بيتزا الفراخ رهيب
عجينة البيتزا في أبسط صورها.
المكونات
دقيق و ملح و خميرة و سكر علشان تنشيط الخميرة.
الطريقة
الأول بنحط السكر و الخميرة مع بعض و ندوبهم في مية دافية و نسيبهم ربع ساعة لغاية ما الخميرة تنشط.
بعدين نعجن معاهم الدقيق مع رشة ملح لغاية ما نوصل لعجينة متجانسة و ما بتلزقش في الأيدين.
ندهن العجينة بزيت زيتون علشان ما تنشفش و نغطيها و نسيبها ترتاح لمدة ساعة.
نفرد العجينة رقيقة و نحطها في الصينية اللي هنخبزها فيها بعد ما ندهنها بطبقة زيت زيتون.
ندهن العجينة بصلصة البيتزا و نوزع التوبينج اللي نفضله (الإختيارات لامحدودة).
انا هنا استخدمت حلقات بصل و فلفل رومي و طماطم تشيري و فراخ بانيه.
اخر حاجة رشة جريئة من الجبنة الموتزاريللا و علي الفرن حرارة ٢٠٠ لغاية ما تستوي.
احلي
بيتزا هتاكلوها ان شاء الله بس ارجوكم ما تتخنوهاش و خلوها رقيقة
علشان تعرفوا تستمتعوا بنكهة التوبينج بلاش الكيكة الاسفنجية بتاعة الأم المصرية
اللي كانوا بيضحكوا علينا زمان بيها و يقولوا لنا
بيتزا
ادي الطريقة كاملة اهي بس لو عندكم اي سؤال عينيا ليكم.
يلا بقي ورينا شطارتكم.
طريقة عمل بيتزا الفراخ فاطمة ابو حاتي
طريقة عمل بيتزا الفراخ نجلاء الشرشابي
طريقة عمل بيتزا الفراخ فاطمه ابو حاتي
طريقة عمل البيتزا بالفراخ زى المحلات
طريقة عمل البيتزا بالفراخ بدون جبنة موزاريلا
طريقة عمل البيتزا بالفراخ والجبنة الموتزاريلا
طريقة عمل البيتزا بالفراخ بالصور خطوة بخطوة
طريقة عمل البيتزا بالفراخ سالي فؤاد