كبده الشارع من علي عربيه في الشارع وبالتفصيل الممل

دي العربيه بتعتي ادعولي ربنا يكرمني وتبقا محل

هناااا جبت صنيه فيها شويه زيت و اول ما سخن نزلت فيه بكيلو كبده
وقلبتها شويه لحد ما اخدت اللون ده
( كان المفروض اصور الكبده وهي نايه خالص بس نسيت والله )

هنا اول ما الكبده اخدت اللون قومت عامل حفره كده علشان الزيت
يتجمع فيها وبعدين نزلت بمعلقه ثوم مهروس و دوبتها في الزيت
وبعدين قلبت كله ف بعضه بعد ما الثوم داب

هنااااا بعد ما قلبت كله ف بعضه والريحه طااالعه تجنن ولا زفاره ولا اي حاجه قسم بالله

هنا حطيت معلقتين صغيرين ملح ومعلقة كسبره ناشفه

ومعلقة كمون ومعلقة فلفل اسود وقلبت كله ف بعضه

وبعدين نزلت عليهم بقااا بالفلفل الاخضر اللي بيزغرط ده ،
حد يسألني ليه الفلفل في الاخر ، هقوله علشان يحافظ علي شكله الاخضر وطعمه كمان ،
لكن الفلفل لو استوي مع الكبده هيكون شكله ف الآخر مش لطيف ومهري كده
ولو زودت مع الفلفل بصلايه متقطعه شرايح رفيعه ورقيقه خالص
كمان هتبقي روعه وياريت تضيفهم قبل ماتقفل بخمس دقايق
عشان يطروا بس شويه لامنهم يستوا ولونهم يسود
ولامنهم بقرقشوا ومعاهم رشه شطه كمان تسلم ايدك

هناااا بعد ما قلبت الفلفل وطلع الشكل القمر ده والريحه كمان تخطف وربنا


هنااا بقا كنت بعمل سندوتشات للزبون وكان واقف جعان
ومستعجل وبيقوللي اخلص ياعم اكلني وبعدين صور براحتك