للنساء فقط

قصص - حكايات - روايات

صورة اجمل امراة في العالم بدون مكياج 2018,قصص محزنه,اغرب القصص قصص الصحابة,قصه رعب,الفندق المسكون قصه رعب طويله,روايات للاطفال,قصص دينية,القصص والروايات2018,حكايات قصص وروايات,مكتبة القصص,قصص و روايات حب,قصة رائعة عن الصداقة ابكت كل من قرأها,2018قصص حقيقيه,قصص الانبياء,قصص وروايات كامله,اجمل القصص اروع القصص,القصص العربية,قصص اطفال,قصص طويله,قصص مخيفه,قصص الوفاء,قصص وروايات غرام,قصص عجيبه,قصص وروايات واقعيه, مواقع قصص ورويات,روايات وقصص رومانسية,منتديات قصص,قصص مضحكة2018,روايات وقصص عالمية,قصص وروايات قصيره2018.

نسخ رابط الموضوع
https://vb.3almc.com/showthread.php?t=11972
270 4
03-07-2019
#1  

1 147 1رواية أحببت, أحببت كاره النساء بقلمى


رواية أحببت, أحببت كاره النساء بقلمى
الحلقه الاولي
من روايه " أحببت كاره النساء "
رواية أحببت, أحببت كاره النساء بقلمى
في مكان شبه مهجور يبعد عن المدينه ببعض من الكيلومترات يوجد هناك منزل اشبه بالقصر الفخيم يحيط به الجنائن الغنائه ويوجد به العديد والعديد من الخدمه
وفي احد غرف هذا القصر يجلس شاب في اوائل عقده الثالث يتميز بشعره الاسود وعيناه الرماديه وبشره قمحاويه وجسده الرياضي وطول قامته
يتصف بغموض شخصيته وهيبته ونظراته القويه وملامحه الرجوليه الجذابه
لتدخل عليه احد الخدمات
الخدامه : اسر بيه
العشا جاهز
ليطفئ اسر سجارته ويأخد هاتفه وينزل الي غرفه السفره ليجد فتاه في اوائل عقدها الثاني لا تختلف عن شكله بكثير ماعدا عيونها الزرقاء
اسر : ازيك يا هنا
هنا : الحمد لله يا ابيه
اسر : عملتي ايه في جامعتك انهارده
هنا: الحمد لله يا ابيه ادعيلي
احسن مرعوبه

الامتحانات قربت
اسر : ربنا معاكي
وفي هذه اللحظه تنزل امرأه في اواخر عقدها الخامس تشبه هنا كثيرا وبعيونها الزرقاء المميزه
فريده : ازيكوا يا اولاد
اسر بإقتضاب : تمام
فريده( الام) :هتفضل تعاملني كدا لحد امتي
اسر : للاسف يا فريده هانم زمن المعجزات انتهي
فريده بعصبيه:انا امك ولازم تكلمني ب اسلوب احسن من كدا
اسر قام : هنا
خلصي اكلك وتعاليلي علي المكتب
هنا: حاضر يا ابيه
طلع اسر علي مكتبه
فريده : عجبك اخوكي ده
هنا : متسألينيش عن حاجه
لان لا انتي ولا ابيه راضين تقولولي في ايه
يبقي متحكمونيش في موقف ما بينكوا
وبدأت هنا تاكل متجاهله فريده تمام

خلصت هنا عشاها
وطلعت علي المكتب وخبطت
اسر : ادخل
هنا: انا جيت كنت عايزني ف حاجه يا ابيه
اسر : اه
اقعدي يا هنا
هنا قعدت
هنا: خير يا ابيه
اسر : هنا
انتي اختي وانتي عارفه انا قد ايه بحبك وبخاف عليكي جدا وانك تعتبري الست الوحيده الي بثق فيها
هنا: طبعا يا ابيه عارفه دا
خير
حصل حاجه
اسر : انا مش موافق علي سفرك لوحدك
حتي ولو مع الجامعه
هنا بحزن: بس يا ابيه انا مبعملش حاجه غير اني بذاكر
والرحله دي هغير جو فيها وهكون مع صحابي
اسر : معلش يا حبيبتي
اناهيبقي عندي شغل في الغردقه قريب
نبقي نسافر سوي
تتفسحي برحتك وانا اخلص شغلي
لاكن سفر من غيري او من غير جوزك بإعتبار ما سيكون
بلاش يا هنا
صدقيني ده لمصلحتك
هنا بحزن: حاضر
اسر قام وبسها من راسها
اسر : انا عارف ان اختي الحلوه مش هتعصي كلامي ابدا
دلوقتي تقدري تطلعي اوضتك
هنا:اكيد طبعا مش هعصيه
عن اذنك
تصبح علي خير
اسر : وانتي من اهله
طلعت هنا علي اوضتها
وقعد اسر مكانه
اسر : صدقيني يا هنا
كل الي بعمله ده عشان متتغيرش واخسرك
هااااااااه
قعد اسر علي مكتبه خلص شغله وطلع ينام

تاني يوم
في احد البيوت البسيطه تستيقظ فتاه في اواخر عقدها الثاني تتميز بالجمال الطبيعي والبشره البرونزيه والعيون الخضراء والشعر البني الطويل
تتصف بشخصيتها المرحه المحبه للناس والزحام والموسيقي
تقوم حلا من علي سريرها تطفي المنبه وتدخل الحمام تاخد دش وتتوضي وتطلع تصلي فرضها وتغير هدومها
وتطلع تفطر وتنزل علي المستشفي

توصل حلا المستشفي
حلا: صباح الخير يا سماح ( الممرضه)
سماح : صباح الخير يا دكتوره
الدكتوره نهي مستنيه حضرنك في المكتب
حلا: ماشي خلاص هروحلها
ووصلت سماح مكتب الدكتور نهي خبطت
نهي: ادخل
لتدخل حلا علي فتاه في نفس عمر حلا تتميز بالجمال الهادي
نهي (صديقة حلا المقربه ) : ايه الاحترام ده
حلا بتخبط عليا قبل ما تدخل
قلبي الصغير لا يتحمل
رواية أحببت, أحببت كاره النساء بقلمى
حلا:
رواية أحببت, أحببت كاره النساء بقلمى
عدي الجمايل يا ستي
قالولي انك عايزاني
نهي : اه
عندنا انا وانتي متابعات لحالات الدكتور احمد لانه سافر امبارح وهيرجع بعد بكره
حلا: اوبااا يعني كدا هاخد شيفت بليل مكانو
نهي : انا يوم وانتي يوم
عشلن تعرفي اني طيبه بس
حلا: لا يا ستي روحي انتي عشان اهلك
انما انا معنديش حد ف مش هتفرق
نهي : اهلي مين يا ام اهل
دول رمين طوبتي
تقوليش جيبني من علي باب جامع
هو مفيش غير طاروقه حبيبي الي بيسأل عليه
حلا: طاروقه حبيبك
رواية أحببت, أحببت كاره النساء بقلمى
طب يلا يا اختي عندنا شغل
نهي : رواية أحببت, أحببت كاره النساء بقلمى يلا
وبداو يباشرو عملهم بنشاط

