي: احسن تستاهلي غوري من وشييي...
مليكة: انا ماشية يختي وسايبة ليكي الشالية بحاله
(تمشي مليكة وتتطلع تجهز وتلبس هدومها، وتنزل عند فهد تحت تلاقيه واقف بيمسح العربية،تسرح في جماله واد اي هو فعلا وسيم وأنها مكنتش واخدة بالها من جماله وحنيته تبتسم بهدوء وتتحرك ناحيته..)
مليكة: انا جهزت
فهد: تمام وانا كمان يلا بينا
(عند مي في الشالية تليفونها يرن تبص في الفون تلاقيه ادهم..)
مي: الو يا ادهم
ادهم: الو عاملة اي
مي: تمام الحمدلله بجهز في الغدا..
ادهم: كل دا عشاني مرة واحدة..
مي: اه طبعااا اول مرة بقي وكدا ولازم تاكل من ايدي..
ادهم: اكيد طبعاا حافظة رقم الاسعاف ولا اي
مي: بقي كدا طب اياك تاكل بقي
ادهم: خلاص يا ستي بهزر معاكي الله مبتهزرش يا رمضان ولا اي
مي: لا يخويا بهزر اتكل علي الله بقي خليني اخلص الي ورايا
ادهم: ماشي هخلص شغل واكلمك وانا في الطريق..
مي: تمم يلا باي
(تقفل مي مع ادهم)
( في مكان تاني في القاهرة، في شركة ابو مليكة)
فريد: مش عايز اي غلطâک??????الشحنة الجديدة قربت الشحنة دي انا حاطط فيها مستقبلي كله اي غلط فيها هيبقي بعمركمâک??????
محمد: متقلقش يا فريد بيه احنا مأمنين كل حاجة..
(بعد دقايق الباب يخبط..)
فريد: ادخل..
(يدخل جاسم)
فريد: اي الي جابك هناâک??????
جاسم: انا اسف يا فريد بيه انا كنت مش في واعي والله اخر مرة صدقني
فريد: اخر مرة اي الي كنت هتأذيها دي بنتي انا كنت ممكن اخليك تتدفع عمرك
جاسم: سماح المرة ولو عايزني مروحش البيت مش هبات فيه..
فريد: ماشي يا جاسم انا هسامحك المرة دي عشان خاطر انا محتاجك في الشغل بس مش اكتر
جاسم: تمام يا فريد بيه..
فريد: يلا اخرجووا انتو وجهزوا نفسكم في اقرب وقت أن شاء الله..
(يخرج محمد وجاسم)
(في الساحل عند مليكة وفهد،مليكة واقفة برا مستنية فهد يطلع من أوضة الكشف، بعد دقايق يطلع فهد من أوضة الكشف، تروح مليكة تسنده)
مليكة: هو كدا يا دكتور خلاص بقي تمام..
الدكتور: لا مش اوي محتاج بردو راحة يومين ولا حاجة..
مليكة: تمام يا دكتور ماشي
(تمشي مليكة هي وفهد،يركب فهد ومليكة جمبه)
مليكة: سمعت الدكتور قال اي الراحة..
فهد: انتي هتسمعي كلام الدكاترة
مليكة: قصدك هنسمع كلامهم ومش عايزة اعتراض صحيح انهاردة مي عازمة صديقها الظابط الي ساعدنا واحنا في المستشفي وانت كمان هتيجي عشان انا عزمتك
فهد: من غير اعتراض بردو
مليكة: حاجة شبه كدا
فهد: تمام وانا مش هعترض
مليكة بفرح: اشطاا
(يوصلوا قدام الشالية ويدخلوا،ميلاقوش مي في المطبخ..)
مليكة: امال فين مي..
فهد: يمكن تكون في الاوضة فوق..
مليكة: طب اقعد يا فهد وانا هطلع اشوفها..
فهد:تمام..
(تتطلع مليكة تشوف مي بعد شوية الباب يخبط يقوم فهد يفتح،يلاقي ادهم في وشه يبصله بأستغراب كأنه يعرفه وادهم كذلك)
فهد: مين حضرتك.؟؟
ادهم: انا المقدم ادهم..
فهد: اهلا وسهلا اتفضل..وانا فهد..
(يسلم ادهم عليه ويدخل يقعد..)
ادهم: حمدالله علي سلامتك..
فهد: الله يسلمك بجد مش عارف اشكرك ازاي علي انت عملته معايا ساعة اما كنت في المستشفي
ادهم: لا شكر علي واجب دي حاجة بسيطة
(يسكتوا الاتنين وبعد سكوت دام لعشر دقايق..يتكلم ادهم)
ادهم: هو انا لية حاسس اني شوفتك قبل كدا
فهد: نفس احساسي مش عارف لية
ادهم: يمكن نكون اتقابلنا فعلا قبل كدا بس مش فاكرين
(يلتزموا الصمت هما الاتنين بعد شوية تنزل مليكة ومي..،ينبهروا بجمالهم..)
(تسلم مليكة علي ادهم)
مليكة:اهلا وسهلا يا حضرة المقدم منورنا.
ادهم وهو بيسلم عليها: بلاش مقدم دي احنا اصدقاء خليها ادهم بس
مليكة: تمام وهو كذالك
مي: ازيك يا ادهم
ادهم: تمام الحمدلله
مي: ازيك يا فهد عامل اي دلوقتي..
فهد: تمام الحمدلله
مليكة: طب يلا يجماعة الغدا جاهز..
(يتجمعوا علي السفرة ويبتدوا يأكلوا..)
(يخلصوا اكل تقوم مليكة ومي يلموا الاطباق وفهد وادهم قاعدين في الجنينة برا،بعد شوية تتدخل مليكة ومي ومعاهم نسكافيه)
مي: منورين يجماعة والله ادهم& فهد: بنوركم
فهد: مليكة ممكن ثانية عايزك في حاجة..
مليكة: ماشي تعالي..
يستأذنوا ويقوموا يدخلوا جوا في الشالية
فهد: مليكة انا عايز اقولك حاجة مش عارف الوقت اذا كان مناسب ولا لا بس انا مش قادر استني اكتر من كدا ..
مليكة بقلق وضربات قلبها بتزيد: فيه اي يا فهد قلقتني..
فهد بتوتر: مليكة انا بحبك
مليكة: ها
اتمني الحلقة تكون عجبتكم ومستنية رائيكم في الكومنتات تفاعلوا معانا كدا الهي تنستروا