- مطبخ عالمك
- ازياء موضة واناقة
- الرشاقة والرجيم
- صور
- رعاية الام والطفل
- الأعمال والاشغال اليدوية
للنساء فقط
معاملة الازواج
كيف تكون معاملة الزوجة لزوجها,كل ما يخص حياتك الزوجيه,ازاى تجددى حبك زوجك لك,ازاى تكسبى قلب زوجك.
نسخ رابط الموضوع
https://vb.3almc.com/showthread.php?t=8750
#1
~{ مشرفة ملابس ازياء موضة وأناقة }~
السر اللي غير حياتها ورجع ليها زوجها
قابلتنى ست متجوزة بقالها 15 سنة ومعاها 4 اطفال سنها لسه مش كبير وشكلها كمان لسه مش كبير بالعكس دى ست في منتهى الشياكة والأناقة طبعا ضمن حدود الزى الشرعى لما أتكلمت معاها لقيتها حد مثقف جدا وفاهم جدا ومدرك جدا لكل حاجة حواليه واحنا قعدين دخل علينا رجل في الأربعينات وأول ما دخل مسك ايديها وباسها وقالها يلا جاهزة قالتله اودامى لسه نص ساعة قالها هنزل استناكى تحت النص ساعة دى طبعاااا كلنا دلوقتي حال لسانا بيقول يا بختك ويا حظك
هى الست كمان بصراحة كانت لماحة جدا وفهمت من تعبيرات وشي انا بفكر في ايه ولقيتها بتضحك اوى وبتقولى على فكرة جوزى ده اتجوز عليا 3 شهور واتطلقت منه 6 شهور ورجعنا لبعض تانى وبقا الوضع زى ما انتى شايفة كده قولتلها نعممممم طيب ممكن أفهم
قالتلى انا هفهمك بصي يا ستى انا عشت 13 سنة من جوازى معرفش فيهم غير بيتى وجوزى وولادى اتجوزت بعد الجامعة على طول أصحابى كلهم اشتغلوا بس انا زوجى رفض وفي 8 سنين كنت خلفت ولادى الا4 وطبعاااااااا اتطحنت في خدمتهم ومكنتش ببقا متضايقة قد ما كنت تعبانه جسمانيا فعلا ومع الوقت والمسؤلية وأنهم 4 اطفال ليهم التزامات ده كمان خلى زوجى مضغوط ماديا لأنه كان بيفرغ ضغطته دى فيا كنت طول اليوم اتخانق مع ولادى
فا بقيت حد عصبى لدرجة الانتحار .......
كان يومى انى أقوم من النوم اصحيهم وافطرهم والبسهم وانزلهم مدارس وارجع انضف واروق وافطر زوجى وانزله وبعد كده اسااابق الزمن في تخليص اللى ورايا من اكل وشرب وتنضيف وترويق ومذكرة ومرواح تمارين ويرجعوا بليل يقفلوا يومهم ويناموا
والاقينى بصلى وانا قعدة من كتر التعب مع انى واقفة على رجلى طول اليوم
تعبت وانهكت نفسيا وجسديا ومعنويا كنت بحاول اريح وارضي زوجى و اولادى بكل طاقتى ولا كانوا بيرضوا ولا كانوا بيرتاحوا وفجأة وقعت من طولى وقضيت أسبوعين في المستشفى بيحاولوا يعرفوا عندى ايه و محدش عارف غير انى مش ببطل عياط يمكن حتى انا نفسي مش عارفة ليه وطبعاااااااا
بعد فحوصات مريرة طلع عندى اكتئاب حاد وبدأت اروح لدكاترة نفسيين في الفترة دى عرفت ان زوجى متزوج من زميلة له في الشغل ولما قولتله انى عرفت قالى انتى السبب انتى بقيتى عايشة علشان نأكل ونشرب ونلبس وننام وبسسسسسسسس لكن احتياجتنا النفسية ليكى فين انتى نسيتيها ومشيت من اودامه وانا عاملة زى المضروب على دماغة ولسان حالى بيقول كماااان بعد كل التعب ده انا السبب انهم بيضيعوا منى