عند اسر
صحي اسر من النوم دخل الحمام اتوضي وصلي فرضه وغيره هدومه ونزل قعد علي السفره مستني هنا تنزل
نزلت هنا
هنا: صباح الخير يا ابيه
اسر : صباح النور
ايه ده انتي مش رايحه الجامعه ولا ايه
هنا: لا مش هروح
اسر : ليه
هنا: مفيش مرهقه شويه بس
اسر بخضه : انتي كويسه يا هنا
هنا: يا ابيه متقلقش
انا كويسه هو مجرد ارهاق مش اكتر
اسر : ماشي يا حبيبتي
اهم حاجه تخلي بالك من نفسك ومن مذكرتك
مش عايزك تقلي عن امتياز
هنا: حاضر متقلقش يا ابيه
اسر وهو بيقوم : انا رايح الشركه عايزه حاجه
هنا: لا شكرا
في الوقت ده نزلت فريده
فريده : اسر
اسر بزهق : نعم
فريده : سالي كانت عايزه تقابلك انهارده
اسر بعصبيه: بقولك ايه قوليلها اني مش هقابل حد ولو شفت خلقتها هموتها فاهمه
ما هو ده الي ناقصني
ست زفته ديه
مشي اسر بغضب عارم
هنا : سالي
تاني يا ماما
انتي مصره ان اسر يكرهك
فريده بغضب : ملكيش دعوه انتي
هنا : انا طلعه اوضتي
ومشيت هنا طلعت اوضتها

عند اسر
ركب عربيته وطلع علي الشركه
وصل اسر وكان متعصب جدا ودخل مكتبه ورن علي السكرتيره بتاعته
ريهام : نعم يا اسر بيه
اسر : هاتيلي ملف شركه ......
واطلبيلي رئيس مجلس ادارتها وحددي معاه معاد يجيلي
ريهام : امرك يا فندم
قفل اسر
وحاول يهدي عشان يباشر شغله

دخلت ريهام
ريهام : اتفضل يا اسر بيه ورق الشركه
اسر : ماشي يا ريهام
اتفضلي امشي
ريهام : اسر بيه
اسر : خير
ريهام بخوف : مدام سالي بره
اسر حاول يمسك اعصابه
اسر بغضب مكبوت : دخليها

طلعت ريهام وبعديها بشويه دخلت سالي
سالي: بقا كدا يا بيبي ترفض تقابلني
اسر : والبعيده معندهاش لا دم ولا كرامه
خير
ايه الي جابك
سالي وهي بتقرب منو
سالي: تؤ تؤ تؤ يا بيبي عيب تقول لمراتك كدا
اسر بابتسامه استهزاء : قصدك طلقتي
و انسي انك ممكن تأثري فيه يا مدام
سالي قربت منو اكتر: يا بيبي انا ال بيعاديني بيخسر
واظنك جربت ده قبل كده
اسر بيسخريه: اديكي قولتيها
ومظنشاني ممكن اخسر اكتر من الي خسرت
اتفضلي يا مدام بره
والصفقه بتاعت شركتك
انا مش موافق عليها
ورمي اوراق الصفقه الي في ايده في الزباله
اسر : اتفضلي من غير مطرود
سالي بغضب : افتكر كلامي كويس اوي يا اسر انا ال بيعاديني بيندم سلام
وبكره تشوف
ومشيت سالي
اسر في سره : مظنش اني ممكن اندم
مبقاش في حاجه تستاهل
كله كدب
طلعت سالي من المكتب وهي بتستحلف لاسر
ورجع اسر قعد علي مكتبه يباشر عمله

__تتبع الحلقه التاليه رواية أحببت, أحببت كاره النساء بقلمى





03-07-2019
#2  

افتراضيرد: رواية أحببت, أحببت كاره النساء بقلمى

الحلقه الثانيه
من روايه " أحببت كاره النساء "

عند حلا
كانت حلا بتباشر عيانينها لحد ما دخلت لبنوته صغيره
حلا: امورتنا الجميله عامله ايه انهارده
لينا الحمد لله احسن كتير من امبارح
حلا وهي بتفحصها: طب دا احنا عال اوي اوي
لينا بفرح : بجد يعني هخرج من المستشفي
حلا بحزن مصطنع : انتي عايزه تسيبينا بقي
لينا : لا لا
هبقي اجي ازورك
حلا : اذا كان كده ماشي
انهارده هنعمل شويه تحاليل كده
وبكره ان شاء الله تخرجي
لينا بفرحه : بجد
حلا : ايوا طبعا
اومال بنهزر
بس اهم حاجه ......
لينا تقاطعها : حفظت والله
اخد الدواه في معاه واكل كويس واسمع كلام مامي واغسل ايدي باستمرار
حلا والام : هههههههههه
طلعت حلا من عند لينا
وباشرت عملها بمرح وسعاده مع مل المرضي

عند اسر
اسر خلص شغله متأخر
نزل الجراج ركب عربيته ومشي بيها في طريقه الي القصر
وفجأه لاحظ عربيه بتمشي وراه من ساعت ما خرج استغرب وحاول يهرب منها لاكن العربيه فضلت تحاجي عليه لحد ما وقفت قصاد عربيته وبسرعه كان في صوت رصاص طالع من العربيه ليكسر ازاز عربيه اسر و يخترق جسده
وفي لمح البصر تختفي العربيه بعد ما خلصت مهمتها

عند حلا
خلصت حلا شغلها ودخلت المكتب لقت نهي قاعده مستنياها
حلا : نهي انا هقعد شيفت بالليل انهارده وبكره انتي
نهي : خلاص تمام
انا ماشيه
عايزه حاجه مني يا مزتي
حلا: لا شكرا ياحبي
تسلمي
نهي : سلام
مشيت نهي
وقعدت حلا تقرأ التقارير الي كتبتها النهارده وتراجع الادوينه
وفجاه جت الممرضه تجري
سماح : دكتوره حلا
حلا: فيه ايه يا سماح جايه تجري ليه
سماح : في حادثه حصلت ومحتجينك بسرعه يا دكتور في العمليات
حلا: طيب انا جايه حالا
قامت خلا بسرعه ودخلت اتعقمت ودخلت العمليات فضلت 4 ساعات لحد ما قدروا يطلعوا الرصاص
كان في رصاصه في الكتف ورصاصه في الصدر لاكن كانت بعيده عن القلب

خلصو العمليه وطلعوه علي العنايه
حلا طلعت من العمليه ميته من التعب
والحاله بقت في رعايه حلا لحد ما الدكتور احمد يرجع من السفر
حلا للممرضه
حلا: نهاد انا هدخل مكتبي اريح شويه
لو حصل حاجه صحيني بزات المريض ال لسه مدخلينو العنايه
نهاد : حاضر يا دكتوره
ودخلت حلا المكتب بتعب قعدت علي الكرسي وسندت راسها علي المكتب ونامت من التعب والارهاق

عند اسر في البيت
تليفون البيت بيرن صحيت هنا
هنا بنوم : الو
المتصل : .........
هنا بقلق : ايوه انا
المتصل : .......
هنا بصدمه : ايه !
طب
طب هو في مستشفي ايه
المتصل : ......
هنا : تمام
قامت هنا غيرت هدومها ونزلت جري علي السلم
ركبت عربيتها وطلعت علي المستشفي

عند حلا
دخلت الممرضه عليه
الممرضه : دكتوره حلا دكتوره حلا
حلا: نعم يا نهاد فيه حاجه ولا ايه
نهاد : في صحفين كتير بره وقفين عند المريض الي في العنايه ده ومش رضين يمشوا
حلا: طيب انا طالعه حالا
وعدلت لبسها وطلعت للصحفين
حلا بصرامه : فيه ايه اظن مش من حقكو تدخلو ب الهمجيه دي احنا ف مستشفي
ايا كان المريض مين مش من حقكو تزعجوه
اتفضلو امشو من غير شوشره احسن
احد الصحفين : هو ايه الي حصل
الاخر : يا تري اسر بيه هيعيش
الاخر : اسر بيه اصيب بأي مضاعافات اثناء العمليه
حلا بعصبيه: اظن انا قلت ال عندي اتفضلو برا المستشفي
الامن جه وحولوا يطلعوا الصحافه بره المستشفي وبالفعل طلعوا لاكن فضلوا وقفين محوطين المستشفي
حلا للممرضه
حلا: هو مين المريض ال جوا دا
الممرضه : كل الي اعرفه
ان اسمه اسر بيه الرفاعي
وانه راجل غني جدا
حلا: اسر اممممم طيب
ودخلت حلا مكتبها تاني وبعد شويه

عند هنا
كانت هنا في العربيه بتعيط
هنا للسواق : بسرعه شويه يا عم حسن
حسن : حاضر يا بنتي
ربنا يسترها معاك يا اير بيه
هنا : يارب يا عم حسن يارب
وصلت هنا المستشقي
وكان في صعوبه انها تطلع للمستشفي بسبب الصحافه
ولاكن واخيرا قدرت هنا تدخل المستشفي
في الاستعلام
هنا: لو سمحتي الحاله ال جت امبارح اخويا ا اسمو اسر فين
الممرضه: ثانيه واحده
هنا : اتفضلي
الممرضه: ف العنايه المركزه حضرتك ممكن تقابلي الدكتوره ال متابعه الحاله
هنا: طيب هي فين
الممرضه: اوضتها اخر الممر
هنا : ماشي شكرا
راحت هنا ناحيت الاوضه وخبطت
حلا: ادخل
دخلت هنا
هنا بتحاول توقف عياط: حضرتك الدكتوره حلا
حلا: ايوا انا
اتفضلي اقعدي
خير
مين حضرتك
هنا فشلت في اقاف دموعها : انا هنا الرفاعي
اخت اسر الرفاعي الي الجه امبارح وقالولي انه في العنايه
حلا: طيب
اهدي لو سمحتي هو الحمد لله كويس بس هو الاصابات بس كانت شديده وو......
هنا بقلق : وايه؟
حلا بطمنها : وان شاء الله يقوم بالسلامه من غير اي مضاعافات
هنا بعياط : طيب هو هيفوق امتي
حلا: لو مدخلش ف غيبوبه
يبقي هيفوق من البنج خلال ساعه مثلا
في اللحظه ديه تدخل الممرضه
الممرضه: دكتوره حلا المريض الي ف العناية فاق

طلعت هنا وحلا علي العنايه بسرعه
ودخلت حلا وبدأت تعمل اللازم
وهنا استنت بره
خلصت حلا الكشف المبدأي وطلعت لهنا
هنا بترقب : ها يا دكتوره
اسر كويس ؟
حلا ب ابتسامه: هو فاق الحمد لله وهننقله اوضه عاديه دلوقتي وساعتها تقدري تشوفيه
هنا بسعاده : الحمد لله

بعد نص ساعه
اتنقل اسر اوضه عاديه
وحلا دخلت ومعاها هنا
حلا دخلت ب ابتسامه
حلا: عامل ايه دلوقتي يا بشمهندس
اسر : تمام
لاكن ليه حطين شاش علي عيني
حلا: في ازاز دخل في عينك اثناء العمليه
ودكتور العيون هيجي حالا عشان يشيله ويطمن
اسر : تمام
هنا شدت الكرسي وقعدت جنبه
هنا بدموع : ابيه اسر
اسر : هنا !
انتي عرفتي منين
هنا: وصلني تليفون من المستشفي
هنا بعياط : طمني عليك
انت كويس مش كده
اسر : متقلقيش يا حبيبتي
انا هبقي كويس وزي الفل
في اللحظه ديه دخل دكتور العيون
الدكتور : السلام عليكم
الكل : وعليكم السلام
قامت هنا وراحت وقفت جمب حلا
وبدأ الدكتور بفك الشاش
الدكتور : ها يا بشمهندس شايف ايه
اسر : انا مش شايف حاجه
الدنيا ضالمه
الدكتور اجري شويه فحوصات
هنا : خير يا دكتور
الدكتور : بسيطه ان شاء الله
هو الي حصل ان تقريبا في ازاز دخل في عين حضرتك اثناء الحدثه ادي الي جرح في القرانيه سبب عمي
اسر :...........