و كانت هنا الوقفة الكبرى مع نفسي ازاى كنت بحبهم بس خسرتهم ازاى كنت باجى على نفسي لدرجة التحطيم ومع ذلك شايفنى السبب ازاى جريت كل الجرى ده ورا مصلحتهم والآخر بيلومونى ووصلت لسبب وحيييد وأول واخير وهو ان غلطتى الكبرى انى حبتهم اكتر ما حبيت نفسي حبييتهم لدرجة أنى هونت عليهم ااااااه ااااه هونت عليهم هونت عليهم لانى هونت على نفسي قبلهم وبدأت صحوة هو انا فين مش هقولك بقا تخنت وخسيت لا خالص بالعكس انا وصلت لمرحلة الجسم الهزيل اللى من أقل مجهود بقا بيقع. ....وطبعا اوحشيت جدا وشكلى بقا مجهد ومرهق على طول بدأت ادخل ادور في دولابى على لبس انزل بيه اكتشفت أن بقالى 6 سنين مجبتش لبس جديد عندى كام عباية بلبس فيهم وخلاص ومعنديش غير شنطة واحده وطبعا متبهدلة جدااا
وفجأة اكتشفت أن معنديييش اى حاجة لا برفان ولا مكياج ولا طرحة حتى جديدة بس انا كنت بقول اصلى بفضل الله لابسة الزى الشرعى يبقي هحتاج برفان ليه و اكتشفت بعد كده أن زوجى اتجوز تانى بسبب برفان زميلته. .... كنت حاطه لنفسي كل الأعذار اللى ممكن تتخيليها وتخلينى ضميرى مرتاح في إهمالى لنفسي لدرجة أنى في يوم كنت بوصل ولادى عيد ميلاد ناس اصحابهم وولادى رفضوا انى انزل من العربية مش لأنهم مكسوفين منى حاش لله بس لأن بقا فى فرق كبييير اوى بينى وبين المكان اللى هما فيه
كنت عاملة زى الشخص اللى عنده سمنة والدكاترة قالوله لو ما خسيتش هتموووت ومع ذلك بياكل اكتر من الاول وبيقنع نفسه أنه مش هيموت ناقص عمر وان لكل أجل كتاب بس نسي أن ربنا هيسأله عن صحته ونفسه وانى ما اروحش ادخل في حيطة بعربيتى وأقول أصله أجل
وبدأت أعمل لنفسي ساعة واحدة في اليوم ساعة واحده من ال24 ساعة ساعة واحدة اعمل فيها اى حاجة خاصة بيا انا بس بتاعتى انا بس سواء رياضة أو خروج أو حتى نوم المهم أن فيه ساعة فصلاااان ليا في اليوم بدأت اخد الساعة دى في حاجة تبان أنها بسيطة اوى بس ادام غيرت حياتى وحياة اللى حواليا كنت كل يوم بنزل امشي حوالين البيت ساعة 60 دقيقة بالظبط بقفل فيهم تليفونى وبسيب العربية وكل حاجة وأنزل فى الاول ولادى استغربوا العادة دى جدااااا وكمان قاوموها كتييير بحجة انك هتسيبينا لوحدنا يا ماما وفعلا كنت ببقي مش عايزة انزل واسيبهم بس القرار اللى خدته جوايا كان أقوى من اى ضعف قررت استعيد نفسي ولما خدت القرار ده وقتها مكنتش اعرف انه لما اوصل انى استعيد نفسي هلاقينى استعدت كل حاجة من أول حياتى وصولا لاولادى وزوجى اللى اتجوز كمان
وفعلا بدأت امشي كل يوم ساعة أفكر وأفكر وأفكر وأعيد حساباتى وتخيلى مثلا انى اكتشفت أن الشوارع اتغيرت تماما وانى بقيت بتووه مع انى كنت حافظة البلد وولادى فى الوقت ده كانوا خلاص بقوا يسكتوا وانا نازلة وبطلوا يعترضوا بالعكس كمان انا كنت بنزل وبرجع الاقيهم معتمدين على نفسهم تماما في الساعة دى ولأنهم كانوا بيلاحظوا انى نفسيا أهدى وأحسن وصلت انهم في يوم من الأيام رجعت لقيتهم مروقين البيت وحاطين فيه بخور وهما عارفين انا بحب العادة دى قد ايه بدأت ابقي احسن واهدى ونومى بقا احسن ويومى انتظم تماما وبدأت انظم حياتى على مبدأ واحد فقطططططططط وهو انى مش هشيل تانى فوق طاقتى اياااا كان السبب
بدأت في الساعة بتاعتى دى انزل اشترى لبس و برفانى القديم اللى كنت بموت فيه دورت عليه واشتريته و اشتريت حاجات كتييير كنت بطلت اجيبها من زماااااااان و بطلت أقف في المطبخ طول اليوم عملت جدول للأسبوع يوم بناكل فيه عند امى والباقي يوم جوه البيت ويوم سندوتشات خفيفة ويوم ولادى كانوا بيعزمونى
وهكذا من الاخر عشت بمبدأ نحن قوم نأكل لنعيش . لا نعيش لناكل. ...