_____________
ياتري ايه ردت فعل اسر
ومين ورا الحدثه


03-07-2019
#3  

افتراضيرد: رواية أحببت, أحببت كاره النساء بقلمى

الحلقه الثالثه
من روايه " أحببت كاره النساء "

في اللحظه ديه دخل دكتور العيون
الدكتور : السلام عليكم
الكل : وعليكم السلام
قامت هنا وراحت وقفت جمب حلا
وبدأ الدكتور بفك الشاش
الدكتور : ها يا بشمهندس شايف ايه
اسر : انا مش شايف حاجه
الدنيا ضالمه
الدكتور اجري شويه فحوصات
هنا : خير يا دكتور
الدكتور : بسيطه ان شاء الله
هو الي حصل ان تقريبا في ازاز دخل في عين حضرتك اثناء الحدثه ادي الي جرح في القرانيه سبب عمي
اسر بصدمه : يعني ايه !
يعني مش هشوف تاني
الدكتور مسرعا : لا
في امل
الحمد لله ان الجرح بسيط وممكن نعمل عمليه وجلسات علاجيه وان شاء الله هتقدر تشوف تاني
اسر بحزن يحاول ان يخفيه : وده هيبقي هنا ولا بره
الدكتور : الافضل انه يكون بره مصر
لاكن ده بعد تصريح من الدكتوره حلا بإمكانية سفرك
اسر: دكتوره حلا !
مين دي اصلا
حلا ردت : انا يا بشمهندس
وابقي الدكتوره الي عملت لحضرتك العمليه والي مسئوله عن الحاله الفتره ديه
اسر بغضب : نعم !
انا الي يشرف علي حالتي دكتور راجل مش ست
حلا محاوله تمالك اعصابها : ومالهم الستات بقا ان شاء الله
هنا محاوله تهديته : يا ابيه مش وقته
اهم حاجه صحتك
اسر بعصبيه : انا مش هحط مصير حياتي ما بين ايد واحده ست عشان توديني ورا الشمس
حلا : انا مقدره حالتك النفسيه
بس انا بردو الي ماسكه حالتك ومفيش غيري هيمسكها لاني انا مش هوديك ورا الشمس ولا حاجه
انا والحمد لله ناجحه جدا ف شغلي والكل يشهد وحضرتك ممكن تسأل
اسر : اسأل عنك ليه
كونت هتجوزك

قولا واحدا انا مش هيشرف عليه دكتوره ست
حلا كانت هترد لاكن منعتها هنا
هنا : خلاص يا ابيه اهدي والي انت عايزه هنعمله
حلا: ان.....
هنا : بعد اذنك يا دكتوره
عايزه حضرتك بره دقيقه
حلا: حاضر

طلعت حلا مع هنا ووقفوا قدام باب الاوضه
حلا: خير
هنا : انا بعتذر علي الاسلوب السخيف بتاع اسر ده
حلا: لا انا مش زعلانه انا مقدره حالته النفسيه كويس
بس انا مش فاهمه ايه اصراره الغريب علي انو انا ممسكش الحاله بتاعتو انا سوري يعني بس عِند بقي
انا مش هسيب الحاله
هنا : مينفعش اصلها مش حاله نفسيه نتيجه للحداثه
هو كده من زمان ومش هيتغير
حلا: وانا الدكتور ال بدالي مسافر
صدقيني لا ب ايدي ولا ب ايده وانا كمان مصره اكتر اني امسك الحاله واين كان ال هيعملو انا ال همسكها وانا ال هوافق علي سفره او لا
هنا : انتي مصره
حلا : جدا
ولو ممكن لو سمحتي انتي تسيبيني وانا هتصرف معاه
هنا : ارجوكي بلاش
نصيحه مني
ابعدي عن الشر وغنيله
حلا: انا بحب الشر
هنا :
مفيش فايده
انا نصحتك
اهو المريض المريض بتاعك وانتي حره فيه
حلا: متقلقيش انا هدخل اكمل فحص بعد الدكتور ونبدا نشوف هيسافر امتي
هنا : يا خوفي من الي هيجرالك
بس لو ناويه تكملي
الكلام الي يدخل من ودنك ديه يطلع من الودن التانيه علي طول
اللهم ما بلغت اللهم فاشهد
حلا: هحاول بس موعدكيش
الدكتور طلع
الدكتور : دكتوره حلا
حلا: نعم يا دكتور
الدكتور : انا خلصت مع البشمهندس
ومستنين اذن السفر
موضوع حضرتك هتكملي مع المريض ولا لا
ده بقي مهمتك مع المريض
حلا: طيب متقلقش يا دكتور انا هدخله حالا
بعد اذنك
الدكتور : اتفضلي

ومشيت حلا دخلت الاوضه
ودخلت هنا وراها
حلا: دكتور مصطفى قالي انك خلصت فحص معاه ومستني مني اذن السفر
اسر : مستني الاذن من الدكتور الي هيجي مكانك
حلا: اممممم بس احب اقولك ان مفيش دكتور هيجي مكاني
اسر : لا في
دكتور احمد الي هيجي من السفر بكره
حلا: بس دكتور احمد هيمسك الحاله لو انا قلت اني مش همسك الحاله دي بس انا متمسكه ب الحاله بتاعتي وهتابعك للاخر ودكتور احمد مش هيرفض
اسر بعناد : بقي كده
حلا: ايواااا
اسر : بس لو مسكتي حالتي انسي انك تسبيها
حلا: اكيد مش هسيب حاله تبعي ف وسط العلاج يعني
اسر بضحكت استهزاء : يا ريت تفضلي علي كلامك بعدين
حلا: انا مبرجعش ف كلامي يا بشمهندس
اسر بتحدي : بكره نشوف
هنا : ابيه
انا همشي انا بقي لان عندي محضره في الجامعه وانت عارف الامتحانات قربت
اسر : ماشي يا حبيبتي
هنا راحت وباست راسه : ان شاء الله اجي انا وماما بعد العصر
اسر : تعالي انتي بلاش ماما
مش ناقصه حرقت دم
هنا بحزن : حاضر
سلام
اسر : مع السلامه
هنا لحلا : سلام يا دكتوره حلا
حلا: سلام يا هنا
وبصت حلا لاسر ممكن اكمل كشف عليك بقا
اسر : اتفضلي
وبدات حلا تكشف عليه
وخلصت و طلعت تباشر شغلها

عند هنا
روحت هنا عشان تجيب الكتب وتطلع علي الجامعه
وصلت هنا القصر ودخلت لقت فريده قاعده علي السفر
فريده : ايه ده انتي كنتي بره
واكملت بسخريه
الحقي بقي قبل ما اخوكي يقفشك
هنا بعصبيه: انا مبعملش حاجه من ورا اخويا اخويا ال بتتكلمي عنو ف المستشفي وانا كنت عندو وانتي ولا علي بالك
فريده : في المستشفي !
هو اخوكي ده زي البني ادمين
هنا بعصبيه: بصي ابعدي عني انا وهو وياريت متروحليهوش عشان انتي الي هتندمي مش هو وطلعت جري خدت حاجتها ومشيت
فريده بزهق : اووف انا حظي نحس
اذا كان في جوازتي او في عيالي
وقعدت تكمل اكل ببرود ولا كأن ابنها في المستشفي

عند حلا
خلصت حلا المرور علي المرضي
وراحت علي مكتبها
وبعد دقايق لقت الباب بيخبط
حلا : ادخل
الممرضه : دكتوره حلا
في ظابط بره عايز ياخد الاذن عشان يحقق مع البشمهندس اسر
حلا : حاضر
جايه حالا
قامت حلا وراحت علي الاوضه ولقت فعلا في ظابط مستنيها
الظابط : حضرتك الدكتوره حلا
حلا : ايوا يا فندم
الظابط : معاكي المقدم علي شوقي
كنت عايز اعرف اذا كانت حالة البشمهندس تسمح بإستجوابه ولا لا
حلا : اه
الحمد لله الحاله مستقره وتقدر تتفضل
علي : شكرا
دخل علي الاوضه
علي : السلام عليكم
اسر : وعليكم السلام
مين حضرتك
علي : انا المقدم علي شوقي
اسر : اهلا يا حضرت المقدم
علي : اهلا بحضرتك
كنت عايز اسألك كام سؤال كده
اسر : اتفضل
علي : حضرتك بتشك في مين
اسر : حضرتك انا اعدائي كتير جدا
وصعب احط اصبع الاتهام علي حد بعينه
علي : طب مجالكش تهديد قريب
اسر : لا
علي : تمام يا بشمهندس
ارجوا ان لو حصل اي جديد تبلغني
اسر : اكيد طبعا يا حضرت المقدم
علي : سلام عليكم
اسر: وعليكم السلام

ياتري مين ورا الحادثه
وهل اسر هيسيب حلا في حالها
ولا ناوي يطلع عينها
تتبع الحلقه الرابعه.....


03-07-2019
#4  

افتراضيرد: رواية أحببت, أحببت كاره النساء بقلمى

الحلقه الرابعه
من رواية " أحببت كاره النساء "

تاني يوم
عند حلا
كانت حلا مشغوله بالمرور علي المرضي
وجه الدور علي اسر
خبطت حلا علي الباب

اسر : ادخل
دخلت حلا بابتسامه : صباح الخير يا بشمهندس
اسر باقتضاب : صباح النور
حلا : اخبار صحتك ايه انهارده
اسر : زفت
حلا : نعم !
بلعت ريقها وحولت تعديها
حلا : المهم
انا كنت جايه اكشف عليك عشان نحدد معاد السفر
اسر : اتفضلي شوفي شغلك
حلا بدأت تكشف عليه
ولما خلصت
حلا : تمام
طبعا مفيش سفر لحد ما الكسر الي في الرجل يخف ويكون بردوا الجرح بقي احسن
اسر : وده مدته اد ايه
حلا: بص تقدر تقول ظ£ اسابيع
واسمحلك تسافر بعديهالو سمعت كل الكلام ال هقولو وعملت كل ال هقول عليه
اسر : ليه شيفاني عيل المفروض اسمع الكلام
حلا: تسمع الكلام عشان الكلام ف مصلحتك
اسر : لا مش هسمعه
وفي ظرف اسبوع هكون مسافر
انا مش هفضل كده كتير
حلا: مينفعش انا مش هديك الاذن ف مش هتسافر
اسر : بصي بقي
انا اقدر كويس اوي اكلم ادارة المستشفي ومن غير اذنك ده يسفروني
فامش ده جزاتي اني عملك قيمه
وبعدين ديه مستشفي خاصه
وكل الي يهمها الفلوس وبس
ده خير ان دكتور زيدان صاحب المستشفي اعرفه كويس اوي ومش هيرفضلي طلب
واحسنلك يا بنت الناس متعنديش معايا انا
حلا: يا بشمهندس انا مبخفش
اعمل ال تعملو انا مش هسيب حالتك دي حتي لو فيها رفدي
اسر باستهزاء : هههههه لا مش للدرجه يعني
اخد ذنبك ليه
لاكن انا في خلال اسبوع هكون مسافر
ياريت بقي تجهزي نفسك لده
حلا: اجهز نفسي ل ايه !!
اسر : لسفري
حلا: هكرر كلامي تاني وهقول انك مش هتسافر الا بعد 3 اسابيع
اسر : مش هيفيد التكرار في حاجه
وفري كلامك لحد يسمعك
حلا: هنشوف يا بشمهندس
اسر : هنشوف
وخرجت حلا منغاظه
و لقت نهي ف وشها
نهي : صباح الفل يا جميل
حلا: صباح النور
نهي : شكلك اتسحلتي امبارح
حلا: بصي شبه منمتش
وحصل كميه حجااااات
نهي : خير
حلا : تعالي المكتب احكيلك
نهي : تعالي