بدأت اخد رأى ولادى في كل حاجة لبسي شكلى اكلى فابالتالى هما كمان بدأوا ياخدوا رأيى في كل حاجة وبقيت انا وولادى أصحاب و لسه زى ما انا بنزل امشي كل يوم الساعة واستغفر واقرأ قرءان حفظاه أو اقول الأذكار المهم أن ليا مساحتى الخاصة حتى لو كانت ساعة
في الفترة دى زوجى اتصل بيا و قالى انه ندم انه سابنا وأنه من يوم ما انفصلنا وهو تعبان وأنه اكتشف قد أيييه انا كنت متحملة المسؤلية كلها وأنه مقدرش يتاقلم مع زوجته الحالية لانها مش شاغلة بالها غير بنفسها وبس واترجانى أوافق نرجع لبعض وطبعا قولتله سييبنى أفكر بس انا من جوايا كنت مقررة اسامحه لانى فعلا أتحمل جزء كبير اوى من الوضع اللى وصلناله
وكل ده وانا مكملة على عادة ساعة لنفسي كل يوم فى الساعة دى اتعرفت على أمهات أصحاب ولادى وكونت علاقات جديدة وبدأت كمان ادور على أصحابى القدام ورجعت اتواصل معاهم تانى ورجعت اعرف اضحك تانى ورجعت بفضل الله اعرف اصلى وانا واقفة تانى و ولادى بقوا احسن من الاول مليون مرة مع انى بعمل يمكن أقل من نص المجهود اللى كنت بعمله الأول بس بقيت المجهود وفرته لنفسي واشتغلت على نفسي وابتديت اقرأ كتير وافهم كتير واكتشفت أن كان فايتنى كتير اوى ولادى بقوا بيحبوا وجودى معاهم فى أى مكان بيتى بقا اروق بكتييير وزى ما قولتلك بنص المجهود نفسيتى أهدى وأحسن كتير من الاول اتعلمت التفصيل وولادى شجعونى جدا و بقيت اتريق على شغلى في الأول بس حاليا بفضل الله أملك دار ازياء للمحجبات لا بأس بها
و زوجى رجعلى وطبعا برضه في أول رجعونا قاوم فكرة أن ليا مساحتى اللى بعيد عن البيت والولاد وهو نفسه بس مع الوقت ومع أنه شاف قد ايه الساعة الخاصة بيا في اليوم غيرت حياتنا بقا يتعامل معايا أن لو الساعة دى هتخلى ال23 ساعة الباقيين حلوين يبقي خلاص مش مشكلة :
يعنى من الاخر انا دفعت تمن حياتى من الاول للآخر من أول ما اتجوزت لحد اللحظة اللى شوفتى فيها زوجى وهو بيبوس ايدى من شوية انا دفعت تمن اختياراتى كلها من أول ما كنت بمووووت نفسي علشان خاطر بيتى وولادى وخسرتهم وخسرت نفسي عن جهل منى وصولا لحد ما اتعلمت انى علشان اكسبهم لازم اكسب نفسي الأول وانى ليييه زعلت منهم لما هونت عليهم اذا كنت أنا هونت على نفسي الأول
يا جماعة نشيل اااه لكن نقطم ضهر نا لا ولادك وحياتك وزوجك يستاهلوا اااه بس كمان قبلهم نفسك
وزى ما قولنا حبى الحاجة اااه لكن ما تخسريش فيها نفسك
اصنعى لنفسك فصلة من الزمن والناس استعيدى فيها كيانك علشان تقدرى تكملى
واعرفى انك لو موتى فعليا بسبب الضغط النفسي اللى انتى حاطه نفسك فيه مش هتخسري لوحدك وهتبقى عاملة زى الدبة اللى قتلت صاحبها
التضحية زى اى حاجة فى الدنيا سلاح ذو حدين
حبى نفسك ساعة واحدة فى اليوم
المصدر : منتدي عالمك - من قسم معاملة الازواج
من مواضيع : اميرة نفسى
- باقات ورد للعروس بألوان الباستيل موضة 2019
- لو عندك شراب قديم تعالى اقولك تعملى ايه بى,افكار جديده للشرابات القديمه,اعادة تدوير الشرابات 2019
- شوربة السمك بالخضار ، طريقة عمل شوربة السمك بالخضار
- صور اسلامية 2019,صور ادعية اسلامية,صور دينية,صور ادعية مكتوبة,صور خلفيات اسلامية,خلفيات اسلامية
- صور كوتشى للمدارس 2018,كوتشى للبنات 2019,صور جم جميله مودرن 2018
| الكلمات الدلالية (Tags) |
| أيها, اللى, الشر, حجابها, زوجها, غير, ورجع |
«
الموضوع السابق
|
الموضوع التالي
»
|
|
المواضيع المتشابهه
|
||||
| الموضوع | كاتب الموضوع | |||
| تخلص من العادة سرية في يومين ، كيف اترك العاده السریه للبنات ، علاج العاده السریه عند البنات | ساحرة الشرق | |||
| كيف اترك العاده السریه،كيفية التوقف ممارسة العادة السرية،علاج اثار العاده السریه عند البنات | ساحرة الشرق | |||
| شعر عن الأخ,افضل ما قيل عن الاخ,أجمل شعر عن الأخ | ام يوسف | |||
| طرق تفيد الام العاملة في تنظيم حياتها مع اولادها | البنت شادو | |||
| وبدأت تحتضر أيها المستقيم | ساحرة الجنوب | |||
الساعة الآن 10:24 PM.