عند هنا
راحت هنا الجامعه وحضرت اول محاضره وخلصتها وطلعت قعدت في الكافيتريا وفجأه لقت شب قعد معاها علي نفس الطربيز
هنا: نعم فيه حاجه
مازن : انسه هنا
انا مازن شاكر الي معاكي في هندسه
هنا: نعم يعني عايز ايه
هعمل ايه ب اسمك
مازن بتوتر : اناااا انا كنت عايز اقولك يعني ان انا
هنا: انت ايه !
مازن بسرعه : بحبك
هنا وشها جاب الوان
هنا: انا اسفه
بس انا مش من البنات دي ال يحبني هيكلم اخويا عشان يتجوزني تمام
عن اذنك
وسابتهومشيت
لحقها مازن
مازن : هنا استني بس
ارجوكي اقفي
انتي فهمتيني غلط
هناوقفت : مينفعش ملحقتك ليه كدا اتفضلت قول عايز ايه تاني وخلصني
مازن : والله ماكنت اقصد الي انتي فهمتيه
انا عندي استعداد اروح دلوقتي حالا اكلم البشمهندس اسر بس كان لازم الاول اخد رأيك
هنا: لو سمحت انا اخويا تعبان دلوقتي ومش هتقدر تكلمو ولحد ما يخف ملكش علاقه بيا
مازن : لاكن ده مينفعش
انا مطر اسفر بعد الامتحانات
ارجوكي اديني رقم تليفونه وانا هتصرف معاه
هنا: بس انا اسر اخويا عامل حادثه وف للمستشفي
مازن : ايه !
الف سلامه عليه
يعني مفيش امكانيه اني اكلمه خالص
هنا: للاسف لا
مازن : طب هو في مستشفي ايه
هنا: مستشفي...........
مازن : ربنا يقومه بالسلامه
بعد اذنك
اسف لو ديقتك
هنا: اتفضل
لا ولا يهمك
ومشي مازن
وهنا ركبت العربيه وراحت علي القصر

عند اسر
كان قاعد اسر بيفكر في حاجات كتير وفجأه الباب خبط
اسر : ادخل
دخلت سالي
سالي بشماته : الف سلامه عليك يا بيبي
اسر بغيظ : ايه الي جابك
سالي: الله يا اسر مش حبيبتك من حقي اطمن عليك
اسر : لا مش حبيبتي
ولا تكوني متخيله اني معرفش مين عمل فيا كده
سالي: ما انا قلتلك يا بيبي ال بياعديني بيندم
بتحدي : ومين قال اني ندمان بالعكس
ا خير ا جه اليوم الي مشوفش فيه خلقتك
سالي: بس تخيل كدا كل الناس تشفق عليك بعد كدا لانك بقيت اعمي
حتي اختك هتعمل. كل حاجه من وراك ومش هتعرف لانك اعمي
وضحكت جامد
اسر بثقه : اختي عمرها ما تعمل كده
وانا واثق فيها جدا
اما بقي علي الشفقه فديه محتاجها الي زيك الي عنده عنين ولسه مبيعرفش يشوف
ويلا من غير مطرود
في الوقت ده الباب خبط
اسر : ادخل
دخلت حلا
حلا: لو سمحتي ممكن تستني برا عشان هنغيرله علي الجرح
اسر : لا متستناش
ديه تخرج ومترجعش تاني
سالي بغيظ : ماشي يا اسر
بكره الايام ما بنا كتير
وطلعت سالي بغيظ من الاوضه
حلا: يا بشمهندس العصبيه دي غلط عليك انت لسه خارج من العنايه
اسر : هو انتي مش شايفه العالم الي بتعامل معاهم
حلا:لو مدايقاك ممكن امنعها من دخول المستشفي هكلم السيكورتي ميدخلوهاش عادي احنا اهم حاجه عندنا راحه المريض
اسر : يبقي خير ما فعلتي
حلا: تمام الاول بس نغير علي الجروح بتاعك وبعدين هطلع اكلمهم
اسر : ماشي
بدأت حلا تغير علي الجرح وبعد مده قصير خلصت
حلا: انا خلصت كدا كمان شويه انا هسلم الشيفت بتاعي لدكتوره نهي وبكره الصبح هكون عندك عشان اطمن علي حالتك
اسر : نعم!
حلا: ايه فيه ايه
اسر : لا انا مليش لي شغل تبديل الدكاتره ده وطلاما مسكتي حالتي يبقي تبقي موجوده بالليل زي النهار
حلا:انا موجوده من امبارح الصبح وسيادتك لما جيت انا فضلت ف العمليات كام ساعه وطلعت فضلت كل شويه اباشر حالتك يعني ايه موجوده ليل ونهار لنا يا دوبك هروح كام ساعه وارجع 8 الصبح
اسر : ماليش فيه
حلا بغيظ: ماشي يا بشمهندي همسك شيفت بليل
واكملت بتريقه اي اوامر تانيه
اسر : لا
طلعت حلا منغاظه من اسر
واسر مبسوط من انه ديقها
وشويه فكر في كلام سالي
اسر : لا لا
هنا مستحيل تعمل كده
مستحيل هنا تخدعني

عند حلا
خرجت وبلغت السيكورتي ان سالي متدخلش تاني المستشفي وراحت المكتب عند نهي
دخلت حلا
حلا : نهي
نهي : نعمين يا ست حلا
حلا: روحي انتي
انا ال همسك شيفت بليل
نهي : ايه!
ليه يا بنتي
انتي نويتي تنتحري
حلا: يا ستي الراجل ال جه امبارح وفضلت ف العمليات معاه كام ساعه شايف نفسه ومتحديني وشادين مع بعض ف الكلام هو مش عايز ست تمسك حالته لانه معتقد ان الستات هتوديه ف داهيه وانا صممت امسك حالته ف هو اصر اني مش هروح مدام ماسكه حالته ف هفضل موجوده وهنام ف المكتب بقا
نهي : ياعيني يا بنتي
وبعدين يا حماره ليه اتمسكتي بحالته
الي زي اخينا ده هيمرمطك
حلا:لازم اثبتله ان الستات مش فاشله زي ما هو متخيل
نهي : اه
طيب يا ختي الله معك
انا هروح اعدي علي المرضي اخر مره وهمشي عايزه حاجه
حلا: لا شكر يا حبي
مع السلامه
نهي : سلام
مشيت نهي
وقعدت حلا علي المكتب ترتاح شويه

___________
ياتري سالي لوحدها سبب الي حصل لاسر
ولا في حد تاني
وايه موضوع مازن وهنا ده

تتبع الحلقه الخامسه رايكم يهمني فضلا وليس أمرا


03-07-2019
#5  

افتراضيرد: رواية أحببت, أحببت كاره النساء بقلمى

الحلقه الخامسه
من روايه " أحببت كاره النساء "

تاني يوم
عند مازن
صحي مازن علي صوت المنبه
قفله و قام اتوضي وصلي فرضه ونزل
كان والده قاعد بيقرأ الجريده
مازن: صباح الخير يا سيادة اللواء
شاكر: صباح النور يا بشمهندس
ايه نموسيتك كانت كحلي امبارح ولا ايه
مازن: اه
موضوع الجواز ده منحس معايا اوي
شاكر: ليه!
هنا موافقتش ولا ايه؟
مازن: لا هي مدتش قرار اصلا
شاكر: امال
مازن: اخوها عامل حداثه جامده ومش هعرف افتحه في الموضوع
وانا كلها شهر وهخلص الامتحانات وبعدها علي طول هسافر
شاكر: وانت هتعمل ايه
مازن: هاروح ازوره في المستشفى
واقوله علي الي حصل ما بيني وبين هنا في الجامعه وان قصدي كله جواز
علي الاقل يبقي عنده فكره
زي ما بيقولوا
نص العمي ولا العمي كله
شاكر: ههههههه
ياعيني علي الحلو لما تبهدله الايام
مازن: ههههههه
انا هطلع بقي اغير هدومي واطلع علي المستشفي
شاكر: ماشي يا بني
ربنا معاك
مازن: يا رب

عند اسر
كان اسر قاعد علي السرير بيفكر
شويه والباب خبط
اسر: ادخل
دخل مازن وفي ايده بوكيه ورد
مازن : سلام عليكم
اسر : وعليكم السلام
مين حضرتك
مازن : انا مازن شاكر زميل الانسه هنا في الجامعه
اسر بصدمه : هنا !
خير
مازن قعد جنب اسر علي الكرسي وحط بوكيه الورد علي الطربيزه
مازن : الف سلامه علي حضرتك
وان شاء الله شده وتزول
اسر: الله يسلمك
شكرا
خير
كنت عايز حاجه
مازن : انا عارف يا بشمهندس انه مش وقته الكلام ده لاكن....
قطعه اسر بعصبيه : انطق قول عايز ايه من هنا اختي
مازن بخضه : والله ابدا ما عايز منها حاجه
مازن وحاول يهدي من الخضه
مازن : انا اعرف الانسه هنا من سنه ظ£ بحكم اننا في كليه واحده لاكن والله ما كلمتها ولا هي كلمتني
ماعدا انهارده
اسر في دماغه : معقول كلام سالي مظبوط
مازن بيكمل : انا روحتلها بعد المحاضرات في الكافيه ووواعترفتلها بحبي ليها
اسر بغضب : نعم !
مازن بسرعه : نفس الي هي عملته
لاكن والله انا قصدي شريف
انا كنت عايز اتجوزها وحولت اوصل كتير لحضرتك لاكن معرفتش فأطريت اقول للانسه هنا
اسر بأرتياح : يعني الموضوع كله جواز
مازن : اه
اسر : الله لا يريح قلبك يا شيخ
وقعت قلبي
مازن : ملكش حق يا بشمهندس
ده الانسه هنا مثال للادب والاخلاق
وتبقي ادتني كنز لو وفقت علي الجواز
اسر : هكلمها في الموضوع ده وبعد كده هرد عليك
مازن بفرحه : تمام
ربنا يخليك لينا يا بشمهندس
والف سلامه عليك مره تانيه
اسر بابتسامه : الله يسلمك
مازن : اسيبك عشان ترتاح
وادي رقم تليفوني علي الطربيزه
سلام عليكم
اسر : وعليكم السلام
طلع مازن من عند اسر مبسوط

عند هنا
صحيت هنا من النوم وكانت مدايقه جدا لعدن وجود اخوها وسطهم في البيت
قامت التوضت وصلت وغيرت هجومها ونزلت راحت عند اسر
وصلت هنا المستشفى
ركنت العربيه وطلعت
وهي طلعه لمحت مازن
لاكن مازن كان راكب عربيه ومشي
هنا: هو ده مازن ولا انا بيتهيألي
اكيد بيتهيألي هو ايه الي هيجيب هنا
طلعت هنا وخرجت علي الباب
اسر: ادخل
دخلت هنا
هنا بسعادة: السلام عليكم يا احلي اخ في الدنيا
اسر بابتسامه: وعليكم السلام يا ست هنا
هنا: ها اخبر صحتك ايه دلوقتي
اسر: الحمد لله
هنا: الحمد لله
هنا لمحت الورد الي جنبه
هنا: اش اش اش
مين الي جبلك الورد الشيك ده
اسر بطريقه: حبيبة القلب
هنا: وسعت منك ديه
هههههههههه
اسر بهزار : برا يا هنا
اصل انا مش ناقص
مش هيبقي عيني والمرارة
هنا: هههههههههه طب طب استني
كنت عايزاك في موضوع
اسر: خير
هنا بدأت تحكيلها كل الي حصل في الجامعه مع مازن
هنا: بس ودا كل ال حصل امبارح
اسر : طيب ما انا عارف كل ده
هنا: عارف!!!
منين؟
اسر : مازن جالي انهارده وحكالي علي الي حصل وطلب ايدك مني
هنا اتصدمت وفي نفس الوقت خايفه من ردت فعله
هنا:بس انا والله يا ابيه اديتو اسم المستشفي عشان بس يحل عني عشان ميكلمنيش ف الجامعه وانت عارف اني مبكلمش حد
انا ا انا مكنتس اعرف ا انو هيجي و.......
اسر : بس بس بس انا مش مدايق انه جه المستشفي
هنا: امال؟
اسر : بالعكس احترمته واحترمت اختي انها مدتوش فرصه حتي انه يتكلم معاها
هنا: بس يا ابيه يعني دا واحد مجنون حد يجيي ليك وهو عارف انك تعبان اصلا
اسر : اقلعي المسك ده ية هنا ده انا اخوكي
بزمتك مش فرحانه انه جه
هنا ارتبكت: م ما ما ما هو اصل يا ابيه
يعني كان حتي يعني يستني لما تخرج من المستشفي
اسر : انتي تعرفي عنه ايه ياهنا
ومن غير لف ولا دوران
هنا بكسوف : الي اعرفه
انه اسمه مازن شاكر في اخر سنه هندسه وبيطلع علي طول من الاوائل ومن المرشحين للسفر في بعثات علميه للخارج ده طبعا
لو فضل محافظ علي مكانته بين الاوئل اخر سنه
اسر : ده انتي متابعه اخباره بقي
هنا بسرعه : ابدا والله
ده الي انا بسمعه يعني
اصله مشهور ما بين الطلبه لنشاطه وجدعنته وتفوقه في الدراسه
اسر : طيب تمام
هنا بتردد : و وانت يعني ايه ايه رايك يا ابيه
اسر : انا طبعا رفضت
انتي لسه بتدرسي
هنا: ايه!!
وسكتت شويه
واكملت بخيبه امل خلاص: الي تشوفك يا ابيه
اسر ضحك : ههههههههه
والله وكبرتي يا هنا وعايزه تتجوزي وتسيبينا
علي العموم يا ستي انا سبتها مفتوحه والقرار حاليا يرجعلك
هنا انكسفت ووشها جاب الوان
هنا: ا انا مينفعش اخد قرار الا لما انت تخف وتبقي كويس
ساعتها نبقي نفكر سوي
اسر : انا لسه قدامي موال علي ما اسفر واعمل العمليه واخد الجلسات وارجع يبقي فيها شئ طويل
انا عايز قرار حالا
هنا بكسوف : خلاص يا ابيه
حضرتك خلي حد يسال عليه ولو كدا يعني يبقي رأيك هو المهم عندي
اسر : متأكده
حتي لو رفضت
هنا بخضه وصوت عالي نسبيا : نعم !
هنا حاولت تلم نفسها : اقصد يعني هو حضرتك ممكن ترفض!
اسر : هههههه ايه هتكليني يا هنا
علي العموم متخافيش ياستي انا مبدأيا شبه موافق
هنا حست انها لو بعدت اكتر من كده ممكن تقلب طمطايه من كتر الكسوف : طيب يا ابيه
انا همشي عشان عندي مذاكره وهاجيلك بكره ان شاء الله
اسر : ماشي يا حبيبتي
خلي بالك من نفسك
هنا: حاضر متقلقش عليا مبمشيش من غير البودي جارد ال كنت مخليه يرافقني كل حاجه زي ما هي مفيش حاجه اتغيرت♥
اسر : انا واثق من اختي ده مفيش شك فيه
هنا: يلا ارتاح انت انا ماشيه سلام
اسر : مع السلامه
مشيت هنا وحس اسر بالملل فقرر انه يدايق حلا وطلب من الممرضه تنادي لها

عند حلا
كانت حلا مرهقه جداا بسبب اللف علي المرضي من اول اليوم وقله النوم فسندت راسها علي المكتب ونامت ومفيش ربع ساعه والباب خبط
حلا بتعب: ادخل
الممرضه : دكتوره حلا
المريض الي في اوضه... طالب حضرتك
حلا بتزمر: شكلي مش هخلص
خلاص روحي انتي يا نهاد وانا هروحله
الممرضه : حاضر
وقامت بتعب وراحت عند اسر و خبطت علي الاوضه بتاعته
اسر: ادخل
دخلت حلا
حلا: الممرضه قالت انك طالبني
خير
اسر برخامه : مش عارف كده حاسس اني زهقان وملان كده
حلا: ايوا يعني انا اعمل ايه مش فاهمه
اسر بمكر: الله مش الدكتوره بتاعتي
اتصرفي
حلا بعصبيه مكبوته: حضرتك انا دكتوره مش اراجوز
اسر بغضب مكتوم معتقدا انها تقصد تجرحه : يعني انتي لو كنتي اراجوز كنت هشوفك اصلا
حلا بندم علي الكلمه: انا مقصدتش حاجه بس انا مش فاهمه ايه المطلوب مني دلوقتي
اسر : الدكتور زيدان
هيجي امتي المستشفي
حلا: بكره ليه
اسر: اول ما يجي تقوليله ان بشمهندس اسر الرفاعي عايز يقبلك
مفهوم
حلا: حاضر اقدر امشي بقا ولا ايه
اسر : اتفضلي
حلا طلعت برا وجعت مكانها حطت راسها علي المكتب ونامت بتعب

عند هنا
روحت هنا البيت وكانت فريده قاعده مع صحابها
اول ما دخلت هنا
فريده : اهي هنا جت اهي
تعالي يا هنا
جت هنا نحيتهم مطره: مساء الخير
سهير : تؤ تؤ تؤ يا فيري
معقوله ديه بنتك
ايه الي هي لبساه ده
ده مش علي الموضه
ناهد : ولا ايه الي انتي لبساه علي راسك ده
تؤ تؤ تؤ
مش ممكن تكون ديه بنت فيري ابو العزم
فريده : قوليلها يا سهير
احسن هي مش بتسمع كلامي ومشيه وراه اخوها
هنا بعصبيه: ياريت محدش يتدخل ف حياتي الوحيد ال ليه التدخل ف حياتي هو اخويا اسر
غير كداااا ياريت كل واحد يخليه ف حاله
وسابتهم وطلعت
فريده : اووووف غبيه زي اخوها
وكملت فريده هزار وكلام مع صحابها وهنا طلعت اوضتها ورمت شنطتها علي الارض وقعدت تعيط
هنا: يا رب يشفيك يا اسر يا رب
انا مليش غيره يا رب

_____________
يا تري فريدة هتوافق علي مازن
ولا هيبقي ليها رأي اخر
ومين دكتور زيدان ده
ويا تري دوره ايه في قصتها
دا بقا اللى هنعرفه الحلقه الجايه




الكلمات الدلالية (Tags)
أحببت, النساء, بقلمي, رواية, كاره

أدوات الموضوع

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
رواية الوحش الثائر بقلم اية محمد كاملة ,رواية احفاد الجارحى اميرة نفسى المنتدى الأدبي 1 03-06-2019 04:42 AM
رواية حياتي بين يديك .. بقلمي ^^ ♥mnoon♥ قصص - حكايات - روايات 20 09-26-2018 01:13 AM
روايات شهرزاد,روايات ادبية,اراقص القمر,رواية تراقص القمر,رواية ابواب الجحيم بال مون,رواية دموع سوداء موجوع قلبى المنتدى الأدبي 5 09-10-2018 08:20 PM
أنت مع من أحببت بحلم بالفرحة منتدى العالم الاسلامي 2 04-18-2018 07:20 PM
غرف نوم بنات كيوت الوان محببة للصبايا غرف نوم بنات رائعة و جديدة استايلات غرف نوم مختلفة تعشقها بنات فخامة ملكة غرف نوم 2018 3 04-08-2018 12:21 PM


الساعة الآن 09:22 PM.


Powered by vBulletin Version 3.8.8 Alpha 1
Copyright ©2000 - 2019, Jelsoft Enterprises Ltd Trans
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2019 DragonByte Technologies Ltd.

خيارات الاستايل

  • عام
  • اللون الأول
  • اللون الثاني
  • الخط الصغير
  • اخر مشاركة
  • لون الروابط
إرجاع خيارات الاستايل